榕記車仔麵 (已結業)

之前食過呢度嘅養生湯底車仔麵，覺得質素唔錯，今次經過就順便喺度食埋晚餐~見到佢加咗新嘅芫荽皮蛋湯底，不過我個人就想試返豬肚湯底多啲~金蟲草野菌養生湯烏冬(豆卜，柱侯牛腩，醬爆福州丸)~質素保持高水準，啲湯底配上滿滿嘅湯料，包括蟲草花菇菌蘿蔔非常足料，豆卜吸滿湯汁一齊食更加滿足，柱侯牛楠啱啱燜起，燜得夠入味，肉質唔會太散呀，反而夠結實juicy~醬爆福州丸魚肉有落去肉汁多到流晒出嚟，食落幾不錯~海南胡椒豬肚湯米線(百葉豆腐，豬軟骨，醬爆福州丸)~最鍾意呢款湯底，因為包括左不少嘅豬肚做餸，非常足料，胡椒湯底食落有少許刺激味蕾既感覺，配合米線一齊食味道OK~百葉豆腐比普通豆腐口感更加彈牙，有啲似魚蛋質感，但係就充滿豆香味~豬軟骨燜得夠入味，肉質偏林~滋補拼盤(鮑魚，花膠，大花菇)~見佢加入左新款小食，價錢$50 ，不算太貴，就試吓~花膠都有兩塊，燜得夠軟諗，食落充滿膠質，迷你鮑魚仔夠咬口，不過最驚喜都係大花菇，吸收晒所有湯汁精華，食落去味道啱啱好，而且一咬落去就有汁流出來🤤

寶林其實都係一個美食多元化嘅地方經朋友推薦今日去左一間與別不同嘅車仔麵檔一般我地食開嘅車仔麵都不外乎係清湯或者腩湯但榕記今次將我地一般嘅住家湯作為湯頭鮮味之餘仲令人想一食再食一入到店面就即刻見到鋪頭有咩推介湯底不單止可以配上車仔麵 而且仲提供淨湯嘅選擇適合一啲自己住平日比較少自己煲湯嘅年輕人而我就叫左三個餸 分別係陳皮魚蛋、牛肉同魚肉春卷 配上姫松茸養生湯賣相就就不在話下 店員仲細心到將咖喱魚蛋分開上 務求唔影響到湯底嘅鮮味第一口當然係試湯湯真係可以以鮮甜黎形容一個咁甜嘅湯我好好其用左幾多料去煲於是我將佢地揾哂岀黎一碗小小嘅麵都可以咁足料怪唔得之咁正另外不得不提嘅就係佢地果碗陳皮魚蛋咖哩味濃得黎之餘陳皮味都唔會被掩蓋已經魚蛋肉質結實 十分岀色~~~~~~~~~~~~~~~~~~~~~~~~~~~~~~已經好耐無食過一碗咁岀色嘅車仔麵以後會多多幫襯 試多啲佢地唔同嘅湯底推薦鍾意食麵嘅朋友有時間都去試一試

今日成八點半先番到寶林搵野食 又番番去我最愛既商場新都城 無他既 泊車優惠真係贏晒女友話想食車仔麵 見到呢間甘夜都仲有小小人龍 就走左去排隊 車仔麵流量快 等左五分鐘晤洗已經有位了呢到最出名一定係養生湯車仔麵有金蟲草野菌素湯同埋海南胡椒豬肚湯我地揀左前者 餸要左金菇 雞翼同埋牛丸為左晤好mix埋啲味道 雞翼係另上既 我影相先放左入去😂 湯底好清甜 雖然係素湯但係都好夠濃郁 女朋友係湯精同時係辣怪 佢今日竟然忍到手晤加辣👍雞翼炆得好入味 仲要大大隻👍👍👍糖心蛋係另叫既 $9隻 呢到個蛋做到入味 蛋黃都係啫喱狀👍👍👍 真係糖心另一碗叫左豬骨湯 呢到應該都係自己煲 無任何味精味夠晒濃郁👍 我試左舊蘿蔔無根亦都炆得夠淋 美中不足係無乜味 呢個魷魚係兒時回憶 之前街邊$0.5一條甘買😂呢到完全係個陣味 辣辣地好惹味 魷魚火喉都岩到 無un一咬就爛👍👍冷氣有小小凍 同埋枱同枱痴得比較貼 如果放少幾張枱會食得舒服啲😂

巧手車仔麵平時都好少特登去食車仔麵 但見屋企附近有間幾多好評嘅車仔麵於是去試下。我同老公每人都嗌咗啲唔同嘅嘢食一齊試，我叫咗呢度最出名嘅金蟲草野菌養生湯底，老公就叫咗黑椒豬肚湯底; 嘢食嚟到之後我哋第一時間試咗個湯先我個金蟲草湯顏色都幾濃郁，味道幾好清甜，老公嗰個就少少辣，味道啱啱好; 車仔麵嘅餸我哋叫咗陳皮魚蛋、牛丸，牛腩，豬軟骨、冬菇等， 特別值得讚嘅係牛丸同牛腩，牛肉咬落去幾多肉汁，而牛腩好入味同好淋身， 我哋仲另外叫咗小食，有酸齋，豬手同埋鮑魚， 酸齋同豬手呢都幾好食，同埋份量都幾大，兩個心都夠，其實都係貪得意叫鮑魚試下，覺得食車仔麵有鮑魚都幾招積🤭 整體嚟講呢呢間車仔麵都做得幾有心，有好多款式選擇都食得出佢哋有精心炮製嘅湯底同配料，所以如果放工想快食嘅話，榕記都應該係個唔錯嘅選擇。

爸媽不在家，凡事要自己親力親為，且要照顧懶到出汁的姐姐，苦了小豬﹗這夜，碰巧去寶琳，約小豬去榕記車仔麵，吃一碗麵，見一次面﹗ 每人，各要了一款合自己口味的三餸麵，再加一隻溏心蛋、一客紅燒鮑魚，以及一客淥菜。看著滿滿的一桌，簡單，卻已經深感滿足了﹗ 這次，小妹試了芫茜皮蛋湯粗麵$35/3餸，餸料選了百葉豆腐、墨魚丸和魚肉春卷。湯底呈淡綠色的，麵上有一大束芫茜。呷一口湯底，味道淡爽。 百葉豆腐的質感很過癮，幼滑又Q彈。 好濃味的小豬，喜歡富咬口嚼勁的豬肚，故要了海南胡椒豬肚湯粗麵$50/三餸，餸料揀了醬爆福州丸，酸齋和豬軟骨。這碗麵因為配有數件豬肚，與價格相對較貴。酸齌與豬軟骨另上，細心之舉﹗ Q彈鮮美且爆汁的福州丸，確是好吃之選。 酸香有致的酸齌，以及惹味香軟的豬軟骨，也是值得一試的。 額外點的餸料與淥菜，更是亮點所在﹗ 滷水溏心蛋$10/隻，蛋白被重重地染成啡色了，咬一口，濃稠粘密的糖心蛋黃，教人回味不已﹗ 紅燒鮑魚$25/3隻，為車仔麵，增添貴氣﹗小小的一粒紅燒鮑魚，煮得入味且富咬口與嚼勁。 沒有了炸魚皮，小

今日同朋友兩個人黎將軍澳食嘢，見到依間車仔麵店好多好評，於是上嚟試吓，地點都幾易搵，喺寶琳地鐵站直行過馬路就到。車仔麵比我嘅印象一直都係喺街邊到食、冇咩款式，但依間車仔麵新浄裝修好靚，座位都好闊落，坐得好舒服☺️而且餐牌款式好特別，除咗有豬骨同馬辣湯之外，仲有豬肚同養生湯，梗係要試吓啦🤩叫咗一個金蟲草野菌養生湯米線，配左三餸（韭菜、醬爆福州丸、雞中翼），好推介依個湯底嘅米線，湯底用咗好多金蟲草熬製而成，清淡得來好健康🤤另外米線亦都煮得啱啱好，唔會太林唔會太硬，另外推介食醬爆福州丸，一咬入口啲汁爆曬出嚟，裏面仲有大大粒肉球，好正！另外叫咗個海南胡椒豬肚河粉，配兩餸（豉汁鳳爪同豬肚），湯底有淡淡的胡椒味，淡淡地好易入口，配菜方便推介豉汁鳳爪，鳳爪炆得好入味👍🏻最後我哋兩個人叫咗一碟小食，南乳豬手，依度嘅豬手好正，入味得來又軟硬適中👍🏻依間餐廳打破咗我一直以來對車仔麵嘅印象，坐得好舒服，嘢食都好好味，而且呢度嘅餸同面係會分開上，唔會比啲湯汁溝淡左啲餸未，好細心，會再嚟食😁

將軍澳對我黎講 真係好遠🤣但為左慶祝朋友新居入夥緊係要去啦😆佢就帶左我去食非常唔錯既車仔麵🤤🤤🤤🥰·🍜皮蛋芫茜湯底+蘿蔔+手打牛丸+冬菇（$35）朋友作為芫茜迷，佢話次次黎都點呢個湯底～～佢話湯底清得黎帶芫茜香，感覺清熱😆偷左佢一粒牛丸，彈牙🤤🤤·🍜胡椒豬肚湯底+豬軟骨+牛腩+蘿蔔（$50）湯底濃濃胡椒味🤤豬肚份量多，好似多左個餸咁😆蘿蔔不錯啊～清甜無根🥰🥰牛腩夠淋，豬軟骨入味～～·😍酸齋（$20）我超鐘意食湯麵加酸齋！！！索哂湯加埋味道酸甜🥰好好食·🥢紅燒鮑魚（3隻$25）朋友請緊係唔客氣啦🤤豪華版車仔麵點少得鮑魚💓💓

今日陪男朋友返嚟將軍澳拎啲嘢，男朋友話想介紹我食一間佢覺得好好味嘅車仔麵，因為我比較鍾意食車仔麵，貪佢有好多款式，自己鍾意叫幾多樣餸就幾多樣餸。佢一帶到我去榕記車仔麵，我係有啲surprised嘅。因為我心目中嘅車仔麵環境唔係太好嘅，但係榕記車仔麵有冷氣同埋裝修，比較工業風，並唔係典型嘅車仔麵鋪頭。門面是這樣的 😆原來有好多明星食過🤓唔同湯底有唔同價錢，因為我嚟食嘅機會唔太多，所以我揀咗胡椒豬肚湯。好驚喜 😆 好有胡椒味道，辣辣地。男朋友叫咗個皮蛋湯底，都是在一啖好清新，唔會覺得太多芫荽味，係OK嘅🙆🏻‍♀️不得不讚一下佢會選擇用另一個碟嚟裝酸齋，因為浸落啲湯底度會冇咗選擇本身酸齋既味道👍小食我哋有叫到滷水拼盤同埋雞絲粉皮，出奇地雞絲粉皮好好味，平時出街食嗰啲得好少雞絲，佢做到好多雞絲同埋好多芝麻醬，成盤大大碟好抵食👅

放工喺寶林搵野食 又唔想食啲連鎖餐廳見到有間車仔麵好似有啲特別既湯底所以走黎試下呢間小店係商場地鋪 裝修幾靚 似cafeMenu同普通車仔麵店一樣 都係果啲餸自己剔湯底方面試左胡椒豬肚湯同蟲草養生湯胡椒豬肚湯好失望😢得個咸字蟲草湯偏淡 不過食得出冇咩味精 唔會口渴餸揀左牛腩 豬軟骨 酸齋 生菜佢特登將餸同麵分開上 等你可以飲個湯但份量都偏少 味道一般般另外加左個花菇花膠鮑魚小食都成5十幾蚊味道都好食既 冬菇同花膠都濃味同大件 鮑魚係罐頭果啲總結黎講 唔抵食 食車仔麵都係去番傳統啲既麵檔

雖然我之前係將軍澳住左好耐，但係我都未聽聞過呢間榕記車仔麵。佢附近既我都識。唔知係咪因為新開或者裝修過。入到去都冇乜印象。但查實佢都幾闊落下，感覺好今服好好坐。佢不同其他車仔麵店，佢係跟湯底分唔同色既紙，似乎係幾著重湯底既。餸個啲就一樣。我今日就試皮蛋芫茜，跟牛腩豬軟骨同自家制既酸斎。果然不出我所料，佢個湯底落足料架。個湯淡淡地，都幾肯定冇落味精既。飲到最底愈黎愈濃味我係好中意食酸斎既，基本上有得揀都會揀。呢間既酸斎令我眼前一亮。好清新同好自家制既感覺。我仲叫左碟雞絲粉皮，一句講哂，非叫不可。最初以為細細碟，點知上枱都幾大份量下，差啲食唔哂我一直覺得將軍澳真係缺少車仔麵既鋪頭，但呢家終於有呢間榕記滿足我一時既欲望。

今日老爸專誠來我家攞月餅，所以千里迢迢由屯門入到將軍澳，原本打算速去速回，點知....大家都知近期啲交通好麻煩，結果入夜才到，就在附近食埋晚餐先走。要快！那就食平靚正的車仔麵。並非第一次來，麵店裝潢沒有改變，門面仍鑲上兩個具代表性的單車轆。地方幾寬敞，出入方便。泊牆有長椅，中間有四人枱，再入些有三排四至六人枱。而兩輛真實比例的單車仍鑲在牆上，很有動力。每枱均放有點菜紙、筆和三款調味醬。六張點菜紙不同顏色，分別有三張不同湯底的車仔麵、必吃小食和飲料。***********************一口氣在必吃小食中選了四款，先來我揀的金蟲草野菌養生湯（$32）是我一向最愛。仍然好有水準，味道一流。內有紅蘿蔔、佛手瓜、多款矜貴的野菌，仲有金蟲草，真材實料，甘香順喉，夠火喉，真的不禁大啖大啖喝。另一款小食是唐生菜（$16）可配蠔油、腩汁、上湯或全走，老爸喜歡清清地，所以揀了上湯，青綠清爽，少油少鹽，清新健康。我每次必點的滷水溏心蛋（$18/2隻)，原隻的溏心蛋內裏有層次，流心狀佳，很黏滑和富蛋香，弄得很入味，正！還有雞絲粉皮（$26），可拌麻辣或胡麻醬，當然揀後者。粉皮上舖滿雞絲，大大碟，好抵

呢間車仔麵店好特別車仔麵係以湯底作分類，價錢也不一樣愈養生既湯底價格既愈高是次我兩人就點咗價錢最低既豬骨湯&麻辣湯（40蚊3餸 & 35蚊3餸 ）（*由於本人偏食，我個小麻辣係走咗九芽配料）睇相都知d餸正自家製酸齋會分開碗上，有心思！味道好好，很開胃！ 一定會再嗌豬手入味又夠淋，好多膠質，正！雞翼都可以，味道合適，唔鞋嘅。（生菜係送嘅）我揀咗粗麵，係厚身既粗麵，正常另一碗揀咗米線，很滑！相入面果碗湯底係小麻辣，我覺得豬骨湯加沙嗲汁果碗更好味（湯底無落味精）這家車仔很有誠意，推介！

同朋友去寶琳行街, 經過榕記門口見好多明星相, 又係得獎餐廳, 就入去食early dinner。一入餐廳已經俾掛牆嘅大靈芝吸引左, 而且餐廳燈光俾人好舒服嘅感覺! 湯底方面, 有別於一般嘅車仔麵店沙嗲湯或加腩汁選擇, 而係自家制特色湯底。金蟲草野菌養生素湯湯底清甜甘香, 一飲就知無加味精, 而且湯料有齊杞子、紅棗、蘿蔔等, 完全打破車仔麵湯底濃味嘅傳統。手打牛丸juicy, 值得一試!海南胡椒豬肚湯底每日只賣100碗, 碗麵一放低已經聞到勁香, 夠胡椒味, 而且豬肚洗得好乾淨。朋友叫嘅酸齋亦好入味, 醬爆福州丸同平日超市買嘅好唔同, 食得出肉嘅鮮味另外叫咗碟唐生菜, 好少餐廳有全走嘅選擇, 絕對係一個加分位整體來講, 食物性價比好高, 完全改變左一般人認為車仔麵重味精同肥膩嘅感覺, 一定會encore!

今日同朋友係寶琳呢邊做完facial見到呢一間都幾多人食 而我地都未試過 應該新開咗冇耐 見到佢都幾多湯底選擇 就決定入去試一試 佢呢度個環境比普通車仔麵餐廳有多少少裝修 感覺一啲都唔頹一般正常嘅湯底都有例如豬骨湯 麻辣湯同芫荽皮蛋都幾特別 但係最令我心動嘅就係嗰個金蟲草野菌養生湯同埋胡椒豬肚湯自問自己真係好少煲湯一見到湯就好有期待野菌湯同埋豬肚湯之下我哋揀咗胡椒豬肚湯我揀咗豬手豬腸豬紅而朋友就揀咗豬軟骨牛丸牛腩黎到 嘩分量多到不得之了個湯底非常之濃郁 裏面都跟咗好多豬肚牛丸唔同出面一般嘅 似係真係手打 冇乜雪味 肉味都幾濃 豬腸都好入味唔錯 佢仲可以加一蚊優惠價食酸齋 (一星期內每日唔同)我哋一人一碟 我地仲加咗鹹檸七同鹹檸樂爽一下食到非常飽肚 但傾下傾下又加咗個雞絲粉皮 埋單兩個人$152

#將軍澳美食#車仔麵最中意食車仔麵 太有香港特別 就是 多款式可能選擇哩一間車仔麵特別在於有小食 小食有鮑魚！服了 服了！店主不介意曝露自己年齡 店內既電視播放住店主既收藏錄影畫面 有當年樂壇頒獎禮播著舊歌 食住車仔麵好有香港情懷1）雞絲粉皮 $26雞絲粉皮 足料 完全唔慳而且麻香味濃 2）滋補拼盤 $50花膠 鮑魚 滋補小食！ 花膠好淋 而且夠味鮑魚當正餐啦 終於可以！ 3）海南胡椒豬肚湯 三餸車仔麵 $50 豬肚湯底 胡椒味濃 但絕不搶喉 好有平時屋企煲既老火湯感覺 重點 碗麵送埋 豬肚絲 手打牛丸 彈牙 有咬勁豬紅 必推 真係好味 完全唔醒 又唔會好散豬軟骨 都推 勁入味 雖然車仔麵叫豬軟骨好似好唔夾 但當餸食 一洗