榕哥燒鵝餐室

营业中

休息中

今日心情很差，只想是但找一家店，好好坐下食一餐飯，本想食快餐便算，老公提議如食這家吧，因見到有金牌黑椒叉燒， 招牌果皮燒鵝， 不如就試試吧！叉燒做得半肥廋，口感不錯，但味道不是大合我心，我還是喜歡蜜汁叉燒的味道，果皮燒鵝反而合味， 皮脆肉嫩， 帶有少少果皮的香味，好食，加了8元中湯，中湯味道不錯，沒有什麼味精，都錯

之前睇到網上的一些評論比較城中幾所賣燒鵝的店子的水準，這一間"榕哥"最後的得分甚高，由此驅使愛吃燒鵝的小弟有興趣去會一會她....心無旁鶩，專道而來的我，點的當然是燒鵝飯一碟....一睇，心想今天走運了，竟然給我遇到了一小只肶位....不過夾起一件看，喵到皮下那層厚厚的肥羔，但肉卻又偏少的....一口咬下，皮不脆帶韌，之後便是嚐到五香粉的味道，很明顯是吃著了近骨位的重料醃味了....之後很難得找到了一件有多點肉的，肉不算做特別韌硬但就有點乾....基本上小弟求其去一所街坊燒味舖都能吃到如斯水平 (甚至尤有過之)的燒鵝....所謂的"最佳"，定義從何而來 ?

向來很少給負評，但這次真的受不了，不吐不快。點了燒鵝瀨粉，價錢不算便宜，份量又少，食物質數差，燒鵝沒幾塊，有一半是骨來的，味道超級十分鹹，食完後保證你血壓飇升。侍應態度晦氣又「求其」，已經清楚講明是燒鵝瀬, 跟餐熱奶茶， 半分鐘內又問瀬粉還是飯？是否凍奶茶？天啊！你在聽甚麼？根本完全沒專心！其實當時也不是繁忙時間，沒有幾枱客人，有甚麼分心的呢？之後吃東西期間更聽到他們言談之間粗口橫飛。早知道就去隔離茶餐廳好過！真的受夠了，以後不會再來。

次次話入去食都見到滿座。。又或者搭枱搭到三尖八角😩 今晚經過竟然見到有卡位二話不說就即入去坐。。打開Menu好幾樣都話係推介。。黎到燒鵝舖梗係點過例牌燒鵝食下啦。。然後見到菜牌話黑椒叉燒飯係攞獎喎。。當然又叫返碟啦大啦啦$68。。仲貴過就咁叫碟燒鵝飯🤪🤪終於上枱喇。。。碟燒鵝上庒賣相都唔錯而且咬落熱熱地。。👍 碟邊仲有啲陳皮絲。。。真係陳皮燒鵝喎👏👏不過輪到碟攞獎嘅黑椒叉燒飯就一般啦。。其實食落味道都OK叉燒又淋。。上枱原來係普通叉燒加啲黑椒汁😑。。咬落舊叉燒就吾覺有黑椒味。。原本想加碟油菜15元。。侍應阿叔就話過咗六點一定要點小菜。。。有點失望囉餐牌唔係咁寫㗎嘛。。明明寫住碟頭飯上午11點至下午11點都係有得加菜。。

這間以燒鴨瀨馳名的燒臘, 燒鵝有相當特別的味道. 值得一試. 但我當日到食店外賣半隻燒鵝，驚覺燒鵝擁有不合比例的頸部，與年輕師父理論。 惟職員解釋，「隻鵝細隻，唔關我事！職員開始「遊花園！我有理由相信那師父偷咗啲位嚟做碟頭飯同粉麵建議其他食客下次買外賣時，請記得睇住佢斬啲咩野畀你。 

今次呢就試咗呢家叫榕哥燒鵝餐室,新店裝修門面睇落都唔錯架,雖然茶餐廳格局,馬上入嚟依家呢唔使等位嘅燒鵝餐室。燒鵝就擺在門口最明顯嘅位置,加上今日都想食叉燒結果叫燒鵝拼叉燒飯。這裏的侍應好奇怪,除咗問你食咩之外呢，基本上係唔會再同你講任何說話，你問都吾答。碟飯一上枱,D飯白雪雪無汁的,咁唔緊要啦當食得健康啲。嗰燒鵝皮係有D脆, 但鹅肉就非常之老，偏韌亦沒有鵝香味。义燒亦偏乾。個老板可能覺得燒鵝只要燒到個皮脆就一定賣得。燒味質素唔理想，係個別失手，定年平時都係咁，就要問老板。不過我就唔會再試了。

The goose is nice and affordable, the char siew is one of the better one that I can find in HK. Atmosphere is well design n cleanliness is good. Serving is fast. Only thing is there is no French toast with peanut butter. Will come again when in HK.

本來今日午餐唔係想吃呢間的, 但因為原定目標已經等位等超過15分鐘都未有動靜, 而嗰可憐的一個鐘頭午餐時間實在不容我地再蹉跎下去, 於是就行咗入隔離呢間唔使等位既榕哥燒鵝, 但這無心的選擇竟然有意外驚喜。餐廳裝修新淨, 一群鵝鵝鵝擺到全場最明顯位置, 想唔點佢都唔得啦～燒鵝拼燒肉米粉, 燒肉皮卜卜脆, 竟然係鵝髀! 同事有口福了!!我點的燒鵝拼叉燒瀨粉, 叉燒軟熟不會乾柴, 雖然中意肥叉的同事話正, 但向來喜歡全瘦叉的我嫌佢肥咗少少, 結果最肥嗰d比晒同事處理。我呢份係鵝胸位置, 瘦肉多, 皮唔肥, 但入口嗰陣燒鵝油香啊, 爆!!!淨燒鵝瀨粉, 腹腔位置, 同事話呢個位充滿醃料香, 最入味, 吮骨都好味, 而且油脂較多, 滿嘴生香。燒鵝份量唔少但都只係50幾一份, 吃份普通午餐都要啦, 更加唔好話係一份令人覺得好味既午餐, 仲要係燒鵝, 以後又多個午餐好去處。

今晚試下呢間燒鵝新店、此店標榜只選用五斤半「黑鬃鵝」、以10多種上等藥材及新會老陳皮腌製燒烤、果然冇失望！👍🏻😍😍😍招牌神皮燒鵝- 皮脆肉滑多汁、陳皮味沒有太重、調味料亦沒有喧賓奪主、恰到好處、超正！👍🏻👍🏻👍🏻😋燒腩炒韭菜花- 有鑊氣！👍🏻😋以後唔使山長水遠去搵燒鵝食、超滿足！推薦！👍🏻😍😍😍後話：結帳時、好奇問佢地和深井的燒鵝店有冇關係？收銀嗰位大哥回應：「榕哥」暫時只有呢一間、我哋燒鵝係No 1! 抵你串嘅！鬼叫而家深井燒鵝店實在令人失望。😋😋😋

油麻地原來有一間食燒鵝專門店，真的漏了眼。點了一客燒鵝飯，端在檯上己感覺到好掂！首先表面看來，並不肥膩，皮與肉之間看不到有多餘脂肪。皮好脆，香口。肉質軟腍，味道香濃。最重要不會淋上太多豉油。包了一杯飲品，要了茶走，煉奶份量適中不過甜。茶味亦濃郁。內裡裝潢與冰室無異，服務態度殷勤，值得一來再來。