榮哥煮場 (已結業)

點解嚟山東街榮哥煮場食晚飯? 無錯! 咪就係又又又又同女友小熊去星際城市囉! 不過今次唔同，原因係小熊已經唔再投訴鳥! 佢已經被我不停薰陶下，由唔多欣賞攝影到買部相機玩吓! 一齊去影吓相，旅行時大家又多個樂趣.之前去星際時經過榮哥煮場留意到佢地有濃湯魚翅，已經決定下次去完星際之後就幫襯榮哥.一入門，已經留意到左邊牆身掛上不少得獎獎牌，馬上令我諗起為人低調又好人嘅御廚 Kent Yip，即係當年尖沙咀諾士佛台 Munch 嘅總廚!魚翅濃湯當然係必點，變套餐都係$378，於是轉套餐小菜點酸甜藍莓骨同椒鹽雞軟骨.Menu 上有一道"咖啡骨"，好易睇錯以為係"咖哩骨"，好好招呼嘅待應哥哥再三解說，以免我地點錯又睇錯.今次幫襯驚喜不斷，椒鹽雞軟骨外脆同軟又無炸得過火又入味，藍莓骨推斷用果醬做茨汁，但排骨juicy 同入味.重點緊係魚翅啦，魚翅屬於群翅，Menu 寫明 2 ~ 4 位用，如果四位份量就偏少了，今次得我同小熊兩個人份量當然足夠，餐廳先上雞湯而且用火爐慶住，大約5分鐘後才落魚翅，經驗慶多五分鐘已經足夠可以熄火，魚翅入味雞湯香味撲鼻，味道亦濃郁!噢! 一絕! 雞湯內加入嘅雞肉，以為淆制湯

🔮濃湯花膠雞湯配淮山麵 餐廳招牌主打,份量十足,花膠片有成6大件,爽滑彈牙！雞件都有成6～7件,廚師剛好給我雞腿肉的部份,雞肉嫩滑,雞皮還是Q彈的！還有一些雲耳,芽菜等作配料;淮山麵滑lu lu又有嚼口！將每柱麵都連鮮甜雞湯一齊食, 有種很暖心的感覺呢！ 🔮酸甜藍梅骨竹炭飯 個竹炭飯整到成舊炭咁嘅樣,真係好特別！個炭飯係由黑糯米，黑米，紅米，糙米，提子乾，墨魚汁炒製而成，入米飯入口煙煙韌韌。排骨外面炸得十分酥脆,藍梅汁酸酸甜甜又開胃,D汁拎來撈飯真係一流呀！可能係因為藍梅既關係,感覺更加健康D! 🔮椒鹽雞翼 這道椒鹽雞翼讓我非常驚艷,椒鹽調味剛剛好,鹽味和椒味都很均衡,雞翼的炸得也非常恰到好處,外面十分酥脆,雞翼肉質仍然保持嫩滑的口感,咬落還有雞汁流出來呀！十分惹味！🔮泰式無骨鳳爪酸辣醬汁味道酸辣爽口,微甜而帶檸檬香,醃得非常入味,無骨啖啖肉又Q彈, 作前菜十分開胃呀！ 🔮腐竹薏米糖水 店家還會免費送上飯後糖水俾客人,濃濃腐竹香入口順滑,又如豆漿般濃郁,薏米綿綿的有嚼口,又不會太甜,呢個飯後糖水令我覺得這餐來個完美的ending 呀！

聽朋友介紹咗好多次呢間嘅雞湯好好味，今次終於嚟咗食！舖面唔算太大，但係好爆滿，差啲就冇位坐🫣巴東牛肉(小)（$58）🌟雖然我哋嗌嘅係細份，但其實份量都唔少！巴東牛肉肉質軟腍，好重香料味，超級惹味啊🤤而且辣度適中，送飯真係一流😋椒鹽雞軟骨（$38）雞軟骨大大碟，而且炸衣好薄，份量好足！但炸衣唔係好脆同埋本身冇乜調味，雞軟骨嘅味全靠上面灑嘅七味粉🧐濃湯浸時蔬(小)（$38）呢度啲小菜其實幾抵食～同埋質素都唔差！佢個湯真係幾濃郁，好味！而且菜葉都非常嫩。拍得住酒樓成百蚊一碟嘅上湯浸時蔬🤣柚子蝦球（$98）蝦肉大大粒，而且肉質爽脆👍🏻炸衣同雞軟骨一樣，都係好薄但唔算脆，而且冇乜調味🥲但柚子蜜落得好重手，所以蝦球食落只有柚子醬嘅味🍋🍯濃湯花膠雞煲（$148）🌟🌟今次最期待就係呢個濃湯花膠雞煲🤩朋友果然冇介紹錯，足料得嚟飲落好順口，唔會好多味精咁！雞肉大件嫩滑，花膠都幾厚身大舊！雞煲下面會有個爐一路㷫住佢，所以一路食都係keep住熱辣辣🔥不過煮耐咗就會有一層雞油浮咗喺面～

我最近去了榮哥主場，品嚐了多道菜品。首先是濃湯花膠雞煲，這道菜的湯汁濃郁，花膠和雞肉的搭配非常完美，讓人吃了有種暢快的感覺。💞💞接著是酸菜魚，這道菜是用魚肉和酸菜煮成的，酸菜的味道很重，但是在魚肉的襯托下，味道很平衡，非常好吃。🤤另外一道菜是酸甜藍莓骨，這是一道比較特別的菜品，排骨用藍莓醬汁燉煮，有種微酸的味道，讓人回味無窮。😍煤炭飯是這家店的招牌菜之一，米飯是用煤炭燒製而成的，這樣的做法讓米飯有種帶黑色，吃起來很特別。🖤🖤雲耳小菜口感很爽脆，跟其他菜品搭配也非常好。☺️最後是甜品腐竹薏米糖水，這是一道非常傳統的中式甜品，口感滑順，甜度適中，是一個完美的收尾。💗榮哥主場的菜品非常豐富多樣，每道菜都有其獨特的風味，絕對值得一試。如果你正在尋找一家好吃的中式餐廳，可以一試

榮哥煮場 (旺角)旺角山東街55號地舖招牌酸菜魚煲呢道嘅酸菜魚煲非常好食，魚肉鮮嫩，煲裡面嘅酸菜醃得啱啱好，唔會太酸。香料同辣椒，令啲味更加豐富。酸菜湯都幾好飲，湯汁送飯🍚好開胃。葱油雞呢道葱油雞好香口，雞肉鮮嫩多汁，油膩味唔會太重，啲葱油煎得啱啱好，香氣四溢。雞肉煮得啱啱熟，肉質唔會太柴，送飯一流，葱嘅味道令啲雞肉更加香口。支裝可樂啲氣泡嘅聲音同埋氣泡爆炸嘅味道令人好開心。椰汁🥥西米露嘅質感好順滑，奶白色好好睇。椰子味道香濃，糖味啱啱好，唔會太甜，令人瞬間心情變得好。西米嘅口感Q彈。

想找中式晚餐，但又不想去酒樓，因有時反而會擔心酒樓的食物更求其，更不用心，所以今次選擇了這個仲有花膠、又可簡藥膳，我最愛藥膳，中菜來說，藥膳味道濃郁。不過今次先試花膠先，因為花膠養顏，所以就先試囉!濃湯很足，雞肉也二人餐我們兩個飽到還要外帶，餸我們點了千島醬蝦球、小食點了木耳。真心，千島醬蝦球好好食，我再去都會再點，咬下去肉質真的剛好，配千島醬起好味!!小食的木耳，也是我的最愛，爽口，微辣、開胃。檸檬薏米水清新可口。哈，又很受薏米的我，甜品是薏米腐竹水，這個最後甜品，完美完結這次的晚餐，只$150內的付出，沒有後悔選擇來了這，沒有去一些大酒樓呢!!

成日想係旺角搵好野食 但好怕三高唔健康😱今日比我搵到呢間無味精既中餐廳🤩黑色既飯係煤炭飯～入面有提子乾酸酸甜甜好好味🤤然後佢既炸野係難得地咬落唔覺得熱氣～好似食緊天婦羅咁😝真係會唔覺意就不停食，越食越多，非常有罪惡感🥹🥹泡飯外層係炸過～非常之特別，完全冇喺出邊見過嘅湯飯🤩脆皮配上湯底，口感有兩個層次🤭湯底非常鮮甜而且對身體好好 推薦俾女仔要飲多啲湯水先得✨呢間鋪頭應該會成為我既飯堂喇🤤推薦比大家呀～

今日約咗朋友去旺角shopping, 到時經過山東街就會發覺好多特色餐廳，今次特別想推介呢一間，其實一早已經想試，每次經過都見到入座率極高😁今日時間尚早，仲有少量位置，梗係即刻去試吓啦！今次又同朋友叫咗二人套餐，包括前菜、小菜、煲類及是日糖水麻香四季豆作為前菜，份量都幾多，差啲俾佢個名誤導左，原來係芝麻醬，食落覺得好清新，而且四季豆非常爽脆。招牌酸菜魚煲魚嘅份量好多，而且配菜亦都好充足，仲有我最鍾意嘅鹹酸菜，個湯配埋飯簡直一流。唔會太過咸或者酸，味道啱啱好，我仲要想喺度讚下啲魚冇骨㗎，食落仲要好滑身。每一件都係薄切，每件重要吸哂啲湯既精華！胡椒雙肚雙肚包括左魚肚同埋豬肚，胡椒湯味道十分香濃，直頭好想就咁直接飲，魚肚同豬肚切到細細粒好易咬，口感好爽脆。椰汁西米露(是日糖水)職員見到我哋食到差唔多，好主動同我哋遞上糖水，係我最鍾意食嘅椰汁西米露，入面凍凍地，西米份量都唔少，為我哋呢個晚餐畫上句號。

第一次試旺角鬧市中心的榮哥煮場，平日夜晚唔洗等位 門邪唔算好大，大約有1x張枱。入去嗌左個招牌二人套餐$278，除左自選嘅雞煲外，仲有小食x1, 小菜x1, 麵飯x2。價錢合理，野食亦好足料當晚坐低嗌左濃湯花膠雞煲二人套餐，唔算好大兜，但2人份量絕對足夠。湯底十分清甜，唔油膩，絕對唔係濃湯寶嘅味😂花膠亦好多塊，食極都有～雞塊都係啖啖肉😋好有雞味，雞肉好嫰滑，juicy! 仲全程有個爐熱住，唔會凍左有層油係表面～好味！套餐小食係無得揀嘅，當晚落完單就即刻上左呢碟雲耳，酸酸地幾開胃，無乜特別～小菜有好多款選擇，當晚揀左胡椒雙肚，即係豬肚&魚肚。胡椒味岩岩好，豬肚唔臭唔腥，魚肚夠爽口。份量好足，d豬肚魚肚勁多，2個人都食唔晒😂😂整體黎講好食！最後加左$12 轉一個飯+一個烏冬，有好多combination，跟2個飯的話就唔需要補錢。雖然係普通烏冬，但都係用湯底煮好出黎，有少少雲耳配菜，好過就咁俾一餅麵出黎😃😃Overall💭：最後嗌埋野飲，total $300，係唔洗加一的，份量好足，其實3個人食都夠～好味，值得一試

好耐冇食過呢間，今次係特登再去食過～🔅酸菜魚淮山麵（$7️⃣2️⃣）呢個真係好推薦大家試吓，佢啲魚片好新鮮，都幾厚肉，大概有10塊左右。酸度好夠，而淮山麵都好索啲湯汁🤤，好好食。🔅勝瓜蕃茄野菌米線（$6️⃣0️⃣）呢一款就相對健康好多，比較清淡，配料都多，蕃茄味比較重。米線夠彈牙，我覺得減肥都食得。🔅藍莓雞球（$4️⃣8️⃣）本身想叫椒鹽雞翼㗎，但係好想試吓藍莓🫐味既雞球🧐，估唔到味道比我想像中夾。酸酸甜甜，其實都幾開胃。另外一款胡椒雙肚都唔錯，同埋我幾鍾意呢度嘅飲品，因為都係用樽仔裝住，又唔會再另外加冰。

突然想食啲中式小菜，係朗豪坊隔離，就揾到呢間。見佢係標榜無味精👍🏻 兩個人就簡左個二人套餐 (一個煲、一個小菜、前菜、飯、甜品).🍲濃湯花膠雞煲多花膠😍 呢雞都滑，佢落左枱會煮一陣，跟著先叫我地飲埋湯。個湯唔油膩，香湯味.🫐藍莓雞球真係第一次試🤣 意外地夾，佢類似咕嚕雞球，但就藍莓醬獨特既甜，且炸到脆卜卜，推薦.🍬腐竹薏米糖水我會因為呢個糖水黎多次😍 因為好濃郁，且係超多薏米，又唔甜👍🏻👍🏻 只能講聲榮哥好野🤣.而for your information，白飯可轉米線(+$12)，前菜係黑木耳👍🏻

抵食 雞湯分量都幾多好味😋😋第一次堂食係呢🤤上次夜晚多人排隊試過外賣晚餐 小菜好多都好好食🤩特別飯後甜品大讚🈺發覺呢間係「有營食肆」門口有黐住貼紙😆👍大家多多支持抵食行雞湯分量都幾多👍淮山麵 🍴幾健康嘅選擇 超多選擇抵食價錢合理 👏午市特價推介適合學生📌濃雞淮山麵$48味道幾鮮甜差不多味道📌蟲草花雞淮山麵 $58幾足料📌芥菜豬頸肉淮山麵芥菜竟然比想像中意外好食😍幾嫩新鮮😋唔苦 😆份量都幾夠多豬頸肉都可以👍唔會太肥 📌樽仔檸檬薏米水 細細支都幾解渴 少少薏米係晒底😅比較碎📍旺角山東街

尋日去旺角食飯，見天氣有啲凍想搵暖笠笠嘅小菜食，見到呢間餐廳嘅二人餐唔錯，四款煲任揀一個，自選小菜，仲送前菜同甜品～陳醋雲耳雲耳爽脆，配上酸酸甜甜嘅陳醋非常開胃，而且味道啱啱好，又唔會太甜又唔會太酸，仲都幾大碟添～胡椒豬肚雞煲天氣凍飲返個胡椒豬肚湯熱辣辣好暖胃，湯底鮮味～ 豬肚洗得幾乾淨，好爽脆～ 雞件肉質嫩滑，唔會太肥，又唔會過瘦，煲出嚟啲湯奶白色而不膩～皮蛋肉碎浸時蔬生菜新鮮翠綠，份量都幾大碟，配埋皮蛋同鮮雞湯好健康～腐竹薏米糖水豆味香濃，薏米軟糯煙韌，甜度啱啱好，暖胃滋補～

出到旺角搵食，又係選擇困難症發作既時候。突然間行過榮哥煮場，記得有朋友講過呢間既雞湯煲好正，所以就二話不說衝入去試。可能入坐時間尚早，所以我地一行二人完全唔需要等位。二人套餐啱曬我呢D懶人，最後我地叫左胡椒豬肚雞煲。個煲一上菜既時候真係香到不得了。就算有火熱住個煲，雞肉亦不會煮得老。而雞湯亦都係呢個煲既精華，記得要飲埋佢。一份小食亦跟隨住雞煲送上。涼伴黑木耳酸酸甜甜，食完好開胃。套餐的另一款主菜，我地選了柚子蝦球，應該都係另一款必試菜式。啖啖蝦球，肉質好爽彈，柚子同蝦球味道十分夾，食到停唔到口。套餐會跟兩碗白飯或者一大碗米線，仲有好多不同選擇。大碗米線用雞湯底去煮，絕不失禮!我地加錢換了兩支樽仔飲品，味道都不錯，但原來最後仲有糖水送，飲品唯有拎返屋企慢慢飲。呢間一定會再黎，好想試埋其他雞煲同小菜!

食過兩次都係叫foodpanda 味道都唔錯呀，包裝都企理兩次都係叫佢個雞煲第一次係藥膳雞煲今次係花膠雞煲，叫了個2人餐整體都幾好呀，雞未必稱得上好滑但唔會好鞋，外賣黎講，其實已經好高分仲貼心會比埋個辣椒豉油湯底其實已經幾好味，花膠又有咬口，而且唔腥，如果湯底再濃味d就滿分了，小菜 蝦球都好好食呀，個餐跟的餐前小菜同糖水都ok兩者都唔會太濃味，前菜係雲耳，如果酸度加強小小，會更開胃。糖水係薏米腐竹，唔會好甜，有豆味飯就煲得有d差，冇米香又乾下次想試下泡飯，充滿期待