榮式燒雞扒 (已搬遷) 新店位置

Lunch time 唔知食乜好，諗諗下不如去食下好耐都無食過嘅榮式雞扒。未夠一點去到，當然要排隊啦！基本上次次linch 去食都要排隊,排左十五分鐘左右就有位。黎到當然要食雞扒撈丁啦。雞扒依然嫩滑，出面個炸皮好香脆，仲要即炸起熱辣辣。當然食完滿有罪惡感，因為真係好肥。當然，過一排應該又會再來。

經朋友推薦終於黎左試榮式雞扒今次我叫左榮式雞扒撈丁唔好睇佢好似細細份其實都好大碗同好多呢個要俾一個大讚招牌榮式雞扒都算幾大塊佢地啲雞扒好入味再撈埋啲獨家蔥油加上小小配菜令整個麵都更加野味另外蔥油可以另外添加仲俾左一大碗咁多一啲都唔慳料 正👍🏻美中不足係地方係過油

出親銅鑼灣食嘢都勁貴，唯獨加路連山道有幾間店既價錢比較親民，性價比性相當高，其中一間就係榮式燒雞扒啦！次次lunch time去食都勁多人排隊，之前個排裝修無左佢真係搞唔掂，今次我哋三個人去食，兩個叫咗蓮藕餅配稻庭烏冬，另一個叫左榮式雞扒撈丁🍜蓮藕餅配稻庭烏冬感覺上比較岩女仔食，通常女仔lunch time都好少食飯，啲人話食完飯會飯氣攻心恰眼訓，又好似真係食飯先會咁，食粉類食物感覺上冇咁heavy。而蓮藕餅真係次次黎都必嗌嘅食物，有啲爽口又有少少咬口，入面仲有細細粒嘅蓮藕碎，好有口感，只係略嫌有啲油膩～🍝榮式雞扒撈丁，個名叫得榮式都知道係招牌菜！佢嘅雞排真係好好食，一啲都唔韌、好爽口、亦都幾嫩，而且好夠味，十分推介俾各位朋友！🤤呢間榮式個地點都好方便，揸車既朋友可以就咁泊一泊係個條街

繼續銅鑼灣尋找滋味午餐。榮式雞扒裝修了一段時間，重開後當然要繼續光顧。新裝其實沒太大分別，座位還是蠻擠逼的。點了個榮式雞扒（$50）配稻庭烏冬，湯上。附送凍奶茶（+$0）賣相挺一般的雞扒的味道不變！還是好吃！而且大小也沒變！至於烏冬，說是稻庭的，就稻庭，沒有偷龍轉鳳換成了普通烏冬，只是感覺份量方面，比以前少了一點。而湯底也是令我吃驚的。以前吃烏冬，我會連湯也喝不少，現在是轉了湯底吧，只有黑胡椒及蒜蓉的味道。總結：湯烏冬失色了，但雞扒不變，可考慮飯餐。

好鐘意食榮式雞扒個雞扒 咁岩係灣仔收工 咁就特登走去食個雞扒先 今日叫左個鹽酥雞扒飯 炸得黎又幾好食wor好鐘意佢個雞扒夠鹽 哈哈 飯都好多一個食完係會覺得好飽 坐位方面會比較迫 地方唔算大

其實銅鑼灣真係好多野食😂要細心啲搵下總會搵到好多好野食😊今次同朋友帶我搵食～食到呢間榮式雞扒飯😍原來都幾出名架！👉🏿✨雞扒手羽飯 Hkd 46 💸📌手羽飯姐係雞翼，佢啲雞翼腌到好入味😍雖然有啲咸過頭～但撈埋飯食就岩岩好：）佢既雞扒完全出乎想像！就咁睇好似平平冇奇，但一咬佢啲皮就超級脆！👍🏿但睇落又唔覺，真係好驚喜架！唔係脆雞個啲熱氣皮，而且薄薄既脆皮，更加驚喜同好食呀🤤👉🏿✨雞藕天成 Hkd 46 💸📌入面有一塊雞扒，兩隻藕餅！佢啲藕餅入面用左章魚同加埋連藕，又係好特別好好食😍出面搵唔到既味道～更特別每碗飯都有辣菜脯同蔥，撈埋一齊食有種食緊燒味飯但又好惹味👍🏿👍🏿

黎到銅鑼灣，點可以唔試下榮式雞扒飯，呢度無論幾多點都仲係咁多人，但好彩食物好快就到，員工仲好貼心地未有位先落單，雖然位係窄啲，但有好野食就唔緊要啦叫咗一個咖喱燒雞扒飯，先講主角雞扒，主角中嘅主角雞皮！燒到bob bob脆，好香口，至於雞肉就非常嫰滑。至於咖哩反而一般，可能只係陪襯，下次再食一定叫2塊雞扒先夠

平時搭車成日都見到榮式燒雞扒0既店,今次機緣巧合之下就入左黎試下喇~去食果日係星期日, 本想係想去隔幾個舖位果間餐廳但係星期日居然吾開.....所以熱辣辣又肚餓0既因素下就入左去榮式燒扒反正都想試~由於係假日又過左lunch time,所以一入去就有位但坐位都係好港式迫迫夾夾果隻好彩人少, 吾係坐得仲辛苦天氣太熱0既關係...吾想食飯 (雖然雞扒同飯應是perfect match)最後選了烏冬烏冬同雞扒又出奇地夾雞扒真的超好吃有時出街食雞會有少少好似soso地0既味果度一d都沒有多汁吾乾烏冬同個汁都好夾最後全部食曬~

整整下野已經三點。。餓屎我了。。即該衝去附近買野食醫肚！！呢間榮式已經食過好幾次，望左餐牌一分鐘最後都係決定食返佢地ge招牌菜 - 燒雞扒，再搭個烏冬。等左5分鐘都唔夠外賣就ready了。拎到返去仲熱辣辣，即刻開餐～由於餓得濟，食左差唔多尾聲先記得影相。。雞扒好正！食落去唔覺油林林，味道岩岩好，烏冬夠彈牙，仲俾左好多芽菜同香蔥。因為天氣太熱，最後我決定唔落佢個湯，改用芝麻醬撈黎食，好正！唯一ge缺點係佢俾錯杯檸水我，我叫青檸水的。。杯檸水對我黎講甜左d。。

下次我們叫了兩碗雞扒烏冬，黎到之後嚇了一跳，碗內只得半個烏冬，根本吃不飽，店長拒絕更換改轉飯或加適量烏冬，我們食完出嚟之後，好像沒有食過嘢，我們決定不會再去，這碗烏冬連我們女子都食不飽，最過份是我們已提出要求，這位女店長完全沒有理會

銅鑼灣食咩都貴。榮式唔係開喺大街, 所以價錢都算親民。加上都有唔少人話佢好食,所以就同阿媽去食。一入去先知座位好迫...我哋被安排到近窗角落位,但因為路太窄, 要打個大U字先入到去...近窗位一直有熱氣傳入,加上冷氣不足, 我哋都唔敢叫湯粉食午市套餐選擇多, 配凍飲都唔加錢鹽酥雞扒撈檬配凍檸茶 $46榮式雞扒撈檬配凍青檸水(少甜) $44我比較鍾意榮式雞扒嘅調味, 少少蜜糖味, 雞皮邊位焦糖化脆脆地。可惜嘅係雞扒因為開半比較薄, 所以燒得太乾。未至於燒焦同韌, 但雞扒已經冇乜肉汁。再諗一諗,其實只係比kfc燒雞新鮮少少。鹽酥雞係幾脆, 但冇驚喜。肉都唔及茶木多汁。撈檬嘅配料本身帶鹹, 味道唔錯,但就冇越式檬粉嘅香葉, 洋蔥味。整體嚟講係好食,但有點兒過譽喇...至於青檸水係見平時冇得叫先揀。味道真係一般。青檸篤唔出味。好淡...但都唔係餐廳問題, 只係本身就係冇檸水咁出味...雖然喺銅鑼灣呢個價算高質但枱好窄,店好熱,真係坐得唔舒服而且有兩位客似係遊客/食評家, 個侍應阿姨就同新仔講你比錯嘢食喇,我落單清楚啲然後拎咗啲特製嘢食加小食比佢哋一直落足嘴頭比熟客優惠我唔mind,但喺間要搭枱

已有好一陣子沒到過榮式了，難得這天在附近工作，當然要過來跟它聚舊吧(嘿)榮式雞扒飯.每次點單我都會請他們為我把煎雞扒要煎得燶點。香脆的雞皮和嫩滑的雞腿肉，再配上滷水汁和蔥油。不得了，簡直是令人無法抗拒的邪惡食物(!!!) 只有是榮式，每次我都能把整塊雞皮和吃掉整碟飯，而不會感到半點內疚。所以嘛肥肉就是這樣得來的(...).雖然雞扒飯本身已經附有少量的蔥油，但「蔥怪」是不會嫌多的。(嘿)每次我都會請店員為我再加額外的蔥油。每每看到一大碗蔥油在我眼前，總是有種無法言喻的滿足感。

adding this #chickenrice 🍛 on the list for a while but never has a chance to try it until the #revisionweek 🤣 😋 #panfriedchicken over #crispychicken and both of them are in huge pieces and juicy 😋 plus both served with #oniongarlic #greenonion #soysauce which gave the best pairing to the #whiterice and this combination tastes even better than the Taiwanese meaty sauce 😑#friedsquid is comparatively skinny and dried 😋#meatpatty is juicy and mixed with crunchy #lotus 😋9/10 huge portion and good for

好失望既一次榮式星期五晏就 同朋友兩個人係銅鑼灣附近 就近近地去左食好耐無食既榮式雞扒個日一點去到 都有幾個位 心諗竟然有位？以前食 一點個陣排到癲架喎店員就係門口俾左個餐牌我地 叫我地簡左食咩先 甘我地簡左個雞扒撈烏冬同埋藕餅湯烏冬一黎到 真係嘩一聲 個撈烏冬小到個份量仲小過印尼撈面😳😳😳喊出黎而且比起以前既雞扒份量 起碼細左1/3以上(朋友個碗唔記得影😭🙇🏻‍♀)到湯烏冬 個湯淡到好似水甘 份量都好小女仔食完都唔飽😣😣😣講真五十蚊一個午餐真係唔係平但係竟然食D甘既野服務方面 D店員好有效率 收野收得好快 一有空碟空碗 三十秒內就收左 想趕人走甘😵建議要試既朋友都係食翻飯會穩陣D

成日見榮記個招牌，又成日聽人講好食，但始終未去試，今次因爲有朋友係澳門過黎食餐飯，就揀呢間試下，都排左成30分鐘有多，點知，排到冇哂人排，最後一枱先比我地，好明顯係漏左我地。餐牌榮式雞扒併豬頸肉撈丁 $56本身點榮式雞扒併豆腐，但豆腐賣哂，連飯都煲唔切同樣賣哂😱，於是店員話不如併豬頸肉同要撈丁，餐廳上冇呢個款式，唔知幾錢，點知收左原來咁鬼貴！呢塊燒雞扒確係入哂味，皮微焦脆，肉質非常嫩滑吃不岀雪藏味，油份適中，但豬頸肉就冇乜特別，下次再黎會只點雞扒