榮式燒雞扒 (已結業)

好耐之前喺灣仔食過榮式雞扒，覺得幾好味。早幾日經過北角，見到有榮式雞扒咁就去試吓啦，睇吓同灣仔有冇分別。我係午餐時段去，人唔算多，唔駛等位。榮式雞排撈丁麵 上碟嘅時候，包麻油就係就咁擺左喺啲麵上面，感覺上有少少唔衛生。個撈丁好乾身冇乜汁，但唔緊要啦，重點係雞扒。個雞扒都係灣仔嗰間一樣咁好食。唔知道佢用左啲咩調味料，有少少辣又好香口，雞肉肉質都好嫩，好味！蓮藕餅 食唔到有蓮藕，感覺整舊都係肉。以一舊煎炸嘅食物黎講，佢味道是ok的。但佢係一舊食唔到藕嘅藕餅。

中午去北角諗住搵朋友食飯, 點知被放飛機, 結果自己去佢公司附近既榮式燒雞扒食飯!12點入到去仲未太滿人, 所以都仲有位。坐低後, 睇左好耐餐牌都唔見有雞扒蓮藕餅飯, 之後問侍應先知叫做人藕天成。招牌飯果然唔同d! 上一次食已經係成年前屯門到食lu~~ 個飯一黎到, 望一望, 依然份量十足, 食完一淡, 味道無變, 仲係咁好食~ 雞扒唔會乾身, 不過雞皮會有d肥, 未必個個會食, 不過我就唔怕肥, 所以成舊連皮食到乾乾淨淨~蓮藕餅都夠哂味道, 皮唔會太厚, 而且都有2舊, 充滿誠意!以佢既質素同份量, 價錢亦十分合理! 始終係北角區食飯既價錢都會偏高, 所以想食性價比高既午餐, 呢間都好抵食!不過走果陣大約1點鬆d, 可能係食飯時間, 都已經坐爆哂! 所以想食就要早d去霸位啦!

講左咁耐終於食到榮式雞扒啦！今次都係同四位女同事，lunch time去搵食。去到榮式一定要叫雞扒同章魚藕餅，所以我就叫左個"雞藕天成"，既係雙拼。 今次去呢間北角間，令我有少少失望，個飯麻麻地！雞扒重點係個薑葱，但個薑葱唔係好夠味。 個藕餅就基本上係肉餅，無咩章魚同藕粒，不過就煎得幾香口，如果鐘意食香口肉餅既都不失為一個好選擇！ 總括，北角呢間分店就麻麻，下次都係去屯門食，好味d!

寫了這麽多篇食評，終於寫到本人最愛、視之為生命的雞料理。榮式雞排分店雖多，但不知為何總是錯過，今天終於襯午餐時間拜訪一下。1. 經典雞排撈丁 - 46元雞排溫度足夠，外脆內嫩，可惜雞排肉質不太理想。撈面的醬料不足，而且味道不夠濃。對撈面不大有興趣的朋友直接點雞飯便可。殺3人的雞藕天成飯不錯。2. 藕餅 - 30元藕餅以豬肉為主，口感尚可，不會太油膩。

今日放工時已經晚上七點半了，剛剛又在炮台山附近，忽然間想起北角地鐵站附近有一間【榮式燒雞扒】，決定在這裡開餐。對上一次食【榮式燒雞扒】，已經是七、八年前的事情了，當時只是有一間總店在灣仔晏頓街（現已結業），那時候已經有很多本飲食雜誌不停的介紹這小店，想不到現在已經開了五、六間分店，並入侵了澳門銀河娛樂城的美食廣場，甚至深圳羅湖城！但想清楚一下，老闆已經算是相當小心，當年沒有乘勢大事擴充，只是一間一間分店慢慢地陸續擴張，而且沒有選取旺區地舖，否則的話，可能逃不過金融海嘯這一劫，又或者近年的瘋狂加租潮。話說當年在晏頓街的總店，名字叫【膳食小廚】，仍記得當年雜誌介紹，這道馳名的榮式燒雞扒乃是由老闆的兒子所創，雖然採用的是急凍雞扒，但老闆仔為求雞肉更嫩滑，只用雞腿扒，不用雞胸；又細心挑走大部份筋肋、雞肥膏；再搥扁雞扒，然後用醃料醃制過夜，最後用坑紋鐵板煎香；所以特別入味、肉質既鬆軟又薄身，甚至有點仿似燒烤的焦燶效果，又沒有一般快餐店的雞扒飯那種肥滯肉厚的敝病，而且價錢與其他快餐店分別不大……就這樣，一件尋常的雞扒成為了招牌菜，老闆索性將小店名字也改為【榮式燒雞扒】。北角分店的面積相當大，但裝修

食物晚市點了榮式雞扒配蓮藕餅和榮式豬扒配讚歧烏冬。榮式雞扒配蓮藕餅的雞扒很香口，皮脆肉嫩，鹹中帶點甜，不過沒有雞味。藕餅很爽口，吃到絲絲蓮藕絲，但煎得稍為有點焦。榮式豬扒配讚歧烏冬，很欣賞店家用上讚歧烏冬作為材料，軟糯彈牙的口感的確無法以中國製烏冬蒙混過去，但榮式豬扒顯然是比雞扒失色得多，豬扒醃得不夠入味，還是帶有點雪味，亦不能吃出一絲絲的纖維。環境茶餐廳格局，位與位之間空間很闊，即使坐很多人私人空間仍很足夠，坐得舒服。衛生基本衛生做足，看到大陸客走後整檯面都是垃圾，不過很快就被侍應清潔好了。服務光顧當天不算很忙，只有幾檯大陸客在吃飯，所以下單、上菜、埋單等都可以接受。總結榮式燒雞扒由幾年前崛起到現在人流總是川流不息，其雞扒味道確實是不錯。不過若是要選的話，大坑店味道和服務會更好，不過人龍比北角更長更久，排之前請做好心理準備。

轉左工作地點，好耐都無機會食到榮式。難得今日過開黎呢邊做野，諗到唔駛諗，即刻黎呢到開餐！唔係好難食飯，叫左個雞扒藕餅撈丁。基本上呢個組合係我每次黎到必點既。速度依舊都係咁快，雞扒依舊都係咁好味。味道唔係好濃，但就做得好香。而佢Ｄ蔥油亦係另一重點。絕對有畫龍點睛既效果！今日一別，唔知又幾時先有機會食到你啦。。。

又到lunch time,今次想試下新野，同事就推薦呢間雞扒店，睇下餐牌， 選擇都几多，主要雞扒，咁我同同事就點左雞扒雞飯，等左几分鐘就有得食，份量適中首先佢都有几多薑蓉，所以有咸咸地有d怪，另外，佢雞皮面有炸過，所以都算香脆，扒面帶有少量黑椒，食落微微辣，唯一係因為煎扒，所以塊扒多油，同埋拎出黎d野已經唔熱，凍凍地，d扒應該預先煎好，所以食落口感有d凍左，最後侍應係我影餐牌時候，完全冇問過就收左我個餐牌，我好愕然，之後叫第二個侍應拎番俾我，收野又係問都唔問，總括，一般。

今晚晚飯佢都唔係話好多人，所以好快就有位，如果平時冇位或者好多人嘅話，就坐得冇咁舒服啦。來親我都淨係食佢嘅雞扒飯，40蚊內^_^，算係咁啦，不過我覺得佢份量唔係話好多，小弟就唔係話好夠飽啦。佢個雞扒煎得幾香，外皮係金黃色，都幾香脆，而且肉都幾嫩滑，不過不失啦，可以再好食啲嘅。

平時搭巴士經過港運城都見到此餐廳，因地點不太就腳，常緣慳一面，今晚終於可以試下。入到去當然要試下招牌雞扒飯，但因無dinner set, 服務員推介豬手雞扒飯。雞扒煎得幾香口，事先淹了香草及黑椒，非常入味，但雞扒稍薄，厚D就更好。豬手煮得好林好入味，又不太肥，正。奶茶都算香濃好有茶味，如用瓷杯盛載就更好。

榮式我一向都係去開佐敦或者係銅鑼灣，今次係北角附近，所以就嚟咗呢間！佐敦或者係銅鑼灣店平時一向都坐無虛席，但今次嚟北角店竟然有吉枱，感覺上已經有些奇怪，點知真係出事！嚟得榮式嘅朋友應該都知雞扒係一定要點的！所以我都冇點睇過個MENU就叫咗榮式雞扒併蓮藕餅飯！呢個幾乎係我每次都叫嘅野！而朋友就叫咗榮式雞扒併豆腐飯。叫咗都唔夠三分鐘就已經上咗枱，見到個樣都冇咩異樣！但感覺好似同一向食開有D唔同，平時好似一放落枱就會聞到雞扒香，但今次好似冇咩咁！雞扒同平時一樣將雞皮燒得很香脆，再加上秘製醬油嚟燒，所以顏色方面都好靚金金黃黃咁！雖然雞扒唔算好厚身，但就好大塊！咁反而仲好，雞扒可以吸收晒醬油嘅味道，而且仲好Juicy！呢度嘅蓮藕餅一直都係我嘅至愛，有鱆魚（即八瓜魚）所以十分惹味，半肥瘦既豬肉，卻不膩！之後同朋友用一件蓮藕餅交換咗2件豆腐，哈哈！豆腐都好入味，完全吸收哂醬油嘅味！其實味道上係可以的，但是覺得個飯同雞扒都唔夠熱，平時上枱時D飯同雞扒總係熱辣辣的，而且會有燒雞扒的香味！但今次嚟到北角店就真係強差人意！唔夠熱辣辣同香噴噴！

HAPPY FRIDAY. 同事提議黎呢到試下，就跟大隊過黎啦。12點9左右黎到，等位等左唔洗5分鐘就有位啦。其實呢到出名既係雞藕飯，但係我仍係想試個雞扒魚柳意粉。雞扒薄身大大件， 煎得香囗，雞肉好滑，多汁帶黑椒味，應該係即叫即整既，至於件魚柳就比較油，意粉份量方面就比較多，下圖既意粉已經係叫左少意粉，可惜都食唔晒。

第二次到店，試試雞扒以外的其他選擇：豬扒拉面。豬扒只得一塊，細過手掌，薄如豬肉乾。張單仲寫明(一塊)，真係有點孤寒… 點解menu又無寫呢？一上枱已經覺得中伏鳥…拉面係普通梘水拉麵，豬扒雖然味道不錯，但略嫌乾硬。

屢次經過都想要試試看，招牌很吸引人進去，但是一進去後，擺明系茶餐廳格局……放假終於可以去試試看，卻很是失望，試了招牌式雞扒，但是雞扒薄得來無味，雞翼好老，似隔夜……飯也不香，很散……在臥虎藏龍的北角，好似茶餐廳都好得多，這個價格，真係不抵食，也不好吃@_@

☺榮式燒雞扒☺😊地址:北角英皇道485號地下 ☺☺雞藕天成$46雞扒薄身但大份 肉質嫩口多汁 配埋黑椒既味 傳說中既皮脆肉嫩 藕餅個色就好似燶咁 但你咁諗就錯錯錯！！藕餅一咬就有魷魚粒配上豬肉 簡直就係海鮮藕餅^^ 香脆既藕餅 熱烘烘油炸既雞扒就係唔差 配上醬油既飯 味道好夾^^ 裝飾既菜就真係一般般^^評分：7.5/10