榕哥燒鵝餐室

营业中

休息中

一年前食過一次，我覺得非常出色，由其白飯又夠熱又夠香又干身，燒鵝都係好出色一年後今日完全係錯咗，白飯唔夠熱又濕燒鵝好彩都仲係好食嘅另叫咗一個午餐係咖喱雞扒飯真係賣相又差味道又唔多好

尋日過海，傍晚經南京街，見到嗰間燒鵝店就入咗去想試吓，客人都未坐滿，但哋伙計好似冇乜精神，愛理不理咁。坐定叫著份168蚊嘅燒鵝下庄，落咗單話未出爐，要遲五分鐘先至有得食，咁當然冇問題啦，點知等著成半個鐘，追咗幾次終於送上，望落去又細又黑，完全貨不對辦，用筷子撩吓，方知內有乾坤，好懷疑成只鵝下庄係師傅“精心”彻出嚟嘅，並非原只切開上碟！真係長見識了！人生地不熟，費事同嗰班人爭拗，食興全無！不會再幫襯，各位食客留意啲啦！順便提醒：鵝下庄店堂門口清楚標明138蚊，但入咗去睇Menu變成168！

今天下午 去榕哥餐廳 買了兩隻燒鵝髀 和燒腩仔，其實 諗住拜神用的。 回家正想著怎樣 放置之際 ，一開盒發現燒鵝髀竟然有鵝頸， 嚇死我 ，我覺得十分過份，叫我怎樣去拜神呢 霎時間 我的感覺如同受騙， 我覺得質素越嚟越差， 當然我也會投訴消委會， 以後不會幫襯這間餐室。

平時唔係行開呢頭，想係佐敦附近食晚餐，行行吓見呢間門口好多人，入面又唔太多人，有位就入去，畢竟已經到咗晚餐時段，簡簡單單食個燒味飯都好。入到去嗌咩冇咩，真係好奇怪，Menu有寫但係就無得食，問過侍應有啲咩食，佢話得啲燒味飯，咁好啦嗌個乳豬燒味嚟食，又話冇乳豬，算喇，嗌返個燒鵝燒味飯，今次終於有喇。啲燒味飯價錢真係好唔親民，再睇吓佢嘅份量同質素抵唔抵呢個價舊叉燒肥肉多到嘔，根本就食唔落，諗住算啦有嚿燒鵝頂吓肚，燒鵝骨多個肉，都算啦，食飯飽肚，啲飯又乾乾地，燒味有冇咩汁我未試過食咁難食嘅燒味飯，仲要超貴，個飯食咗$68，嘢飲仲要加多$4，完全唔知今晚食咗啲咩，第一次咁失望，未試過比負平餐廳，希望你哋可以改進，整好食啲俾街坊

之前同朋友在這裡吃過燒鵝，印象不錯，這次再來試試其他燒味。燒味下午茶都是迷你版，男士如果當午飯吃可能會不夠，但女士就覺得剛剛好，飲品無論凍熱都要再加少少錢，熱飲加2蚊，凍飲加4蚊，這種加錢的方法比較少見。選擇了燒肉和叉燒的雙拼飯，肉肉份量看著不少，舖滿了飯面，當然飯碗也不是說很大，但起碼入眼是令人滿意的。兩樣都是肥瘦相夾，甘香不乾柴，叉燒軟腍，燒肉脆皮，如果再多幾條菜會更好。這家燒鵝餐廳除了燒鵝，燒味味道也做得不錯，無怪乎就連平日的下午茶時間也都全場滿座。

星期五晚放工去開佐敦搵食，周圍都排隊，又唔知食咩好，見呢間開左一段時間都未執就去試下。雖然係叫燒鵝餐室，但見到餐牌上有乳豬都想試，不過問店員，佢話已經好耐無結果就叫個燒鵝雙併飯 ($63)，個樣好唔精神，好彩燒鵝皮都脆既，不過肉就比較柴，乾身左啲。而叉燒係半肥瘦，飯就好淋左啲，又無乜汁咁🌚另外仲叫左個脆皮燒腩仔飯，點解望落咁唔開胃架🥴人地果啲個賣相都無咁衰，菜都無條擺下雖然燒腩仔皮脆，但唔係肉嫩。說不上好難食，但燒鵝唔出色🥴 去燒臘舖買個外賣既質素都可以好過佢

今日行過佐敦⋯食店太多選擇，想食飯最後簡左榕記，第一次試呢間野。茶餐既燒鵝拼燒味飯，我選擇左叉燒….鵝皮脆，而且肉嫩多汁。火喉掌握得岩岩好，師傅實在有料到！配埋酸梅醬，完美～叉燒燶邊好有口感，味道亦醃得岩岩好！甜酸菜亦好好味、食得出唔係出邊買既唔一樣。最後先見到隔離枱叫燒鵝髀飯重吸引🙈一定要再去試下！配埋飲品，飲品一般可接受，成個餐50蚊價錢、但有150蚊質素～伙記服務亦算有禮貌，好過連鎖式餐廳x興多多聲

小弟係燒鵝髀控，食過唔少燒味舖嘅燒鵝髀瀨。嚟到呢間見叫陳皮燒鵝，試吓！見隻燒鵝髀一上枱，就有種非常奇怪嘅感覺：點解隻燒鵝髀好似比較細隻！咁又唔出奇嘅，切得細啲咪會細隻啲囉，但點解啲切口咁奇怪嘅，好似點拼都拼唔番啱塊皮個切口位？？？師傅把刀究竟出咗乜嘢問題呢？？定係隻燒鵝髀本身出咗問題呢？？講返味道，佢聲稱係陳皮燒鵝，但真係食唔出有陳皮味喎，係個汁太鹹？？定係陳皮只係噱頭落得好少？？但明明喺第二度食荔枝柴燒鵝就好香荔枝香，但呢度啲陳皮香去咗邊呀？講返個汁，平平無奇，完全毫無帶出鵝肉味道嘅作用⋯⋯收呢個價錢，絕對唔值！講返肉質，係唔錯嘅，脂肪唔多，肉質鬆彈有咬口。可惜，有上面存在嘅問題，令我對呢隻燒鵝髀都幾失望。以呢個價錢，可以喺好多其他燒味舖食到更好嘅質素，同埋有正正常常嘅刀工！最後，樓面啲阿姐粗聲粗氣粗手粗腳，其實都好正常，落完單飛張單過嚟，掟碟燒鵝髀同碗瀬粉落枱，真係神乎其技，睇表演咁睇！

經過朋友嘅介紹，行過佐敦，問佢佐敦有冇好味嘅燒味店？佢介紹咗呢一間，話食開佢嘅燒鵝髀，覺得好香口好好食！我平日食午餐份量唔算多，最後揀咗個燒味雙拼飯，叫咗個雞鵝飯價錢來講，九龍市區價算合理，四十幾五十蚊，滿心期待下，打開個飯盒，我盒飯入邊嘅雞有血而且肉唔多，有啲失望不過僅有嘅雞肉係嫩口的，而另一邊廂 鵝方面俾咗上脾我啲皮好似有啲厚，肉質唔算好食，我諗成盒飯最好食係個飯，有啲蔥油俾我撈飯，加上佢哋有自家菜脯，總括來講呢度嘅燒味唔算好出色

如果大家想搵家常便飯嘅味道肯定要來呢度老板係主廚，對食物好有追求🕞輪後時間🕤預早留左台，明知成日爆場，好彩既就唔洗等🥢推介食品🥢1️⃣ 除咗成日食嘅招牌燒鵝之外，佢哋嘅豉油雞都相當出名，每日新鮮浸，唔系走地雞，肉唔會死實實2️⃣ 豉椒蒸倉魚 $58真心平$58有條魚食，不得不推介，時候火喉岩岩好3️⃣ 蒜蓉炒白菜仔白菜仔有好多種但係出邊呢好難會識到呢隻係用學斗嘅種類，食落特別爽口同多汁4️⃣ 爆炒茹白茄子煲，送飯一流味道 😋😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳坐位舒適🔆總結一下🔆：回頭率高，食物品質高 又平，相聚好地方

認識老闆祖哥十多年，對他的燒味很有信心。出身自連鎖酒樓燒味總監，拿了幾個旅發局獎項，代表香港接受世界各地傳媒訪問。然後，自立門戶開了這餐廳。光顧了數次，每次老闆也很客氣，送湯加料。今次來低著頭，靜靜找一個角落座下。 老闆仍親力親為打飯企檔斬料。下午茶時段，仍客似雲來。燒鵝飯$40加熱飲。下午茶沒偷工減料，沒有像其他快餐店給予下欄位。是鵝胸位置，肉嫰皮脆。祖哥自細開始做燒味，成名後開始加點創意，之前喜歡玩黑椒。我略嫌味道太蹌。現在這家玩陳皮，輕醃，吃時第一啖沒陳皮味，第二啖才回味，吃有餘諳。吃他的燒鵝要細味。再配上酸梅醬，一絕也。中菜講究食物熱度，飯來時辣嘴，滿分。 樓面人手四個，燒味企檔三個，還沒計算廚房人手。人工皮費相當貴，再加上旺區地段租金，但仍巍立幾年，可見捧場客人極多。十數隻燒鵝掛在玻璃爐，平日下午菜座無虛席，成功的店。

今日同老公兩個人去左拍拖食飯，因為食完飯後就直接返屋企， 所以揀了在小巴站附近的食店- 榕哥燒鵝餐室。普通茶餐廳格式， 用上古老壁畫牆紙， 一入內已經客滿，侍應照叫我們進去 ，原來把他們員工吃飯的枱， 也清乾淨給我們坐。既然這家是專吃燒鵝 我叫了個燒鵝瀨粉， 2排燒鵝，一排有肉，一排骨得塊皮。老公點了個榕哥金裝黑椒叉燒， 黑椒味嘅叉燒 有點特別，惹味。 我食瘦叉，老公食超肥叉，啱啱好。最好味嘅竟然係個阿華田，華田粉落足夠非常香濃，奶的份量配搭非常好.

下午茶最喜歡食燒味，因為感覺抵d, 今次試左叉燒米同燒鵝米，份量ok肉質都多汁好味，碗米粉都ok。 燒鵝係呢度招牌，不過我份人非常喜歡叉燒，所以我一定要試總括，系下午茶非常好既選擇！

今日同母親大人一齊去食下午茶，本來唸住帶距去食下壽司，不過距話想食燒鵝，之後距就帶左我黎依間榕哥燒鵝餐室其實日日都經過依度，不過我平時好少食燒味，尤其燒鵝同燒鴨，並唔係話唔鐘意食，因為玩運動成日都会受傷所以都盡量避免食鴨鹅一入到去就見到一隻隻鹅掛哂係度，的確幾引人食慾餐廳都類似普通茶餐廳風格，但都整潔乾淨，仲有幅壁畫介紹下廣東飲食文化，燒鵝既獨特之處除左燒味之外，餐牌上都有其他既食物選擇叉燒係半肥瘦，食落口香甜軟熟燒鵝飯媽媽揀左鵝背，燒鵝皮燒得香脆，燒鵝肉入口甘香，油香隨後充斥全個口腔媽媽奶茶話依度既奶茶都好香滑

下午茶時段叫左個燒鵝飯，上左個鵝翼已經好失望，食落鵝肉太硬，唔好食，碎骨落飯入面，失望。食到一半仲要我調位，服務態度極差，明明其他枱是空的，都硬要多2個人坐落我張4人枱到。永遠也不會再光顧