榮家糕點烘培店 (已結業)

認識我的好友一定知道我鍾意食甜品, 早前我就去了位於深水埗的榮家糕點烘培店買了一些港式的甜點返屋企食. 這裡主要賣兩款產品, 分別係黃金拔絲蛋糕和冰鎮砵仔糕. 冰鎮砵仔糕有成10款口味, 最後我選了椰汁紅豆, 青蘋果, 水蜜桃和士多啤梨. 黃金拔絲蛋糕原來係將肉鬆和蛋糕混合一齊. 而我就試齊牛油, 朱古力, 芝士, 抹茶和牛油提子乾5款口味. 依加天氣仍然炎熱, 當然要食一些冰涼食品. 這款青蘋果味的冰鎮砵仔糕啱晒, 入口有啖啖的青蘋果香味, 甜度適中, 感覺清新, 食完透心涼. 而黃金拔絲蛋糕, 每件細細件, 方便食, 最啱作為下午茶食. 有少少拉絲的效果, 因為當中加入了肉鬆. 甜度較為淡, 每款味道唔夠突出, 這方面可以再濃味一點.

話說上個禮拜去深水埗整嘢順便覓食，見到有幾個人係轉角位既一間烘培店排緊隊，側邊有個易拉架寫住黃金拔絲蛋糕，羊群心理之下又排埋一份試下😂👁‍🗨 黃金拔絲蛋糕（7/10）💲12/3件；45/12件見佢寫住五款口味，有牛油、牛油加提子乾、芝士 、抹茶同埋朱古力，本身想試最基本既牛油，但係輪到我既時候已經賣曬，唯有其他口味各一😳因為蛋糕加左金絲肉鬆，所以中間會有一絲絲，感覺都幾得意🤭味道尚算香濃既，金絲肉鬆本身帶有少少鹹味既關係，個人認為有鹹香既芝士同佢係最夾🧀👁‍🗨 冰鎮砵仔糕（7/10）💲8/件；21/3件係另一邊有冷藏四度既雪櫃，入面有十幾款口味既冰鎮砵仔糕，不過同預期中有些少出入，口感比較似彈牙版既果凍咁，夠曬消暑🧐要左荔枝、蜜瓜同巨峰提子，全部味道都幾清新，帶有椰果，亦都唔太甜🤔🔛 整體評分（7/10）

之前坐車已看到新開這小店名Wing's Bakery, 這天在深水埗購物經過看看, 一小妹子熱情推介我試食這拉絲蛋糕, 說給我一個試看看.... 見才$12/3件, 口味眾多, 我就選了綠茶、芝士、朱古力~ 用紙袋裝着夠環保，用手掰再慢慢拉開，確有一絲絲，很好奇是什麼來，會不會是加了肉鬆? 實在新奇~說回味道，雖然分了多種口味，但吃下去味道其實都不突出，是朱古力比較有一點點分得出來。至於拉絲入口的口感，恕我直言，我自問接受能力不遜但這入口確是怪怪的，每一口咬下去咀嚼都係很怪 ^ ^''... .... 連老公也有同樣感覺。不過由於價錢可取，有興趣者不妨一試。另有砵仔糕可試食，有異於一般中式糕點，但又不像大菜糕又不像啫喱又不似布丁... 就是很難形容~Anyway, 這小店得支持~ 

今日要去美孚見工，順便去深水埗覓食，見到呢間店門口貼住一張報紙話係深水埗掃街必食推介，於是就帶左一盒黃金拔絲蛋糕和砵仔糕返屋企食。 每日新鮮出爐的拔絲蛋糕黃金拔絲蛋糕 (HKD12 / 3件) (HKD45 / 1打)一咬落去蛋糕就可以拉出肉鬆絲，除了牛油味外，店主更創新推出芝士、抹茶及朱古力味。我就揀左每種味兩舊 由於無手關係影唔到拉出絲既相！除左糕之外仲有全港首創冰鎮砵仔糕 (HKD8 / 件) (HKD21 / 3件)雖然入秋但今日仍然熱得好似夏天咁最岩食冰鎮砵仔糕五顏六色有多款味道供選擇有百香果、芒果、玫瑰花、蜜瓜等。 我揀左椰汁紅豆、荔枝、蜜瓜、芒果，因為對呢個有期望，所以有少許失望，因為食落去似果凍多於砵仔糕，哈哈！不過雪凍黎食的確消暑！

行過黃金電腦場附近嘅桂林街，聽到宣傳嘅聲音「黃金拔絲蛋糕」，正在尋找聲音的來源原來就係一間新開嘅小店，門口有一張好吸引嘅Poster，「黃金拔絲蛋糕」，非常吸引咦！蛋糕都可以拔絲？價錢仲好平，12元三件，如果買一打就$45，平均都係$3一件，仲有多款口味選擇再行近啲睇吓，賣相真係好吸引，我又點會錯過吖即場試咗個牛油味，我相信係最正路的，用手將佢搣開，果然有拉絲嘅效果，好香嘅牛油味，唔會太甜，現在普遍人都唔會鍾意食太甜嘅蛋糕，佢嘅甜味剛剛好，蛋糕新鮮、鬆軟，口感唔錯原來佢哋仲有下午茶套餐，連飲品或汽水都係$20左右雖然店舖細細，佢哋仲有自家製造的特色砵仔糕，多款口味選擇椰汁紅豆砵仔糕，大小適中，好香的椰汁味，咬落仲有粒粒嘅紅豆，亦係少甜，啱晒我呢啲健康人士咁好味，當然要買啲返去比屋企人試，佢哋個Packing都好骨子返到屋企，仲保持到溫度，除咗牛油味之外，綠茶同埋朱古力味都好香好滑原來呢間小店只係開咗一個多月，咁嘅價錢咁嘅質素，相信好快會其門如市，港人創業精神，絕對值得支持

家住長沙灣的其中一個好處，就是可每日收工早一個站落車，到深水埗掃街、歎小食。上星期就去了榮家糕點烘培店。 烘培店位於深水埗有「食街」之稱的桂林街。店內有兩大皇牌街頭小食：全港首創冰鎮砵仔糕 及新鮮烘培黃金拔絲蛋糕。 雖是一間小店，但其小食全手工製作，低糖又健康，創新玩味，故很多人幫襯。 黃金拔絲蛋糕 (HKD12 / 3件) (HKD45 / 1打)蛋糕跟肉鬆完美配合，新鮮熱辣、脹卜卜，加上低糖，老少皆宜。傳統牛油味外，店主更創新芝士、抹茶及朱古力味，任君選擇。由於好多人幫襯，蛋糕不斷出爐，所以份外新鮮，手快有手慢冇呀！ 全港首創冰鎮砵仔糕 (HKD8 / 件) (HKD21 / 3件)為夏天特意創出的冰鎮砵仔糕，超過10款口味 (百香果、芒果、玫瑰花、蜜瓜等)，為傳統美食注入新元素，實在不得不試！ 上星期五知道週末天氣會好惡劣，所以買了1打黃金拔絲蛋糕 及4件冰鎮砵仔糕，回家跟最愛分享。 拔絲蛋糕最多可保存3日，如不即食，可將蛋糕放入雪櫃，第二天，將蛋糕放入微波爐灯少於20秒便可重見鬆軟蛋糕。 拔絲蛋糕香噴噴，手感鬆軟，用手分開，可見到拉絲效果，放進口裡，口感十分特別，啖啖蛋糕夾著絲

行經見到咩冰鎮砵仔糕，新奇得意，即刻揀左個椰汁紅豆嚟食，食落口感凍冰冰透心涼，唔係平時所理解嘅砵仔糕。咁得意梗係要同屋企人分享，所以又要左好幾隻味。如下圖，中間白色係荔枝味，深紅係玫瑰味，淺粉紅係巨峰提子，深黃係桂花，淺黃係水蜜桃，左下綠色係蜜瓜。 隻隻味都好香，味道唔假，唔會藥水味。而甜道方面剛剛好，唔會太甜。質感唔係砵仔糕咁，而係似日本水玄餅或竘蒻啫喱。不過第一次食，屋企無花奶。如果有花奶加埋落去，應該會好好食 🤤 識食一定會咁食。做下午茶或飯後甜品好正 👍🏻🤩 如果開Party要整甜品但好懶，買D 冰鎮砵仔糕，放落靚既碟度，加幾粒乾花，就已經好靚可以呃到朋友，好睇又好食 😂😂😂👏🏻👏🏻👏🏻除左冰鎮砵仔糕，其實仲有賣拔絲蛋糕，睇落都幾好食咁。不過已經有「砵仔糕」同屋企人一齊食，所以下次先再嚟買蛋糕食啦 🤗

呢間榮家店面細細，賣嘅食物都幾吸引，有時放工經過都會過黎買啲野食返屋企慢慢嘆 呢款蛋糕口感鬆軟，佢特別在於 將蛋糕同肉鬆mix埋一齊，肉眼未必 見到，食落就會feel到有肉鬆一絲絲 口感，就咁食味道濃郁啲、鬆軟啲 貪得意焗熱少少食，就有外脆 內軟嘅感覺，兩樣食法都好食 自己就最鐘意食芝士味 帶啲鹹香味，同肉鬆好夾 即場仲食左幾件冰鎮砵仔糕， 佢有好多唔同味道，好似：茉利花、 玫瑰花、蜜瓜、荔枝等等⋯雪凍食 口感煙靭，有啲似啫喱mix大菜糕。 自己幾鐘意茉莉花味，食落幾清甜， 裡面仲有少少茉利花瓣，熱天食完 係舒服好多，下次試下巨峰提子先。

Went here a while ago so the items might have changed.Anyway tried three puddings: strawberry, coconut and apple.The texture was like knojac and the flavours were ok.I liked the stringy cake which had cheese in it.It was interesting as it was quite savoury in taste as well as sweet.