極之好粥麵茶餐廳 (已結業)

唔知係咪七月十四..好唔好彩咁入左呢間垃圾餐廳, 一上黎睇番d評語, 果然完全中哂point!! 以後試新野果時, 一定要上黎openrice睇睇!!好啦~ 坐低睇下食咩果時都冇乜野, 落單時個waiter冇乜禮貌.. 問佢有冇落齊單佢又當聽唔到走左去!過左一陣, d野上枱, 叫左個咖哩薯仔雞飯同埋黃金雞翼出前一丁。先講個咖哩雞, 真係一絕!! 似係咖哩雞骨飯!! d雞可以食到既部份少到唔知有冇食到落肚...薯仔都係得幾舊!!根本就係極之差咖哩雞飯!! 仲要成$38!! 第二度食包野飲加多個湯都仲有!! 之後個雞翼出前一丁都係普通野, 完全唔值$38.. 又係o係第二度食仲低過佢~野食唔好食都算~ d waiter粗口勁了得, 聽者反胃, 胃口大減!! 呢間野真係極之好粗口!! 真係想快d睇到佢汁~ 影響市容~貴夾唔低食, 粗口爛到極

我都係講緊太子通菜街既新分店。話說有去開旺角通菜街近旺角中心個間分店, 不過已經執左。見到太子開左新分店, 唸住去食車仔麵。我地一行4人, 我同一個朋友先到, 另外2個由旺角中心起程行緊過黎。一座低, 個伙記已經問: 食d咩?我地話: 睇下先。我地唸住等埋另外2個朋友黎先叫野食。點知過左2分鐘，個中年女伙記(唔知係咪老細)又埋黎問: 寫野未? 我地卞話: 等陣先。跟住再過3分鐘，又黎, 問落單未? 我地話: 轉頭先。個女伙記竟然話........ 我轉左2次頭架啦喎。唔寫野都叫住野飲先!嬲到爆, 因為當時間野仲有位, 又唔係坐滿, 我地即刻同佢講, 我地都係入左黎5分鏗啫, 唔阻你好耐啫, 有人等位我地咪俾番個位你囉。之後, 佢一直口黑面黑。講番車仔麵, 比次前旺角個間完全係2件事。3餸車仔麵都要廿幾蚊, 縮哂水, 魚蛋由5粒變3粒, 所謂招牌炸豆腐係涷同"Un"既, 湯底亦無味。就係咁, 好失望, 以前好鐘意食呢間, 以後唔會再去。俾$食野仲要受氣!!!

早幾日經過太子通菜街,見到極之好新分店,入去食咗個午餐,$32有金牌咖哩薯仔雞飯加紅荳冰,啲雞竟然係隔夜炸雞脾切開,真係環保,紅荳冰更差,紅荳又唔淋,花奶都唔捨得落,食咗三份一,頂唔順,走!

經人地推介話呢度個黃金雞奕炒出前一丁好好味,我就黎左試. 即叫即炒,雞奕即炸,上碟幾靚,個麵睇落唔係好油,不過又不至於乾身,個麵仲有o的蛋絲,青椒,紅蘿蔔絲,o的雞奕好大隻,一碟有4隻,睇個樣炸得幾靚,不過食落...好鹹,又唔夠入味,可能因為大隻得滯,不過就新鮮熱辣.而個麵...都係好鹹,唔o岩我口味,我反而鐘意食即食麵o個o的撈麵多o的.

平時去旺角, 都會食極之好既車仔面最鐘意係佢地既蘿蔔, 胡椒味重! 好惹味不過有一次試左佢地既豬頸肉炒一丁好多油, 食完之後個胃好辛苦, 而且面又唔乾身加上侍應服務態度奇差, 衛生更加唔駛講咁貴既消費唔應該俾呢d服務!

去旺角突然想食炒公仔麵，就諗起呢度喇，兩點幾都仲有午餐，可惜係唔包炒公仔麵，所以唯有另外叫喇！我地叫左一碟咖喱三絲炒公仔麵同越式大碗飯午餐。炒公仔麵其實即係星洲炒米，只係將米粉換成炒公仔麵。麵炒得夠乾身，料亦好足，賣相唔錯。不過佢既調味落得幾重，味道偏鹹，岩晒口味重既人。同埋真係好辣，辣到要用白飯黎中和返！另外個越式大碗飯套餐有四樣餸，包括雞翼，春卷，扎肉同豬扒。所有餸都炸到好乾，感覺幾熱氣，而條春卷好明顯係中式唔係越式，不過算啦，味道都ok既。同埋唔知點解碗飯一啲汁都冇，完全係白飯，加上咁乾既餸，個人就覺得麻麻地喇，或者可能要自己落豉油吧！套餐可以免費叫特式飲品，我揀左柚子紅茶，第一次咁既配搭都幾得意！另外呢度既大叔待應會幫你洗埋隻碗，都幾細心！暫時都未食過比呢度好食既炒公仔麵，下次想食都應該會再黎！

I was attracted by the celebrities pictures/comments clustered on the store front, and went in for a bowl of 車仔麵(cart noodles). Oh, it was awful, the soup was lukewarm, and the noodles were not cooked and partially stuck together. The fish balls tasted like dough. I asked politely if this were the way it should be, the man tending the store said ‘people like it this way’. “Really, got to be kidding”I mumbled. However, he took my noodle into the kitchen and fixed it, after all, soup was hot

冒名而來，失望而回。滿是油的一碟XO醬豬頸肉炒出前一丁，再加一杯檸檬帶澀味的凍檸茶。加上一般茶記的裝修，除了了無驚喜和一無是處外，找不到更合適的形容字句了。

HAPPY FRIDAY, 同事們想出去食, 去咗間好似好出名既茶餐廳食lunch. 我叫咗葡汁焗蟹柳魚柳意粉. 紅豆冰. 紅豆冰不錯... 不過個焗意粉差到喊!... 葡汁似冇味咖哩汁, 意粉好核突, d 餸好難食... 唉.. 早知叫車仔麵無咁嬲!

以前常常去吃黃金雞翼炒丁，外加白粥送麵，次次食都滿足到想哭雞翼色如黃金，又香又脆，炒丁亦挺好味，加上有些瑤枉的白粥，好味!試過雲吞麵，也不錯，不過蝦醬海解炒飯就不太好，沒有蝦醬味，叫他們加一下都諸多推塘，做得一家好的食館，要接受failure，要學會flexible，花無百日紅。炒青菜都要四十幾，好貴...

每年新正頭，可以選的話都會以粥作主食，除可清清腸胃外，更貪其好意頭，記得上年返U前的財叔粥麵，今年就來間極之好！這裡廿四小時營業，標榜鎮店之寶黃金雞亦炒一丁，睇落真係相當Heavy，仲話清清腸胃…，座落問了阿姐有否碎牛，就點選生滾碎牛粥及炒米粉。碎牛粥真的是生滾，座在廚房旁邊看見阿姐用湯匙慢慢攪動，相當細心，因碎牛粥跟滑牛粥不同，後者因牛肉片比較大，可滾製一段時間才攪動，但碎牛當沒有攪動的情況下滾製一段時間，除粘在一起之餘還會邊老邊生，故碎牛生滾粥制作上真是麻煩點，但食味絕對比滑牛佳，因鮮味滿溢嗎，跟艇仔粥的碎牛肉味道不能同日而喻！這裡的粥底不見到很好，起碼不是咸粥底，但有點可以的是吃到幾位腍腍的銀杏，這裡加分不小。炒米粉不油膩及不過咸，比起炒麵，炒米粉配碎牛粥都幾襯，不過面頭灑的芝麻就影響大局，炒得有點苦澀之餘又油膩，早知就走掉它啦。一碗生滾粥的價錢廿個銅板，加上十個銅板的炒米粉，這餐不能比上正餐的填肚輕膳，要三十個銅板落樓，都幾難定它的經濟價值；但若以正宗生滾加上廿四小時營業加上旺角最旺的地區，這價錢就不見得昂貴。阿姐服務不過不失，但要求粥內多加生菜絲的面色就好像麻麻，而見她的半咸

近年餐廳以出前一丁為作主要材料,越來越普及,並非用來作車仔麵底,特餐那麼簡單.而是用來炒,撈.有點功夫的.撈麵系以新記的芝士撈丁,和蘭芳園的荵油雞扒撈最佳,炒麵系就數到去極之好.昔日愛乾炒豬扒一丁,出前一丁本身獨特的質感,以極之好的功力,完全做到人馬合一.鑊氣沖天,本身難以入味的丁麵,一輪火光熊熊之下,每一條麵條,滲進香氣四溢的汁液,又香又爽.日前再去,水準直插,乾炒貨色好比濕炒,吃落一口油.事後一整夜,個口很不舒服,狂灌清水可樂,也無補於事.加上身邊周圍環境影響,"鄂"高下巴眼啤啤的古惑男,左擁Lolita打扮的少女,咀臉不可一世,我對此店,就是今生今世- 不再光顧.唯有在此藉詞去悼念.

本人極少來到旺角行，所以在唔知附近有セ食嘅情況下入左來食。見佢地有D報紙貼係店內介紹佢地D車仔麵，所以就order左一碗。來到時，麵唔多，湯底亦唔係好似D報紙講話用豬骨肴嘅味道。味道像溝稀左嘅牛腩汁。不植一試

(30/10/06)雪菜肉絲通心粉,通心粉軟韌度適中,真係唔多茶餐廳,整到咁架!另外食一個餐,沙拉牛排法包,塊好味牛排,份量好細,真係到喉唔到肺,法包脆脆,不過唔熱既。餐飲熱檸水,突然發現點解單上加左兩蚊?問問侍應,佢話你地唔係要凍檸水咩?我以為你地要凍檸水。我話咁我地飲緊呢杯係熱檸水喎....那侍應一句唔好意思都無,跟住咪擦左+$2 o羅....

我平時起旺角行開街，都幾鍾意起呢到食lunch，不過一直都只是食車仔麵，因為貪佢無咁heavy~而且，呢到d車仔麵食品選擇多，湯底亦唔錯~上次食lunch見到介紹炒公仔麵，記得n年前初初出個時食過，連我一向都討厭公仔麵d味o既我都覺得好好味，所以前幾日特登黎呢到回味一下~我同朋友叫左南Y島蝦醬雞絲豆腐飯、雞翼炒車仔麵、煎釀三寶。南Y島蝦醬雞絲豆腐飯好大碟，而且感覺幾清，又新鮮，不過碟少公仔麵呢...好似"求其"炒埋一碟說算，賣相唔得之餘，又無咩味道，好失望囉~煎釀三寶就好鬼死燶~有幾舊燶到都食唔到！浪費左~