榕記火焰雞煲私房菜 (已搬遷) 新店位置

第一次去食會著火嘅雞煲，係打咭好地方😂，食之前必需要預定，去到有位男服務生服務態度很好，安排坐位比我哋坐喺度等，坐位夠寬闊唔會好擠迫，周圍環境又夠舒適，一入到去就聞到好香嘅酒味，未食已經流口水，雞煲同出面食嘅味道好唔同好特別，煲入面有竹蔗，木耳，同馬蹄好好食，好香嘅味道，材料又夠新鮮，海鮮好鮮甜，還有豚肉同肥牛都好好味，最後必定要試用湯汁精華嚟抄飯，個飯真係好好食，下次必定會再幫襯👍🏻👍🏻

一行8人，早一個星期訂位啦！鋪頭坐位不多，所以必須要訂位，加上食物新鮮，訂位時會問定我們要食咩？準備份量⋯原來有人頭最低消費$200，同埋限時2小時嫁⋯不過我們訂8點，基本上到10點都唔會再有客等位，所以都冇人趕我們走⋯地點遠左啲，但都好容易搵到，仲有免費泊車啲食物一早準備好，我們去到人齊，店員就拎個煲出嚟，入面啲蝦仲跳跳下嫁，在我們面前先至點火，15分鐘就食得，店員態度都幾好丫⋯同埋冷氣都好夠，可能我們坐個位置關係掛雞夠滑！蝦🦐新鮮，味道好好！值得一試

雖然有4部冷氣，竟然食左成2個鐘,全部人熱到飛起，係咁問係咪有冷氣未開。佢話開哂。後尾太多客投訴，先去睇下，發現冷氣跳制！熱左兩個鐘，所以店員都無發現！呢到冬天黎食都可以，夏天真係咪搞！

慶祝兩位細佬生日，諗住搵間特別啲嘅火鍋館試。一星期前電話訂枱，過程順利。我已穩陣星期中打過去一次確認，問要否預訂料，伙計叫我地等當日兩點打俾我確定，可惜最後係等極冇人覆，打去亦冇人接。最後終於打倒話冇預約紀錄？！仲要負氣地安排我地有大有細大熱天時三十幾度户外餵蚊食火鍋？！令我細佬嘅生日飯臨時臨急改去其他地方⋯⋯差！差！差！好食嘅舖頭，亦要有良好服務態度、穩陣安心預訂follow up去配合，否則都係👎🏻👎🏻👎🏻

依到一定要預約先可以食，里面啲位五係好多，服務好好，店員會係附近幫你得閒就炒下同提你啲雞食得，海鮮方面，啲花甲好鮮甜但係就份量有啲少，其他另外叫既食物份量都算大，筒蠔好大隻但有少少腥，食得多有啲厭，雞就好嫩滑五似係冰鮮雞，但味道有待改善，佢係真係將成枝酒係你面前倒曬，正因為禁個湯汁都變得太甜，啲雞味就冇乜，加上佢係冇供應調味料，所以中意淡味既會比較適合，最後個飯就值得一試，佢用剩下既湯汁加白飯煮，好甜好入味，個人認為個飯係最推薦

住元朗的我覺得頗有特色特意帶住九龍區朋友試試🙈雞煲通常會諗起隨處可見的麻辣那種，用一整支九江雙蒸酒做湯底真係第一次見，配料其實好簡單 竹茅根 紅棗金針雲耳馬蹄蟲草花、新鮮雞、鮮牛肉、豬潤、花甲及海蝦 （冇加其他海鮮但四個人都夠食）放好所有材料下酒點火大約4分鐘後可食。用料新鮮 肉類好滑 海鮮鮮甜爽口 食完一鍋後 其實已經好飽但都要堅持加飯，剩下的精華湯炒飯 成餐完滿結束。通常會喺前日嘅下午2-3:00左右reconfirm 同問你需唔需要加錢要其他海鮮地方隔涉不過餐廳有車位方便泊車💯

得兩個時段 6-8 / 8-10我地預早幾日book左星期五既8pm喺「坑尾村」輕鐵站一落車 行唔洗5分鐘就到一坐底 一鑊新鮮雞煲就送到所有材料都係生 上面有雲耳&蟲草花成個鑊上 夠晒鑊氣！過一陣就有伙計過黎 成枝孖蒸隊落去成個煲即刻勁香！！！（全部伙計都好好傾 又搞得笑😂👍🏻）焗一陣 會有人黎喺鑊邊點火就會成個鑊邊都著晒火 （影得唔好 但現場睇都幾大火）成個過程大約15分鐘有得食雞好新鮮 仲有鮮牛肉👍🏻加送生菜差唔多食晒啲雞 仲可以加湯 打邊爐配料另計 我地就嗌左兩個公仔麵 & 花甲（88蚊一份 都有廿隻左右）埋單兩個人加埋大約$600有機會的話會再黎食👍🏻😋正呀！

環境：⭐️⭐️⭐️⭐️餐館以平民化形式經營，算衛生整潔，起碼有膠枱布，衞生間亦很乾淨！食物：⭐️⭐️⭐️⭐️⭐️食得多麻辣雞煲厭倦了，不妨試試呢個火焰海鮮雞煲，以鑊上非常有特色，份量充足，海鮮生猛，尤其蝦同鮑魚，又大隻又爽口！鮮雞夠滑，加入全支雙蒸酒煑，入味香濃但不會蓋過鮮味！打完邊爐的湯汁仲可以用來做炒飯，所有精華盡在飯底中，簡直神級「正」，值得推介！服務：⭐️⭐️⭐️⭐️⭐️待應服務很周到，做野快手，而且風趣幽默，落酒點火一刻好似表演一樣，非常專業！註：⭐️⭐️⭐️⭐️⭐️五星為最高分，⭐️一星為最低分。

又到週末，忽然抽起條筋想吃雞煲。約好朋友來到目的地。無錯，就是榕記。比一般雞煲多左「火焰」二字，且來看看有什麼乾坤。事先打電話來預訂好2-3人餐。座位也是事先已安排好的，因此一坐下來就直接把食物送上枱了。主角當然係雞煲啦，還有蝦、花甲蟲草花、木耳、手切牛肉等等。額外附送一碟生菜。每個煲隔離仲有一支珠江橋牌九江雙蒸酒。當雞煲煮熱之後，將支酒倒入去，蓋好再煮一陣，點火即時火焰四射。火焰雞煲名堂就咁得來的。開蓋之後撈一撈，蝦同花甲先吃。等5至10分鐘再食雞。雞肉嫩滑，好入味，好好吃。朋友們都吃到讚不絕口。

我絕對不是雞煲fans，但朋友推介這間元朗雞煲，話好特別好好味，當然山長水遠都要嚟試一次，原來好近輕鐵站，都唔算太難搵，黃昏六點開門，6:15已經全場滿座，我哋order左大雞煲，煲內有新鮮雞、紅棗、馬蹄、蟲草花、雲耳、牛肉，最特別係竹蔗，老闆會教你點樣做，佢之後會淋燒酒在蓋外點火，夠晒氣氛，竹蔗一定要盡快食，非常清甜，牛肉都非常滑，雞都好鮮味，但記得要留肚，order碗白飯，老闆會幫你將白飯放入雞煲內炒至乾身為止，呢碟飯非常嘢味

平時同屋企人慶祝節日為咗就大家食呢樣食嗰樣，最終都係揀啲簡單大路嘅餐廳～今次我想特別啲，同埋一直都想試呢間～所以就臨時決定去呢間食～當日whatsapp問有無位，好好彩剛啱有位～訂咗一個火焰雞煲～再加其他配料～第一次食我唔知加咩好～店員就建議幫我配搭～幾經辛苦終於嚟到火焰雞煲～又行錯路去錯地方～建議大家上網search 點去先...真係唔好信晒電話個地圖～坐底無耐就上雞煲～店員幫我哋倒咗成枝珠江橋牌入去～之後點火～隔咗無耐～店員炒咗幾炒就可以先食蝦，花甲好濃酒味～花甲好大粒好好味～蝦好新鮮，不過充滿酒味，有小小苦，但辛得嚟又好好味～好快就食晒啲花甲同蝦，接著就落鮮牛肉，之後店員再幫我哋炒多幾炒，啲鮮牛肉同雞都食得喇～雞同牛肉都好滑好好味，帶有酒味好開胃～煲內仲有啲豬潤、雲耳、馬碲、甘蔗...吸收晒啲湯汁，好正～食完晒呢啲再加湯打邊爐～我哋訂咗肥牛、象拔蚌、墨魚滑、西洋菜、娃娃菜同豆苗肥牛好靚仔好好味～象拔蚌好新鮮，無沙，爽口彈牙～墨魚滑唔夠實，口感好鬆，如果實啲會好啲～啲菜就咁睇都好新鮮好靚～最後我哋叫咗白飯～放落最後啲湯汁度煮，煮到啲飯吸晒啲湯有人覺得太鹹，而我就覺得幾好味～整體嚟講

今次補祝生日我地揀咗一間細妹想食好耐，喺元朗聞名已久嘅火焰雞煲私房菜，佢而家搬咗，相對無以前咁方便，但係就大咗好多，訂位排隊快咗好多～新地址唔難搵，但我哋發生咗小插曲，跟OpenRice個教法行行錯方向足足白行咗40分鐘，最尾要搭的士先去到，都比預約時間遲咗20分鐘。其實佢個位置在一間出名冰室附近，搭巴士就k65坑尾村落可到附近，輕鐡就喺坑尾村落，向往元朗方向嗰條單車徑一路行，便見到燈火昌明嘅榕記~新鋪沒有華麗裝飾，淡黃色牆身整體俾人家嘅感覺，溫馨舒適。想食榕記一定要book位，一來好爆場，二來食店係根據客人落order嘅數量嚟買食物同預份量，務求做到最鮮最好味，幸運地我哋嗰日即日訂位，咁啱有枱~可以一嚐口福之欲食店特色之一，用鑊嚟烹調雞煲。具鑊氣又夠特別呢D係火焰雞煲嘅基本食材，除用上本地嘅新鮮雞外，仲有木耳、蟲草花丶豬潤丶花甲丶鮮蝦丶紅棗同新鮮竹遮，樣樣都新鮮到鋪，鮮味十足。滑牛同九江雙蒸都係基本配料~用酒嚟代替湯汁又可做出火焰效果店員會幫我地攪拌個雞煲，等十五分鐘就建議我地先食蝦同花甲，花甲同蝦又新鮮又鮮甜，煮得剛好~再来就落牛肉，大約三至五分鐘便可吃豬潤和牛肉，也是嫩滑美味，最

雖然位置上不太理想，但十分值得一試。雞煲在客人面前由生煮至熟，一煲基本除了元朗購買的新鮮雞一隻，還有花蛤、牛肉、豬膶、鮮蝦、竹蔗及馬蹄。上桌後，會加入一支九江雙蒸煮15至20分鐘，滾後點火燒三數分鐘以揮發酒精。煲內沒加一滴水，純以酒令雞煮熟，所以肉質特別滑，雞味更濃郁。吃罷雞煲，還可以加水變火鍋，湯汁全是雞肉及海鮮精華，非常鮮味。

今日又入咗嚟元朗搵朋友食飯🥘🥘🥘佢帶咗我去呢間榕記火焰雞煲🐓🐓🐓🔥🔥🔥 喺元朗屏廈路附近，位置其實都算係有啲偏僻😓😓😓 但為咗食好嘢 ，我個friend揸車車我嚟食佢，好有愛呀💓💓💓 本身呢個雞煲除咗新鮮雞之外，仲包牛肉🐮同埋豬膶🐷而且仲有蝦同花甲😍😍😍 今次我哋仲預先訂咗一隻肉蟹同埋桶蠔😆😆😆 佢特別在會連埋啲蔗一齊煲!!😲😲😲第一次見咋!!! 特別鮮甜😋😋店員會幫你手煮 👍👍佢會成支酒倒落去🍾🍾🍾再點火🔥🔥🔥就變成火焰雞煲啦💞💞💞 記住一定要預訂，訂咗先有得食，無得 walk in 架😎😎😎

預先訂了20:00枱，我地準時到達，有大量泊車位，不過如果未黎過，停車場入口都幾難搵。我地叫左一個細雞，另加手切肥牛，馬蹄及飲品。食材用料新鮮，加酒點火後，香氣四溢。有職員為我地煮，亦會提示我地邊D 食材可以先食。飯後，老闆都好有禮貌甘問我地D 野岩唔岩食。價錢算係中價。P.S. 由於掛住食，唔記得影相