榮哥煮場 (已結業)

呢日同男朋友去旺角行完街街，就去試左呢間幾受歡迎既花膠雞煲，二人餐先至$278，就包左煲+小菜+前菜+甜品等，好足料食到好飽😝>濃湯花膠雞煲：我數過有十幾塊花膠，雞件大件又厚肉，湯底奶白色，飲落好香濃，仲有少少雞油響面，雞件煮耐左都咁滑，好好食。>酸甜藍莓骨：好似甜酸排骨咁，但用上藍莓汁，食落好似更加開胃，炸粉幾薄，炸到幾香脆。>淮山麵：本身係配白飯，我加錢轉左淮山麵，D麵好滑溜，非油炸好健康，好大碗2個人share都飽。>濃湯浸時菜：用左雞湯煮既生菜，大大塊，新鮮又鮮甜。>前菜：雲耳好爽脆。>甜品：是日甜品係腐竹薏米糖水，薏米好好咬，味道甜甜地。>冷泡烏龍茶及檸檬薏米水：烏龍茶茶味幾濃；薏米水酸酸甜甜，幾好飲。

榮哥煮場$278套餐(濃湯花膠雞煲+酸甜藍莓骨)包1個煲類+1款小菜+前菜+2個飯+2個甜品. 亦有散叫都唔貴, 唔怪之得咁多人標榜冇味精, 煲選左花膠雞煲🐔都幾多花膠, 雞肉會附有一碟帶小辣鼓油. 點完好下飯, 湯都幾香飲完唔覺口汝前菜嘅涼拌小木耳爽口, 佢個酸辣同少少蒜蓉味幾開胃酸甜藍莓骨好大舊, 夠哂啖啖肉. 個藍莓就係黑加侖子味🤣 所以都有點甜腐竹薏米糖水都唔錯, 有DD 豆漿feel同少少薏米係底. 飲完食飽暖笠笠

今日早餐同晏晝都食得好heavy，屋企又冇煮，想食啲唔好咁重口味嘅嘢！朋友介紹呢間榮哥煮場！佢哋標榜冇味精！就入咗去試吓店舖位置好易搵！但喺店內位置唔算多，幾個人食就OK，多人聚餐就可能迫d我哋2個點左個$278套餐有1個煲類+1款小菜+前菜+2個飯+2個甜品胡椒豬肚雞煲 推薦‼️驅寒暖胃！d湯好好飲 飲完唔會口渴😍成個人暖笠笠 雞肉好嫩唔鞋 豬肚厚度適中 香軟唔腥🥰份量夠2個人食😆店員話2個飯可以轉一碗米線🍜米線唔會太淋 整得唔錯～小菜<皮蛋肉碎浸時蔬> 湯頭唔會好咸 菜芯新鮮🤓甜品 腐竹薏米糖水 口感好順滑 底部有薏米 不過甜左少少🤣

經過呢間舖頭 - 旺角山東街榮哥煮場; 舖頭通常人多都會反應食質素都唔錯, 望入見到幾乎爆滿。 門口餐牌有招牌二人套餐好似幾抵又幾吸引。4選一煲類 +小菜 + 白飯2碗 + 是日糖水 + 前菜x1, 仲有特色小食, 濃湯脆皮泡飯, 特色煤炭飯, 濃雞湯推介, 飲品等等。就入去試下啦!餐廳用QR code落單, 簡單方便快捷。我地心大心細, 都係揀咗二人餐食佢個煲類, 因價錢真係抵呀! 二人餐 - $278, 我地仲叫多一個小食, 套餐加$10每人叫一支樽裝飲品。泰式無骨鳳爪 - $38泰式無骨鳳爪分量超多, 味道酸辣啱啱好。鳳爪又爽口新鮮! 胡麻醬青豆角前菜係胡麻醬青豆角, 上枱都幾大份, 而且調味非常好, 青豆角青綠爽口, 開胃而且食唔停口, 好啱食啊!招牌酸菜魚煲花膠雞煲同埋水煮魚都好想試, 不過今日想食啲辣辣地嘅嘢就叫呢個招牌酸菜魚煲, 一上枱好開心, 因為都幾多, 而且個賣相都好靚仔！仲有個爐可以一路煲住食, 聞到有酸菜魚味之餘, 仲有薑嘅味道, 個湯底夠濃, 真係好好味。其他舖嘅酸菜魚通常好多油, 好肥膩, 好辣, 我地好少可以大啖飲湯, 呢度雖然都有落花椒辣椒, 但係一

外國朋友好耐冇翻香港，想食下啲香港地道野，咁啱見到網上介紹話抵食，就去左試！💓💓今次叫左二人套餐，包一碟前菜，一款煲類，一款小菜，兩碗白飯，仲有兩碗甜品！真係超抵😍1️⃣味道✨前菜前菜冇得揀，係配番我哋揀嘅煲，今次嘅前菜係陳醋雲耳，作為前菜非常適合！酸酸地好醒胃🤩而且份量好足！✨濃湯花膠雞煲呢個煲真係超級超級推薦‼️因為真係超好食同超抵食！侍應首先會拎個gas爐黎熱住個煲食，冬天食真係啱曬😋 啲雞湯好濃夠曬暖胃，而且入面超足料，有好多花膠，仲有好多雲耳!🥰 而且啲雞都好滑唔會韌，食完覺得皮膚都滑左👍🏼✨酸甜藍莓骨呢個小菜都非常推薦‼️生炒骨食得多，藍莓骨真係好少食！酸酸甜甜好開胃🤤啱曬要黎撈飯！而且炸得好香脆，而且碟餸好熱，食到停唔到口🤩✨甜品：腐竹薏米糖水我哋太飽所以打包左糖水，糖水好食，要黎做飯後甜品一流，不過就俾預期細碗，同埋外賣要加兩蚊🥹2️⃣服務上菜速度好快，不過店員普遍冇乜笑容3️⃣地點+環境地點非常方便‼️旺角地鐵站出口行兩分鐘就到👍🏼大致乾淨，不過間餐廳比較細間，坐得迫啲

📍 📍 📍 榮哥煮場 (旺角)旺角山東街55號地舖旺角出名美食多多，呢晚同朋友去完波鞋街買野就順便試下呢間好外出名既花膠雞店「榮哥煮場」！係親民價但十分足料既小店，味道有主家既感覺！二人套餐💰$278同朋友揀了餐廳二人套餐，分別可以四選一款煲類、小菜一款、白飯、前菜和甜品2份，十分抵食。酸辣木耳😋😋😋😋.3/5份量多，木耳爽脆，開胃而且食唔停口。辣汁係另上，所以唔食辣都岩食！濃湯花膠雞煲😋😋😋😋😋/5用上雞骨和鯊魚骨熬製湯底而成，十分惹味。濃厚雞煲花膠鍋貨真價實，雞件多肉，花膠大又多，雞湯煮滾後，務必要先來一碗品嚐原味湯頭。黃澄澄的雞湯看似油膩實則鮮美潤喉，滋味十足；雞肉嫩軟，好快雞湯就俾我同朋友飲晒，肉同花膠都被清光了。欣賞有個爐keep住加熱，啖啖都暖入心。咸菜豬肚😋😋😋😋.5/5湯底呈奶白色，飲落好香豬肚味，胡椒、咸菜味道亦融入左湯底，辣度、咸度適中，當中嘅豬肚亦煮得好軟熟，非常好食。腐竹薏米糖水😋😋😋😋.3/5是日甜品係腐竹薏米糖水，好有豆味糖水非常濃稠而幼滑味道，好有豆味，唔會好甜，我個人來講超級鍾意。 回頭：yes!性價比高，平民價但質素高，上菜快，店員態度又好，下次想食埋

不添加味精又夠晒滋補👍🏻$278二人套餐： 四選一款煲類、小菜一款、前菜、白飯和甜品2份～cp值高‼️胡椒豬肚雞煲濃湯製作十分有誠意，落足8隻雞和以鯊魚骨熬足10小時，湯底呈奶白色而且濃稠，好鮮甜～湯底喺呢個基礎再加上惹味胡椒～你話點會唔正🤣餐廳使用三黃雞，肉質嫩滑，雞味濃豬肚清洗得好乾淨，完全冇異味，煮得軟腍入味！酸甜藍莓骨好特別第一次見～藍莓醬汁味道甜甜酸酸，好開胃排骨炸得酥脆，而且唔會太油，整體出色小菜：陳醋雲耳雲耳爽口，簡單陳醋加蒜頭味道好正，作為前菜好開胃甜品：腐竹薏米糖水腐竹已經煲到溶晒，好似豆漿咁濃郁～薏米煮得軟綿中帶點口感～好味💓榮哥煮場 (旺角)旺角山東街55號地舖

今日襯早收工出旺角揾食，發現了一間物超所值餐廳。餐廳鄰近旺角站，交通方便。我地一行人叫左個兩人套餐，套餐包括一款前菜，酸辣木耳，配上醬汁，酸酸辣辣，是十分好的開胃菜。另外自選一個煲，今次我地揀左花膠鷄煲，煲份量十足，香味撲鼻而來，花膠相當有膠質，鷄件經過預先炮製，類似鹽焗鷄味，而最精華係清甜的湯底，差些連個煲都清埋。此外仲可以自選一款小菜，我地選擇左酸甜藍莓骨，本來以為同坊間咕嚕骨差不多，但食落令我喜出望外，入口酸酸甜甜兼相當脆口，别具一番特色。甜品係薏米糖水，甜度適中，實為飯後好選擇。

榮哥煮場地址：旺角山東街55號地舖天氣凍凍地最岩去食熱辣辣雞煲，今日就試咗佢個二人套餐C (濃湯花膠雞煲🐔; 酸甜藍莓骨🫐;涼拌小木耳🥣; 腐竹薏米糖水🥚) $278。作為小食嘅酸甜藍莓骨真係超級大隻，非常juice又夠啖啖肉，食落口充滿藍莓香味酸酸甜甜😚，非常滋味開胃，不錯👍。涼拌小木耳爽口脆身，加上酸辣酸辣辣和有少少蒜蓉味，好開胃呀😍。另一驚喜，厚肉花膠份量超多用料十足😎，大約都有十幾片，質地黏黏真係啖啖都骨膠原，而且雞肉鹹香湯底清甜不口渴無味精，不錯😋。最尾食到飽飽臨尾仲有碗腐竹薏米糖水添，真係好滿足🤤。

個題目有d誇張, 其實係一人火鍋既煲, 唔係好大.同女友夜左食晚餐, 唔係太肚餓, 想食少少雞煲, 又懶得打邊爐, 隨便係openrice揾到呢間. 結果好有驚喜, 食物足料, 價格實惠, 仲要交通方便.見到二人餐可以揀酸菜魚 $278, 好喎, 雞煲下次再試. 上左酸菜魚, 但係要等佢煲滾先食得. 最快有得食既係前菜 陳醋木耳, 醋同木耳都好味. 跟住飲品點左 熱鹹柑桔蜜 +$10, 杯底真係有粒酸梅, 今日有少少凍又乾燥, 啱晒. 主食點左米線. 有黃色既雞湯浸住, 但係冇雞油, 米線吸左雞湯好香甜, 好快清晒, 飲埋d湯. 小菜點左白灼牛肩肉. 淋左甜甜既蒸魚豉油, 上面鋪左爆香既薑葱, 估唔到又幾夾. 牛肉片真係白灼, 冇調味, 只有鮮牛味, 肉質都嫰既. 一個唔小心過左火鍋引添.終於到酸菜魚水滾, 可以開動, 冇幾耐個爐就自已熄火, 連㩒掣都慳番. 魚係鯇魚片, 大大塊有咬口, 幾乎冇骨, 唔係特別鮮美, 不過浸住酸菜湯都好好味. 我地每人都食到10塊, 份量充足. 仲有好多酸菜芽菜同菇, 顯得湯唔係特別多. 酸菜湯真係要讚下, 出面d酸菜魚通常好多油, 好肥膩, 加上好辣,

呢間係小編係香港食過最正既胡椒豬肚雞湯底米線，胡椒味好濃，成個湯都好重口味，而且豬肚同埋雞🐥都好嫩滑，大廚榮哥曾經做過高級酒家嘅主管，亦都攞過幾個廚神獎項🏆，亦都同事介紹所以就令到我心思思想試吓，人流唔算好多，但係真係好有心機，價錢有少少偏貴，但係對得住個味道，因為真係會令人回味好掛住佢哋嘅味道，經常性放lunch都會過去食😋上次宗師埋佢哋嘅花膠湯，非常足料。但係食完成餐飯都真係覺得比較重味精嘅

.旺角有一間都幾新嘅餐廳 見到裏面有我最鍾意嘅花膠雞 仲有好多好似幾好味嘅小食 所以前晚就入咗去食👍🏻 裡面啲姐姐好nice 🫶🏻🫶🏻.🐷花膠雞米線 👅8.5/10 $72花膠多叫幾多下 而且花膠好厚❤️ 超中意 個湯都幾香 同埋啲雞都幾多幾滑 仲有雞翼、雞髀🍗 真係大滿足 米線分量充足 仲要索左啲湯嘅香味😹 超正 真係幾香 相信好似我咁樣鍾意養生嘅人一定幾鍾意😎😏.🐷豬肚雞米線 👅8.5/10 $72豬肚同埋雞嘅份量都幾多 米線同花膠雞米線一樣都係索咗個湯嘅香味 不過呢一個湯就多咗一浸比較濃烈嘅胡椒味 相信係因為胡椒豬肚👍🏻.🐷胡椒雙肚 （豬肚 魚肚） 👅8/10 $48呢一碟分別有魚肚同埋豬肚 豬肚同個米線裏面嘅豬肚其實差不多 魚肚方面 佢就比較容易索到更加多湯汁😹 更濃味🫶🏻.🐷椒鹽雞軟骨 👅9/10 $38本身以為係細細碟 點知嚟到先知原來勁大碟😹😹 雞軟骨好有咬口 個調味都唔錯 不過覺得個味道硬係好似喺某種薯片食過咁😂 但係就係噏唔出邊隻薯片嘅味 隻味真係幾似 不過真係幾正🤣🤣👍🏻.🐷腐竹薏米糖水 👅8/10 送架！！呢碗腐竹薏米糖水都幾香 甜度適中 個底仲有好多薏米 啲薏米唔

花膠雞個湯好鮮甜，同准山麵超夾♥️ 其實准山麵都係第一次食，好彈牙煙un, 好鐘意呢隻口感💯💯💯酸菜魚米線比平時嘅食開嘅餐廳酸啲啲但我覺得咁樣好食啲，但無得俾我揀辣度，標準預設咗嘅辣真係無乜味得個香字，如果可以辣返啲就好啦😉個炸雞軟骨不得了， 炸到超脆又唔乾超好食♥️平時嗰啲好乾真係食骨咁間唔中先有一兩舊係有汁，可能有脆皮包住所以保留到水份係入面雙肚(魚肚+豬肚）本身無乜味要靠個湯先叫好小小，襯返香口嘅雞軟骨一流💯如果就咁食就真係麻麻地啦有啲小驚喜係支檸檬意米水係有料嫁而且都唔小，真材實料唔錯✔️個餐仲有糖水跟埋，但見愈黎愈多人仲係出面排隊就唔好意思慢慢坐...anways 其實都茶記格局都唔預人坐得耐😆 落單姐姐都好有禮貌介紹啲餐，我地問黎問去叫完又改都無唔耐煩，超好💯，高性價比✔️

收工約左朋友去旺角行街，旺角餐廳太多，搞到我哋都苦惱左一陣，實在諗唔到食咩好🤔我哋就邊行邊諗，行行下見到榮哥煮場呢間餐廳，我同朋友都未食過望完餐牌覺得好吸引所以就決定試下.我哋揀左個二人餐，有一個煲，一個小菜，兩碗白飯同兩碗糖水。二人餐有四個煲可以揀，有酸菜魚，藥膳黃酒雞煲，花膠雞煲同胡椒豬肚雞。.二人餐$278前菜-陳醋木耳木耳爽口配上陳醋調味，酸酸地好開胃，份量多我哋兩個女仔都食唔哂.花膠雞煲花膠份量多仲好厚肉，好滋潤。雞肉嫩滑份量比想像中多，湯底鮮甜，我同朋友都大讚好飲而且飲得出係無加味精，成餐飯無飲過水都唔會覺得口渴.小菜-秘製咖啡排骨係出面餐廳未見過有呢個菜式加上朋友對呢個菜式好有興趣，所以我哋揀呢個試下，一上枱就聞到咖啡既香味，排骨炸到香脆配上用咖啡調味過醬汁，食得出有咖啡既甘味，濃香味道令人一試難忘.糖水-腐竹薏米糖水好香濃豆漿味，薏米軟糯而且唔會太甜，滋潤又養顏(´▽｀)

榮哥呢期出左個二人套餐， 睇到個價就覺得好抵食咁二人套餐268。 首先揀左個煲仔先， 我就揀左花膠雞煲，覺得佢夠晒滋潤同滋補。 濃湯花膠雞煲個湯頭真係好濃郁， 每塊花膠都大大舊，仲要有為數不少既雞塊。 份量黎講真係cp值好高。 而且雞肉唔會好鞋， 花膠都唔係碎濕濕既前菜： 陳醋雲耳， 正常水準發揮， 彈牙， 好開胃。 小炒： 黑松露煎肉餅， 肉餅一份都有6塊，黑松露好香濃， 肉餅都仲好juicy ，咬落去係有肉汁流出既，呢樣小菜送飯食都唔會覺得dry。