榕記車仔麵 (已結業)

難得假日 出去郊遊下出發前食D野先 聽朋友講有間車仔麵唔錯 就特登黎試下正午時分 成30幾度 行左10幾分鐘過黎 成個人溶晒一坐底 職員即刻送左兩杯免費嘅柚子凍飲黎超夠凍 一飲即刻有種解脫嘅感覺  真係救左我本身熱到無咩食欲 但柚子酸酸地 醒晒胃 就覺得肚餓啦呢份細心無咩鋪頭做到呢間車仔麵特色湯底 而佢係按唔同湯底 畫唔同顏色嘅紙呢到一大賣點係芫茜皮蛋湯 大熱天時夠晒下火不過就貴過其他款DD最後我地就揀左麻辣湯同豬骨湯 豬骨湯 比沙嗲汁蓋過左 不過麻辣湯就有驚喜 少麻著重辣 唔錯我地跟住佢D 「手指公」叫左幾樣餸冬菇好入味 細細粒 一啖一粒岩岩好柱侯牛腩瘦左DD 不過都淋 可以一戰百葉豆腐我地第一次食 原來好似魚蛋咁 好彈牙同時又軟綿綿 好似海綿索晒D湯一定要試既然老世咁識做送野飲 咁我地都識做Order反野飲嘅 反正杯柚子一坐底就乾左豆漿 無渣 唔太甜 岩晒香港人 (香港人食甜品都要少甜)總括黎講野食OK 但D餸就少左D 但勝左細心搭夠 可以一試~

#肥doi遊將軍澳.因為食過幾好食，所以不停返兜，食過幾次之後，決定寫下呢間車仔麵嘅食評！-《莞茜皮蛋湯 三餸》$50餸：蘿蔔、酸齋、豬軟骨莞茜皮蛋湯底好足料，淡淡既莞茜皮蛋味配埋超入味既蘿蔔，淨係呢兩樣野都好正！酸齋同豬軟骨分碟上，酸齋嘅酸度配得啱啱好又唔太酸，豬軟骨好林口感非常好味道都唔錯。.《豬骨清湯 三餸》$45餸：墨魚丸、豬軟骨、蘿蔔豬骨湯唔算太特別，同其他車仔麵既豬骨湯差唔多。蘿蔔一樣係清甜入味無渣，必食之選！.《醬汁魷魚（辣）》$40咁多樣野之中，最推介呢個魷魚！醬汁係少少麻辣既汁，魷魚煮得岩岩，好爽口！-👅味道：7.5/10🍱賣相：7.5/10 .🏠環境：8/10 💛店內防疫措施充足，牆上面有具香港特色既裝飾，坐落都好舒服！.⭐️總評分：8/10車仔麵既配料選擇都幾多，莞茜皮蛋湯底都幾出色，去開寶琳既可以支持下佢地～

係寶琳好似乜都有得食，但唯獨車仔麵既選擇真係唔多，仲要有心熬個湯底，真係不錯😏😋由細到大都中意食車仔麵，揀左豬骨湯底，結果無令我失望，唔會水咁/得d色而無味，手打牛丸都真係無呃人，唔係普通hea料，值得揀！豬皮就收工去食都唔太淋，值得一讚，只可惜菜就真係太淋…個人喜好係爽既🙈另一碗就嗌左米線，個辣係香既，但比較上d米線就有少少斷…另外嗌左個魷魚，最值得推介，少少辣但好爽口好好味，中意食一定要嗌！p.s.跟餐嗌豆腐三蚊杯，會唔會太平呀？

榕記車仔麵 (將軍澳)將軍澳寶琳貿業路8號新都城中心3期21號地舖寶琳區黃店車仔麵呢間車仔麵，店內會全程播着願榮光歸香港，收銀位置放咗一本記錄香港人抗爭以來既書，真係一間超深黃既餐廳，所以大家一定要去支持一下芫荽皮蛋湯味+豬紅+牛腩湯底超正，超重皮蛋味豬紅入味，牛腩都炆得好淋豬骨清湯味+豬腸+牛丸豬腸大大舊好入味，牛丸彈牙爽口小食-豬手炆得超入味，味道有少少偏鹹適合重口味人士評分:8/10

黎到寶琳就試下呢間榕記車仔麵一入到去雖然環境細細 但都坐得幾舒服枱面有唔同餐牌供客人點餐價錢非常便宜我揀左4餸 $45 加可樂4餸分別係陳皮魚蛋(唔辣)，雞中翼，雞絲同唐生菜麵就揀左米線 無加任何汁我覺得陳皮魚蛋係入面咁多餸最好食既total有5粒 食落好彈牙亦有陳皮味 值得試下雞中翼就偏鹹 因為無加任何汁既關係浸耐少少個雞翼會好d雞絲反而就一般般唔夠嫩口唐生菜都ok 份量亦都多米線都唔錯總括而言食物方面 推薦陳皮魚蛋環境方便 坐得幾舒服服務方面 店員十分有禮下次會再食

今晚只想簡單食個車仔麵💛係寶琳呢個無乜黃店嘅地方 搵到呢間 咁就一於支持下小店啦☺️-店內掛住啲相同poster我每次睇到都有好大感觸😣舖內亦一直播住抗爭期間創作嘅歌曲文宣 抗疫物資亦預備好 仲提我地佢地後日罷工休店店主真的非常有心👍🏻-四張餐紙點主食係白色或者黃色可選湯底有4款麻辣湯，豬骨清湯，芫茜皮蛋湯，海南胡椒豬肚湯-我地仲叫左雞絲粉皮做小食$30份量超多呀！大推呢個毫不吝嗇嘅胡麻醬 雞絲 同 粉皮😂粉皮口感出色 唔會好碎好散非常抵讚-朋友點嘅豬骨清湯配冬菇牛丸同豬大腸面頭嘅係追加嘅沙嗲汁食物質素正常 而朋友話粉麵份量好多 食極都有😆-我就叫左胡椒豬肚湯湯底味道幾好 我本身唔算太食得辣 都無問題佢唔會好濁 但同時又好有味湯底附上3-4件豬肚添 變相多左一個餸👍🏻👍🏻👍🏻配料方面我揀左墨魚丸 豬紅 同 牛腩舖頭幾細心牛腩另上 腩汁就唔會影響湯底啦我叫菜底 份量正常合理-小店值得支持繼續加油💛

因不想出街，所以致電翠林食店外賣專線，有新店加盟榕記車仔麵，是非一般的車仔麵，湯底是我打邊爐時喜歡的，小食還有鮑魚花膠，但我只叫了五一手足內已有鮑魚、花膠、南乳豬脚豪華版車仔麵😋，魚旦 蘿蔔 粗麵 海南胡椒豬肚湯 湯底ok，魚肉春卷 豬軟骨 粗麵 莞茜皮蛋湯比較喜歡這湯好好味😋小食有炸鮮蝦雜菜條👍🏼醬汁魷魚😋但比較少，滋味拼盤滷水雞翼豬大腸紅腸👍🏼

上OpenRice睇吓寶琳有啲咩嘢食，見到啲人話依家係窮人恩物所以就黎試吓，我哋九點前嚟到原來佢地都差唔多last order 啦。個店員就同我哋講得車仔麵底返米粉可以揀🤦🏻‍♂️-雞絲粉皮啲粉皮煮得啱啱好，唔會煮到淋曬，好彈口。芝麻醬同雞絲都好多好足料，不過足料就唔代表好味😂個人覺得啲芝麻醬落得太多，搞到碟雞絲粉皮太咸。如果加埋木瓜絲就更加好，令到成碟小菜就更加輕盈同清新。我叫咗個三餸車仔麵，呢碗車仔麵檔左清湯牛腩湯底，個湯底就普通，不過就唔會太咸令到我要飲好多水。滷水豬大腸做得好好，啲滷水汁飲到有少少藥材味，而且都浸得夠耐令到啲豬大腸入晒味。👍🏻 冬菇就冇乜特別，因為唔係用滷水汁浸，所以咬落去冇咩味，不過都好香冬菇味。醬爆福州丸就好普通，唔係好似佢講咁樣禁醬爆，咬落去只有少少汁爆出嚟，不過個樣都好好味同好彈嘅。-胡椒豬肚湯米粉個人覺得胡椒豬肚湯嘅味道比較淡，係飲到胡椒味但唔夠重，另外就係成個湯比較單調，如果加埋酸菜會更加好味。啲豬肚都煮得夠淋，唔係好似橡筋咁樣咬極都咬唔爛。跟住加咗兩餸一個係豬軟骨一個係柱候牛腩。啲豬軟骨都唔錯啲軟骨唔會好硬都咬得到，但個牛腩就真係好差，非常之鞋，咬極

的而且確，食野先睇立場...呢幾日自自然然就去左呢間榕記車仔麵，不過，相信食過既人都會有相類近既感覺...1. 麻辣米線(小辣) 豬軟骨，蘿蔔，魚肉春卷。米線頗淋，麻辣不麻，豬軟骨夠入味但軟骨不軟，蘿蔔明顯加糖去煮(非時令，無辦法)，魚肉春卷啲魚肉薄過我層面皮...2. 豬骨湯底(加腩汁，大辣) 柱候牛腩，牛丸，墨丸。柱候牛腩味道同豬軟骨味道完全一樣，牛丸普通，墨丸普通...兩個湯底基本一樣...以前食過尤魚，印象中非一般咁貴，叫份小，份量大約5條細尤魚鬚，依家唔知係咪咁環境氣氛，同路人入去食撇除味道質素，氣氛十分良好，米芝蓮都會將環境計入評分內...(如果純粹味道質素上，我應該唔會再食)

#物有所值的車仔麵#繼續黃色經濟圈 一間值得支持嘅車仔麵小店💜 將軍澳朋友有福了🤤一入到去已經俾環境吸引左，老闆將兩部單車放左係當眼位置，好吸睛，近排非常時期，小店嘅員工唔多，所以要有心理準備野食會上得慢🥺不過車仔麵好難得冇味精！車仔麵嘅餸同麵都比出面多，性價比係將軍澳區入面黎講好高😍小食：1. 雞絲粉皮🤤粉皮好滑，俾左好多雞絲我地，重點係落左好多麻醬🤤🤤（其他地方落麻醬好小架）湯底：1. 蕃茄濃湯濃郁的蕃茄，比連鎖店落得更足料🤤，餐廳仲俾左好多大大粒蕃茄，要試！2. 麻辣湯我本身唔太食得辣，所以湯底對我黎講係偏辣，只係試左一細啖，個種辣令成個麵嘅層次唔同左🤤必點餸：1. 陳皮魚蛋好難得到有陳皮魚蛋做車仔麵餸，呢間嘅陳皮魚蛋好彈牙，一咬落去仲要好有陳皮味😍2. 墨魚丸唔係一般冰鮮嘅墨丸🤤入面有一粒粒嘅墨魚肉3. 豬軟骨本來以為佢係黑醋豬軟骨🤪原來唔係，不過麵都好入味好林

今日屋企人同我因為做野同探親戚 所以喺寶琳出沒🙆🏽‍♀️ 唔熟呢頭既我地事前睇下食評 最後決定試下榕記車仔麵💁🏽‍♀️我地入去個陣係~2:45pm一坐底就俾張下午茶優惠紙吸引住🤩去幫襯個日係星期二 揀特色湯底車仔麵既話 +$1 就有花膠了😍 即刻師奶仔上身 諗住等到3點就遞紙仔🤭 不過店員好好 一次過收哂我地d點菜紙~~鮑汁花膠(三塊) (+$3)鮑汁好濃郁 我仲用左黎點我d蘿蔔😛花膠大塊 又軟稔入味~~🍅蕃茄控既我揀左蕃茄濃湯(全素) 兩餸($45)、三餸($50)、四餸($55)略嫌湯底唔夠杰身 個人鍾意有蕃茄蓉既湯底!但呢個湯底味道都唔差 酸酸地 又掛到喺米粉上面👍🏽兩老就揀左海南胡椒豬肚湯🙂我好怕胡椒味過重會好辣但榕記既胡椒湯胡椒味恰到好處~~仲有豬肚絲 真材實料👍🏽車仔麵餸推介💁🏽‍♀️🌟 豬軟骨 (另上)誠意之作👍🏽 感覺炆左好耐 炆到連薑片都無薑味了豬軟骨超級軟稔入味😋 有大約四舊咁多! 🌟 豬皮 (另上)又係好入味👍🏽 仲有少少辣 好惹味!🌟豉汁鳳爪係車仔麵入面好少見既餸啊😆 有色水又夠入味! 店員仲會好貼心咁俾碟仔我地𦧲骨👍🏽🌟蘿蔔清甜多汁又冇渣!另外我地叫左💁🏽‍♀️ 雞

好耐冇飲過老火湯，聽講呢度有一間食養生湯底嘅車仔麵，都要補下啦而家🤪🤪🤪金蟲草野菌養生湯底湯底來講比較淡同偏甜，食得出冇落味精🤩👍🏻就算只係湯都有其他湯渣，例如紅蘿蔔、佛手瓜等等，感覺十分之足料酸齋酸酸甜甜咬落好入味，不過應該係雪櫃攞出嚟比較凍豬軟骨大約只有兩至三塊，肉炆得好腍，但骨就仍然有少硬(因為我比較喜歡入口即溶的口感)醬爆福州丸大大粒魚蛋入面有肉餡，輕咬就有肉汁流出黎手打牛丸食得出係手打，牛味幾濃整體來講呢間小店都幾高質，價錢唔算太貴，服務態度都好好，食物嘅質素對得住個價錢😋

大約一年前，榕記開張不久時試過一次覺得味道一般就一直沒再試了...這次再給予第二次機會，但仍是不能令我滿足，仍然不太合我的口味呢～～上次試豬骨湯底，加了腩汁後，味道仍然很淡於是這次選海南胡椒豬肚湯底！配油麵﹑酸齋﹑豬大腸及豬紅老公那碗是豬骨湯底加腩汁，配河粉﹑手打牛丸及豬軟骨另外要了3片鮑汁花膠！鮑汁花膠，size幾大塊！炆得夠稔，滑溜的，充滿膠質～～鮑汁的味道香而不鹹惜花膠略略帶雪味，炆煮得不夠入味！！我的三餸車仔麵，先試湯底胡椒味都夠，微辛，不算好濃郁，易入口油麵帶點鹼水味，個人不太喜歡這種味道豬肚份量都多，乾淨又軟稔易咬！豬紅有略略調味，但仍然偏淡，不夠香豬大腸的鹵水汁卻太鹹唯一要讚的是，酸齋比起我上一次吃的時候好吃了！夠入味！！老公那碗兩餸車仔麵，先讚一下，加了腩汁的豬骨湯，比起我上次試的略濃但腩汁仍未算好香～～牛丸及豬軟骨，我只嚐了後者豬軟骨夠稔滑入味，味道又不過鹹，不錯！老公似乎幾滿意，快速就吃清光了！雖然未至於難食，但我仍未在這裡找到我覺得好吃的湯底或餸菜呢...可能再過多一段長時間後，會再試吧？

疫症期間，已經減少外出用膳，即使出去吃飯，也吃些速食。這家車仔麵店十分注意衛生，堂食外賣一律使用即棄餐具，又會提供消毒紙巾及搓手液予客人，挺貼心。跟車仔麵店的格局不同，裝潢方面較講究，尤其是單車的佈置，而且座位也是較舒服。選擇蠻多的，湯底也有多款、不同辣度、麵條、餸菜等。每人各點一碗麵食，再加一款小食。兩碗都是麻辣湯底，小辣已經很辣很過癮。另外一碗則以菜底代替麵條。推介配料：陳皮魚蛋有辣／不辣選擇。魚蛋帶淡淡的陳皮香味，很特別。豬大腸非常有韌性，切成一小塊，比較易咀嚼。柱侯牛腩炆得很軟腍，肉質入味。小食方面，點了一份紅燒鮑魚，原來是小鮑魚粒，很可愛，一口就吃掉一粒，有嚼勁。

今晚跟同事補祝生日，她一向吃得簡簡單單，但就講求健康養生，所以決定帶她吃一間有養生湯底的車仔麵店。麵店在家附近，所以並不是第一次來，不論門面和內裏的裝潢也沒有大改變，同樣鑲有具代表性的單車。內裏地方挺寬敞，泊牆設有長椅，中間有二至四人枱，而再入一點就有四至六人枱。每枱均放有點菜紙、筆和三款調味醬。四張點菜紙不同顏色，分別是不同湯底的車仔麵、必吃小食和下午茶兼飲料。***********************一心推介金蟲草野菌養生湯(素)給同事，但....晴天霹靂，竟然暫時停售，嗚嗚嗚! 只好選擇其他湯底吧! 同事點了海南胡椒豬肚湯配米線及兩餸（$45），有墨魚丸和蘿蔔。她大讚湯底好夠火喉，啖啖胡椒香，又唔油，還有幾件爽口的豬肚，正！亦很喜歡多汁無渣的白蘿蔔，味道相當清甜。而我就揀了之新沒有見過的蕃茄濃湯(全素)配菜底及兩餸（$45），有魚肉春卷和冬菇。湯底紅通通，湯身濃稠，內有蕃茄茸和洋蔥，味道酸咪咪，好醒胃。菜底是唐生菜，青綠爽嫩，索了湯底，帶點酸咪咪。魚肉春卷略為有些乾，但不油膩，亦不太濃味。分碟上的冬菇原隻上枱，腍嫩很多亦有咬口，且烹調入味，個人推介。*************