榮式燒雞扒 (已結業)

係北角附近做完野，一支公食飯但係諗唔到食咩好，天氣熱胃口麻麻地就決定食d香口野，榮式都食過幾次都係食招牌燒鷄扒飯，今次就試下鹽酥鷄扒拉麵。十分鐘後有野食，分量ok，鷄扒炸得一般，ok脆但比較多油，唔算好香，反而拉麵幾好食，爽兼彈牙，食完飲埋野啱啱飽，$51算ok。

榮式已經唔係第一次食 北角分店就第一次黎每次都一定係食雞扒飯 呢次都唔例外！雞扒保持即叫即燒既做法 抵讚！出奇地飯既份量比其他分店既多 非常岩我呢個大胃王 之前每次食都要叫多飯 今次唔記得左 但今次份量岩岩好！可能下午茶時段 店內計埋我得四枱客 所以侍應態度都算好總結：食物水準保持一貫高水準 環境寛敞 服務質素可接受 有機會過黎呢邊都唔駛煩食咩野

今次係點左個雞扒撈檬同凍檸水外賣。事源屋企人落開北角食榮式， 順便買個外賣番黎。不嬲都覺得榮式既雞扒好食，以為佢外賣應該都唔會出事。首先本身屋企人係堂食要叫份外賣，場入面既WAITER 就話外賣唔關佢事，外賣要出番去落單。好當係你地舖頭規矩，都出番去收銀落單。問左好多次雞扒撈檬係咪可以外賣，因為無個汁好難食，都答可以外賣。結果屋企人拎到番屋企發現佢無比檬粉汁，亦無話可以係餐廳都落埋先走。筷子湯匙執左兩份。凍檸水無長匙羹可以篤檸檬都算，吸管都無。食咁多外賣都係第一次遇到有餐廳係咁做野。一次外賣經驗就只覺得堂食職員推卸責任，收銀有錢收有生意做就乜都得，包外賣戈個就求其搞執你要既野比你就算。以後就算食都堂食算數，外賣認真中伏了。完全食唔落乾曾曾既檬粉，唯一食得既係塊雞扒。BTW 雞扒真係唔錯的，怪就怪樓面做野撈搞啦。

上次買過一盒飯盒回家,覺得呢度既燒雞扒確係好食今次再買過黎食,有不少地方值得改善雞扒水準依舊,皮脆,帶蜜味亦有黑椒的香,肉質不鞋帶點軟,SIZE長身,更易放入口,但豬頸肉就一般,味道單調,略為乾身,肉汁亦欠缺.白飯加了甜豉油,亦有一些如榨菜之類既東西伴飯,以一個碟頭飯來講都算係十分豐富小食豆腐放了孜然粉,但除了孜然粉就無咸味,而且流出大量水份,口感古怪最要改善既係服務,所有人無禮貌,木口木面,又係有種有生意不怕無客既感覺,但係又唔係真係好旺我最不喜歡就是這樣仲有樣野係呢度既卡位勁迫,如果堂食我相信女士先坐到

同媽咪見經開北角見到..又咁岩肚餓就入去呢間試下..叫左榮式雞扒豆腐飯&雞同鴨講飯..叫左杯凍奶茶同熱奶茶!先講我食個個榮式雞扒豆腐飯..飯既份量超級多..雞扒其實味道都唔錯而且雞肉好滑..但豆腐好似唔太夠脆..杯凍奶茶其實我叫左少冰..但好似都仲係好多冰!至於雞同鴨講飯..我媽咪覺得好一般..雖然雞扒的確幾入味但鴨肉唔夠熱!而且佢杯熱奶茶都唔夠熱..可能係午市比較多人..有D趕住出單既感覺!而個環境就真係麻麻..唔算好坐亦唔夠乾淨!但價錢都幾抵..$46一個套餐仲要跟埋一杯凍熱飲!

晚餐時間，坐得背貼背，手連吃飯的動作也十分吃力，吃飯吃得比在麥記還辛苦。雞扒藕餅飯，雞扒比其他食評的稍微細小一點，皮下亦帶不少脂肪，是否太多單所以水準參差？慶幸雞扒煎得香囗，亦醃得入味，黑椒並沒有很辣，小朋友也沒問題。藕餅頗彈牙，帶有冬菇味，不過炸物比較熱氣。最大問題是飯，只是微微的帶溫，冬天吃不熱的飯，再配上冰的，兼且完全沒味道的椰菜，分已經扣掉一半。生意雖好，要維持下去，基本的緊記不可忽略。

今次有同事約我食午餐，佢特登早啲去攞位，我之前未試過午餐時間嚟食，因為太多人！ 今次見識到個場滿曬，我哋張枱都要比人撘枱，啲位好窄！坐得唔舒服，叫咗「榮式雞扒撈意粉」（$45），食物等10分鐘先到！賣相好靚，有兩塊雞扒，雞皮煎得香脆，醃得入味，帶少少黑椒微辣，雞肉唔會乾，意粉唔會軟淋淋，有咬口，幾好，有啲蔬菜碎，炸菜碎，熱拌撈埋豉油汁，好食！仲有粒車厘茄（切半），新鮮多汁！正！因為份量大，我只係食到一半，雞扒亦只食到一塊，所以要個盒打包走，侍應會提醒要收一蚊外賣盒錢，但要問兩個侍應先拎到個盒:第一個應完就走咗去！第二個先拎到 我知道好忙！就係唔想阻佢做生意，食完就走啫！不過侍應嘅態度唔係差嘅！

 相信呢間野好多人都試過,我就第1次,買個雞扒併蓮偶餅飯拎走由於好出名,但係我對佢無咩期望,因此覺得雞扒係1樣好易整得好食既野,食完一口雞扒發現我錯了如果我工人整到就唔洗咁灰.佢塊雞扒不算大塊,表皮係輕輕的脆身,充滿黑椒和蜜糖既烤味,這就是簡單得來又難整既燒烤感.肉質嫩不鞋,的確係名物反而蓮偶餅就一般,佢係混左豬肉章魚的蓮偶餅,輕輕煎過,味道很平凡,調味完全被普通肉餅比下去.下次再來可以試下併第2樣野難怪賣雞扒飯可以開5間分店

收工同幾個同事食飯，呢間平時午飯時段好旺場，要等好耐，晚巿較靜！所以我通常等晩上幫襯今晚亦都唔使等位，坐靠牆嘅六人枱，因為只有幾枱客，所以唔嘈，餐牌上食物以客飯為主，但我唔係太肚餓，叫咗：榮式燒雞扒拉麵或檬粉（$33），我加$6轉稻亭烏冬，食物好快到，一塊雞扒，雞皮煎得香脆，平時我唔食皮，今次都食埋雞扒帶少少黑椒，幾香，但無蓋過雞嘅味道，雞肉唔乾，亦唔韌，幾好！烏冬份量細雖然我唔餓，都覺得少得可憐，同餐牌上嘅「參考圖片」相去甚遠，幸好烏冬口感煙韌，好滑，但湯底完全係味精湯，食完好口渴！浪費咗啲好烏冬！湯內亦有少少蔬菜（粟米、椰菜、翠玉瓜）不過切到好細碎，食唔出有乜味！晚市無晚餐，唔包飲品，只可以加$14「升級優惠」變套餐，有飲品（特飲除外）或例湯，及一碟油菜，不過我見餐牌，普通熱飲$12，凍飲$14，呢個所謂「升級優惠」唔抵，只係同散叫差不多價錢，我一向只飲熱飲，即係$2多碟油菜，或凍飮送碟油菜，兩個同事有升級，其中一個想飮可樂，再要加多$2（共$16，可樂係特飲？）而油菜只有唐生菜一款重要勁細碟（可以同相片中嘅竹筷子對比下）地方尚算光猛乾淨，餐具用即棄筷子湯匙，店員態度正常，若是爆場

一直都未試過很出名的榮式燒雞扒!今天終於跟飯伴一起到來吃了!1. 榮式雞扒撈丁麵 - 第一次吃榮式雞扒, 那個皮整得很好吃呢! 而且那個疑似燒汁的醬汁也很好吃=) 可是醬汁比較吝嗇, 令到個撈丁比較乾。2. 雞扒蓮藕餅飯 - 飯伴之前已經吃過了, 他說雞扒依然很好吃, 皮脆肉嫩, 至於蓮藕餅也不俗, 不過還是單點雞扒最好。3. 通菜 - 這是跟餐送的菜, 沒有特別。

今日嘅戰鬥力真係好強勁!!! 10:30am 開始行科學館, 行埋歷史博物館, 竟然可以玩到4:30pm!!!想係尖東搵食, 週圍都過咗下午茶時間又未到晚飯時間, 激死... 唯有轉戰北角...之前見幾個朋友都讚「榮式燒雞扒」好食, 所以轉程o黎試一試... o黎到先5:30pm, 仲未開門, 要係北角遊蕩一陣...到咗6:00pm 終於有得食... 時間尚早, 餐廳內冇咩客人...o黎得呢度, 緊係要試吓佢嘅招牌菜「榮式燒雞扒」!!!榮式燒雞扒 拼 鱆魚蓮藕餅 -- 招牌菜即係招牌菜, 皮脆肉嫩多汁, 調味適中, 上枱時仲熱辣辣... 配埋香脆非常的藕餅, 外脆內軟, 好Juicy, 食咗一半都仲好熱辣辣, 味道啱啱好... 意粉同D豉油汁好夾...榮式燒雞扒 拼 腸仔 配 咖哩薯仔汁 -- 腸仔好鹹呀... 咖哩都算幾好味啦...個餐包埋靚湯, 仲送下火王老吉... 個湯都幾鹹...佢同歷史博物館入面間飲冰室一樣價錢, 但係味道就好好多, 而且環境同服務都好D, 快餐o黎講佢算有Heart, 一定要再o黎食多幾次先得啦啦啦~

年前已知的食店: 今次路經榮式不似佐敦分店咁細,而且正值午飯後市, 只見大多是附近教會中外人潮喜好粉麵多於米飯的我選擇撈檬, 是極之合適炎夏的美食果然名不虛傳 : 雞件皮脆肉滑帶微妙的酒香, 完全沒有冰雪味,雖然較為細小 , 仍然會說 :賣相可接受 (從未見過咁大jar檬粉汁, 算唔算大方或唔新鮮 ?!)反而咖啡唔掂 : 煲濃超苦而無奶香, 一試即放棄其他品種組合不多, 但地方寬敞招呼有禮, 在舊區尚算是一個休閒點

友人說突然很想吃便去試試..還是我的第一次吃....我叫了豆腐豬軟骨拉麵, 點解?無他,因為MENU 上有個手指公..好快,個拉麵就到了. 湯底是秘製醬油..本來有點期待...可惜好咸!......我好鍾意飲湯...所有杯麵,湯麵,湯飯的湯,我每次都會清光光....只有只有今次...沒有..豆腐是炸魚腐, 還可以豬軟骨, 肉鞋骨硬的.....不好吃友人點了招牌榮式雞扒撈丁..雞扒不錯,嫰滑, 忍不住吃了友人大半塊

暑假開始，又是當暑期工的日子。從前上課的時候找地方午膳並不是一件困難的事，因為上課時間彈性，往往會相約同學避開繁忙時間，甚至選一些午餐時間才上的課，下課便能直接到下午茶時間，既省錢又少人。當了暑假工才感受到打工仔的苦惱。午餐時份，四處也是人，單是找個餐廳進餐已是一個困難的事。不管好吃與否，每間店都是人頭湧湧的，光是找位置已耗了不少時間，結果只餘下半小時用餐，而且商業區的0價錢亦是偏昂貴。既然可以收這個價格，對它們的要求自然會提高。在這個月的搵食經歷來看，要找到些物有所值的地方，並不是一件容易的事。本次到達的是挺有名的<榮式燒雞扒>，聽同事說是有數間分店的。榮式，一個使人完全聯想不到是甚麼味道的名字，帶著好奇心來到這裡。店內的面積算是頗大，不過桌椅挺擠迫，坐了滿滿的人。幸運地還有一張六人大桌，與三兩人搭枱也算可以。店內的餐牌，被上面的兩句句子吸引，同事亦同時看到，兩人相視，然後無言....完全不知道這兩句的意義是甚麼，或許是我不懂的另類幽默。我點的是招牌榮式燒雞扒飯。賣相還真的有點失望，雖然看上雞扒是差不多能遮住白飯，但事實上是飯量偏少了。心想:或許是味道取勝呢。先咬一口

今日去開北角, 見到榮式燒雞扒有分店,因為之前係屯門分店食過, 超正, 對佢念念不忘, 唔使點諗就入左去...古怪的標語... 左睇右睇, 最後揀左雞扒加車厘茄肉醬飯, $41已跟埋飲品..如果榮式燒雞扒叫自己做燒雞扒專家, 我諗都無咩人會反對.. 佢D雞扒真係燒得幾好食, D雞油燒走哂, 所以食落唔會肥膩... 雞皮都燒得香脆! (呢個係我第一次幫襯既感覺) 不過今次好似有D失準, 我落完ORDER隔幾分鐘就黎到, 塊雞扒似係之前整好再返熱, 感覺比屯門分店的差 凍檸茶, 味道太淡, 檸檬得三片太少, 同埋太薄了, 比一般茶餐廳差