極尚大瀛喜日本料理

营业中

休息中

今個月是我六月生日月， 一班朋友同我慶祝，而無可否認生日大班人一齊慶祝唔駛特別選菜式的其實都會選放題！而放題又會想來極尚大瀛喜！ 因生日優惠 加17:30 來又比較平，性價比一向高！而食物都有驚喜，今期餐牌上面的「吞拿魚刺身」升級為<金槍魚腩>刺身， 金槍魚腩🐟口感比起一般部位更加潤滑✨更加鮮味🤤而且新推拖羅任食 好吸引！除了食了不少刺身壽司🍣 還有平時最鍾意的花膠、鵝肝多士、榴連等等，好滿足呀！極尚大瀛喜📍觀塘1亞太中心5樓全層

同群友聚會：唔想諗，因為有太多新識嘅朋友，揀聚會嘅地方一定要小心，唔可以太貴，唔可以太小選擇，又要個個人啱口味，有熱有凍，有生有熟，有清有酒，所以就好「理所當然」咁揀日式放題。年紀大，如果後生我一定只攻貴價野食，但依家胃口無咁好，無樣試一轉都已經飽到想嘔🤣順次序叫一轉，刺身，燒蠔/扇貝，肝（唔識分鴨定鵝）但一定滑同香，中式鱔，凍鵝肝，海膽手卷（夠細舊又有海膽味），花膠，飽汁菜類，凍蝦（夠爽），黑松露糖心蛋，魷魚鬚，天婦羅，羊架，燒牛舌，菠蘿（勁甜），燒榴連，海鮮粥，火灸寺司，花之戀，和牛粒…….雪糕，甜品…打字打到手軟。價錢：星期六最貴時段，全包都係$350，性價比算高👍🏻服務：基本個個忙到死，唔好望佢地好好招呼，唔鬧人已經收貨🤣🤣缺點：1.5小時點菜，兩個鐘一定要起身交檯（咁人地都要做第二轉，無計）如果想坐底傾計就唔好黎呢度，因為我地淨係食，已經有下場玩，先選呢度晚餐。食物質素：食物刺身夠鮮，蠔就太調味重手無乜蠔味，其他煮物都出色，小小放題收費可以叫做酒店水準，會再去👍🏻

觀塘店新推拖羅任食，所以即刻同朋友過嚟涮餐飽～質素不錯，肥美新鮮，可以食翻回本。刺身選擇多，其中創作刺身幾有驚喜，魚籽柚子醋鰺魚刺身、雙色刺身花朵（紋甲墨魚拼白蝦)、松露柚子醋池魚王，配搭嘅醬汁有新意，唔洗淨係黑䜴油～當然最classic嘅三文魚、帶子、赤蝦等都仲有供應。壽司方面，貴精不貴多，有幾款值得order: 空運鮮魚嘅三文魚筋子和油甘魚腩、燒鹽醬和牛肩胛壽司、海膽手卷、藍鰭吞拿魚。創作料理-金磚慢煮紅酒鵝肝和厚切鵝肝多士。前者上枱時，金光閃閃，打開金色紙，係入口即溶的鵝肝，呢款比起厚切鵝肝多士會清新啲，後者就口感較佳，因為厚切～燒物都係今次重點order之一。極品金枕頭榴槤燒seasonal item，加熱後特別甜~蔬菜類有燒菠蘿、黑松露煙肉啡菇、牛油燒翠玉瓜;海鮮類有西京燒比目魚、燒生蠔、蒲燒鰻魚。如果嫌燒物熱氣，可以揀一品料理，有極品金湯燴花膠、瑤柱汁扒豆苗、蒸扇貝，相對比較健康。食到尾聲，已經好飽，但係朋友話冇飯/麵落肚就好似差少少，最後叫咗海膽蟹粉蟹肉粥，鮮甜濃味，有啲似食緊澳門嘅水蟹粥。最後，當然要食埋甜品，有任食Häagen-Dazs 雪糕、雪條，但想食熱食嘅甜品都

食材好，調味好，又煮得好，款款野食都好唔錯!!❤️刺身 大大粒帶子又鮮味又嫩滑，鮮甜彈牙既俄羅斯甜蝦刺身，口感煙韌+鮮味十足既八爪魚刺身，金魚腩油脂豐富，入口即化～松葉蟹腳肉質鮮嫩，味道鮮甜～款款都好新鮮高質～🧡壽司 必食肉質細嫩又油脂豐富既藍鰭吞拿魚壽司!! 仲有黑松露赤蝦壽司～赤蝦新鮮彈牙，加埋黑松露香味，出色～💛極尚磯煮凍鮑魚 又入味又鮮味，口感爽滑，好值得encore!!💚三蔥薑爆鱔球 三蔥薑超香，炒得好有鑊氣，食落仲好嫩滑💙香草牛油煮鮮蜆 蜆肉隻隻都超大隻，好鮮甜，而且香草牛油味超濃郁，大推!!🩵北海道3.6牛乳燕窩燉蛋白 燉蛋白既嫩滑～奶味又香，仲加埋燕窩更滋潤，正rrrr💜川燒珍寶鮮蠔燒 大大隻珍寶鮮蠔燒得外脆內嫩，鮮味十足，好香燒烤味，特別惹味🩷黯然銷魂燒雞翼 燒到金黃香脆，肉汁豐富，真係啖啖滿足好銷魂🧡黑松露溏心蛋 黑松露嘅香氣濃郁，溏心蛋嫩滑，加上厚切鵝肝多士，味道非常豐富。💛金蒜蓉粉絲蒸扇貝 粉絲吸晒扇貝同蒜蓉，味道好鮮甜，好滋味!!

隔咗一段時間有來幫襯位於觀塘嘅大瀛喜 放題近期成日都聽到啲食肆成日充滿冷清嘅場面個個都北上消費但係呢間放題餐廳係點都係人頭湧湧排晒隊好彩我哋今次都係食晚市早場提早訂位有位座位都寬敞舒適 點解耐唔耐再會嚟呢？其實放題呢，佢耐唔耐都有少少變化有不同嘅新菜式加入嘅今次有金磚慢煮红酒鵝肝打開咬落非常香濃鹅肝 入口溶化菜膽雞同埋鹽水鴨都非常好食估唔到多樣化嘅放題中餐都煮得好好D24 蘇丹榴槤王蓉 任食用嚟diy撈雪糕食 一流燒榴槤王 又係必點嘅超甜軟糯又好好食必點嘅魚生 新鮮仲有個各式各式嘅中日美食海鮮 生果甜品同湯 壽司等等雪糕都有多款牌子選擇飲品都係乜都有鍾意飲酒就飲酒汽水果汁茶連熱飲都有最鍾意食飽飽，飲番杯熱咖啡所以耐唔耐就嚟一次Cp值高極尚大瀛喜日本料理 (觀塘)觀塘觀塘道414號1亞太中心5樓#日式放題#hkfood#放題#cp值高#hkfoodblogger #hkfoodie#極尚大瀛喜日本料理觀塘

雖然这是在酒店附近的樓上日式餐廳，甚至價格跟酒店下午茶自助餐相同，他簡單的飲品前菜，供應位置少，供應不及酒店的熱食、飲品和甜品。海鮮卻令人另眼相看。刺身、壽司、天婦羅、羊架、雞翼、各款凍海鮮，不但肥美，有足夠的鮮味。刺身拼盤和壽司不斷供應，蒸蠔又肥又鮮，凍蝦和青口肥大且鮮味。實在太吸引人。事實上，重點的榴槤才最受歡迎。餐廳位置沒有酒店豪華，卻很舒適。🐰真有可能不選擇酒店自助餐而選這些樓上餐廳。

第二次嚟大瀛喜喇次次食完都返尋味🤭晚餐最平都只係$258咋!後面有詳細價錢表🙌🏻-今次仲多咗任𢳂D24蘇丹王榴蓮蓉!!!可以瘋狂加落雪糕到(齋吞都得)🤣榴槤質素依然十分好 又綿又甜 燒完好似仲無咁膩添-壽司方面 筋子同油甘魚腩有驚喜✌🏻筋子完全無腥臭 唔會太鹹 不過可以大舊啲就好啦🤭唔使落咁多次單🫡🫡油甘魚好柔滑 入口即溶 又有油香🙂‍↔️-仲發現咗haagen dazs 都係任食🥹🥹淨係食榴槤同雪糕都回本啊🤞🏻-希望個胃有1TB!!!次次都食唔晒全部種類😩

呢間餐廳食物質素普通，刺身雪味比較重，嚟到呢間都係諗住食日本嘢，不過估唔到出邊有中餐食，我食落啲點心仲好食過刺身，同埋飲啲中湯。食咗個紅酒鵝肝好伏，海膽手卷啲海膽好水，感覺唔多新鮮。其實食物種類都算多，不過質素就麻麻哋。6:30去食，明明有兩個鐘，不過7:30就叫我哋去埋單，之後仲開始頻密咁收嘢，我拎嚿壽司食諗住點豉油，豉油都俾佢收走咗，講都唔講聲，我話我碟豉油呢？佢喺隔離收嘢都完全冇出聲，嘩型到佢啊…8:30好似要趕我哋走咁，其實我哋都諗住8:30係走，不過佢嘅服務態度就真係唔多好，我俾錢每人三舊幾水食呢一餐，食得都唔暢快，要受佢氣，由7:30開始已經有好似被趕走嘅感覺。所以老老豆豆香港餐飲業，而家一潭死水唔係冇原因…

今日嚟到觀塘嘅極尚大瀛喜食放題，好耐冇嚟，今次嚟一樣係咁高質！我哋喺5:30特價時段入去，$268一位，我比嘅評價係性價比高，易回本😋！一行到入去已經係一個好大嘅自助區，有唔同嘅熱食、甜品、飲品，仲有自助雪糕機！呢排佢做緊榴槤蓉，鍾意榴槤嘅朋友，可以喺自助區潷一杯D24蘇丹王榴槤蓉嚟試吓！喺自助區亦播咗好輕快嘅音樂，令人更加開心🥳坐低佢就會比張自助落單嘅qrcode，新出咗拖羅任食！無限量食拖羅，正😋😋其中熟食方面比較推介川燒珍寶鮮蠔燒，烹調時間掌握得啱啱好，唔會燒得太乾，肉質鮮甜，蒜蓉醬汁香口，但係唔會搶奪咗蠔嘅鮮味！個人好鍾意北海道3.6牛乳燕窩燉蛋白，唔會太過甜，同燕窩嘅搭配剛剛好，蛋白亦都幾嫩滑～

觀塘(極尚大瀛喜日本料理)，午市放題食足幾粒鐘，輕易回本🤣🤣，冇飛單、執枱快。餐廳環境寬敞，座位也舒適，設有熟食、冷盤、飲品、甜品自助區，任飲任食❣️一於嗌盤刺身，新鮮程度No.1👍👍拖羅刺身鮮味有帶魚香，任點任食 "正‘’😋，三文魚刺。身厚切，帶濃郁味道，入口即溶，油金魚、北寄貝、八爪魚、甜蝦、赤蝦、帶子、酒煮榮螺鮮甜美味、赤貝肉爽脆，一盤打卡刺身就咁輕易回本🤣🤣❣️海膽+魚子手卷海膽手卷迷你板，海膽一瓣辮超新鮮，奶滑甘香，入口即溶，encore 幾次一樣咁美味❣️泰式生蝦肉質爽脆，醬汁美味❣️蒜蓉生鮮嫩juicy❣️法式香草燒羊架，肉質嫩滑，帶淡淡香草清香❣️黄金歲月鮮墨魚，淡淡咸蛋沙酥脆外層，裹著鮮甜爽口彈牙墨魚❣️黑松露忌廉煎虎蝦球，香氣樸鼻黑松露與滑溜鮮香忌廉沾着爽脆大虎嘏十分惹味❣️D24蘇丹皇榴槤蓉和烤榴槤，榴槤friends一定唔好錯過，榴槤甜香度極高軟滑😋

想滿足我個貪心嘅胃🤩決定去吃放題嘆飽飽！這次二訪觀塘極尚大瀛喜日本料理💗喜歡這裏環境舒適，空間感大，食物選擇豐富！ 大部分都係QR Code 落單，落單後上菜超快！刺身丶壽司丶串燒丶炸物丶一品料理⋯🫶🏻樣樣有，仲有haagen dazs雪糕任吃呢。平日晚市放題首輪入坐（1700-1900）只需$258/位咋😝超抵！食太多，不能盡錄～我就特別推介下面這些喔～🟠 金磚慢煮紅酒鵝肝以金色錫紙包著的凍鵝肝片💗入口即溶😋質地像慕絲般細滑，味道甘香～吃完即encore! 🟠刺身有松葉蟹腳丶帶子丶三文魚丶北寄貝丶赤蝦丶赤貝丶甜蝦等等，旺角和觀塘店還有金槍魚腩任食💗厚切肥美！🟠燒乳鴿熱辣辣剛燒好，皮香肉嫩，正！🟠金枕頭榴槤燒榴槤控超開心啦！原件燒金枕頭☺️任吃～燒過後榴槤更香濃，入口綿滑。🟠川燒珍寶鮮蠔燒燒蠔都算大隻，蒜香味濃，十分惹味。🟠法式香草燒羊架屋企人心水💗每次必點～燒得靚，肉汁豐富。🟠鹽燒牛舌熱辣辣彈牙爽滑，燒得烚烚好。🟠香草牛油煮蜆來到已經聞到牛油香😋大蜆入口鮮味，又是encore之選。🟠北海道牛乳燕窩燉蛋白一碗挺大的！奶味香濃，質感濃郁細滑。

見食評咁多人讚所以去試一試😋。款式多，樣樣都好味，侍應清碟清得快，上菜又快。😋炒鱔，西京燒雪魚大力推介👍🏻👍🏻👍🏻壽司刺身好新鮮👍🏻蒸扇貝都好味😋唯燒榴蓮令我好失望，外暖内凍，出晒水…. 似係未解凍完就攞去燒….

食物方面：-刺身同壽司新鮮，選擇多，比較特別既係有鮑魚，好入味😋-肉類有羊架，牛肉粒，乳鴿，燒鰻魚等，全部都好味，比較好味既係比目魚！👍🏼-炸物同天婦羅都ok！-任食烤榴槤係一大賣點😆-正常唔會叫蟹粥，冇啦啦叫咗，但意外地好好味😆服務方面：正常環境方面：客人好多，位置有小小逼，但明白既～性價比方面：週六午餐$300一位，中等價錢，但勝在食物種類多同好好味，抵返！

間唔中都想大吃特吃一餐🙈「極尚大瀛喜日本料理」都係唔錯嘅選擇😬.刺身🌊有薄切鯛魚、三文魚🐟油甘魚、劍魚腩、吞拿魚、北寄貝、希靈魚🐠八爪魚、帶子、酒煮榮螺片、赤貝、花海蜇、甜蝦🦐赤蝦、泰式生蝦🇹🇭原隻粒貝，種類夠多😍而且幾新鮮🤤.壽司及手卷🍣有芒果龍蝦沙律塔🥭🦞香蔥吞拿魚蓉塔、三文魚籽手卷，蒜香牛肉壽司🐄蒜香牛油熟帶子壽司🧈火炙鰻魚壽司、醬燒蟹棒壽司🦀黑松露赤蝦壽司，款式創意又好味😛.炸物🔥牛乳鮮奶卷、紫心香芋丸🍠吉列炸蠔、榴槤炸彈💛熱辣辣，香脆可口😝.冷盤🍽️比較推介泰式鳳爪🐓酸薑🫚甜酸帶子裙邊，酸甜清新又開胃😗.一品料理🥢必食極尚磯煮鮑魚🐚吉品鮑汁扣花膠、黃金醬燒開邊蝦🦐霸王蒜炭燒珍寶蠔🦪鮑魚醬汁香甜，又彈牙😆珍寶蠔大隻Juicy😋蒜香十足🧄.甜品🍮有唔同雪糕🍨雪條、甜筒🍦布甸、蛋糕🍰泡芙🍩乳酪🥛.飲品🥤有茶飲🍵汽水、咖啡☕️果汁🧃清酒🍶啤酒🍺同梅酒🥃

🔥 平時出去吃榴槤放題總是價格不菲，這次竟然發現了一間超值的放題店！從晚上8:30吃到11點只需$3xx一位！😱📍環境超大，空間開揚，食物種類繁多且價格親民最吸引我的還是任食的d24榴槤蓉和烤榴槤！🤤🦪 珍寶鮮蠔燒肥美飽滿，口感十足，燒得恰到好處，實在是太美味了！💯仲有花膠食添真係好滋補啊😍燒乳鴿好脆又大隻🍨 甜品方面，有燕窩燉蛋白香甜滋補，還有Haagen-Dazs任食，榴槤雪條自助雪糕機和各式各樣的甜品仔，簡直是甜品控的天堂！🍨🍦🍮🍣 刺身方面，三文魚赤、赤蝦、帆立貝、吞拿魚都超級肥厚肉肥美，入口即化，鮮甜無比！😋