極上千島櫻海景放題 (已結業)

呢間位於荃灣西海之戀既 極上千島櫻海景放題，只能夠用兩個字黎形容：垃圾！話說小弟10月14號同朋友出街shopping左成日就去海之戀食飯，19:58入座。入到去一踩地板就心知不妙：成個地板油淋淋。地板污糟我都算, 只要d食物質素唔好太離譜就好，點知惡夢就開始左。我同朋友由19:58等L到差唔多20:30, 足足半個鐘!!!! 半個鐘都係無任何頭盤、壽司上菜俾我地。我等到20:35終於頂唔順，我走去問d職員點解搞咁耐，佢地竟然叫我地「唔好催，整緊架啦」你老闆不如我自己入廚房住埋一份？好啦我地等到20:40終於上左盤壽司，你個PK, 花之戀有魚骨既!!!! 其他個d魚刺身壽司就更加唔使講啦, 啖啖肉都係細骨，食一啖就吐兩啖，食條春毛咩。我等成大半個鐘俾舊咁既屎我, 不如我直接去隔離Donki Donki買壽司食？我當堂火起，我就立即同d職員講，職員竟然話「d壽司來貨係咁架啦」另外，我去寫個d叫單紙，打算叫職員幫手處理，點知揮極手都無職員行過黎，d職員去晒前場吹水飲可樂, 全場得返d清潔呀姐係度。真係搞笑，都唔知佢地係返緊工定開緊party。好啦，我同個朋友都認命架啦，打算飲埋d可樂，食多

打風打咗成日, 落波後同老公去食日式放題。遲左少少落去, 見兩間漁屋都FULL HOUSE! 咁就不如去海之戀果間極上千島櫻海景放題. 因為果間夠大!去到門口, $278 一個人 (要加10%服務費), 反正好耐冇食放題, 於是就GOGOGO! 店員安排入座, 去到店員俾咗張QR CODE 紙我哋落單。循例都睇下出面有咩食先! Häagen-Dazs 雪糕個雪櫃會鎖住嘅, 我哋唔係好知點拎, 所以最終我哋係冇成功拎到嚟食。仲有另一個雪櫃係放雪糕, 呢個係任食嘅。另外, 有一個雪櫃係放甜品, 都幾多種類。飲品櫃熱食區小食區最深印象係任飲SAKE! 熱同凍都有, 好開心! 期間因為我唔識點拎熱SAKE, 店員都細心教我。好啦! 一開波就梗係食刺身先。種類唔算好多, 但都岩我口味。上菜都快, 刺身都新鮮。壽司方面, 偏細舊, 不過咁仲好, 可以食多D。其他熱食都不錯, 上菜偏慢咗少少。呢個日式牛肉鍋超大, 我同老公唔小心每人要咗一個, 食完超勁飽。整體嚟講味道不錯, 食物總類唔算好多。明明地方好大, 座位偏排得好近,  疫情期間坐得唔係好舒服。

呢間店嘅服務認真離奇，星期六中午得幾張枱有人，周圍都係吉位，個靚仔店員竟然可以帶兩個人過嚟同我一齊share張四人枱, 結果對方都頂唔順要求坐開．呢啲飯堂式嘅服務， 都係第一次見。講下食物， 魚生都算切得厚同埋大塊，三文魚無乜味，吞拿魚仲有少少冰，其它魚不過不失. 試咗大部分壽司， 味道好普通 ，唔覺好味，個樣睇落又整得好求奇， 完全起唔到食慾，所以只係叫咗一轉. 海膽手捲算係正常， 三文魚子偏細同埋冇乜味．炸物只係試咗天婦羅蝦同埋炸蠔，算係合格. 鹽燒蝦同鰻魚就唔錯．熱清酒揼出嚟竟然可以係凍嘅, 其實準備功夫可以做好啲．甜品印象中有三個蛋糕，三款糯米糍及兩款糕點類嘅嘢，沒有雪條雪糕供應， 只有細粒的雪糕糯米糍.熱盤好似有兩三盤，但又引唔起食慾，所以完全冇試． 又唔多覺有生果供應.海景唔係特別靚，玻璃又矇又唔乾淨， 唔覺得係賣點.中午嚟講平均 $260+ 一位， 食物質素不高而種類又不多， 服務又差勁 ，出面或者第二區有更加好的選擇．對於我嚟講，應該後會無期.

荃灣海之戀Mall 餐廳特色係大部分食店都可以望到海景咖～～呢間係海之戀3樓有間新開無耐極上千島櫻海景放題 睇名都知同樣望到海景！ 平日夜晚每位$278 刺身、壽司、手卷、串燒、炸物、天婦羅、料理、主食 （清酒、梅酒任飲）大部分食物採用qr code 方式落單自助區仲有青口、凍蝦海鮮自取刺身方面種類還可以，赤蝦、榮螺、帶子都幾鮮甜！比較特別 係呢間好多款創作壽司，飯量好細件，剔多幾款都唔驚芝麻雞翼呢d 必點！鱈魚西京燒都好好味呢款帆立貝睇唔出又幾惹味主食：瑤柱雞粥 好綿滑，仲食到雞油香自助區亦有蛋糕仔提供，仲有葡撻最後一人一杯movenpick作結尾

當魚生同垃圾桶放係同一個位時，你就要留意👀。當所有收返來的食物，未清潔的碗筷碟都放在魚生部的一旁，你覺得這衛生嗎？都不明為何有這麼多人比5星…一些5星圖片中的食物根本與事實嚴重不符。環境衛生差，更有一名職員更不帶口罩走來走去。。一些冷凍食品，沒有蓋好，更嚴重的是壽司魚生味道欠佳。為一可取的是燒物。最差的是提早30分鐘要求你埋單，一埋單無得再下單叫野食。282只有不到80分鐘叫野食

首先講咗我最期待嘅刺身先啦基本上佢有提供嘅刺身我哋都差唔多嗌齊所有刺身食落去都好新鮮👍👍而我自己最鍾意嘅就係三文魚同埋油甘魚❤️❤️因為佢哋嗰個口切嘅口感真係超正油甘魚亦都係出乎我意料之外係咁好食所以我哋瘋狂Encore跟住其實壽司亦都有好多款嘅令我比較有深刻印象嘅就係蒜香燒牛肉壽司、三文魚腩壽司同埋櫻花魚生船⭐️⭐️呢三款壽司嘅口感好豐富而且櫻花魚生船嗰個外貌好討好（不過因為之後我哋驚食得太多飯會好快飽所以就唔敢再嗌咁多）之後就講吓其他小食啦有好多唔同款式嘅串燒同埋天婦羅我自己就好鍾意佢哋嘅鹽燒牛舌同埋北海道黃金燒帆立貝🌟🌟因為牛舌完全係我想要嘅口感有少少咬口得嚟又唔會太過韌之後嗰個北海道黃金燒帆立貝簡直係今晚嘅MVP👍👍食落去亦都係新鮮滾熱辣之餘帆立貝亦都好新鮮重點係嗰個醬真係超高質🥰🥰甜甜地得嚟又唔會太過油膩除此之外我自己覺得黃金炸蠔同埋土匪雞翼都係幾好食嘅🥳🥳因為真係新鮮滾熱辣炸起嘅所以真係超脆口🔥🔥而佢呢度嘅土匪雞翼真係有少少似譚仔（不過呢個雞翼唔係炸嘅）其實我哋都有諗過嗌唔嗌鍋物嘅但係由於我覺得真係可能食唔曬同埋太飽嘅關係🤔🤔所以最後就決定冇嗌到之後其實出面都仲有啲熟食可以拎嘅例如

在openrice見到海之戀的極上千島櫻海景放題5點或8點入座正在做88折優惠，之前一直都想試下呢間放題，就約細妹一起去試。餐廳比想像大，感覺闊敞，有和式包廂，有室內座位，也有露台位置。有見室內窗口位已經坐滿，我們便選了露台位置。看着海景，吹著海風，嘗著佳餚，小酌幾杯，感覺工作一天的疲憊感都得以舒緩。我們點了多款刺身。三文魚、油甘魚、吞拿魚、希靈魚、甜蝦、虎蝦、帆立貝、北寄貝、榮螺、赤貝、象拔蚌等。款式算挺多。壽司有我最喜歡的火炙左口魚，也有海膽手卷。一口一件，細細件可以試好多唔同款。炸物味道不錯。夠熱夠脆：炸鮮奶、天婦羅蝦、吉列蠔外脆內軟。熱食如羊架、西京燒、忌廉焗帆立貝等調味做得挺好。清酒、梅酒任飲。還有很多罐裝和紙包飲品任君選擇。最正係最後每人有一杯movenpick雪糕！簡直係完美句號。

原本諗住同老婆慶祝結婚週年，老婆話想食放題，又咁啱老婆上網見到有呢間海景露天放題，諗住橫掂都係放題，試吓無妨，就訂位啦，點知由攞位嗰吓就瀨咗嘢，個唔知係咪經理嘅𡃁仔係完全無意識同我溝通緊，剩係㩒張飛俾我就當係俾咗位，要我自己攞住行入去揾人帶位，好喇，到坐低咗之後㩒嘢食就重頂癮，我老婆搞咗成個字個點餐系統都無反應，一係就彈幾吓，重要無得取消！！其實食物都唔算太差，一般放題水準啦，不過服務就真係可以講無限地接近無，啲員工剩係識得粒聲唔出咁放低食物，但係係完全無意識收碟，爭啲要自己做埋咁滯🤬🤬呢間嘢真係唔會再有下次！！！p.s.最緊要係佢個價錢唔係平，如果係咁嘅價錢，我情願去酒店食自助餐囉！！！

放題近年越開越多 質素亦都越嚟越多而家去荃灣都好方便 荃灣西站個新商場 海之戀 呢一間日式放題 仲可以遠望海景 有戶外大地方 可以望住海景嘅日落食嘢 裏面嘅空間好寬闊 六點入座嘅時候冇乜人 到七點半就全場滿座平日晚市放題 $278位 加埋一2位$612 我諗淨係入嚟飲酒都抵 清酒🍶梅酒 都係自助任飲女生選擇 滋陰養顏 仲有蟲草花雞湯 花膠椰汁燕窩 啖啖燕窩亦有好多雪櫃自取飲品 係有幾個雪櫃咁多嘢食方面目不暇給 基本要食嘅都有凍蝦青口 刺身 特色壽司 炸物 串燒 一品料理 movenpick獨立杯裝雪糕 仲有其他好味嘅定品食唔晒所有嘅嘢都已經飽 特別推介串燒真係好好食

行完海之戀商場嘅Donki 原來商場嘅三樓新開左日式放題😆就去試下先地方好大😎有室內室內位置 仲有得望住海景添有自助吧🥰 想食幾多夾幾多😋有凍蝦 同埋 青口前菜方面都有好多選擇嫁❤️日式方面 有螺肉 中華沙律另外仲有好正嘅泡菜✨佢地仲提供沙律食材👍🏻自製鍾意嘅沙律🥗沙律醬方面都有好多種嫁👏🏻刺身壽司方面有三文魚 吞拿魚 甜蝦 八爪魚 虎蝦 油甘魚鮑片 赤蝦 北寄貝 帶子等等另外仲有好多款唔同嘅壽司🍣全部都好香好新解嫁😍小妹同🐨都食到停唔到口❤️熟食方面有好惹味嘅串燒 例如 雞軟骨、海蝦、牛舌等等仲有焗帆立貝😍超香超多料另外仲有燒鰻魚 比目魚同埋 仲有好香嘅天婦羅🍤分別有蝦 南瓜 秋葵等等等等好多好多熟食🙈❤️小妹分享唔哂😂.甜品方面有小妹最鍾意嘅香香蒲撻之餘❤️有大大粒嘅泡芙✨仲有兩款都好大粒嘅糯米糍👍🏻另外仲有甜品杯 同埋 蛋糕😋.雪糕方面仲有好多唔同嘅雪糕糯米糍唔想食糯米糍都唔緊要嫁佢地仲提供一人一杯嘅Movenpack雪糕😋有小妹最鍾意嘅✨意大利奶凍😍另外仲有朱古力、士多啤梨、雲尼拿⋯等等飲品方面佢地有提供好香嘅梅酒 同 清酒😍而且仲提供日式酒瓶 同埋 酒杯感覺更日式更正❤️呢到仲提供暖暖

最近荃灣開左間新餐廳，性價比極高！😍 裝修以日式和室風格為主，廂房仲係榻榻米😍影相打卡一流！環境有機會再同大家分享❤️而且有戶外嘅位置可供用餐，可以帶埋寵物一齊享受❤️望住青馬大橋日落靚景食，正到爆🌟🌟🌟服務亦都好好又唔會拖單！呢點值得讚整體評分：7.7/10味道：7.5/10環境：7.7/10服務：7.7/10人均消費：$200-400地址：極上千島櫻海景放題 (荃灣)荃灣大河道100號海之戀商場3樓3013號舖我哋揀左$ 278 /位，120分鐘任食放題，可以用QR code落單，上菜速度十分之快🤍另外自助區仲有冷盤海鮮（大蝦，青口同蜆），沙律，水果，日式冷盤小食，泡菜，湯，蛋糕甜品，雪糕，飲品等等～連清酒，梅酒都係任飲！😍仲可以加熱刺身：首先比左個超巨型船型刺身拼盤，入面有三文魚，吞拿魚，赤蝦，甜蝦，赤貝，帶子，象拔蚌，八爪魚，等等！全部都新鮮！保持微冰嘅狀態〜都有煙出！豪華感十足😍😍😍壽司🍣：都好正！其中都鍾意和牛壽司～串燒：有燒羊架、菠蘿、牛舌等等，選擇好豐富～燒得好惹味😍😍😍天婦羅🍤：炸物方面除咗炸蝦仲有各種例如炸秋葵釀肉等，一啲都唔油膩，超好食！炸年糕口感好特別～炸雞翼亦都唔

之前去過荃灣海之戀商場幾次，個度係超近海濱，入邊都有好多唔同嘅食肆。比較特別係新開的極上千島櫻海景放題。晚市七點前離座同八點後入座都有8️⃣8️⃣折！成間餐廳裝修好靚好日式，以櫻花🌸主題，好少任食放題嘅餐廳裝修甘認真。餐廳地方好大，用餐有室內同戶外位置👍🏻戶外露天區好正嫁，有個超級無敵大海景，加上晚上🌃有啲街燈點綴，特別浪漫🌹。我地坐係室內卡位，都一樣有海景睇，睇住靚景食嘢特別心曠神怡，亦都十分近自助區！自助區都有好多正嘢，椰汁鮮奶燕窩😋😋😋甘養顏點可以唔食，仲有麵豉湯，葡撻薯格，沙律前菜，小食等等，飲品都好多款揀😌仲有個甜品櫃，入面有幾款迷你cake同三隻口味既雪米糍😍仲有梅酒清酒🍶仼你自取～完全唔怕你食得多飲得多其他食物就手機Qr Code落單，方便簡單，送餐速度都算幾快，話明就放題，食物種類梗係好多，刺身壽司，串燒炸物，一品料理，超多款仼點。刺身🤩 好多款，第一次我地每款都點左幾塊😍諗住好食再encore，點知竟然送咗一艘刺身船出嚟啊～見到真係勁開心～仲有乾冰煙呀～三文魚，油甘魚，希靈魚，赤貝，象拔蚌，吞拿魚，帶子。。都好厚切新鮮。。淨係食刺身都已經返本壽司軍艦手卷都好值得叫，細細件好多

慶祝同事升職加薪🍷🙆🏽‍♀️搵左一間位於荃灣西海之戀商場3樓的人氣皇「極上千島櫻海景放題」對住大海景🌃同時享用美味高質日式放題，大快朵頤。當日六點已座無虛席，佔地好大，分室外室內，仲可以包箱🎏🎎六人座剛剛好。室外位可以望住海景青馬大橋🌉日落靚景，望住船隻慢駛航行，好治癒，也可早早訂定室內窗🪟邊位。放題好少有清酒🍶梅酒任飲，酒控大愛❤️🎈。自助區仲有凍海鮮大蝦同青口、沙律🥗湯🥄、甜品生果🍎、小食類如牛舌、中華沙律、味付螺肉等，味點正餐前已食飽。用上Qr Code 方便快捷吾怕漏單，新鮮刺身多達十多款，有爽脆希靈魚、蜜汁鮑片、軟焾虎蝦、軟糯甜蝦點少得大大隻彈牙赤蝦，厚切油脂甘香三文魚都是大推😍壽司🍣方面推介芥辣八爪魚🐙軍艦、芥辣辣到攻鼻、仲有爽脆卜卜蟹籽、仲有迷你版手卷吾怕一下子攻爆Quota。炸物方面：大推榴槤炸彈，榴槤餡熔岩流曬出來，榴槤香甜軟糯，香芋炸丸更加不用說，芋香十足。天掃羅🍤皇帝蟹棒大大條，好粗外脆內軟，仲有南瓜🎃天婦羅，南瓜好軟焾香甜，仲有秋葵中和下油膩感。鹽燒海蝦🦐粗鹽灑上蝦表面，用口咬開蝦殼，蝦肉新鮮彈牙，又吾會死咸。仲有大大舊花膠，補充骨膠原。甜品🍮：椰汁燕窩，椰汁🥥味香

刺身新鮮 環境寬敞 冷氣非常充足！ 職員工作非常有效率！只可惜，open rice 網站説可以用恆生cash dollar付款,但店員話不可以😤花膠厚身,但欠鮮味!比目魚夠滑羊架夠香 滿分！甜品雪糕要憑單才能取，每人一盒

我哋6個人，食物點6件都好正常，但係每次送餐都自動減一半份量，所以要再order，燒菠蘿點咗4次先肯出一次，油甘魚刺身竟然有骨，其他刺身只係凍完全冇味，芝麻雞翼油淋淋見到都唔想食，不過試完都係冇味，放題嚟講食物種類唔算多，食物質素…..唔合格，唔會再去