極上千島櫻海景放題 (已結業)

隔籬位食到報埋警，上菜速度慢，職員態度惡劣，食物質素極差。食咗成晚，叫左的食物得三成有到， 仲有啲地方好污糟，餐具污糟。罐裝飲品放題唔係日式放題。刺身有酸味，明顯係過期唔新鮮。根本成間餐廳啲人都唔係有心做，同經理 投訴完全冇反應，女職員態度惡劣，根本唔係有心做就唔好開啦喺度呃啲街坊。食完返屋企仲要肚痛，真係貼錢買難受明顯。比Like嗰啲全部假評，呢間舖可以等執。睇返原來呢間嘢劣評都已經上晒新聞，難食程度可以用垃圾來形容。

入枱安排混亂，book 5:15，係門口排左30分鐘先入到，QR落單一小時都冇野食，漏單程度同完全無落單一樣，自助區可以空哂架乜都冇，雪櫃用黎擺既。我地左B餐有海膽任食，但係佢話海膽賣哂，咁就唔好要我地食B餐啦，好過份。鄰座枱客聽見我地咁講，即時有反應，係到同鬧冇海膽又要唔早出聲，加了錢食B餐，仲要落極order都冇野食，我見佢地成枱汽水，應該飲汽水飽了。食飯嗰晚見有客人連自帶蛋糕都唔見埋，咁都得？我覺得呢間野似係想準備執笠，而家掠得幾多得幾多。總之呢間千其唔好去openrice評分最少要比一星，如果我比，我會比「零」

食物沒質素 飲東西飲飽都沒上菜 真正吃東西時間只有半小時多 一直漏單 吹兩吹黑面 貼錢買難授 最難食的放題 沒有第二間比呢間食到咁難授 入去前要做定心理準備 比番工對住老闆難授 免費都不會有第二次

荃灣被喻為香港其中一個美食集中地，不少著名小店均進駐當局。最近區內一間日式放題聲名大噪，一度有警察到場，皆因有食客嬲到報警，投訴食店瘋狂甩單、食物質素有嚴重問題、職員失職等。一向為大家出動拍攝「劣食真相」的YouTuber Sunny和Creamy最近亦到該店朝聖，期間不斷唸著「好驚」、「被監視」，氣氛相當緊張！不過他們最後亦表示原來店內也有好食推介，簡直是「來回地獄又折返人間」的感覺。難道這「劣食真相」非如坊間傳聞？至於大家最期待的食物質素何，他們這次點了78款食物，嚐盡滋味。Sunny剛吃下海膽青瓜時，已面有難色，指口中傳出一股「海之戀出面海嘅味道」，荃灣西海傍一直存有臭味問題，皆因區內有不少舊式大廈「亂駁渠」以致糞便直接排出大海，當天氣悶熱時會發出濃烈的「臭蛋味」，Sunny指青瓜海膽這配搭正有此效果。而Creamy及德仔則表示「食到臭襪味夾雜白花油味，還有藥油涼浸浸嘅感覺」，懷疑青瓜是致命元兇。不過他們指「沒有最劣，只有更劣」，炸蠔才是經典中的經典，同行者剛放炸蠔進口便有一大陣腥臭味湧至，「難頂程度要即刻去廁所嘔」。其後Sunny表示蠔有一股臭味之餘亦有好濃烈的餲味，不能吞進。

母親節翌日book左位食晚市放題，入坐時已經怪怪的，只需話佢知book左位，唔使對資料就可以入坐。入到去聽到隔離枱追單，已滴汗，去拎飲品，個櫃大部份係吉既，雪糕櫃吉既，甜品櫃吉既😔手機落單，選擇少得可憐，都已經覺得伏。等左半小時終於有野食，叫左2x項黎得兩件，追單再黎又係黎返已經黎過既🤬眼見大部份客人都鼓噪追單，所以黎乜都照要，好過乜都無得食🤭食物質量超一般，完全無可取之處，炸物上枱係凍既、全晚來來去去食左5款食物，埋單3xx/位，捐去做善事都好過比佢賺😡，完全不推介、千萬唔好存僥倖之心去試！簡直離晒譜！！！

我諗好多客人應該都試過好多問題，都唔想多講，重中之重……係食日式放題而衞生差，應該話没有最差只有更差，建議從服務到衞生試一下把客人當人看待，相信日后仲可以吸引到一班沒試過既新客。而唔係同客人講"食放題係咁，小問題!"謝謝

話說母親節食飯，滿心歡喜咁去食日式放題，入座都算快，不過比錢果下先同你講無海胆，早講唔book 吖嘛更過份嘅係，連雪糕都無，隔離有超級市場，你都唔肯即刻去買點菜後，坐成10分鐘都無嘢食（限時120分鐘），之後就叫3樣黎1樣，每碟都好似營養不良咁，細細碟連影食物相嘅心情都無可以不去就請不要去By the way, 中途遇到有客問幾時上菜，都得唔到答覆, 客戶服務同態度都唔得😡😡😡😡😡😡😡😡😡😡

極度差放題，落單30分鐘都無食物送，落單3次漏單2次，食120分鐘，實際只有食60分鐘有食物送到。刺身不新鮮，朋友食完夜晚肚痛，味道欠佳， 就算熟食都煮唔熟，離座前15分鐘，先送上第一次落單的食物， 三文魚鮫更係落單5次， 1次都無送到，另外環境欠幹淨， 明顯又人手不足，自助吧台無食物，無人添加… 差評，無下次。

母親節食飯所以提早預訂左海景位，點知去到見到佢無mark低所以無作任何安排，咁果日係假期我都明白，但可以做好啲，提早同人講無海景位我可以轉第2間聽到其他人開口話要海景位就要麼出門口等上輪既人食完走.環境：個場係好大，但坐唔爆，啲枱無人執，搞到要將啲人堆埋一堆，令兩家唔識既人長枱中間枱塊板咁食，但明明有好多其他吉位.食物：完全同啲食評講既差太遠，講真都預左有請blogger影靚相打好評，但可唔可以唔好差咁遠？將呢間餐廳抬舉到景靚野食正，但現實岩岩好相反。海膽手卷海膽得一粒仔，啲燒魚燒牛舌濃既，壽司叫做正常少少.服務：完全無服務可言，我都明放題出餐好忙，但其他員工都應該可以收下啲吉碟？啲碟棟左幾疊好高都無人收，出餐落唔到枱企左係度，我地接完碟食物佢地又唔順手收埋啲吉碟，重點係見到佢地出完餐見到枱面一大堆吉碟唔收，手空空咁行堆一齊傾計行返出餐位都唔手碟.都唔會再去第2次，但希望唔好再有人中伏，以為佢又靚景又好食，其實佢衰過普通放題

首先環境好污糟，地下啲紙巾同油跡冇人抺⋯衰過大排檔，另外120分鐘放題，但係第一round要等成半個鐘，120分鐘完左之後連1/3既野食都未黎齊😃 另外野食好難食⋯啲刺身好霉⋯雪櫃啲雪糕冇晒，我地揀左第二貴既set, 但係個set獨有既菜式冇晒😃隔離每張台都投訴話啲野食唔黎，好明顯係間餐廳根本冇心去做同埋我果日好多客人都投訴話佢地擺係餐廳既自備蛋糕唔見左⋯真係好過份⋯大家千祈唔好幫襯，免費都唔會再食

服务質素低劣！2小时时限食时间，1小时服务员就是要最後下单！下了单的手卷，炸物，由头到尾不见踪影，嚴重走單！最後要催单，直到买单前5分钟才到！入座前说了有人生日，到买单再说一次才补赠香梹一瓶和折扣。折扣和礼物有無並不介意，只希望有一晚开心的4人晚餐，结果另我领会了一次难忘，生气的生日放题。以后不会再次光顾此食店！！！

點了各樣壽司和刺身，等了大半個鐘仍未有，眼見比我地遲來的食客都有得食，問咗個侍應，轉頭係個短頭髮的女士拿張單來對單，我地話無佢唔信，要求用筆括返出來，她就無語。她用一個所謂的大盤魚生了結。我地五大人二小孩，計我地七個大人，入座時以講得清清楚楚啦！

結論：呢間嘢真心擺明呃錢 ，上菜慢狂漏單，好多野一坐低（我地食晚市第一輪），已經賣晒不特止，叫左嘅嘢催極都唔黎，啲店員亦唔係好誠實，行政混亂，最後有人報警投訴店家。呢度正評唔知係咪打手。（以下詳情略長，但真係希望可以講清楚個情況，令到唔好有人再比呢間嘢呃）訂位混亂1. 喺tapnow 見到佢做緊95折優惠，就訂位慶祝母親節，點知咁唔好彩遇上呢次極不愉快的用餐經驗，第一次遇上食野食到有人因為同店方糾紛（而唔係打架）而要報警投訴，仲要唔止一枱。當然以後唔會再嚟呢間嘢，亦唔會再喺tapnow訂嘢，新聞都有話，依家網上騙案多2. 一開始訂座已經好混亂，tapnow上面寫住起碼早3日訂，咁我早3日喺openrice訂位，亦確認左。但因為tapnow寫住要打電話確認，所以就諗住穩陣啲再打電話確認訂位，廢事母親節慶祝最後要狼狽咁搵過第二間。點知打兩個餐廳電話都冇人聽。晏啲再打去，我話我tapnow買左餐，openrice訂左位寫明tapnow優惠，佢一開始同我講tapnow無得訂啦，我話我已經早3日訂，佢又話假期訂位無得用，但我同佢講，tapnow優惠券上無咁寫，亦無話訂位果日唔用得。佢最後話得，咁

在網上見到有海景放題，睇相環境唔錯，於是提前一日訂左晚上7點放題，去到七點十分先可入座，仲要無人帶位，自己搵左飞仔既位置，室內唔好話海景，乜景都無！一個字亂！隔離左右幾張檯亂七八糟無人執，坐低無人擺位，d侍應好似未瞓醒咁十下十下😝只見有盆刺身兩個侍應輪流兜左個圈再放回原處，似乎搵唔到邊張檯order,叫個B餐放題好多食物都無,刺身無乜鮮味，反而燒物味道還可以，好多食物都要吹幾次先有，只有一個姐姐幫忙跟單，其他侍應好似懶懶閒，無人執檯，成檯碗碟唯有自己擺去隔離檯放，3百幾蚊位既價錢完全唔值！差差差差差差差差差差差差差差差差！試一次就够唔會有下次！

絕對唔會再去，硬膠一次就夠！Book 19:00，一大班人都18:30開始乖乖排隊間嘢管理流程極差，到19:00都未處理好17:00入座既清枱及埋單，一直有人走出嚟燥抵話好多嘢食未到過……因為再去第二度搵位唔知又等幾耐，所以都照試吓，點知過晒鐘先有人出嚟話要多15分鐘左右先入得又話要一個個留電話…..搞左一輪，終於入座，無人帶位，自己搵，搵到位無人理，桌面餐墊紙、碟、筷子…乜都無，叫咗人嚟，話剛到座左一會乜都無，佢硬膠膠咁問返我做乜，我再講，佢又問我係咪叫左嘢未到……激死終於落左Order，刺身……等左15分鐘都無嚟，問職員後再等15分鐘先到，成個既餐，叫左既有啲無嚟過，無叫既就送咗嚟，落左B餐既嘢又有D話無晒，刺身「紅蝦」其他地方食係大隻既紅蝦，但佢呢間完全係一隻一般壽司蝦上面果種蝦因為放假食餐飯，真係唔想動氣，所以是是但但食飽就走，唔想同佢勞氣，真係唔會再幫襯，荃灣大鴻輝果邊是但一間都好過佢