極之好粥麵茶餐廳 (已結業)

簡直係黑店,搶$$$$一族.水皮的雲吞十蚊一粒,味精勁重的炒公仔面由$34---$58不等,如果你是水魚或外地客肯定一頸血!!!如果為慕獎的虛名而來,更後悔萬分.!環境擠迫極不舒適;紋身員工煙不離手,粗不離口!三字經唔識聽到你識.........(現在時間關係真人真場地大披露待續,)

第二次再去呢間野都食一丁，諗住有改善....依然係咁貴。34碟一丁再加13蚊一杯凍檸茶(仲要係細杯)....真係貴得可以。今次叫了長城牌優質午餐肉炒一丁，諗住好快可以有得食，點鬼知等咗成3個字至炒到出來。賣相差過上次都算啦，蛋絲呢啲配料全部都冇....隔離枱果位人兄一樣有此情況，叫個侍應加番，個侍應就好悔氣咁加到成碟係..猛話「得得，加多啲俾你」最慘係用佢果隻乜都掂過o既手夾上來...見到已經開始反胃。所以我最後都冇叫佢加番。上次食我已經話俾人潑水...今次食又係俾另一個侍應潑水...事緣個侍應發覺水桶冇水時，大力fing了個桶幾次，結果張桶內的水潑了一大遍在我的枱上....佢可以乜都當睇唔到...抺都唔抺...簡直係一絕。至於講番個一丁，炒到諗batbat...似炒生麵多個似一丁，望望水吧入面，突然發覺入面有個大光麵o既盒，而以前經驗話我知茶餐廳好鍾意用日丁麵/大光麵呢啲充當一丁麵....。我開始有理由相信呢間野係隔羊頭賣狗肉。至於杯凍檸茶....甜到驚死你冇糖尿....總之一句講唒...呢間野不知所謂

極之好既價錢又真係幾貴既~尋晚同個friend去食~ 2個人都要成$100~我地都只係叫左:一杯熱飲~ 一杯凍飲~炒公仔麵, 公司三文治同埋一碗白粥~金菇叉燒炒公仔麵- 金菇同公仔麵混埋一齊~ 肉眼睇唔到~ 但食落feel到~ 口感不錯~- 好多叉燒~ 食極都仲有~- 整體都好好味~公司三文治- 多料到一咬就飛晒出來~- 勁好味~白粥- 食得出有瑤柱, 白果, 腐竹~- 超好味~

睇到個食評先醒起以前曾去過呢度一兩次,點解記唔起?因為可一不可再囉!見到佢話炒一丁好出名咁,於是叫左一個(唔記得咩一丁了),結果...分量少,有成半既一丁仲「窿」左,好似食番一丁版既鍋巴咁!貴夾唔飽!真係「全城盡慶(好慶),殘碟一丁」!叮!

叫了碟日本鮑魚炒一丁加凍啡，55元，貴已經算數了。最正係呢間野係冇套餐呢回事，你叫野飲，理論上跟餐都平番一兩蚊(這是行規)。但你叫唔叫粥粉麵飯，原來野飲都係一樣，咁收得貴都算啦，點知杯野都係少得可憐...碟炒一丁賣相真係好靚，料都幾足。但其味道同製作時間，同個價錢唔作正比囉...加上員工的潑水態度(事緣小弟點餐時，個員工飛張餐牌俾我時，整瀉o左杯水...但居然可以當睇唔到)，加埋入面好多野飛飛o下，我真係覺得佢攞獎係咪俾o左錢班評判....

勁足料,不過成$16一碗. D炒麵好好食,不過舊時好食好多...

琴晚同女友同另一個女性朋友3人係呢度食夜晚果餐.查實之前都幫襯過好多次.都係例叫o既有蔥花滑蛋煎腸粉,都OK呀~一貫水準,一貫熱氣...^^".另外仲有炒麵--都OK.之後仲有雞翼炒丁.呢個反而麻麻.有D翼O既毛都未抆就炸.個賣相OK不雅囉~麵亦都炒到唔似一丁.係一舊囉.同埋仲有一個雙拼湯米.都OK啦~每人一杯O野飲,埋單136蚊.3個人食45蚊餐茶餐廳真係OK貴.過去花園街間九龍咩牛扒之家好過,都唔駛咁貴.同埋講真D伙記招呼都OKo既.要水有水,要茶有茶.但真係好似太多口囉~口花花咁感覺反而差o左.

因為好趕,求其叫個車仔麵冇食招牌野>.<.d蘿蔔牛腩勁好味,辣油又好食,不過份量好少~少少的三'送'一麵$22,ok貴

車仔面加炒公仔面是依度最出名同抵食既菜式，昨晚同朋友甲來依肚,第一樣最不滿既係,佢竟然安排我地坐係最後冇裝修的位置,但出面樓面係仍然有位的,我地都決定快食離開,我叫了車仔面有冬故,煎魚餅,雞翼尖拼米線,但最後給了我的是公仔面,因侍應態度惡劣,所以照食,公仔面真的不能接受,很難吃喔,餸的還可以接受,湯底仍是最好的,朋友甲叫了一個xo豬頸肉炒公仔面,都幾好味,但份量不是太多,最多的是青椒同洋蔥,最後還叫了一杯紅豆冰,還要講講依度的侍應,黑口黑面,又趕住執枱趕人走,下次都不會來受你氣喔

車仔麫有好多款餸揀！湯底很濃！廿幾蚊已經飽到震！豬皮、牛膀、釀豆卜、炸菜肉絲都係我favourite!豬腸and 牛腩都正！大家不妨一試ar!

旺角食店非常好，但有水準的卻不是很多﹗極之好茶餐廳算是一間可保持水準的茶餐廳﹗無論小炒粥麵都保持到一貫水準﹗以茶餐廳以言，價錢就畸貴一點﹗

車仔麵又話幾巴閉，不外如是，份量少，味道普通，價錢偏貴。炒一丁夠大碟，但也不是冠軍級。

一個星期前黎li到食車仔麵,不過個麵唔係咁好食,而d湯就更加唔得蘿蔔,豆腐,蟹柳,菜就一般豬紅唔好食牛腩好韌完全食唔到仲有一個好似獅子狗既物體,但唔記得左個名,都係唔好食,因為係凍嫁本黎都想試佢既炒一丁,但係行入去坐果陣,見到人地食,d炒一丁好多油,見到唔多開胃,所以放棄左,後黎搭台既食客真係叫左,佢地不斷話唔好食,咁我諗都應該唔係咁好地方同環境都唔係咁乾淨,so唔會再黎幫襯la

以前行旺角覺得唔止兩間分店宜家少左講番野食，比以前差左試左炸豆腐、魚旦、雞翼尖等炸豆腐係招牌菜，但唔好食有油益味，裡面係凍0既唔會再去lu

同朋友行過旺角諗唔到食乜﹐經過呢度諗起有得獎招牌貨炒出錢一丁﹐朋友唔太肚餓又可以食粥於是就走左入去。下層爆晒棚﹐要上二樓﹐原本都無咩野﹐但係坐低無耐﹐諗緊食乜野的時候﹐附近D “煙囪”開始發功﹐煙霧彌漫﹐極之難頂。雖說旺角區食肆已經預左係0甘﹐但係既然樓上抽風系統唔夠強﹐點解唔劃做非吸煙區﹖原本諗住煙如此大﹐下次先幫襯﹐點知望下個餐牌原來一坐低唔幫襯就走的話要俾$30! 簡直無理到極點﹐連熱茶都無Serve過一杯﹐憑咩收$30? 直頭同屈人無分別...!OK﹐反正坐低左﹐無理由咩都唔食唔飲就要放低$60架﹖一於試下你D野係唔係如此“掂”?叫左一個豬頸肉炒一丁﹐一個煲仔牛肉粥﹐一客招牌雞翼﹐一杯凍檸樂。先上個雞翼﹐老實講﹐碟雞翼炸得係幾好味﹐但$20 得四隻中翼就真係貴左少少﹐唔好唔記得呢間只係粥麵茶餐廳﹐我真係唔明點解要$5 一隻雞中翼(仲要唔係大隻)...再黎個粥﹐滾就夠滾﹐但係一睇D牛肉“片”得如此薄就知道唔掂。朋友分左一小碗俾我﹐果然﹐淡而無味﹐牛無牛味﹐粥底亦唔夠厚﹐空有煲仔之名但各位絕對唔好期望會係同煲仔飯一樣色香味全。等左接近15分鐘﹐個炒一丁終於黎到(朋友已經食得七七八八