極上千島櫻海景放題 (已結業)

第一次食到咁差既放題入去等位個陣已經有幾枱客人投訴食物差，服務差仲有客人報埋警心諗都知應該伏，不過等左2個鐘都決定試下本身諗住食佢個套餐C見到咁既情況最後揀左套餐A算一坐定咩餐具都冇，要問佢先會比拎到過嚟淨得筷子同碟餐枱紙同豉油碟都冇最搞笑係有個員工問啲餐具係咪未齊，我地話係丫但佢冇再拎返比我地，要再叫另一個員工先比返-由落單叫野食到第一樣野食嚟等左半個鐘啲刺身臭既，黑既 睇落冇食慾食落又梅又臭 一食嘔晒出嚟個鍋啲肉靭到咬唔開 得幾舊菜 係舊都唔可以用條嚟形容最後真係頂唔順啲野食都唔食就走算-不可一不可再 唔好比佢個景呃左

用TapNow買了最貴111款放題，同家人慶祝母親節。以為優惠價$311好抵，完全不值！放題12點至3點，11:50去到門口，訂咗位都要排長龍，搞晒所有程序入座已經12:15！😡 明明訂位時講咗要窗口位，又冇安排，搞咗一輪已經12:30，最後先勉為其難同我哋掉位！😡 用QR code自己落單，但足足等咗半個鐘都未有嘢食，其餘自取食物只有薯格、小食、甜品、飲品，完全冇人serve，一個字「亂」！😡😡😡所謂三個鐘，完全唔知食咗啲乜，連$200都要值囉！食物粗製濫造，覺得自己食咗啲垃圾落肚！😡😡😡😡😡 到最後比錢，又要每檯再排隊喺門口俾錢，真係不知所謂！😡

有無海景都好小問題。個海景反正都唔靚。重點係入座壽司刺身要等一個鐘。仲要好多客人出壽司bar到直接同師父追。侍應好多都操流利國語。做事慢速。刺身只係最普通食材。仲要同你講今日假期特別多人做唔切。叫你唔好假期黎食。唔通凌晨3點黎宵夜咩🙃總之cp值極低。網上果d假期乜乜。唔好盡信

尋晚4人去食荃灣呢間放題，啲質素完全唔掂，我地叫左C餐，但所點既食物，往往只嚟到1至2件，係餐牌上叫做最貴既海膽，燒物，一件都冇嚟過，飽魚呀，點幾件，點幾次，都只係嚟左一次2件咁大把，你地唔係話，咁樓都得，莫非每枱有限制？？咁即係話，C餐晚價錢，只有A, B餐既野食，啲食物質素只不過是普通，問職員，只答唔好意思，今日人手忙，問題係，你地唔夠食材，唔夠人手，就唔好再放客啦，你唔夠C餐食材，就話俾客人知，咁客人可選擇唔食或揀A, B餐，你地咁樣做，根本只有一次，沒有再下次光顧既考慮！

今日母親節,突登選依間放題，因為上網睇評語話環境好好有海景，食物質素又唔差。我訂左12點6個人，仲備注想坐窗邊位置， 我12點去到已經喺門口排曬長龍，去到1220時，終於到我，我要求食B餐，員工當時表示一人加多30蚊，咁我一場嚟到都冇所謂啦，之後服務員就帶左我地坐個中間位位置，但個張枱坐8個人，員工表示一陣會有兩個人加入坐再加塊隔板，我地覺得好奇怪，明明仲有好多6人位，點解要坐到咁，最後要求左好耐我地終於坐隔離個張6人位置，我見因為依啲特別節日就算要求坐窗邊坐唔到都冇咩所謂。我一坐低就即刻叫刺身，再拎埋野飲就叫下其他熟食，直至12點35分，啲熟食慢慢嚟啲，成半個鐘黎先有一盤刺身，仲要啲數量都唔係我叫個啲之後見佢出得咁慢，我地就再不停點餐，去到下午一點員工已表示一點半last order, 但我地當中有好多食物都冇嚟過，而且啲刺生完全係個師傅亂切就上枱。最後差唔多夠一點半，我地就最後再order,點知1點31分㩒送出已經落唔到單。總結依間餐廳服務又亂，食物又麻麻，仲要就算用手機落單都好多漏單，刺身又亂上，我都唔明點解會有咁多好評，唯一好既係刺身係比出面多款式選擇，但好值一提係啲壽司豉油好

真係唔花太多時間寫食評，直接啲…😪一開頭俾佢個「海景」吸引，慕名而來諗住同朋友慶生☺️點知食過之後，發現佢係食過最難食嘅放題…刺身部份唔新鮮🤮尤其是三文魚…食完都覺得有少少肚痛…壽司紫菜冧晒，完全入唔到落肚😱「燒翠玉瓜」同「壽喜燒鍋」裏面嘅菜未熟自取熟食丟空好耐都唔refill仲要冇加蓋，唔太衛生炸雞軟骨好似KFC炸雞表皮唔食ge 厚炸皮甜品得幾款，Movenpick雪糕每人限取一杯最後人手真係不足，冇人幫手收碟…今餐覺得最好食嘅就係牛油粟米同🦀粥完！

呢間野嘅賣點只係得海景，野食根本不值一提！見咁多人寫到咁好都唔知係咪打手嚟😓首先入到去睇下自助區有咩好食啦，一望，啲嘢冇晒又無refill,食晒成餐飯都仲未見到refill😑另外食物質素方面，刺身質素就睇款啦，有啲唔錯，有啲一睇色水灰灰暗暗咁，好唔新鮮。佢哋壽司啲紫菜淋晒，咬幾下先咬得開☹️仲有個雞軟骨…我以為自己食緊炸雞皮，啲軟骨呢去咗邊？？？撇除質素方面，其實一間餐廳煮熟啲嘢食先放上枱係最基本，但呢間係做唔到！嚟個翠玉瓜同個肥牛鍋入面啲菜，全部都非常之咁脆卜卜，爽口到呢☺️呢間真係無下次，如果唔介意食物質素，只係為左個海景你可以去試伏不過都唔建議，同一個商場我諗會有其他更好嘅選擇

真係極少寫差評，一來嘥時間二來無謂影響人生意，係你迫我出手。。！廢話少講，出手原因如下:1.食食下一隻老鼠天花板跌落嚟-吹水X死家2.食物唔新鮮，差爆，你收咁叉貴，俾返D好少少野人食好無，仲衰過兆萬2舊水果D3.服務，乜春都要自己出去攞，包括天婦羅汁，行到咁Q遠，我上嚟係食嘢唔係行街運動，人地大x喜都送埋上台啦！4.呃人無Wi-Fi ，好x心啦，痴你Wi-Fi又點，拖慢你好多？咪咁小家啦！個客走咗自然斷線啦！個場大大個Wi-Fi放大器插響插蘇+掃到有Wi-Fi 都要nine吹話無Wi-Fi？你當我響孟加拉第一次出省？5.未試過未食完+揸車中，一路諗點寫+揼春！

今晚約咗幾個朋友嚟呢間餐廳食晚飯。跟住就落單，每次落完單，要3分鐘之後先可以再落單。我哋所落嘅食物，無出現過，不斷重複落單，然後先至嚟一次至兩次，刺身嘅數目同我哋落單嘅數目有好大出入，我哋都諗住算啦，坐喺度傾吓計……返到屋企就知好大鑊，個肚成晚痛，由離開餐廳番到屋企，一共柯咗3次，我唸我唔會再嚟！食物種類唔多，而且味道相當喊！ ！ ！如果真係要介紹，唯有推介佢嘅牛肉鍋，全晚淨係得個牛肉鍋叫做幾好味！其他嘢樣樣都係一般！

揀呢間餐廳係因為有得坐室外打卡望海 望住個海景食放題Chill到呢仲要咁啱天氣好好 涼涼地確實幾爽食物賣相同味道都唔錯 任食鰻魚開心仔 厚肉但太鹹吖刺身冰底上 都幾新鮮 炸物脆卜卜架牛肉窩好多牛肉 Order 冇乜甩漏 點幾多黎幾多店員服務唔錯 見開始曬主動開太陽傘俾我🙈但如果天氣熱又曬真心唔太建議 夏天必定GG🌞🤦🏾‍♀️ 刺身肯定熟埋有太陽傘都係咁話 🥵室外唔一定可以坐 要預先問 餐廳：極上千島櫻海景放題推介指數：⭐️⭐️⭐️⭐️（5星滿分）

好失望，叫得C餐，係因為有長腳蟹。拖羅。海膽任點每人貴成舊水。既然任點。你計我5個大人，點解我幾次落10既長腳蟹數量。你哋次次俾一隻蟹腳，仲要斬開3-4份，最終到我出聲，才有3隻腳斬開十幾份為一份既分量。仲要隔3分鐘才能落單。刺身相比出面既放題嚟得薄。但價錢貴過出邊好多。我揀得食，自然要負責，不過係可一不可再。完全唔會回頭，好像食放題。但食物出得寒酸。如果我叫得多食唔晒，你咪收付加費，但唔好出到咁。我第一次食飯要食到想寫食評。寫負評。但服務員態度係好既。但食法仲係以前放題既態度就唔係咁好，海景係靚。可惜啲玻璃幕污糟到大煞風景。地方尚企理，但裝修好Old 餐牌內容唔豐富。如果係劃一收費既我唔會期待太多，但分開ABC ，我會期待C餐係比AB豐盛。可惜。。。。。。。食牛邊爐有分普通，上級，日本和牛，人哋俾多啲錢係真係食到想要嘅嘢，呢度做得寒酸。唔做好過我選擇呢度係想有好少少既經驗，並非想可一不可再。如果係食二百幾蚊既，去大喜屋理想好多，至少豐盛滿足。希望會有改善！

安排左窗邊海景位，好舒服，飲品選擇都算多，自助吧的前菜也不錯（應該係攞貨的），甜品好食，福餅由其出色，可惜主餐的食物尚有很大進步空間.魚生一般般（以呢個價錢計將就將就啦），但個豉油超鹹.炸物需要改善，雞軟骨全是粉，炸過火；天婦羅粉勁厚，應該係太大火炸，炸物全部都好深色.牛柳粒有份唔熟，燒蝦勁霉（蝦啱夠生鮮）牛肉鍋個汁太甜，但豆腐幾好食.壽司醋落得太多，飯太酸，飯團又散.總結，不過不失，只要要求唔太高都可以試試，食物種類都幾多.

食物唔錯 選擇都算多 刺身好新鮮 特別推介炸蠔 原本以為海景黎做selling point 食物水準應該一般 有d喜出望外 而且價錢亦都同其他放題差唔多 冇特別貴 重點係服務態度比一般放題好好多 會同客人傾下計食得超愉快 絕對值得再幫襯

今日和朋友來呢間極上千島櫻晚餐，用餐時間為17:00，佢分ABC餐咁我們點了C餐……今次中伏了講下環境面對海景如果座窗口位係幾唔錯嘅，另外亦可帶寵物入內。但問題係食物，首先刺身一般，佢有個單點海膽啲海膽鼻屎咁大仲要化水(C餐至有)另外個鰹魚刺身無炭燒味和少少變色(雖然係急凍但新鮮解凍仲會有少少炭燒味)其他其實都麻麻不過呢兩種比較嚴重，如果要食海膽B餐海膽手卷都足夠。壽司方面好啲，外觀都唔錯。熟食方面焗扇貝濃咗啲，牛柳粒像垃圾一般食少少無食，羊架和牛舌比較正常，龍蝦仔叫一份佢來得一隻唔知以為叫波士頓龍蝦，不過都唔太好食，另外小心黃金螺好多沙，平均來講熱食水準以下。飲品方面清酒梅酒氣水果汁任飲（係無啤酒）今日好似無雪糕供應（電話落單），本身唔多食甜品所以無問。食物方面講完到服務，服務唔見出色。班仔服務員見到空碟就咁行開完全唔識收，係得個啊叔會收下囉！價錢又唔扺，C餐兩位810$咁嘅質素兩個字中伏。如果大家要試食A餐就算，佢優點係環境和可以帶寵物。不過我應該唔會再去，希望呢間公司負責人能夠改善下，唔係話放題就可以做到咁差質素。以上內容只供參考，用餐日期30/4/2022 晚上17:00

刺身略細件，新鮮度還可但種類選擇多，最出色反而系熟食，炸物，環境大，上菜快，坐得舒服！價錢中規中矩！飲品有清酒，一般汽水及茶，兩小時放題時間尚算夠食到飽飽！提前半小時埋單last order