榕記車仔麵 (已結業)

雖說要減了聚餐，但二人餐還可以吧！今晚，我倆就到有米豬連認證的「榕記車仔麵」，實行抗疫不忘抗爭，支持良心黃店！餐桌上有多款點餐紙，自助式剔選湯底、麵款和餸菜後，遞給侍應便可，非常方便！番茄濃湯四餸車仔麵（$55）粗麵麵質爽口，浸泡時間剛剛好；湯底裡真的有半個大番茄，味道濃郁，絕對真材實料！餸菜方面，有34款選擇，我就選了墨魚丸、手打牛丸、魚肉春卷和煙鴨胸。可能真的是手打關係，牛丸比平時打邊爐吃的更彈牙，沒太多牛筋，必食！另外，我們亦選了兩款小食，開心share！自家製酸齋（$20）味道不過不失，若果有更多味道和款式選擇就更好！雞絲粉皮（$28）粉皮一定要配胡麻醬，極惹味！冷豆漿（$6）豆味香濃，武漢肺炎肆虐期間用紙杯裝飲品和提供一次性餐具，不環保但可接受！手足們，不想堂食的話，可以外賣自取，自攜容器更每份減2元呢！

車仔麵應該都算香港特式食品之一。 可以根據自己鍾意食物既任意配搭。因為所有食物都係自己鍾意，所以車仔麵必定岩自己口味。之但係咁嘅大前提下車仔麵店點先可以突出自己呢？寶林站既＜榕記車仔麵＞我就覺得幾夠突出。車仔麵俾人印像都係較下價既，而呢間就一反傳統，係高價車仔麵，點解咁講？因為平時只係揀咩餸嘅車仔麵，喺呢間舖頭係可以揀埋咩湯底。除此之餘 ，呢間車仔麵仲可以 有、鮑魚、花膠同花菇食。舖面整潔座位寬敞。係疫症呢個時候食客都唔算少，證明佢地食物應該唔錯。我叫左1個5餸車仔麵（ 蘿蔔、墨魚丸、豬紅、豬皮、豬大腸） ，加左必試小食既唐揚炸雞，滋味拼盆（豬大腸/南乳豬手/雞翼/紅腸），仲有最吸引既紅燒鮑魚同鮑汁花膠。車仔麵-蘿蔔入味,墨魚丸彈牙 ，豬皮辣辣地好惹味。滋味拼盤- 偏鹹 尤其紅腸同 雞翼。紅燒鮑魚 細細粒鮑汁花膠 大大塊 ,厚度都有👍

養生車仔麵今日轉口味，來將軍澳新都城3期的榕記車仔麵食晚餐。這𥚃裝修非常新款乾淨和闊落，坐得好舒服。餐牌的款式多又特別，除咗有普通的豬骨和麻辣湯底外，仲有金蟲草野菌養生湯和海南胡椒豬肚湯。叫咗1個金蟲草野菌養生湯配四餸（手打牛丸、豬紅、柱侯牛腩、豬大腸），雖然係素的，但好香甜好清新有種健康的感覺，湯底都差唔多俾我軟晒，我仲好欣賞佢哋嘅手打牛丸，牛味重又彈牙，還有柱侯牛腩炆得淋好好入味。另外還叫左個海南胡椒豬肚湯配四餸（陳皮魚蛋，頂級貢丸，豬軟骨，肥牛）胡椒味淡淡的不會很辣易入口，陳皮魚蛋落足陳皮，喺出面冇可能食到，豬軟骨炆到連軟骨都入口即溶。再叫多2個小食（自家制酸齋和滷水糖心蛋）個糖心蛋冇得頂，好入味，蛋黃係半生熟嘅流心啫哩狀

今日同家人經過這間車仔麵店，我地見都好衛生同企理就入左去試下。店內裝修牆壁以水泥風及紅磚牆為主。掛上左單車作裝飾，仲有唔少店主旅行嘅相片。店員都戴上口罩同手套去工作都好衛生。唔似平時嘅車仔麵店👍🏻睇返餐牌，佢地除左車仔麵仲有唔少小食，不過最估唔到係有花膠鮑魚花菇可以食😆湯底仲有唔少特色湯底。下午茶時段仲有1蚊優惠。我地點左2個車仔麵同一個滋補拼盤。滋補拼盤有花膠鮑魚花菇，全部都係用鮑汁煮過，超好味😋份量仲係2人份👍🏻花膠勁大片，食落好香。第一個車仔麵叫左金蟲草野菌養生湯粗麵配豬大腸+手打牛丸，湯底飲落都好清熱，有紅蘿蔔🥕味。同埋真係好多蔬菜🥬。豬大腸係另上都幾入味。手打牛丸都彈牙。第二個車仔麵叫左海南胡椒豬肚湯米粉配豬軟骨+墨丸。湯底真係有胡椒味，奶白色，有豬肚絲😍豬軟骨食落超入味👍🏻墨魚丸係似炸過，都有墨魚粒係入面。套餐包左飲品，我地叫左豆漿😋都好好飲。

今日來將軍澳行街順便食車仔麵。😄呢度有好多選擇，湯底除咗平時那些外還有特別的蟲草花野菌養生湯，😋我叫左三餸（柱侯牛腩、手打牛丸和豬紅），手打牛丸好彈牙好好味，柱侯牛腩忟得好淋好入味呀😋😋，最後個湯底還差不多俾我飲清👍

今日行行下，發現有d肚餓，咁岩經過間車仔麵鋪，見到湯底竟然有麻辣湯既，即刻二話不說衝入去，因為我真係好鍾意食辣~😋😋😋首先我點左個麻辣湯底既烏冬，湯底仲有芽菜同韮菜，正呀~餸就選擇左紫菜,豬軟骨,魚肉春卷同褔州魚丸，豬軟骨好淋,好入味，而另外個三樣就正常囉😆~唯一缺點係我大太食，覺得就唔係好夠我食😅！我朋友就同我相反，因為唔食得辣，所以叫左個豬骨湯底既肥牛,春卷,韮菜,牛丸米粉，仲可以免費加腩汁添😙😙~仲諗住豬骨湯會油，點知個湯底出奇地唔油！有驚喜~👍👍之前仲叫左兩個小食…醬汁魷魚,炸雞件~雞件就無乜特色，但個魷魚就唔錯,個汁辣辣地,同魷魚好夾！好彩叫左d小食，所以份量岩岩好~整體黎講，呢間車仔麵鋪比起其他麵鋪感覺乾淨好多，員工服務都好好，好有禮貌，所以都會再去幫襯~

早上十一時來到，客人一枱。打算到附件遠足，所以先來醫肚。被吸引原因在於他們的湯底。價錢取決於湯底，然後再加餸。下午茶會有優惠，但今天星期四，告示板上卻沒有酸齋。也有小食，點了辣汁魷魚小。點了兩確，都是蟲草花湯。配料有甘荀，合掌瓜，紅棗，杞子，竹菌，雜菌，味道清甜舒服，有心機。配餸，如有汁醬的會另上，以免影響湯底，有心思。但萬萬沒想到，另上的餸是室溫凍，外邊十多度，可想而知。豬手一件，由於凍的關係，爽硬，南乳有色唔入味。豬軟骨三件，可以。手打牛丸兩粒，不過是稍好的來貨。牛腩，選料差，全瘦，煮也過火，乾硬柴。調味也差，帶甘苦，估計焦底了。福州魚丸，浸煮太耐，肉餡也沒有汁了。麵底選了米線，原因是不想油麵破壞湯底，但米線搭配也過於清淡，而且米線也過火了，肥大漲身。魷魚，全場最大敗筆。首先是凍，然後調味醬汁不過埋芡而成，調味也就是辣，麻，欠層次。然後魷魚唔入味，無炒過收汁，簡單來講就是放幾塊魷魚，淋汁奉客。再講魷魚，處理得不好，一陣鹼水味，我想不會是來貨發好的魷魚，然後洗一洗就用吧？整體而言，湯底可以，但其他一切皆中下水平，來光顧之前，請考慮是想飲湯，還是食車仔麵。賣單125元。

食咗好多次，一般都係食豬骨湯底(雙餸$35)。其實唔係好似車仔麵，因為個湯底都幾清，感覺冇落味精，好似似米線舖多d(？)。不過可能加腩汁，多返d車仔麵既feel🤣。餸首推蘿蔔。佢d蘿蔔真係甜到不得了，非常好食。另外柱侯牛腩都唔錯，幾入味，可以係單個度寫低另上，咁就會用個碗仔裝住。除此之外，個人都幾鍾意陳皮魚蛋。如果同朋友一齊，就會直接另外叫個小食-燒汁煮蘿蔔($16)。不解釋，真係好甜呀！店員服務唔錯，環境都企理乾淨。整體黎講，係性價比高既車仔麵。

榕記雖然不在屋企附近，佢嘅胡椒豬肚湯胡椒味夠濃，有少少辣，很對姐的口味，如果唔係好食得辣嘅朋友就不要選這款了。上次生病，無法食到胡椒豬肚湯，所以一好返就要回來食， 湯裏面仲有豬肚，變相多咗一個餸，豬大腸係每次必叫，食車仔麵一定要食豬紅， 鳳爪都唔差。$50 1個麵3餸，加$5熱豆漿, 好滿足。老公都係好鍾意佢既胡椒豬肚湯， 佢話豬手好好味，冬天食蘿蔔係絕配， 點少得豬大腸，佢特別鍾情呢度嘅粗麵，每次食都會叫粗麵。每次嚟到，伙記態度都好好，親切有禮, 所以我都好鍾意特登過嚟食。

是日一行二人黎呢到食lunch，去到都幾多人，但都有一兩張吉枱，所以唔洗等直接入得。今次坐入啲既位先望到原來有單車吊係牆身。睇完餐牌，因為上次點左麻辣湯，於是今次試上次試唔到既金蟲草野菌養生湯，朋友點左麻辣湯，再叫多份醬汁魷魚黎share。先講果小食醬汁魷魚(辣)，叫左碗既份量，早知叫碟啦，估唔到甘好食。啲魷魚好爽，又唔會有簡水味，果汁好惹味，少少辣，啲魷魚好入味，好食。到朋友果麻辣湯三餸麵(中辣)，因為我上次食過，佢啲辣係慢慢滲出黎，越食越辣，辣得過癮。到我想試好耐既金蟲草野菌養生湯三餸麵，果然冇令我失望，果湯好清甜，感覺好補甘，有啲金蟲草同菌絲，仲有一大舊紅蘿蔔伴埋係湯到，餸我叫左墨丸牛丸同牛腩，三樣餸都係正常好味。整體黎講，已經第二次食，湯既質素真係好得，好過出邊啲味精車仔麵，食完絕對會再返轉頭再食。服務正常，店員都係反應快果類。

是日同老豆一行二人去食車仔麵，去到都幾乎坐滿人，不過好好彩岩岩好有位唔洗等。去到見到啲餐單，啲湯底幾特別。睇完餐單，叫左麻辣湯三餸麵 (小辣)同海南胡椒豬肚湯三餸麵，仲叫左雞絲粉皮 (麻辣醬)share。先講雞絲粉皮 (麻辣醬)，麻辣醬好惹味，夠哂麻，粉皮都夠滑夠爽，唯獨雞絲有啲扣左分，因為太乾太鞋口啦！然後到果海南胡椒豬肚湯三餸麵，雖然唔係我點，但當然要試下果湯啦，真係好足料，飲落係豬肚湯既味，唔似坊間啲車仔麵甘得果普通味精湯，呢個湯底真係飲得出誠意。老豆都話啲豬手豬腸炆得好淋好入味，大讚好食。我自己就叫左麻辣湯三餸麵 (小辣)，三個餸分別係柱候牛腩，手打牛丸同魚肉春卷。先講果湯先，我本身食得辣既，但都覺得呢個小麻辣好夠麻，因為出面食親都只辣不麻，但呢個夠哂麻辣，岩哂我。牛腩好入味，唔錯，至於牛丸同魚肉春卷就有啲普通啦。整體黎講，野食質素高，湯底真係好有誠意，服務都唔錯，店員反應快，下次都一定會去幫襯。

--------📍好味到飲埋湯底？ -- 榕記車仔麵💛今日同朋友去開寶琳搵食 就去咗呢間車仔麵黃店懲罰下佢！💛💛估唔到個湯底好味到癡線！💕--------⭐金蟲草野菌養生湯 兩餸車仔麵（$45）小編講緊個湯就係呢個金蟲草野菌養生湯🙊車仔麵好多時個湯底都比較濃味同油膩 食得多都咪話唔怕肥哈哈😂😂😂不過呢個真係幾養生幾健康 飲落好清淡 唔油 味道仲有住家老火湯嘅味道💕💕餸方面就要咗蘿蔔同雞絲 麵就要咗幼麵~蘿蔔索左湯之後超正 一咬咬落去就爆晒湯底嘅鮮味出黎🙊幼麵掛湯力好夠 又唔會煮到太腍👍整體黎講質素唔錯 湯底好好味 而且仲係素湯底黎架！啱晒食素嘅朋友仔💕--------價錢：$45-------評分（10分滿分）賣相：7味道：9性價比：7回頭率：8--------店舖資料名稱：榕記車仔麵地址：將軍澳寶琳貿業路8號新都城中心三期21號舖前往方法：寶琳站A1出口

今日同男朋友去將軍澳個邊行街，搵附近有咩食就見到幾多人食呢間車仔麵。好耐無試過車仔麵所以就決定食下。麵有幾款湯底可以揀，有普通豬骨，麻辣，最特別係有胡椒豬肚湯同養生湯底揀。見幾特別就叫左個養生湯，男朋友就叫左豬肚湯。配料就可以揀翻自己想要既數目，選擇困難症既我最後揀左肥牛丶貢丸同豬軟骨，跟餐叫左杯凍豆漿，另外仲叫左個蠔油生菜。每款餸既份量都ok，豬軟骨幾厚肉偏鹹，貢丸彈牙好味，肥牛就肥瘦適中味道正常。麵我揀左粗麵，麵身唔會太淋，自己鍾意食比較硬身既覺得佢煮得幾好食，不過稍為美中不足係麵唔係太吸得到湯既味道。湯底飲落去鮮甜好足料，有種屋企湯既感覺，到最後差唔多飲曬成碗湯，係幾特別同好飲既不過就係食麵個陣唔太食到湯融合個味道。偷左男朋友個豬肚湯幾啖，味道好濃好香胡椒味，好開胃。至於生菜就好新鮮甜，吸左d湯汁更加好食，如果份量再多d會更好。整體黎講覺得以車仔麵黎講幾有誠意，味道都唔錯，不過因為特別湯底一碗都要五十蚊左右。

平時食車仔麵通常食啲餸，呢間就湯底係主角，有啲好特別嘅湯底，芫茜皮蛋湯、金蟲草野菌養生湯、豬骨湯，今日就試咗胡椒豬肚湯。胡椒豬肚湯底—雞絲、蘿蔔 ($45兩餸) 湯底本來就有豬肚，而且份量不少，很有嚼口但不是難嚼。湯底一喝就知道沒有隨便，胡椒味道很香，清淡但不是寡味，有豬肚香不過鹹。平日吃車仔麵很少叫雞絲，怕會太柴，這個完全不會。雞肉不是很細的絲狀，很嫩很軟，一點都不塞牙，吸了湯底好好吃🤤份量也不少。蘿蔔清甜，煮得軟腍。另外在朋友碗中偷了豬大腸和牛腩😛也都好吃。胡椒微微辛辣，飲落去成個身都暖笠笠，最近天氣轉涼，飲番碗真係好唔錯👍🏻本身九龍城店係做車仔麵嘅，依家改咗做串燒店1700先開

有朋友推薦，就試下啦！周末下午茶有人流，不過唔洗等位。佢有兩款較特別既湯底，老公就試豬肚湯，加左蘿蔔牛丸豬紅。佢本身仲會有啲豬肚絲。不過我唔飲胡椒豬肚湯既，所以無得試。我要左佢既金蟲草野菌養生湯，加左豬紅肥牛。最開心係可以菜底，下午茶食麵太多了。湯好濃，不過無味精味。飲落足料，可以見到有蟲草花，紅蘿蔔等等，我成碗好少可地飲哂。肥牛略嫌太少同煮得老左啲。豬紅ok。菜底無四爺車仔麵咁大碗，不過做我既下午茶就足夠了。