極上千島櫻海景放題 (已結業)

呢間餐廳我係openrice 睇到可以帶埋狗狗黎食，我特別打左好多次reconfirm ,黎到唔係冇位，係求其係下欄位拉張爛枱比我，跟住拉張污糟既凳黎同我地講係我地個位，張枱好心都幫我抹下丫，就咁放d 野係上面就話係呢度，我即係問個侍應，佢先換返d張乾淨既凳比我，本身想走，唔食算，但難得同個仔食飯，我先繼續係度，好心set 好哂先係咪好難？就算係求其拉張枱，係咪都應該抹一抹呀？咁真係好過份咩，你地係下欄位拉出黎，抹下有幾高要求？

點咗幾次刺身壽司串燒炸物，竟然坐半個鐘只嚟兩個串燒幾件壽司同炸物，刺身無嚟過，去追先嚟其中一次所點幾刺身，再點又等20分鐘先嚟一部份，如果你係熟客就唔同啦，你一同經理講，就會即刻整比你。刺身只感覺凍，無味道，用嚟冷住刺身啲冰係一片片，夾起刺身時啲冰會貼住刺身，要整開啲冰先食得，壽司好一般，壽司飯太實，炸物外皮唔脆，地方大，但幾嘈下，而且放垃圾大垃圾桶車會經常係你身邊經過，如果想睇海景，太陽落山前去啦，夜晚只睇到青衣島啲燈。

食物種類太少，刺身唔夠新鮮，一路食到有筋，最搞笑係有個燒物叫咩燒牛肉粒，結果係烚嘅。食物一般都唔緊要，難食到一個程度真係令人失望，影響心情員工嘅服務態度差，一邊食仲有員工不停執嘢跌箱落地嘅噪音，第一次食放題體驗感咁差認真好難食。唔配呢個價錢我係午飯時間去食嘅放題，餐廳人流比較少，當時到左見到有窗口位就問可唔可以換到窗口位，員工答有人訂左無得調，咁我都理解，點知到我地食完走都無人坐，叫咩海景餐廳，海景都無得睇，仲要部份座位望出去嘅海景係有好大碌柱阻住，呢間餐廳就係可以嚟一次，拉入黑名單

第一次食放題會食唔飽首先一入門口已經係刺身吧隔離有3個大垃圾桶（冇蓋），已經唔多開胃。出面自取吧裝野食既碟同碗差污糟（睇左5個都有積）跟住入到去職員服務態度極差，一張枱𠝹開2邊，2人一邊已經好逼，問佢拎張凳或者籃放袋都問左3個人都未拎到黎，仲會係甘係背脊後面上菜俾入面個張枱既人（完全冇出聲叫你借借），直接遞入面，差啲倒落我個身度。收枱面啲碟時完全冇睇碟入面有冇野，倒曬啲水落地下，仲要滴左落我個袋，對唔住都冇句最後啲野食質素吞拿魚有筋、嚼落有怪味😓炸物🍤勁厚粉蟹籽有膠味雞湯有味精、勁多油🦪未冼乾淨飲品、甜品選擇勁少雪糕完全冇人提過要拎單去拎、個個人都出咗去雪櫃先知，要返轉頭拎😓去到埋單，收銀處有3個人，講左話要用八達通，其他一個後生女仔同我有眼神接觸幾次都冇理繼續做自己嘢😒，最後企左5分鐘再問係咪係度埋單，坐後面嗰男人先起身問係咪用八達通。未試過食飯，食到一肚火，野食差、服務差、衛生差🤬

以為轉左手，點知都係之前嗰班人做，食物冇改善，刺身唔新鮮，環境其實一般般，我就覺得一入去就有浸味，而且地下好滑，飲品選擇都唔係好多，清酒都係嗰啲好低價嘅嘢，啲冷盤我仲見到有啲烏蠅仔喺上邊飛下飛下，不知所謂，咁嘅價錢好多選擇，真係唔好去，這間野極度差。

好開心原來可以比狗狗入去 下次可以約多啲朋友再去 .掛住影狗 唔記得影食物 我幾鐘意個雞粥 天氣涼涼地 食粥好溫暖 因為掛住影相多過食野 哈哈 果度啲姐姐 好好人 都係愛狗人士 海景一流呀 我好少寫食評 但可以比狗入去既餐廳真係唔多 所以要宣傳下先得

睇住海景食日本料理確係人生一大樂事海之戀商場裏面有間千島櫻對住成個海景同朋友嚟呢度食放題就夠晒chill 晚市人頭費都係二百幾蚊每位 入到嚟見到地方都幾寬敞 而且仲可以有包房服務 用QR code掃單之外 出邊亦都有任飲任食嘅料理我飲咗幾碗花膠雞湯 另外仲有一啲雜物同埋任飲嘅飲品我哋落咗好多唔同款式嘅刺身淨係隻刺身船都夠晒吸睛打卡一流刺身款式包羅萬有八爪魚、螺片、三文魚、吞拿魚、劍魚及鮑片等等最令我估唔到呢度有生蠔🦪鍾意食刺身嘅朋友不能錯過放題咁嘅質素都唔錯 令我最值得欣賞嘅就係呢度嘅天婦羅Tenpura 全部都係即點即叫即整 所有呢度嘅師傅都係來自唔同嘅高端日本料理放題店所以佢哋處理食物嘅時候毫不馬虎如果要食串燒嘅朋友都建議大家食牛舌加上檸檬汁特別好食 仲有鍾意食榴槤嘅又可以食下榴槤炸彈一咬落去熱辣辣仲有榴槤嘅香味 真係好想食多幾粒呢！

今晚同朋友4個人去食晚餐，1730入坐食2小時，都預咗七點後走要畀貴價錢$288，但我上綱訂位，話有88拆，去到埋單時優惠一定要在七點前上才有， 但我記得我入坐前侍應同無話七點前埋單才有優惠，以為七點半後結帳都有，感覺上比較心噏，但算數啦照比😅而食物可能今日係星期六晚可能有些失望， 魚生刺身份量比較少及薄切。 而炸物有些比較凍， 天婦羅尚算合格，因為剛炸起攞出嚟都仲有些熱，燒物就比較有些燒到乾身，熟食裏面有一個 雞粥就比較好食， 而自助區攞啲食物好似比較唔靚仔，甜品就比較失望，因為種類少，而雪糕係每人限量一杯(D字頭雪糕)。

今日第一次试吃，原先想吃放题，但又怕吃不消，改吃午餐套餐，炸物很有驚喜，加上同一套餐可有炸物及魚生，份量不少夠兩人吃，但甜品就差些了。下次要試吃一次晚餐放题，就可多吃些不同鱼生和壽司，還有甜品，飲料都很多選擇呢？最想有日落景可一邊看一邊吃就完美了。

坦白講呢度環境算唔錯，叫做寬躺舒服走日式風格，不過唔好諗望到真係好靚嘅海景👆🏻刺身😻刺身選擇都算多，最緊要有我鍾意食嘅帶子，赤背同埋大甜蝦都算新鮮，同埋最緊要好夠凍👆🏻海膽手卷😼呢個都幾值得食，海膽唔會用到好肉酸好似屎咁，見到佢係馬糞膽👆🏻天婦羅😻呢度天婦羅好抵讚，炸粉唔厚，食落似係高級天婦羅既感覺，隻蝦又唔會縮曬水咁，仲有到蝦肉同埋有啲鮮味，佢仲有個秋葵蝦都幾好食👆🏻鮑汁敉花膠😿反而呢個有啲失色，我發覺唔知想點爆汁由一坺嘢咁👆🏻飲品區 😼估唔到有清酒同梅酒，飲品選擇都好多仲有啤酒添，汽水同茶嘅大佬嘢都有👆🏻現成熟成區😿唔需要有太大期望👆🏻甜品區😿冇人會送一杯Häagen-Dazs，另外其他甜品就見仁見智啦，賣相唔吸引，我就未必會放落口啦

千奇唔好試，同掉咗300蚊無分別。未試過食放題食到要等嘅時間多過食嘅時間…啲刺身份量又少，每次黎2-3件，仲要有啲寫咗從來都無出現過。刺身又唔新鮮，質素同爭鮮無分別….上碟速度慢到懷疑人生，全程應該上刺身唔多過三次….熱食都唔多款揀，味道界乎普通至難食之間。食完有一種浪費自己胃嘅quota感覺😮‍💨環境等闊落，但裝修大陸味甚濃啲櫻花deco好膠如果唔知以為自己係大陸餐廳食緊...總結，呢間餐廳真係不可一，更不會再。好少寫食評，但都真係想寫黎警惕世人🥲

最近試咗一間必需推介俾大家嘅高質日式放題🥇！皆因通常放題都係坐得迫，食物presentation 又唔會好靚咁。但呢間新開嘅《極上千島櫻海景放題 》唔只對住海景🌅，佢哋嘅窗口位置好似日式餐廳咁，用簾隔住，私人度高又闊落！當然食物高質最重要，首先緊係黎一盤咩都有剌身拼盤，刺身選擇非常多亦好新鮮，有超過十款，赤貝、帆立貝、赤蝦、甜蝦油甘魚十分推介，肉質爽口鮮甜！另外叫做佢哋嘅sushi 🍣 , 唔係講笑，presentation 靚到以為係居酒屋嘅sushi set ! 又有火焰、各式各樣特別嘅壽司款！熟食方面，天婦羅超級好食，炸得啱啱好，超薄又脆🍤🍤🍤 餡料大大嚿，南瓜紫薯好甜，大蝦肉新鮮又夠彈口！真心好食過出面好多日式餐廳！串燒都唔錯，有牛舌雞軟骨仲有燒羊架，仲有唔同鍋物，上枱嘅時候真係熱辣辣！真係每樣食少少都要抱住個肚走😂Last but not least 😂 本人覺得超正係有凍、熱sake & 好好味梅酒 free flow，當然仲有好多唔同其他飲品啦 ! 最後仲要有Häagen-Dazs雪糕作完美。

上星期去海之戀探舊同事，行完donki 見倒3樓有間食日式刺身放題嘅餐廳，星期一至四晚市＄248/位，星期五 $278/位，120分鐘任食，特價時段 7點同後點8點後都有八八折！價錢好親民！梗係要約埋閨蜜去食～裝潢以日式和室風格，坐正窗邊仲望住大海境食仲正！座位闊落舒適，除左設室內嘅位，仲有戶外嘅位置用餐！秋天黎啱哂！自助區有冷盤海鮮（大蝦、青口同蜆）、沙律🥗、水果🍉、日式冷盤小食、泡菜、湯、蛋糕甜品、雪糕、仲有超巨型飲品櫃超多選擇 ！座低就有QR code用電話落單，簡單又清楚！ 上菜速度仲好快！👍👍👍 🍣日式放題主菜黎啦🍣登登登登！滿滿嘅刺身盛宴！好豐富呀仲砌得勁靚！我地點左嘅刺身包括：魚類有🐟油甘魚、三文魚、吞拿魚，蝦類有🦐、赤蝦、甜蝦，虎蝦，貝殼類有🐚有赤貝、帶子、象拔蚌、八爪魚、螺肉等！款款都新鮮甜美！3種魚都係厚切油脂甘香鮮甜，3種蝦都唔同口味同口感，貝殼類新鮮爽口樣樣都保持微冰嘅狀態～ 每枱仲有生蠔送🦪 真係超好味！店員推介佢地嘅自創壽司🍣：有甜蝦蔥拖羅、醬燒牛肉、黑松露玻璃蝦、柚子油甘魚等！仲有迷你手卷都好出色，有海膽同龍蝦🦞手卷～超鮮甜細細件一口份量啱哂放題食！除左壽

今日有男友帶路食好西荃灣係佢地頭就緊係聽曬佢講啦因為我地想睇日落🌄所以專登早啲黎大少做足功課，依間放題特別之處是可以一邊食放題，一邊欣賞日落嘅海景很是浪漫💕 而且座位間隔亦算寬敞平時我哋食放題主攻係刺身三文魚油香肉滑甜蝦Size雖不算大隻，但同樣鮮甜幼滑榮螺亦是望力推介，入口爽身有嚼口八爪魚🐙略嫌有少許雪味，味道徧淡赤身肉質厚實，有咬口竟然我哋對依度嘅壽司亦愛不釋手有時期係「海膽手卷」、「三文魚腩壽司」、「帆立貝壽司」同樣出色前菜小吃：和風甜酸帶子裙邊肉質爽口，味道甜酸惹味開胃。天婦羅🍤即叫即炸，入口酥脆，口感相當好。鹽燒海蝦很是美味，蝦肉不會梅而且鮮甜我牛舌串燒：肉質燒得香嫰，牛舌肉身厚實有嚼口。甜品有甜水/糕點，主要在外邊自取

⭐️極上千島櫻海景放題⭐️📍:荃灣大河道海之戀商場3樓3013號舖⏰:12:00pm-10:00pm⭕️:現金、信用卡、Alipay、微信支付🐶🐱:寵物有善餐廳-午市放題 任食120分鐘-(12:00pm-3:00pm)🌜$218/位 (星期一至四)🌜$238/位 (星期五、六日及公眾假期)📌除咗放題 仲有午市定食可以選擇📌🌟食物方面:餐廳提供嘅食物種類好多 主打日式放題 有熱食、刺身、壽司、串燒同一品料理 上菜速度都好快 放題用手機應用程式下單 既簡單又方便 重有好多種類嘅飲品 連梅酒清酒都有啊🥰！每一款壽司刺身都好新鮮 即叫即做 炸物串燒上枱熱辣辣🙈-刺身選擇好多:三文魚油甘魚希靈魚帶子之外 連吞拿魚都可以任叫！！🦐都有赤蝦虎蝦甜蝦三種選擇😂每一款都會切到好厚身 唔會吝嗇😋刺身上枱好新鮮 係正常嘅凍刺身🧊 唔似坊間放題俾啲垃圾你地食🙈平時出邊啲放題啲帶子勁細粒 而家每一粒都好大粒好滿足👍🏻食刺身都抵返晒！-係大家嘅認知裏邊 放題千祈唔好食壽司😂不過佢啲壽司都好出色 每一舊壽司飯都唔會好大🍣 適合大家試多幾款 最鍾意食鵝肝帶子壽司 火炙壽司好香口🥰必叫！-自助區有好多食物:沙律、日式小食、