極上千島櫻海景放題 (已結業)

位於荃灣海之戀商場裡面的日式放題餐廳。餐廳窗邊位置座向大海，可以飽覽整個青衣、荃灣海景及汀九橋，黃昏時日落的景色更加漂亮。餐廳面積相當大，座位寬闊、舒適，另外還有獨立房間及露台座位。放題分別有經典、精選、豪華三個款式，豪華版有最多選擇，供應過百款食物，名貴的刺身都有，如松葉蟹腳、海膽、拖羅、原隻鮑魚等。下單時只需在電話上掃二維碼點餐，既方便，又可確保不會漏單。外面有冷盤區，如青口、海螺；沙律區有番茄、泡菜、味付螺肉、中華沙津；飲品區有茶飲、果汁、汽水，另外酒精飲品，如日本清酒及啤酒都有；還有炸物區及甜品區。刺身：吞拿魚、油甘魚、貝柱、甜蝦、螺肉刺身每片都是厚切的，色澤鮮色，蠻新鮮、魚肉鮮甜。一品料理：爆炒珊瑚蚌 小炒料理炒得香口，珊瑚蚌很煙韌。一品料理：熱湯手打烏冬 烏冬有驚喜，麵條扁扁平平，很細滑溜口。炸物：香芋丸即炸的丸子，煙韌口感，入面是甜甜的芋頭蓉。燒物：西京燒比目雖然只是細細塊，但是魚肉也蠻多，魚油油脂豐腴。燒物：網燒鱈魚片、味淋魚乾兩款魚乾，分別鱈魚片脆口薄片；味淋魚乾則是煙韌，很硬口。甜品：朱古力糯米糍煙煙韌韌的外皮，沾滿了朱古力粉末，入面則是忌廉，口感軟糯。

今日係朋友介紹之下去咗一間有海景嘅日式放題餐廳試，睇完餐牌之後發覺都好似幾抵食🕺🏻餐廳係用QR code落單，想食乜嘢自己控制，唔使假手於人🤣——————🐽 刺身拼盤刺身尚算新鮮，尤其係魚類，三文魚好肥美，油甘魚好鮮味，特別之處係可以叫埋赤蝦，性價比極高🐽 壽司拼盤壽司方面絕對見得人，魚生以及配料新鮮不在話下，壽司飯亦唔會好似其他放題咁握到好大舊，海膽以及三文魚子都可以散叫🤣🐽 蒜香牛柳粒、和牛賀喜燒叫咗兩個牛嘅熟食，蒜香牛柳粒牛肉好林一啲都唔會有跟，和牛賀喜燒味道啱啱好唔會太甜或者太鹹，而牛肉亦都好林滑🐽 鹽燒牛舌、蒲燒鰻魚、香草燒羊架、燒菠蘿燒物同樣出色，牛舌用左最嫩滑既牛舌芯，鰻魚大大舊一d都唔會吝嗇，羊架好嫩滑，肉味亦唔會太重🐽 吉列炸蠔、芝麻雞翼吉列炸蠔比想像中好，蠔肉好多汁新鮮，咬落去有小小爆汁既感覺，芝麻雞翼皮脆肉亦都好嫩，唔會炸到乾曬🕺🏻

今晚同屋企人去食放題，一睇個店名已經覺得好有日本食堂嘅感覺😌餐廳有榻榻米嘅房間，感覺都好大又舒服😍真係好和風。除咗e個特點之外，餐廳設有海邊卡位，望住個無敵大海景食放題都係第一次☺️睇返餐牌，有唔少套餐可以揀😍我地揀左最高級嘅套餐🤤有任食拖羅同海膽😆我地點左以下：店家送左生蠔，超肥美，有海水味😋🌸拖羅刺身食落好肥美，色澤都好靚🥰🌸原隻醉鮑魚刺身係連殼嘅，食落QQ又帶酒香。🌸海膽味道好鮮味😋我地仲點左其他刺身，全部都係厚切🤤又鮮甜😍🌸火炙醬油中拖羅壽司最為有特式，拖羅火炙左之後，口感都好好，更食到油香味。🌸極品櫻花船係腐皮做嘅小船上面有粒粒嘅角切刺身。🌸海膽手卷上面係大大片嘅海膽😋🌸蟹肉蟹膏手卷上面係蟹肉同滿滿嘅蟹膏🤤🌸天婦羅🍤嘅選擇都幾多，我地每款都點左少少，當中虎蝦天婦羅 & 迷你蕃薯天婦羅最為吸引同鬆脆。🌸燒物方面，我地點左黃金醬燒帆立貝，台式一口腸，鹽燒海蝦，鹽燒牛舌，燒菠蘿等。串燒燒得香香，大部分都保留都肉汁同水份，唔會太干。🌸炸物方面，榴蓮炸彈，炸鮮奶，吉列炸蠔，芝麻雞翼。榴蓮炸彈食落好香，外脆入面有流心嘅榴蓮溶😍🌸煮物方面，我地點左清酒煮蜆& 蟹粥，蜆肉帶酒香，粒粒嘅蜆肉肥嘟

早兩日約咗呢間食放題，環境好正呀望住過海座位又夠寬闊😊喺門口睇到啲菜式都有好多選擇喎！有三個價錢，試左最抵個個set A先先來一個刺身放題，刺身選擇都好多又夠新鮮，三文魚虎蝦甜蝦螺肉都好新鮮🤤鮮甜惹味燒羊架，份量夠大，肉質又唔乾身夠juice!配埋檸檬汁食夠開胃🤤仲叫咗好多卷物，有三文魚芒果卷、鰻魚卷，每款都唔錯另外個人仲特別推介呢個蒜香牛柳粒，炒得好香蒜味，粒粒牛柳粒都好Juice！呢個再叫多左個黎食🫣

荃灣是一個覓食好地區，什麼國家的菜式都有。是日來到荃灣新開的海之戀商場，來到這間日式放題餐廳，地方蠻大。放題有分三個級數，基本版到豪華版都有，價錢也相差一大截。食物種類涵蓋廣泛，壽司、刺身、卷物、創作料理、天婦羅、燒物都有。不過每個種類的選擇不算多。飲品主要是汽水，還供應日本梅酒，客人可以任飲。刺身不只是有平日常見的三文魚、吞拿魚等，還有蟹肉、鮑魚、原粒帶子，味道蠻新鮮。熟食方面，毫不欺場，而且擺得相當精美，推介一下蒲燒鰻魚、香草燒羊架、味淋魚乾。最後，吃飽後來些甜點，雪糕櫃裡的是各種口味的雪米糍。

見到網上對呢間餐廳好多評論，自己個嘴最誠實，決定一試～試左佢豪華櫻套餐 (晚市$368 +1)座位闊落，如果早book枱可以坐窗邊，望住海景都幾爽～自助bar有前菜小食（中華沙津、八爪魚仔）、冷盤（青口、蝦、螺）、甜品、熱食同飲品（日式清酒、啤酒），種類都唔少～最出色我覺得係壽司，除左常見嘅壽司外，仲有好多款式的火灸壽司同自創壽司，平時食自創壽司好易中伏，但呢到係正常嘅。火灸壽司好食，叫左幾round～熱食種類都好多，蟹粥好綿，有成1/4隻肉蟹，大癲～羊架好食，唔會太un～我最愛的雞泡魚乾同燒翠肉瓜～天婦羅好食，皮唔會太厚，熱辣辣～試左唔多刺身（因為最近戒生冷），都幾正常有鮮味～總結，熱食好食，職員服務態度幾好，加埋海景，三五知己一齊食，唔錯

火炙壽司，更加要試下滋味蒜香帆立貝，醬油漬三文魚非常入味，🤩鹽燒左口魚口感嫩滑，蒜香牛肉爆汁可口，超大嘅醬燒蟹棒，鹽燒三文魚都非常入味鹹香。🥳經過火燒之後，刺身更加會帶有獨特幽香，而且味道豐富。  既然是🤓任食的生魚片吃到飽 ，當然要開心盡情食！生魚片方面，我最中意虎蝦刺身。蝦刺身夠新鮮，而且好大隻，😚口感好滑。貴妃鮑片刺身，口感同真的鮑魚好似，富有彈性，都非常入味。太平洋象拔蚌刺身， 🥢魷魚片刺身，🥰高質新鮮，性價比高。

琴日約咗幾位朋友晚餐，在商場找到一間日式放題 “極上千島嬰”價錢相當吸引，晚市 $278 任飲任食重點係包埋各式各樣酒 水地方寬躺企埋，小食區、甜品及自助餐飲區，各式各樣飲品及酒精飲品全包👍🏻🍶🍺我們坐在靠近窗邊位置，邊吃邊欣賞荃灣、青衣海峽兩岸風景😁幾個老友吹水最正🤣🤣🤣食物方面有超多選擇，日式放題基本上應有盡有！整體來講，魚生、壽司食物新鮮熟食方便，味道不錯服務態度非常好，上菜快我會給予餐廳 93分以上

屋企人生日book左檯去荃灣西海之戀3樓既極上千島櫻，餐廳設有戶外露台餐座，都係第一次對住海景食放題😍放題套餐有三款，最平個款都有74樣食物，最貴既豪華櫻多達111樣，真係冇咩可能試得哂🤤刺身落左單唔洗5分鐘就送到，叫左我最愛既三文魚❤️另外仲有油甘魚、北寄貝、榮螺片、虎蝦、甜蝦等，擺盤幾靚幾有心思，味道幾新鮮，特別係三文魚，厚切得黎又肥美☺️壽司每款都點左兩件，分別有醬燒蟹棒壽司、花之戀、三文魚腩壽司、海膽帶子壽司等，質素一d都唔差，帶子肉厚味甜，富彈性，食完再encore🤣燒物鹽燒海蝦肉質彈牙緊實，焦香入味，燒得幾好👍🏻

今次嚟到荃灣呢間海景餐廳食放題，環境開陽，我哋坐喺窗邊，風景超正！！🍣刺身、壽司放題梗係唔少得食刺身啦！刺身嘅種類都應有盡有，三文魚、八爪魚、帶子、北寄貝、赤蝦等等等等，全部都新鮮好食！最正就係帶子同赤蝦，嚟到一定要試！壽司的話最推介吞拿魚蓉😍🐟味淋魚乾擺盤好靚嘅魚乾，隔離仲有紅姜，食落非常脆，味淋味香，值得一試！🐍蒲燒鰻魚鰻魚一份有四舊，隔離有啲椰菜絲，齋鰻魚咁食又得，同椰菜絲一齊食又得，口感更加豐富㗎！

今日相約朋友係荃灣食飯，未夠鐘去咗Donki行咗個圈，然後想去呢間千島櫻放題戰鬥一番。裏面裝修環境好有日本風味，大部分用木做主題，有好多日式嘅木門裝修，而啲燈都係花過心思，係條魚黎。食物方便特別係刺身非常高質，海膽刺身非常新鮮，啲甜蝦一啲都唔腥，可以放心係咁食，仲有好多刺身包括帆立貝、八爪魚、三文魚等等。呢間放題仲有我最鍾意食嘅麻辣小龍蝦，好入味，唔會好辣，食物種類真係好多。熟食方面我就比較推介佢嘅燒羊架，肉質非常淋，睇得出有用心製作。

事先聲明，我不是打手。今日，即慶約朋友晚餐，上網選擇了荃灣這間日式放題。雖然知道網評一般，見價錢不太貴，還是抱即管一試的心態。電話問了有3款放題，我選了最平宜218元的A餐。電話預約晚上7：00，但埋單才知218元是晚上7：00前離座的價錢，7：00後離座是248元，當然再加一，感覺受誤導，因為無店員講過收費方法。手機QR code落單，刺身全部無味，明顯是急凍貨，極之失望，還有壽司，燒物，天婦羅，少量熟食。放公眾吧枱就有甜品，前菜冷盤，飲品，湯，酒，2盤熱食，凍蝦和凍蜆。我只覺得炙燒左口魚壽司和鹽燒蝦是有正常的味道，其餘試的刺身全部無味，熟食全部靠咸味，又乾又咸，似是用同一煮食及調味方法。總括講一句，性價比低，不會再幫襯。

今日同朋友一行4人 6:00去到 。因為之前睇到上哂新聞 ，都怕，因為取消吾到 ，所以要照去，朋友到先 就諗住叫佢落單先，都知應該有排等 但又俾預期好左，野食好快上 ，樓面都有人汁碟，野食都ok。落幾次都好快到 ，海膽長叫長有。刺身都ok 未叫做新鮮但接受到，海膽都ok 只系分量比較少，熟食串燒都熱都好食既，可能上完新聞有改善到，舊貨都清哂 所以我覺得冇之前所講禁差，雪糕每人只可以食一杯，都系清酒梅酒任飲，有朋友生日所以送左個細蛋糕仔同送左支香檳。

5月9日為朋友餞行，為咗方便朋友，選了這間在海之戀商場的日式方題，諗住同朋友可以一邊吹水一邊食，開開心心咁過3小時，點知……12點前到達，店舖門口已經排了一條很長的人龍，我和朋友沒想什麼便跟著排隊，時間一分一秒地過，人龍亦愈來愈長，但人龍好像以龜速前行，沒有大進展，終於在12:34安排了我們入座，我選了最貴的C餐，希望朋友食得開懷。我們肚子確是很餓，坐下便一路起勁地下單，下單後就看看自助食品區有什麼好吃，但又失望而回，原有的葡撻一迅即逝，只餘下一些薯角，諗住再晏的會添新葡撻，結果整個放題時段都沒有再看見葡撻的蹤影。那麼下了單的食物又如何？又是等……..30分鐘後才來了一盤很細的魚生，還要份量種類不足，那麼再下單吧！又是30分鐘，而且很多食物都沒有送來，追問後就話無晒如是者30又30，我終於忍唔住問職員，但佢哋根本幫唔到我。最終，職員願意降至B餐收費，我為了息事寧人，亦勉強接受了。但相信以後也不要幫襯。

之前朋友在網上預購咗午市93品放題$236位！星期六要加$20/位，再加原價10%服務費！但唔明點解佢係收咗我哋預購4位$944，到場時再收4位$80 星期六附加費，再加$107.2相信係服務費，但點解又再收$18.72服務費？最後實收$287.5/位！不過就可以食三小時（12-3:00pm）由於已經預購咗！雖然網上見好多劣評由於已比咗錢冇得唔食抱著戰戰兢兢心態去食又唔係差得咁緊要相信佢哋都改善中！刺身～普通貨式！海膽手捲，鮑魚仔軍艦～細細件！第一次落Order紫菜好脆！不過第二次就冇咁脆雪花牛肉鍋～最穩陣！牛肉偏靭！味道OK麻辣小龍蝦🦞～唔掂唔太新鮮炸榴槤及鮮奶～出奇哋OK好熱辣辣！蟹粥及燒牛舌～朋友叫咗兩次話OK,我就一般！門口個Menu話有北海道帶子，但我又唔覺有飲品都算多！仲有梅酒！不過味道朋友話一般總括～由於唔多客，只得大約十枱客！服務又冇想像中咁差！上菜時間都快！不過唔會同你講放左啲嘜落枱！質素比較參差！有兩女一男比較殷勤！但有啲就麻麻哋！