極之好粥麵茶餐廳 (已結業)

昨日要幫阿K去旺角拎電腦，好彩已經有秋意，所以雖然旺角仍然人頭湧湧，但都唔係太辛苦。旺角雖然多食肆，但係個人就好少到呢度食嘢。行經呢間舖頭，阿K發現呢度聲稱係出前一丁廚神，宣傳街招印上招牌菜「黃金雞翼炒出前一丁」相當吸引，所以就放膽一試。「黃金雞翼」即係煎到金黃色嘅雞翼，外表冇錯係煎得幾香脆，無疑係幾好味嘅，值得一讚，可惜炒出前一丁就犯左大忌–唔夠乾身。其實問題出現在出前一丁同D菜一齊炒，D菜出水整濕左個麵身。我想如果將菜預先兜幾下，另一方面將出前一丁煮熟「鯨」乾，然後落wok炒，最後先落菜兜勻上碟，效果可能會更佳。我加左杯凍檸賓，總共$50，茶餐廳黎講都幾貴。

朝早要代表公司去Labour Tribunal處理一宗labour case，於是就約在旺角上班的朋友食完早餐才上路，朋友介紹了這裡。這裡的早餐都有好多款，由A去到I，中西式都有，看似不俗。想食炒蛋，於是點了雪菜肉絲公仔麵加磨菇腸仔炒蛋，飲凍檸茶。炒蛋好細件，又"濃"晒，好唔掂。雪菜肉絲公仔麵更離譜，得兩粒咁多雪菜肉絲，好似食淨公仔麵咁，不知所謂。

兩三年前黎過食車仔麵d阿叔完全唔知咩叫禮貌我個fd見碗面面頭無紅腸就叫阿叔過黎跟住阿叔就拎左我個fd對筷子"了"兩"了"晌底既紅腸出黎就話: 拿~咪晌度囉埋單果陣又有個阿叔企晌進門口等拎食物咁我見佢等緊咪等完佢先走囉點知佢等到有食物竟然大大聲話:借過啦!阻住曬跟住我咪話: 係你企晌度阻我行咋!佢勁大反應話: 係呀係呀!?我阻住你??原本呢間野晌mk有兩間鋪..而家得返一間都估到點解啦!希望呢間野快d關門大吉間野門口仲貼曬d明星去佢間鋪既訪問計我話~貼openrice對呢間野既劣評仲好啦

滑牛粥係好食, 但侍應態度唔太好

呢間都唔知咩茶餐廳黎ka.d野食極普通..都唔明點解會比其他茶餐應貴.個staff既服務態度係超級差.全程都晌度眼啤啤..完全唔知有咩得罪佢.食完都背脊骨落..俾錢買難受.呢世都唔會再去呀..

昨晚去旺角掛住行街，諗起要食飯時已經係11點，望見就近有間茶餐廳，就入去醫肚啦！佢門口放左好多出前一丁，店內又放左好多有關o既雜誌報導，咁唔試佢d炒出前一丁好似說不過去，原來諗住點都會有set呀，一丁麵餐呀之類的，點知無，唔……你$40蚊包一丁同野飲都有賺啦，傻o既。於是我地一行三人就淨係叫左2個炒出前一丁share喇。我地叫左金菇叉燒炒一丁同雞扒炒一丁。食落又的確幾好味bor, 炒得幾有鑊氣，麵身幾爽，軟硬適中，而且條條都有沾到醬汁，幾好。但係我嫌o的麵碎左o的o的，好難夾。至於配菜方面，青椒、蘿蔔絲的份量的確係比較多，好在青椒都算夠甜夠軟身，唔會同一丁太contrast，但係又能提升口感，okay 呀。不過呢，我見o條金菇仲lung住根部灰灰的泥樣物體，感覺好唔乾淨，下次將根部切去的時間切得高少少，同埋切乾淨o的啦，唔好為左o的minor野失分嘛。總括黎講，行得累累地想食消夜，又唔食得多的話，依度都okay架！但係如果想係度食飽飽，我諗每個人都要五六十蚊左右，我諗得會俾多十蚊去o的座得舒服o的的食肆吧！

我食過最貴的車仔麵...一份餸得3舊度; 服務麻麻; 坐得又迫; 有個阿姐惡形惡相, 個客投訴佢落錯單, 佢就鬧番人轉頭...味道ok, 我喜歡佢既釀青椒, 樣靚又好食.不過, 相比之下, 西貢松記好食過佢, 又抵食過佢多多聲囉!

老實講，ｄ野味道都OK ｏ既…不過唔知係唔係因為極之好本身係通宵營業ｏ既關係，成本會較高，所以ｄ野食都係比較貴，佢ｏ既招牌菜炒公仔麵，普普通通都成三十幾蚊，仲要無包飲品…有試過雞扒同海鮮炒公仔麵，味道不錯…但係唔太喜歡就係入面ｄ洋葱、青椒仲多過ｄ麵咁…唔係本身我唔喜歡食洋葱、青椒，只係覺得太多會另我唔係好食到ｄ麵咁…車仔麵ｏ黎講都OK，質素係會比出面好少少咁多…但係又係貴，一樣餸都成６蚊…又係無野飲…不過好似最近好ｄ，話車仔麵加飲品，飲品半價喎…

雞扒炒公仔面，份量ok，但味道好普通，唔覺特別好食~碟麵亦都唔係幾夠熱~$34一碟，略貴~

勁唔掂兩老今日去食兩碗車仔面加一杯野飲成七十蚊,當人係水魚搶,千祈唔好幫親,又唔好食,如果唔係在旺角開鋪,一定執粒.

（29/3）熱鬧過後，總要有冷靜的時間，一行五人過了旺角呢邊過過冷河，結果試了這間。還記得數年前試過，侍應頗有性格，食品是否出色則見仁見智；而christy & 木頭人叫的牛肚米線及雲吞河沒有試過，難以評論。蝦米煎腸粉：香脆而滑口，芝麻、麻醬及豉油伴以蝦米及雞蛋，與腸粉混合放入口，不會吃得滯滯；豉油皇炒麵，好似話招牌貨之一，其實都不錯，爽而不油膩；炸魚皮反而是最一般，可以試其他。其實不知道價錢如何，留待下次話你知～

今日下晝同女朋友到旺角極之好食車仔麵,我是第一次去食,而女朋友之前食過話ok,所以就選擇左喱間,起初入到去個侍應招呼都可以,並即安排座位比我地,但當我地捻好食咩及填好點餸紙時,我女朋友就向店內一名女職員叫了一聲唔該及遞上點餸紙,但該女職員竟用非常唔有善之態度及專登做出一個好慢嘅動作行埋嚟不停話'嚟.....緊.....啦.....','嚟.....緊.....啦.....'總共重複左五次以上,當時我見佢態度噤差真係即刻想起身走,但因女朋友話想食所以先留低,初時我都百思不得其解,為何佢態度如此惡劣呢?後來我見佢不停响度鬧其他啲侍應,我先發現原來佢就係負責人,仲响佢地門口張海報度見到佢賣自己係添(下次大家經過可以望吓),我即時明白晒,原來佢係鬧緊人所以心情唔好,搵我同我女友發洩唧,今時今日仲有啲噤嘅服務態度?食完之後一肚氣,好唔好食都唔記得啦,但已決定喱一世都唔再幫襯極之好囖!

補打返先...2/2晚...同BF黎左呢度食...成日聽人講呢樹D炒出前一丁係好好食...於是決定黎食一次...一去到...真係好多人囉...我地坐左下面...無上到去坐...我BF嗌左個豬頸肉炒出前一丁同凍華田...而我就嗌左個蝦醬海鮮炒飯同凍好立克...由於我地既位置距離廚房都好近下...可以望到佢地點樣煮=.="...不過眼不見為淨...=.="...等左好耐好耐...成20分鐘...幾經催促D出前一丁先至上到臺...食落去都OK既...不過勁多雜菜響樹,麵就冇乜...都唔知黎食佢D麵定食佢D雜菜...D豬頸肉都唔錯...厚左D啦...但BF就話麻麻地...有燶味...HAA...我又真係食唔出...食左一大半碟飯先上臺...=.="...我都預左佢D海鮮係蟹柳呢D...不過D飯炒到一PETPET...唔夠乾身囉...而且冇咩蝦醬味...=.="...真係唔係咁好食囉...埋單成$102...=.="...一D都唔抵... 又唔係好食過人...D服務就最差...真係XYZ#^*@^(@...我諗我地唔會再去食...PS.我望住同臺對面果兩位MISS既車仔麵...覺得佢地比我地更俾

去舊同學屋企拜年前o黎呢度lunch.車仔麵: 除左d幼麵, 成碗野都o係辣o既, 我同朋友都唔食辣, 真冇癮. d魚蛋無鮮味兼粉到爆.煎蝦米腸: 細size都幾大碟下, 幾香口, 味道o係好, 因為個花生麻醬掂.煎釀三寶: 幾油膩, 魚肉唔錯, 好鮮, 但好快凍晒.服務環境茶餐廳水準.

呢間野係差到極點~野食又貴,d人態度又差,野又唔好味入面環境都唔見得好囉依家次次經過都唔明點解佢仲會做得住一定唔會再去!!!~係十萬個一定~~