極尚大喜屋 (加連威老道) (已結業)

見OpenRice 寫評很高，所以約了幾位好耐冇見的朋友聚一聚，所以選擇了這間！這𥚃的選擇不多，飲品類很少選擇、上菜很慢，點了的野食要不斷落order 才來，所以到最後一小時要不断狂食、狂落order ， 因為這𥚃只限二小時，但半小時前cut order , 又成日漏單，所以真的比預期很失望！用$300 幾蚊食這些食物，真心有點不抵食另外服務態度也麻麻

本人一直是極尚的擁護者，疫情過後，當然要回歸，但早兩日去過之後，十分失望。😓食物質素下降，現在採用全手機下單，感覺食物種類少了選擇，飲品也不如以往。食物方面，不像之前大方得體，來貨都選殘疾家庭，松葉蟹腳送來時我以為是牙纖呢？魚生如象拔蚌，比隱形眼鏡大小小，還好，燒饅保持水準，原條穴子壽司還在👍🏼。但最不高興的就是服務，當天只坐滿了一半位置左右，但早了一小時，就給你帳單，而且半小時前再叫你找數😲，而且語氣亦帶點命令。香港有名不友善之都，再一次體驗了😖

以前成日去食，覺得d野都新鮮，款式夠多。但今次去，所有野都縮哂水。火炙左口魚，都唔係要求要蓋哂舊飯，但得一條，係真係一條幼既會唔會太過份。都算，可能依家生意難做。但最最最過分既係，間野好多小強！當日坐左係雪條櫃隔離，有兩隻係個櫃到周圍爬，係正我老豆隔離！之前食已經試過一次 坐卡位係牆到！隔左一排黎食，仲多左，真係忍唔住要寫食評講！作為一間有食生野既地方，小強多到爬出黎，會唔會太過份？？？依家仲要加左價抱歉當時太驚無影低小強，但百分百真確，絕無誣蔑，真係唔好去！

由於疫情影響，已經好耐冇同朋友出街食飯了，今日同朋友行完山，就一齊食放題聯誼下。 即日下午book位，夜晚黎到都只係7成滿既狀態。由於4人限聚令，所以我們一行4人可以坐六人台，第一次食放題可以坐得甘舒服，哈哈。極尚大喜屋係甘多間放題質素最好個幾間。 唔會甩單，食物新鮮。不過員工服務態度就差左d 啦。少許放題店可以提供的海膽壽司真的很不錯少數放題店可以提供的海膽壽司都幾好食，係回本食物之一, 我們4個人總數叫左差不多20件啊。

基本上服務食物都ok,其中有一個紮馬尾嘅女仔禮貌幾差, 我哋初期叫食物, 有幾款分咗兩至三次叫, 因為未試過,唔知好唔好食,所以試咗先再加單, 呢個紮馬尾嘅女人走埋嚟,好冇禮貌咁講,你哋落單,唔該一次過,唔好分開咁多次如果係咁麻煩嘅話,不如一入座就講明落單只可以幾多次, 我哋食晏晝,可以食三個鐘頭， 唔通頭嗰半個鐘，只可以食刺身??之後嗰半個鐘只可以食壽司??之後嗰半個鐘只可以食燒烤， 食返轉頭係唔可以嘅??去到最後 haagen Dazs 都要問佢攞雪糕紙畫嘅, 我哋等咗大約15分鐘,都未見佢畀張紙我哋, 咁啱又係預約呢個紮馬尾嘅女人, 佢又係好唔客氣咁問我哋,究竟落咗啲乜嘢單, 究竟我哋要乜?係要雪糕?淨係要雪糕紙? 我同佢講點咗雪糕紙，你哋冇畀我， 之後佢好悔氣咁，飛咗張紙畀我哋我唔係要你非常客氣，笑口噬噬咁招呼我， 但係你燥底，心情唔靚，唔該你就唔好返工， 咁唔想返工，就唔好做喇

Foods lack natural taste but given the current pandemic, it's hard to have everything fresh so it's understandable. The seasoning is also on the heavy side like they are trying to stop you from ordering more food. I left without feeling really full. None of the confessionary items are worth ordering as they are all foul-tasting, literally taste like some cough syrup. However, the deep-fried taro and durian balls were quite nice. The Haagen Dazs ice cream, limited to 1 cup per person, was almost

差唔多17.30入台计埋落单时间到上齐第一轮单用左成半粒左先齐，后黎慢得仲犀利，而且我地落既多数都糸鱼生，同埋地服务员态度一般般听到都唔会应，服务员好似始终见到地客都好烦既感觉，我自己都糸做服务行业既，见到有客唔糸要更加好咩，贵铺员工咁样既做法真既好奇怪

今次是朋友聚會,地點方便,坐位不會太迫,由於疫情也有每張枱間膠版,食物ok,上菜時間也不會太慢,刺身都算新鮮,飲品選擇也多,員工服務態度好,去到時都見到幾多人,先訂位比較好,唯一有一個問題是接待在樓上,我最初去到門口以為沒有人接待,會再去的。

今次去左尖沙嘴試極尚大喜屋朋友話佢嘅放題好抵食於是去左試不意外的刺身盛因為佢聲稱有中拖羅壽司，所以狂點睇下掂唔掂，到啦佢都真係好肥美嘅中拖羅，不過有點薄同細片，唔夠暢快，所以我只係食左佢半舊飯黎應付呢一片中拖羅。味道唔夠鮮，一般，始終太薄，第二舊我就將兩片拖羅打孖上舊飯剩低左我會用黎夾其他野食例如將赤貝刺身變赤貝壽司超好食 又唔浪費之後到海膽壽司，平時果d放題淨係比鼻屎咁細舊你，呢間都算足料，不過係細海膽，唔夠香濃，但總算夠多都算好多海膽叫左幾Round都一樣另外呢個穴子壽司都唔差，勁大片，好食，但唔肥美，偏瘦，但賣相同味道都唔錯好中意食蟹子沙律 不過不失 蟹柳偏少個豆腐幾清新牛肉鍋幾乎間間放題都一樣，點解要叫？因為我食太多生冷野，要暖下個胃，咁先夠戰鬥力，所以食返個牛肉鍋係必須。我叫多左個泡菜變成泡菜牛肉鍋，自製新口味😇整體來講，都唔錯，美中不足係地方太細，連自助區都無，幾擠迫，閒日夜晚都可以，假日夜晚就不了。想睇更多食店食評可以睇我YouTube & IG

日式放題我首選極尚大喜屋，假期前夕增設21:15宵夜時段，價錢為$248+10%，種類依然多選擇。刺身鮮甜美味，甜蝦食完我無限次encore,黑椒羊架肉嫩多汁，壽司🍣款式亦多選擇，海膽軍艦同薑蔥肉蟹鮮甜美味亦是我最鍾意及各樣食物都保持水準，而甜品我最欣賞佢嘅榴槤雪條，好味道到打孖上。

香港有好多間放題，大喜屋係公認質素好嗰幾間，有3間更係特別貴又多嘢食嘅，而極尚大喜屋就係其中一間。我好鍾意食魚生，食放題梗係要食刺身啦，三文魚、吞拿魚都係正正常常，鮮味都有嘅，又切得厚，另外甜蝦都幾好，係大隻嗰款，好有質感又鮮甜，赤貝都唔錯，顏色都OK，都有啲口感，北寄貝就冇乜鮮味，變咗同赤貝好似，但當然赤貝好食啲啦，帶子都好鮮甜，切得唔厚但叫返好多件就ok😂或者考慮一次過食兩片。最好食係油甘魚，好有佢嘅鮮甜味同埋口感，唔點醬料都ok!

近排見疫情有所緩和，而且又好耐冇食過日本野，同朋友傾開就話食放題過吓癮。見Openrice極上大喜屋近排有特價, 食物質素又好,一於去試試，點知⋯⋯事原當日8:30入座，餐廳入面隔晒圍板，做足防疫措施。佢哋安排左我哋去最入面嗰張枱。初初點嗰啲魚生壽司都幾好味，保持到水準。但唔知係咪冇咩生意，啲員工好似機械人咁，你講咩佢聽得一成。問佢攞隻碗又扮聽唔到 🤷🏻‍♂️ 最大件事係間餐廳衛生問題好嚴重，張枱下面好污糟。跟住食食吓突然間見到隻曱甴爬上枱面 😱😱😱 好彩朋友勇敢即刻整死咗佢！但係啲職員又扮聽唔到，見到都當睇唔到 😡 我哋指着條屍骸佢都冇晒反應 （下面有相為證🤢）。見到咁樣我哋都冇晒胃口🤮🤮🤮即刻埋單走人。其實之前諗住book銅鑼灣嗰間，但個friend話銅鑼灣有曱甴所以先去尖沙咀，點知都係中伏😵😵😵 唉⋯⋯大喜屋，不了。完。

早知道一分錢一分貨，本來就對食物期望不高！果真如此，味道和新鮮比連鎖壽司店還要差。下等貨嘅刺生，蝦肉欠彈牙，海膽有點苦！熱食味道亦佳，牛柳粒點咬都咬唔開，到底要用咩牛先可以做到咁差嘅質數？但得呢個價錢基本上都預左。不過問題最嚴重嘅係當我完一個鐘後就發覺唔對路，胃又痛又想嘔！果然我立刻回家，就即刻又痾又嘔。。。所以話真係平野無好。。真係貼錢買難受。個鐘後就又痾又嘔。。。所以話真係平野無好。。真係貼錢買難受。

晚市放題加埋一差不多$300，刺身無驚喜，解凍還可以，但無鮮味，熟食牛太靭，純粹有個地方大家可以叫自己想食嘅野，但呢個價錢稍貴啲，除左填飽個肚之外呢到都無咩特別優勝之處

朋友生日就揀咗呢間極尚大喜屋同佢慶祝生日 限時2個半鐘，2小時候後折單。*生日前後一星期都有香檳同蛋糕送*要示出身分證阿*我地7個人，侍應安排左大梳化位比我地，所以坐得好舒服。而家落單全都要用QR code (飲品都要）我哋坐低第一時間當然係叫刺身，鮮味有質素。重點想講海膽壽司我全部朋友都大贊，鮮味可口，紫菜係新鮮脆卜卜（建議唔好一次叫太多件咁樣紫菜會林)另外，芝麻雞翼，鰻魚，燒蝦，豬骨湯，天婦羅，燒雞泡魚乾.......都有水準。(太飽肚鍋物我地沒叫）仲有sake無限飲。最後甜品有Haagen Dazs雪糕（有季節限定紅豆麻薯，焦糖脆脆口味）總結，中價價錢有高質食物，值得再幫襯。