極上千島櫻海景放題 (已結業)

早前聽朋友介紹食日本放題，一入到門口，當时晚市6點，唔多人，前枱接代小姐低頭做緊野，我不便打擾，就企係度等左陣，前格小姐仍然冇理到我，我講左幾聲唔該，佢先抬頭問我幾位，態度唔係咁好。一樣還一樣，食物係ok既，剌身新鲜多選揀，壽司都好正，細細舊易入口。另外. 場内的待應態度都好有禮貌的。只係前枱態度倒米而已。

阿仔生日食放題, 第一次係度食, 價錢合理, 食物種類唔算多, 但刺身種類ok, 上算新鮮, 其他仲有壽司, 軍艦, 燒物, 熟食等。 飲品又係唔算太多選擇, 但都有梅酒, 青酒比你選擇! 生日預早一日預訂仲有生日蛋糕送同有折。 我地雖然冇預訂, 但一家四口有95折! 我地坐係窗邊嘅卡位, 坐位好闊落, 又可以睇到海景, 坐得好舒服! 食放題最緊要係咩? 就係唔會比人趕, 可以慢慢食, 我地由7點幾坐到9點幾, 食飽先慢慢埋單! 唯一唔係咁好嘅就係有少少嘈, 音樂大聲咗啲!

刺身質素差不太新鮮， 炸物尚可， 服務員服務態度殷勤， 但工作流程有點奇怪， 收取客人食物碟後但沒有補回， 要客人自己去取回另一隻，這是什麼服務， 本人從來未試過這種體驗，不會再光顧此店。

Nice Harbour View💙 Japsnese All You Can Eat🍣🥢..有諗過荃灣西，會有一處海景放題嗎❓ 悄悄告訴你。。位於海之戀內，有一間主打日式放題，裝修以日式和室風為主，面向平靜既海邊🌊，環境寬敞 空間感十足，而且設室內 & 戶外位置用餐，倍感捨意。以全新面貌開業喇‼️ 🥳枱與枱之間分隔有一段距離，亦絕不搭枱❌，確保每枱客人都有足夠既空間位置。就算2人亦安排到大枱，亦設2邊戶外用餐空間🍽，十分開揚舒服。秋天坐Outdoor ⛱ 更加Chill 呢。餐廳供應食物種類亦不少，款款新鮮 (刺身仲有拖羅🐟 都係all you can eat) 而且價錢不貴，主理既師傅👨🏻‍🍳 都over 10 以上經驗，絕對有一定水準呢。新店仲做緊優惠，設有特價時段全單88 折😍，真係好吸引啊。每日新鮮劏三文魚🐟；特色Sushi 由師傅調配，心機之作 亦用心製作。除左用手機📲QR Code 下單，亦設有半自助bar, 感受到Buffet 既感覺。仲有仲有，鐘意飲酒既朋友👉🏻 紅酒🍷 可加配喔。午市12:00 -15:00, 亦有Set Menu 添選擇多多 係少有既海景放題🥢 舒服

食午市放題，客不多，坐近窗口位，有個所謂嘅海景睇，算舒服。食物質素一般，不過最失望2人點咗第一輪刺生蝦，甜蝦，虎蝦（各6隻），其實不算多，第二輪，第三輪再落蝦已沒有再嚟。如果對食蝦無要求可以去，反之喜歡食蝦要考慮清楚，免失望。

今日同好姊妹來食放題😋😋😋😋！魚生十分新鮮，服務好，選擇多，麻辣牛舌好好味！有清酒、梅酒、各款汽水。雪糕選擇多。Came here with my girl friend for buffet lunch! The sashimi was fresh, lots of selection, even their appetizers were good! I enjoyed the spicy ox tongue, the wide selection of alcohol, ice cream, and hot food.

一個月後再經由Open Rice訂枱，雖然店名已改，但整體佈局一樣，似乎多咗啲熟食。食物：刺身最好，全部都有點選，每樣刺身都好新鮮！而且食物送上枱夠快！熟食羊架，串燒都唔錯，但就有個別有啲唔啱個人口味。飲品種類多過以前。環境：坐得闊落唔迫，有大海景望到，人都感覺舒適又Relax！職員態度有禮貌，反應夠快。但執枱的可能係初哥，有待改善😅。QR Code手機落單好方便！現在特價時段只能有88折。希望餐廳能提供多些優惠！😆

午巿想試下新野 千島櫻有點意思set lunch 叫左個天婦羅定食仲要有6件刺身跟上 （油甘魚 三文魚 吞拿魚）天婦多有驚喜 炸粉唔太厚夠熱夠脆 3隻蝦 2南瓜 2秋葵 2蟹柳 2果啲蕃薯仔再加海景觀 78+10%係邊度搵下次可以試埋其他

國慶假期諗住去慶祝一番，自助餐都滿座。見到呢間新餐廳，仲要有海景，就試下啦。一入嚟，係對住個海的。好似唔錯。QR code 落單，又好方便喎⋯⋯ 啲嘢食一到，咁少嘅。。。好似唔係我order 果啲。唔緊要，照食。刺身種類少，唔太新鮮。同同區的放題店比較都遜色咗啲。失望。。。炸物，燒物，壽司種類少。失望。有待改善總結：我諗我有排都唔會來。注意：每一次落單要隔3分鐘。備註：唔好意思，新開的店要俾個負評，希望會有多少改善。

2021年9月19日星期日同阿妹老公姨甥入來食Buffet, 當晚8:40到達, 因為限聚令關係，知道祇食到10點, 都冇所謂反正阿妹請；點知入到去場面冷清食物所剩無幾，有幾盆熟食都已經差不多俾人食晒，例如三文魚得返啲魚骨點食呀？西蘭花得番幾棵黃色的；有一大盆雞湯亦已俾人飲晒，問職員亦說不會再出因已接近收工時間；有幾款冷盤，我食咗蜆啲肉係霉的，至於刺身壽司串燒要向職員order，但係好耐先上枱，變相逼你食少左，味道亦一般，雪糕只能每人食一杯(100g), 飲品選擇不多，藍妹啤酒要另外比$28/1支，到我食到差不多9:45pm, 想再添一碗甜品點知看到個盤冇晒食物，職員亦陸續收晒嘢⋯⋯無言！不是食到10點嗎？火都嚟？總結：如果這個自助餐只是$150/位，我都體諒你，但你收$288/位？出面很多和牛buffet 都是差不多價錢，味道又一般，真的只此一次，香港人好識食亦只能俾你搵一次笨；如果你想繼續經營下去請改善一下食物質素及經營方法，再見👋

荃灣新開的日式放題，價錢對比區內一啲都唔貴，地方大坐得舒服，重點係有海景😍今次時間有啲趕試咗個Lunch Set 壽司定食，價錢都唔貴，壽司好新鮮，好味😋 望住個全海景食飯都真係幾Chill😂 下次要揾晚約腳試埋個放題

果日去咗荃灣諗唔到同朋友食咩，誤打誤撞入咗嚟呢一間試，有一個好nice黑黑實實唔太高staff 招呼我哋，問我地想坐入面定出面。個日其實都幾熱。我朋友話不如坐入面有冷氣，我話不如出面望下再決定。一出到去望到個無敵嘅大海景我定已經話我地要坐出面啦，坐下坐已經流晒汗但係我哋忍住唔出聲，跟住個個staff 佢好好咁搬左兩把大風扇入嚟俾我哋吹，仲比左兩杯冰涼嘅果汁俾我哋飲好好飲，呢個員工服務態度非常好，跟住我哋叫左好多刺身，食物味道唔錯，呢個價錢來講比起其他放題黎講，真係幾新鮮，選擇又多，我同朋友叫左好多款。咁熱嘅天氣飲住啤酒再望住無敵海景我同我個朋友都好滿意，食得好開心同兩個人靜靜地咁傾偈真係好晤錯。

朋友介紹這間海景放題店，到這裡食個午市放題，可能時間尚早（第一個進場），加上訂台時備註了生日飯，在要求下給與了海景枱。放題用手機應用程式下單，既簡單又方便，款式也多，刺身上菜很快，用料也很新鮮，尤其油甘魚和吞拿魚，可惜虎蝦刺身售罄。料理方便，份量不算大份，但這正好不會浪費，吃過第一輪後可以再encore，壽司每件飯量不太大，適合我這些想試多種款式的人。牛肉壽喜燒、馬拉盞炒雜菜、牛柳粒、清酒煮蜆、辣煮螺、燒羊架、燒牛舌、燒海蝦、雞軟骨、各式天婦羅... 都不錯，即使簡單的烏冬也不馬虎。前菜、小吃、湯水、飲品都是自助形式，下次會約朋友和同事去試下晚市放題。

今日放假、同幾個老友喺荃灣西諗住行街，見到有一間新開既放題 入去試下 平常心入去試吓，門口好細 ，入到去竟然有驚喜 …. 相信大家最關心都係間鋪嘅食物質素得唔得 首先刺身係OK新鮮嘅 ，和食有咖喱蟹 ，花膠都值得一試。 相反 螺太辣了 食唔到，整體來說都可以👍 價錢都邊我地5點入去食 埋單仲有個88折

見新開試吓，人唔多，兩個人俾張6人可望海景嘅枱，食放題黎講好寬敞。食物選擇一般，一人送一隻生蠔，刺身普通新鮮，食一轉無意欲想再食，其他熟食味道都係麻麻地，偏鹹食完好口渴。唯獨讚係飲品選擇比一般放題多，還有每人一杯哈根達斯雪糕。