榮式燒雞扒 (已搬遷) 新店位置

又係假期的時候，又係尋找美食的美好時光😊。四點幾去到榮式雞扒，本來想叫雞扒豬頸肉飯，但冇左。於是就叫左雞扒雞翼飯同埋雞扒腸仔飯。呢度主打雞扒，所以雞扒係必叫既我覺得😂。佢既雞扒係比較薄，就連皮都超薄，薄到就來見唔到啲皮咁滯👍🏻。雖然望落去有少少油，但就算食兩塊都唔覺得滯。由佢既賣相就睇得出佢燒得岩岩好，唔會燶👍🏻👍🏻，好味。雞翼係滷水的，都幾入味。至於腸仔就係廚師腸兩條😂，冇咩特別可言。

晚餐叫左個雞扒烏冬，份量小，雞扒縮水，個湯好咸，用嘅碗、餐具全部即棄，好唔環保🙂😥真心食得好唔開心，好失望。。。唔會有下次。好肚餓嘅唔好期望可以飽住走😥😥

今次嚟到銅鑼灣榮式燒雞扒專門店食個晚飯，本人對雞扒果真一般般，沒不太喜好，反而對鱆魚蓮藕餅就興趣較大。我在餐牌上看到餐廳推介，梗係要order嚟食吓啦～還有在餐牌上推薦的淮山麵，睇落好似好健康，試試都不防，睇吓咩味道先。好啦～我叫了鱆魚蓮藕餅淮山麵配我愛的青檸梳打，等待了5分鐘就上擡了。單睇鱆魚蓮藕餅有點乾，都唔似餐牌圖案的質感，咬落就感失望，真係好乾而且食唔到鱆魚味，感覺好麻麻。淮山麵比較清，而且煮到好淋身，味道也很一般。可能真是燒雞扒比較出色，或者有機會下次想食雞扒時再次幫襯吧～但暫時也還沒這個衝動同想法。

榮式雞扒出名大份好味，果然名不虛傳！聽聞lunch time有排等，晚市好彩唔駛等就可以入！最classic既係2塊雞扒，肉質juicy，外表亦烤到有少少脆！我就點左雞扒+雞翼飯，不過雞翼就咸左少少啦～另外加左個娃娃菜加埋野飲都只係129$，好抵！舖細細，食完就埋單走人～

榮式雞扒聽就聽得多，但從來無食過今日去開銅鑼灣，朋友提議食榮式，我即刻支持，貪佢門口泊到車😂我叫左雞同鴨講雞肉藕餅撈檬鰻魚雞扒飯好多飯，好大碗咁多款餸我覺得雞扒同藕餅最好味雞扒好大塊，味道質地都幾好唔會太油或者太乾雞肉藕餅幾特別雞肉同年藕嘅比例幾好，而且炸得好香最鐘意係可以自己加蔥同菜圃成件事即刻豐富左好多，碗飯亦都更惹味之後仲加左小食同飲品小食就差左啲，又濕又油，隻雞翼又乾絕對唔建議叫小食叫完第一杯凍啡（右邊），覺得幾好味，所以叫多杯點知第二杯（左邊）用個外賣杯上，細杯左好多，佢話無哂杯，但事先又無同我地講聲但整體黎講，碗飯係好味抵食滿足嘅喺銅鑼灣要搵50蚊大大碗飯，門口又泊到車嘅地方好難所以係會再黎食飯的

因為外買員工的惡劣服務，而停了叫外賣一段時間了，今日又再試吓跟同事一齊叫吓，服務似乎無咩改善，今次好遲d外賣先送到，但食品質量就唔錯，飯量適中，而且少甜的奶茶亦真有少甜。

因為工作關係，越來越多叫外賣了，今次大顆兒一齊叫呢間，其實，味道好唔錯，飯量又剛剛好，不多不少，價錢亦好合理，可惜，外務服務好一般，外賣送到公司時，比錢的同事受到不太禮貌的待遇，暫時我應該唔會再叫呢間嘅外賣了

今日lunch 去左食榮式燒雞扒，之前試過叫外賣，都未試過堂食，今日見門口唔多人等，就去食啦~係門口等果陣姐姐已經會幫你落單，我揀左雞扒肉躁飯，配左凍奶茶。入座之後完來鋪入邊好細，所以都要搭枱。好快就已經有得食~但堂食都係用木筷子同膠羹，好唔環保同應覺唔係咁好，因為碗大，羹軟，好難“不”。 雞扒肉躁飯的肉躁唔係台式的，賣相黑左D，同埋得好少肉，加埋有少少薑味，我個人唔太鍾意。主菜雞扒係Juicy 的，燒得有點脆，但唔知點解我覺得酸酸地。Set Lunch 包野飲，凍飲唔加錢，$51, 依區都叫抵食。

《榮式》的燒雞扒，曾經令灣仔的打工仔瘋狂一時。當初在蘭杜街及晏頓街的兩間小店，日日都有一條很長的人龍，全店客人幾乎清一色的食他們的雞扒餐。之後分店越開越多，除了一些山長水又遠的分店之外，他們依然保持到好味道。是日，來到《榮式》的銅鑼灣分店門前，心中突然有個癮想去回味一下這一個曾經被喻為傳奇的雞扒，我再望一望門牌，原來已經易名為《榮式食堂》。 名字上有轉變，實際上仍然是《榮式燒雞扒》，令人充滿記憶的搞鬼食物名稱，沒有改變過。說真，地方也沒有改變過，依然是要又迫又夾地用餐。 他們的招牌之一，雞藕天成。就是 "榮式燒雞扒" 加 "藕餅"。雞扒一樣的，是蜜糖雞扒加少許黑椒，雞皮依然是用力扯到盡，再煎出香脆的感覺。藕餅的肉藕比例很平均，分佈也很平均，算是保持到水準。可是，成碟飯的配角就失色了，以前的蔥油是很香口的，是日的蔥油就只有一個油字，我聞不出，亦吃不出有香味，而豉油更是令我失望，原全失去了以往極甜豉油的味道。單是豉油這一 part，已經要扣好多分。 是日我選擇了咸檸梳打做飲品。用上了泰國的梳打水，咸檸味同梳打水是很夾的，微微的咸香，夠凍又夠滋潤，我喜歡。 多年沒來，但我不可以再說沒有改變，

唔知由幾時開始，連堂食都變曬即棄餐具..雖然明白咁樣會更方便，但真係好唔環保.榮式陳幾可時係好好食既，但今時唔同往日，D食物質素已經跌左好幾班，連最basic既飯都煮得唔好，又硬又乾，不知所謂.....藕餅由從前既煎藕餅，變左炸藕蓉...一d蓮藕既口感同味道都食唔出...就剩返只有雞排還好，不過都係太油，食到咁上下就好流....又一間要blacklist 既餐廳....控制唔到質素好心就唔好搞連鎖啦

榮式雞扒已經開咗好多間分店，間間分店都二快靚正為名，今次再去到銅鑼灣分店，榮式雞扒嘅天成依然係我自愛。天藕佳成即係蓮藕餅加榮式雞扒，蓮藕加豬肉再炸成蓮藕餅，入口香脆，但味道偏咸。榮式雞扒雞好嫩滑，肉入味，皮煎香，送飯一流！咁多年黎由三十幾蚊食到而家要$51(包飲料），水準如一。

今日到場點了7個餐、由13:09等到13:40先齊哂！30分鐘全程不停見到外賣，完全沒有堂食既人有飯食！會唔會太在意外賣呢、好似轉左型甘！以前不用5分鐘就有飯到！今次真係好失望、lunch時間不會再光顧了！食物方面除了雞扒還可以保持水準，藕餅好乾可能太心急，全部都炸到好乾！另外，餐廳裝修後，走廊太窄、被職員姐姐撞了數次！

以前在北角返工時常與同事食榮式，大大碟，香蔥油和炸菜粒都是賣點。今天因事要往銅鑼灣的另一邊而專程買外賣回家吃。（我說另一邊，是因為近保良局的這一邊並不是慣常出沒的銅鑼灣）多年無幫襯，雞扒併蓮藕餅現在的售價是$51，外賣要加$1。店員已細心在外賣的飯內加了蔥油和炸菜，外賣的美味不變，但感覺上飯的份量較堂食少，雖然明知多肉少菜的一餐不太健康，但這裡的煎雞扒真的味美，不過我更要讚的是這裡的煎蓮藕餅，香口，混了在免治豬肉内的蓮藕切得很細粒，我覺得比招牌雞扒更出色，而名字「雞藕天成」也很搞鬼。

未響鰂魚涌番工之前，從來都未聽過榮式雞扒，直至同事帶我去食，變左我地中午既飯堂，轉左工之後，好耐冇食，見銅鑼灣有，所以就去左食晏。平時十二點鐘，呢條街啲餐廳都都多人，因為好多學生，但可能佢地放假，今次黎唔洗排隊。叫左我最鐘意既雞藕天成飯，有一塊雞扒，兩塊蓮藕餅，側面有啲椰菜同菜莆撈飯。雞扒保持一貫水準，雞皮煎得脆脆的，雞肉嫩滑多汁。蓮藕餅非常可口，中間有馬碲粒。菜莆惹味，送飯岩曬。連埋飲品$51。

找店中，看見丹麥屋轉入橫街後，直行到最入最尾，便到了！好少會行到咁入咁找東西吃。好逼好逼，就算瘦人坐係度都唔郁得，一郁都會一係比人（出入的食客和不停走來走去的侍應）撞，一係撞到人，跌東西落地下真係好難執到。這是一間超細的食店，但有數部閉路電視監察住，午飯時段滿座，這樣屈在一個正方形盒吃飯（仲要俾身前的袋子頂住，身後又比走來走去的人撞著）超級不自在不舒服。估唔到有餐廳這樣像籠屋。價錢合理啊！但真係好逼。點了兩個午餐，包飲品。雞藕天成飯，配熱咸檸蜜 $51雞扒：雞肉的質素不錯，但調味一般。整體感覺是一塊煮得一般的好雞扒。蓮藕餅：炸得好，不會乾，好味！比一般水準高。配菜有特色，看似吸引，但味道冇特別，不覺好味。飯的質素：看得出米的質素不錯，但煮得太乾了，乾淨淨難以吃下。熱咸檸蜜：超級有驚喜！感覺非常新鮮的咸檸檬，好濃，好好味！雞扒肉燥飯，配熱奶茶 $51肉燥：一般。ok啦～總結，這間食店食物質素不錯，但不至於好好吃。地方太細太逼，不適宜細路。想了又想，最適宜曖昧中的情侶，入來親密地shoulder to shoulder 坐底食飯吧～