榕記車仔麵 (已結業)

再一次為自己喺寶琳打滾兩年都唔知有呢間咁正既車仔麵感到愧疚🥴位置隱世但又一出地鐵站行2分鐘就到🤤應該會列入我常備餐廳lu🤣👏🏻【三餸車仔麵🍜(轉烏冬+$4) 原價$50】我揀咗💁🏼‍♀️金蟲草野菌養生湯+柱猴牛腩+魚肉春卷🤤.首先要大讚個湯底😍！食慣重口味既我都覺得呢個湯好鮮甜，真係見到大大舊猴頭菇同大量金蟲草喺碗😆，聽講個湯仲攞過獎。重頭戲一定係個牛腩🤩！佢地好細心將濃味既牛腩分碗上，份量多不在話下，估唔到可以做到咁入味、咁軟腍🥳。重點係無乜肥膏，啱哂想食牛腩又怕肥既你🤪。至於春卷同烏冬就正常發揮。臨走員工(老闆娘之一？)仲問我覺得個湯點🥰，睇得出佢地對呢個招牌湯底既品質有一份堅持🤫fnf表示，以後返工放工又多個選擇😋💆🏼‍♀️回味率: 9/10

晏晝六點幾時間，去到麵館比較清淨。坐低後用紙點選胡椒湯底面和清湯底面。另外我地自選了三種食物配料:生菜，白蘿蔔，牛肉丸，豆卜，豬軟骨，🐷紅。6分鐘到，胡椒味撲鼻而來，刺激味蕾。而養生湯就清談。其他食材擺入口都感新鮮的。

車仔麵在我心目中一向是平靚正，所以時不時會獨個兒食，也會約埋朋友一起食，自己揀自己喜歡的餸，放得滿滿的就很滿足。之前也來過這間榕記車仔麵，真的很喜歡它的湯底，所以今次約埋喜歡吃車仔麵的同事來。裝潢和格局沒有大改變，只是牆上的簽名板和合照轉了食物相片，而最搶睇的兩輛真實比例單車仍在。每枱均放有點菜紙、筆和三款調味醬。五張點菜紙不同顏色，分別有不同湯底的車仔麵、大碗飯套餐、必吃小食和冷熱飲品。***********************先來一碟娃娃菜（$16）可配蠔油、腩汁、上湯或全走，我就揀了上湯。煮得腍身一點，但少油少鹽，清新健康，合我口味。***********************輪到車仔麵，基本可揀兩餸、三餸或四餸麵，再加餸就每款$8。當然揀我喜歡的金蟲草野菌養生湯（素），配米粉及四餸（$55）已滿足。由於有濃味的餸料，即是冬菇和柱候牛腩都分碟上，故能保持湯底原汁原味，讚！而碗中就有魚肉春卷和蘿蔔。當然要呷一口湯，保持水準，甘香順喉，味道一流，還有甜美多汁的紅蘿蔔、爽口的野菌和金蟲草，真材實料，夠火喉。揀了米粉，索湯力不強，故必舀一羹連湯大大啖吃。蘿蔔約有四五件，多汁無渣，很

將軍澳區想搵間好味既車仔麵，最近多街坊推薦黎榕記。裝潢精緻舒服，又感覺乾淨，湯底仲要無味精，真係岩哂有時懶得煮飯既我地。巨大靈芝真係好吸精！我地分別選了兩種熱門湯底，蟲草野菌養生湯及胡椒豬肚湯、鹵水併盤及豆漿。大概十分鐘內，所有菜色都上齊，先喝啖蟲草野菌湯，清甜！而且很滋潤，有種家既味道，真係想叫佢加湯😆蘿蔔冇根，索左湯底，一樣咁清甜牛腩另上，鬆軟入味，唔錯！另一碗是胡椒豬肚湯，辣得過癮佢係胡椒辣，飲完身體即刻有少少冒汗，豬肚軟得黎仲有咬感，拿捏得剛好，沙嗲汁另上，點豬軟骨又有一番風味。鹵水拼盤$38豬大腸最出色，軟身又入味，其他都唔錯豆漿最有驚喜，豆香濃而且滑身無渣。

好耐冇食過車仔麵，放假咁岩路過，俾門口2個單車轆吸引，於是試下。店主應該係愛單車之人，店入面掛住2部單車做擺設幾特別~真係好少見車仔麵店咁有主題下午茶時段，我地一行兩人各自叫左個四餸麵呢度嘅湯底唔只係一般嘅豬⻣湯底，仲有好養生嘅海南胡椒豬肚湯、金蟲草野菌養生湯。真係唔係講笑~湯底真係好有驚喜呀我揀左海南胡椒豬肚河，配酸齋、南乳豬手、醬爆福州丸同生菜豬肚湯好正~~配上魚丸生菜，清清地。我好鍾情酸齋，車仔麵店有酸齋食都係第一次見。南乳豬手醬汁濃郁，充實⻣膠原。同行朋友仔就叫左金蟲草野菌養生幼麵，配墨魚丸、手打牛丸、豬紅同柱侯牛腩。藥材湯底嘅湯好甜，朋友仔話飲落去感覺好滋補大讚呀柱侯牛腩勁入味，入口即化，必食平時少食車仔麵，但呢間真係唔錯，近近地，一定會再番黎~

只係普普通通叫左豬骨湯，味道偏淡，普通湯底，豬腸牛腩唔錯，未試其他餸，但選擇都唔太多。價錢都 可接受，唔太貴枱面調味都冇乜，呢方面要改善，魚旦，真係唔知自己食緊乜，魚旦整幾好食都冇乜幾間，需要再改善，，，，

同友人係將軍澳泳池游完水後，行去新都城中心三期覓食,經過貿業路見有間榕記車仔麵，門面貼上多張明星和藝員都嚟過光顧嘅照片，感覺唔簡單的一間車仔麵店鋪。牆壁上掛著一個超大百年靈芝王；價值非凡；另一角掛上兩架有型的單車，就知店主熱愛這項運動。店鋪也註明湯底絶無味精，感覺充滿健康和活力。必試小食當然要試驅風寒既胡椒豬肚湯，每日只售100碗；湯料十足，好重胡椒味，豬肚夠腍仲有味，我哋連料都食清光。只售$26粉皮也是我至愛，質感爽滑，撈埋秘製沙律醬簡直係最佳配搭。我哋各人叫咗四個餸，大家share 食，有醬爆福州丸、餡料充滿醬汁，要小心一啖一啖入口，確係滋味無窮。柱侯牛楠入口腍嫩、豬輭骨有嚼勁，魚肉春卷似腐皮卷，味道唔錯、冬菇厚身夠腍滑又入味。榕記車仔麵，各款餸菜都有水準；價錢相宜。下次嚟要試埋另一款限量買嘅姫松茸蟲草花養生湯。

聽村友話九龍城有間榕記車仔面好出名，而家入左黎將軍，佢地試左話麻麻，我今日放工又走去買黎試我叫左豬骨湯底，油面，大辣餸方面係：陳皮魚旦，牛丸，墨丸 豬大腸，牛腩，豬皮都我係叫外賣既，咁等既時間唔太耐我好快就羅得走啦，返到去打開，湯係同面底分開既，非常好我即刻試下湯頭，并唔係講得咁出色我開始撈好的材料，一試，真係有種不值感覺： 1.陳皮魚旦擺到淋晒，仲要唔入味，自稱辣魚旦，可笑2.墨丸係點菜紙度有手指公者好評啦，難聽的講你粒墨丸係佳寶貨色，唔好有指公啦3.牛腩係唔係柱候都唔緊要，但同瘦肉一樣，你好意思講馳名4.油面一舊野，完全感覺到你個面放左係碗好耐收費71蚊包汽水，你呢個價，同文記車仔面同一價錢，但我個人想講人地文記比你地更有心食完係會有值得兩個字，你地我只可以講唔值呢個價

來到這間小店 喝了一個胡椒豬肚湯 和小時候媽媽煲的味道差不多 好開心 以前每次咳嗽 媽媽都會煲給我喝 因為媽媽去世幾年了 再也喝不到了但今日去喝卻發現味道變了 有一種甜味 像蜜棗的味 問侍應說換了師傅 很失望 沒喝完就走了 失去的味道再也找不到了

之前喺九龍城食過榕記車仔麵 一直都念念不忘 原來近排喺將軍澳都開咗新分店 終於可以 一飽口福了 下午茶時間黎到人唔太多 裝修懷舊得黎不失型格 牆身髹上水泥顏色 加上巨型靈芝做擺設十分有趣 而且枱櫈闊落 坐得好舒服 感覺衛生 同一般車仔麵形象超級唔同 叫咗個招牌嘅海南胡椒豬肚湯底嘅米線 胡椒豬肚湯辣味十足 唔太油 飲落又㷫烚烚嘅感覺 冬天飲一流 而且標榜不加味精純老火湯 感覺好健康 米線煮得軟硬適中 份量唔細蘿蔔 有五大嚿 非常足料 而且蘿蔔舊舊都好甜 好似浸過糖水咁 豬軟骨 竟然係分開上 唔會比湯底沖淡佢嘅味道 豬軟骨夠能夠入味 豬潤 車仔麵店小有嘅豬潤 整得爽口唔腥 好食涼拌雞絲粉皮 雞絲用上手撕雞嘅做法 上面汁上芝麻醬 食落清爽唔油膩

好耐冇食車仔麪，原來將軍澳新都城三期都有一間。叫了四餸車仔麪，當然又揀粗麪，豬骨湯底清淡，牛腩，台式貢丸，墨魚丸都一般水準，豬大腸較為出色，腍滑而入味，粗麪唔會太硬，夠滑而有質感，一碗平淡實在嘅車仔麫。

媽咪鍾意食車仔麵，今日特登同佢嚟食呢間未試過嘅車仔麵。一入到去覺得餐廳環境好衛生，裝修得好靚，見到牆身用紅磚鋪成，而且掛咗幾架單車做裝飾，心諗呢度嘅老闆應該係幾鍾意踩單車，牆身都掛咗好多唔少明星嚟食嘢嘅相，一開始對呢間餐廳已經有幾好印象。我自己嗌左個四餸車仔麵，湯底揀咗金蟲草野菌養生湯底，碗湯底一飲覺得好清甜，完全唔係味精湯嘅味道，連湯嘅配料例如蟲草花同埋合掌瓜都有，可以一路飲湯一路食麵，感覺好養生，今次係我第一次飲晒麵嘅湯底👍至於車仔麵餸，我揀咗百葉豆腐，醬爆福州丸，魚肉春卷同埋柱侯牛腩，百葉豆腐質感好特別，好似魚蛋，但係又充滿豆味，識落好得意，柱侯牛腩炆得好入味，而且夠林，食落一啲都唔痴牙，醬爆丸夠大粒，食落去有好多汁漏出嚟，符合期望。魚肉春卷啖啖魚肉，食落唔錯。嘢飲揀咗豆漿，豆漿飲落有香濃豆味，又唔太甜，熱辣辣好好飲，對於我呢啲好鍾意飲豆漿嘅人來講覺得值得一讚。媽咪揀咗海南胡椒豬肚湯底嘅四餸車仔麵，胡椒豬肚湯底有少少辣，但係唔刺激喉嚨，反而有種暖胃嘅感覺。佢比較傳統，揀咗車仔麵必有嘅豬皮，豬大腸，陳皮魚蛋同埋豉汁鳳爪，豬皮好爽口，想一食再食，豬大腸冇臭味冇腥味，食落唔會太肥，對於

呢間車仔麵分別有兩餸三餸同四餸畀人選擇， 一般車仔麵嘅配料都有。比較特別嘅係有一款叫做薑汁皮蛋貢丸， 咬開粒丸裏面有好濃嘅薑汁， 皮蛋就唔太多覺有。麵底都係幼麵，油麵，粗麵，米粉，河粉，米線。不過今次去食就話冇米線， 所以就轉咗米粉。所謂嘅豬骨湯底唔算好濃味， 額外加咗腩汁同辣汁先叫做有返啲味道。牛腩都算係入味嘅， 不過咬口就麻麻地。沙爹牛肉完全冇沙嗲汁， 純粹係普通用梳打粉 醃過 嘅牛肉浸落個湯， 容易咬，不過就好無味道。整體嚟講 比較失望， 可能普通一間茶記嘅湯粉麵仲好食啲。只此一次 ，永不再嘗試。

自上次光顧位於寶琳的榕記車仔麵後，都有好一段時間沒有光顧了~ 湯底的款式不變，可是車仔麵的餸似乎更改了一些，總覺得有點不同~ 後來發現了，款式真的少了，溏心蛋，炸魚蛋等都沒有了。真可惜，上次未試炸魚蛋，現在都沒有機會了。這是最新車仔麵落單紙~今日點了一份兩餸的車仔麵，這份南乳豬手只有一件，雖然味道啖了些，但煮得非常淋，很易入口，也不會覺得很漏~今日想吃得比較清淡，所以點了唐生菜，爽口，新鮮~ 湯底則選擇了白胡椒豬肚湯，白胡椒味道很重，讚~ 湯底的水準與上次的差不多~ 不錯喲~ 另外，似乎餐牌的價錢調整了，比起上一次貴了些~

新年前趕住要辦年貨，買晒禮物已經八點多，肚也已經打晒鼓，在附近就揾到間車仔麵，入面裝潢也很特別，有單車掛上了牆上。這裡除了豬骨湯底外，原來還有姫松茸蟲草花養生湯和白果胡椒豬肚湯選擇我們各點了一款姫松茸蟲草花養生湯豬皮牛腩另外上，而先試一下湯底，十分清甜沒半點味精，而相信餸另上是為了保持湯底原味，是可以飲得完的湯底家人的白果胡椒豬肚湯較惹味而且更多了豬肚一款餸十分抵食滋味拼盤$38有雞中翼，紅腸，豬大肚，南乳豬手入口溶化，十分入味，而且份量頗大，二人分享甚為滿足。薑汁好立克還是第一次見薑汁好立克就點來試一下，出奇地十分夾而薑味也不過火跟好立克就像平分秋色，十分推薦臨走前就看到這靈芝王，很巨大的，大家不要錯過，值得留步欣賞一番