榮園麵家 (已結業)

 約了皇后，但仍然有少少時間，又有一點肚餓，決定偷食一個非常遲的下午茶。以往每次去旺角電腦中心，必定注意到這檔半大排檔、半地舖形式的小小麵家，例必座無虛席，雖則如此，卻從未品嘗她的出品。今天也不例外，經過榮園時，即使是下午六時這個既非下午茶、也非晚餐的時段，依然滿座；既然人流這麼厲害，今天儘管一試。剛坐下不久，有幾個食客稍為來遲了，已經沒有空位，須要在横巷排隊等候。但店員的態度真的非常麻麻，甚至可以說非常之差。我親眼目睹其中一個坐在我旁邊的食客，因為等朋友，尚未落單，被店員用非常粗魯的語氣要求他從新排隊，以騰出座位，即時該名食客聽從指令重新排隊，店員仍然用極難聽的話語單單打打。雖然這是一間半大排檔，我也不會期望有優質服務，但也不應該如此差勁吧！而且，不止一次，之後該店員安排其他客人入座及落單時，說話語氣及態度也一樣地差勁。食品選擇非常少，只用一塊簡單的膠牌掛在牆上，已經足夠寫下全部供應的麵食，一目了然。心想，莫非全部皆是精品？每張檯面皆放置了一大個不銹鋼罌的辣椒油，看樣子，可能是自家製的辣椒油。這種盛載辣椒油的形式，感覺非常之傳統大排檔，而且很庶民。由於即將吃晚飯，所以只叫了一碗凈雲吞

自從決定不再買書，已有十多年沒吃榮園。我高中時代每星期到旺角樓上書店啃書，苦苦盤算十分有限的錢可以買多少本書，和吃一碗加了許辣椒醬的榮園魚蛋河，那時候一星期總省吃省用，待星期六這天。後來too many books and movies but too little time and space，惟有忍痛祇借不買，也因此和榮園緣斷。今天破戒，因為那書不會在圖書館借到，也不會在大書店買到，唯有再爬三層樓梯到樂文買。抱着這書，一陣令人窒息的不安襲來，滿街人或拉着手推車或拖喼，竟覺夢裡不知身是客，虛虛浮浮，惟有榮園是熟悉的，從前榮園不難找一個位，今天有起碼二十人等位，自由行南亞裔韓國人都在等，是真的名聞遐爾還是方便就腳？不曉得。仍然快靚正，蛋河三數分鐘送到，新鮮熱辣，妹妹愛通記，我獨愛榮園清淡，他的河粉不油，魚蛋魚片彈牙，有魚鮮味，卻不濃咸，湯也鮮甜，吃完絕不口渴，那盤辣椒醬也是主角，油多醬少，純辣椒沒混蒜，辣的香味十分突出，配蛋河是天作之合。另一主角是中氣十足唱功一流的店員，控制人流、入座、落單、送食物和收錢，還把細蓉蛋河腩麵走青加色抑揚頓挫唱出來，繞樑三日，萬能泰斗是也。

返拳館摸門釘無開、去買拳套又人山人海排長龍搭 lift！放棄，行去食碗麵算數！叔叔話公司規句撈麵唔比雙併，咩規句呀？跟住有個阿嬏想三併淨餸，又唔得？仲要同伙記叔叔係度爭辨，勁搞笑。是但食個牛丸牛腩粗啦！牛丸牛腩粗走蔥，牛腩炆得香濃甜美，軟棉滑溜充滿肉汁。牛丸牛味濃，又香又滑又彈。粗麵夠爽滑，配埋腩汁辣椒油正到痺 ﹗今次超水準表示，非常好食！辣椒油都好正！

六點紅磡走搭小巴，差不多七點先到旺角返趕唔到泰拳，遲大到！食碗牛河返大埔飲酒算鬼數。係旺角唔知食咩好，又是但榮園，希望唔會爆屎渠啦 ﹗雖然滿座，但唔洗 30 秒就有位坐喇。夏天食特別辛苦，無冷氣食熱辣辣既湯麵真係出晒汗。依舊全男班叔叔服務員，今次係我食咁多次服務態度最好既一次。依位叔叔平易近人又友善，唔記得走蔥仲主動幫我換過碗新既，大讚！自家辣椒油，以前紅肉辣椒油好味好多，仲非常辣！依家都還可以。牛腩河細走蔥，廿六蚊真係超值，兩啖無晒！美味牛腩您返左黎喇 ﹗好好食啊 ﹗炆得非常入味又棉又滑又鬆化，彈牙又無渣。熱騰騰滑溜河粉勁撈辣椒油，配上陳年腩汁好味道 ﹗今日超水準 ﹗

牛筋腩麵大走蔥，繼大半年前食緊野既時候坑渠傳出惡嗅，心裡依然有點尤有餘悸 ﹗見今日落開黎旺角，而且榮園以前真係超級好食，順便再黎試試啦，睇睇運氣如何，唔賭唔知時運到 ﹗牛筋同牛腩硬到您唔信，帶假牙既朋友不適宜食用 ﹗以前棉滑既牛筋腩去左邊呀？牛筋牛腩各兩件，太少喇麻？最正最穩陣係個腩汁湯底，幾十年既精華，香濃美味，正呀 ﹗係唯一仲有榮園味道產品。辣椒油已經唔係多年前有大量辣椒肉、鮮紅色既辣椒油喇，依家不香不辣，味道單調。今日又有故事，係我食緊碗麵期間總制燒 fuse，出白煙出火花呀 ﹗一大陣燶味勁嗅 ﹗無晒電，爐都開唔到 ﹗幾驚會爆炸呀 ﹗老闆都唔知點搞，最後都係要 call 師傅。

旺角旺區既舊式粉麵檔, 吾好預有乜好還境,但粉麵係吾錯我叫左碗牛腩雲吞河,味道吾錯,河粉夠林,牛腩係柱候汁夠濃,而雲吞皮厚度適中都算OK呢度都係旺角區快快醫肚既好選擇黎.!

晨早入元朗做物理治療，未食早歺趁冇雨再趕出旺角取東西，落車超肚餓，想起榮園都好多年冇幫襯，順路又肚餓，熱都照食，11點半到店鋪約7成滿，有位我揀，叫了魚旦米(食得快點)，如果天氣不是那麼熱及我又趕時間，我一定食河粉。魚蛋米$26(8/10)~下單後不用2分鐘就到，湯底夠熱，米粉一般，比較"嚡"口，魚蛋有4粒，咬落淋彈，有魚味，記憶中冇以往咁咸，魚片有3片，一樣好味，可惜冇片頭。冬天趕時間來此吃碗粉的確唔錯!

上次說過夏天都會食，今天發生了。下午出到旺角做野。天氣很熱，又餓。很想快趣填肚！急急腳走去吃至愛之一。牛腩河！等了數分鐘便有位了。水準依舊！很出色！牛腩很香不太硬又不太霖！河粉吸收了牛腩汁的味道！加了些棘油更覺精彩！這次午餐只需要5分鐘！便充滿了動力！滿足得很啊！

十月下旬•晴有活動，要早點吃東西。想起都一段時間沒來，又看看如何？人極多，位極窄，張枱撘得幾多就撘幾多，這是街頭小麵店的寫照。要了牛腩米，牛腩件件都靭，吃得一口渣，一無是處。好處是湯底還夠熱，感覺還不算很差。如無必要，不要來。

每次出到MK經過榮園麵家，都會走去吃碗牛腩河，他們的牛腩汁，水準之作！一定要別河粉的，河粉會吸盡D牛腩汁，但一定要食得快，否則！河粉會發脹，會很難食的。其他面呀，米粉都發輝不到它的共能。牛腩小小淋小小肥有咬口。正我記得我細細個食既時候係出名魚旦，但我細個既時候我已經各得麻麻，到依家我都覺得一般。我只係鐘意食佢既牛腩河。今天晚上我一個人用了。牛腩河＋生菜。那5分鐘，盛為39元了。

Happy Friday！TGIF！放工後同絲打SHOPPING SHOP到11:00PM終於想食嘢，時間已晚，一於速食榮園麵家。伙記係外表麻麻甩甩嘅背心大叔，但唔好比佢外表呃咗，佢有一顆非常細嘅心，見我地一袋二袋仲拎咗兩張摺櫈比我拎放嘢 一坐底就同我地講雲吞已經售罄，ORDER完之後仲主動問我地走唔走蔥，人情味值得一讚！*******************************牛筋河*牛筋炆到好入味，榮記嘅牛筋係偏向淋身軟滑，跟埋河粉真係不得了。*魚旦河*絲打叫咗魚旦河走蔥，魚旦同魚片幾彈牙，唔錯。*灼生菜*生菜灼到好靚，青青綠綠啱啱好，爽口清甜，係清腸胃不二之選，最好走埋蠔油。****************************** 我地食到最後一刻打烊，都冇比面色我地睇，服務很好。不過去得巷仔食嘢要有心理準備，衛生麻麻地，食食吓嘅時間都見到大叔追殺咗隻甴曱，不過去得呢度食就預咗。

經過女人街附近這家小小麵檔榮園無數次，但總是未吃過。這日剛巧又經過，心血來潮，一於在這裡吃過午餐吧。被安排坐到後巷裡，衛生情況只能算合格可接受啦。座位安排也有點逼，一張圓摺枱安排坐足6人，還好這日天氣還不算熱，要不然應該會吃得頗辛苦。這裡食物有牛腩，雲吞，魚蛋和牛丸等選擇，細碗一律$24，大碗或雙拼$27，而撈麵＄30。我就點了碗小的牛腩河粉。落單後不用多久碗粉在面前出現，速度幾乎可比美澳牛。這超高'效率'的服務可說是香港地道店的特色吧。牛腩河的湯顏色偏深，味道偏鹹。牛腩肉質軟淋，不過味道同樣偏鹹亦不夠層次，吃不到牛肉的鮮甜味，很一般的牛腩。至於河粉就頗滑溜，份量比起不少粉麵店算多。整體來說，味道，環境和服務都只是一般，吃過就算了。

下午食左TEA，夜晚仲唔係好肚餓，所以就打算食碗麵算數。醒起有呢間麵店，就同朋友坐低。其實好耐都唔黎一次，冇餐牌，見痴喺牆寫住嘅款式唔多，見人地有得雙併所以就學人地叫左個牛根併牛丸，走蔥，如大家所講，好快黎到，可惜唔記得走蔥，個叔叔見到即刻幫我用匙跟飛走D蔥….笑死我！有野食就緊係想飲野嫁啦，但叔叔話冇野飲賣嫁，要出去買…哈哈…而且菜都係得一款…生菜，所以都有少少灰。最緊要都係碗麵，牛根好爽脆，牛丸都好，唔會死死實實，麵底就不過不失，趕時間又想食地道野可一試，但提提大家佢個衛生環境真係唔係好得。

牛腩河走蔥，唔經唔覺兩三年無黎食渠邊牛腩喇 ﹗牛腩同河粉都係招牌菜，依度只有牛腩、牛筋、魚蛋、牛丸同雲吞，獨孤一味生菜，無飲品無冷氣亦無招乎，仲係座落於巷仔坑渠邊既麵店。咁多年既員工都係全男班，麻甩佬職員，用粗豪既語氣聲調同濃烈男人味服務 ﹗現時個價位比幾年前升左幾蚊，但個底扣左大半喎 ﹗我個河粉又碎又散筲筲，要用羹食，得四羹落肚乍，食完好似無食過咁。柱候牛腩真係好好食，入味又軟棉，炆左幾十年既汁超好味 ﹗辣椒油轉左唔係以前鮮紅色喎，今次無試。不幸地間歇泉剛剛要爆發，坑渠排洪，好嗅呀 ﹗

這間巷仔麵店無論春夏秋冬由朝到晚都係咁多人而我從來都冇幫襯過今晚行過此處就試試無冷氣坐着摺櫈嘅滋味喔後巷地方總算是乾淨只係無冷氣吧我們急急點了兩碗一分鍾唔夠碗麵就已經送到你面前真快手魚蛋麵同平時食嘅魚蛋真係好唔同 這裡嘅魚蛋食落去係"淋"身嘅好重魚味真係好"鮮"味呀"正"呀牛腩魚蛋米牛腩炆得好"淋"而且牛腩偏瘦"正"湯底味道重好濃添好味呀