榮熙茶餐廳

营业中

休息中

叫左個燒春雞意粉+牛扒腸仔意粉,每SET都有餐湯+炸蝦沙律+餐飲,$60蚊黎講有咁多野其實都算抵食雖然餐湯夠大碗但太杰同過咸, 餐飲叫左凍可力又過甜,要等D冰溶到咁上下先好飲D,唔怪得一路食側邊其他食客叫餐飲都有叫小甜

其實E間都唔係第一次尼，之前都尼過一兩次，覺得佢幾好食，都幾抵，所以先再食佢。今日帶埋朋友尼試，之前次次都係食佢的每日指定套餐，今次我就食其他，係果D無時無刻都有得食果D整體性價比都唔錯嫁我就叫左日式炸雞照燒汁雞扒定食，送野飲，都係$40幾，幾抵首先擺設好靚，用定食盒雖然份量唔係超級多，但都夠飽炸雞兩件，好夠脆；雞扒都幾厚身照燒汁唔同日本果D杰杰地的，應該係自己煮的汁，都幾好味D汁會流落飯到，所以D飯都好惹味

今次係第二次食，佢餐廳都幾大，上菜又快，坐得好舒服，唔會好迫上次就食左星期工的餐，焗豬扒飯，因為食過番尋味，所以再尼過今日星期二就食左星期二的餐我食咖哩牛腩飯，唔好見佢細細碗，其實佢份量都好多，再配埋一大碗飯，食完真係會好飽牛腩，好林好入味，又大舊，大約有6-7件，好滿足薯仔好林好多，吸晒咖哩味，仲有5大舊另外仲有紅蘿蔔，同一個西蘭花.....再加埋佢D汁，撈飯一流嫁個白飯真係好大，如何大家驚食唔晒可以叫少飯個lunch$40幾$50幾都幾抵食

初六，來到大角咀才發現，想去冰室初七啟市。來到最近又有營業的榮熙茶餐廳。早餐供應至11:30。叉燒意粉改米粉，配火腿奄列和多士。大火多士跟其他無異。蛋一點蛋香都沒有，又薄又乾。麵包零香味，幸好沒有走牛油。米粉質地還好，不會太稔。閃著綠茶的叉燒都幾難食，厚，嚡，乾，淡而無味。上網查一查，除了微生物污染之外，肉類的礦物質也可以使其呈現綠色。全個早餐唯一滿意，是維記鮮奶。服務態度亦差，新一年笑一下這麼難？

今日嚟咗呢間係朋友介紹好食嘅餐廳咁我就係食星期三menu入面嘅芝士焗豬扒飯，係出奇地好味嘅。雖然得一塊豬扒，但佢係好大塊，好厚 佢上面就會淋咗勁多番茄汁同芝士 芝士係好香，好味嘅，仲有少少溶溶地。飯係炒底，所以好香，份量好多。自己都食唔晒佢醉咗係蕃茄汁咗位有一粒粒嘅番茄可以咬下，另外仲有少量嘅洋蔥同埋佢個飯都抵嘅，因為$40幾配埋嘢飲我哋去嘅時候都算多人但係佢出嘢食都幾快我哋又入去到走嘅成個過程都係半個鐘

大角咀大同新村嗰附近呀真係超多嘢食。 呢間榮熙茶餐廳似乎出名奶茶, 啱曬我啦。不過期望過高失望嘅機會就越大。究竟佢哋嘅「金奶茶」過唔過到我把口呢?星期日嘅下午茶時段, 客人比較疏落。呢度食下午茶選擇非常多, 餐牌都睇咗好一段時間, 先決定到食乜, 因為樣樣都好似好好食。<瑞士豬扒撈一丁麵> 顏色唔會太黑, 味道唔會太濃, 啱我口味。 豬扒亦唔錯。<鮮茄汁焗豬扒飯> 佢嘅鮮茄汁唔會太過酸, 番茄及豬扒都新鮮好味。炒飯底亦ok。<凍奶茶> 麻麻地, 啲檸檬薄到好似紙咁薄。 茶色比較混濁。<熱奶茶> 其實……ok囉。但冇特別喎。配唔上「金奶茶」呢三個字囉。誤導咗少少。

平時諗唔到食乜都會落嚟下午茶。榮熙勝在平靚正，選擇夠多。下午茶大約30幾蚊左右，今次食茄蛋飯就$40連飲品。碟頭飯最緊要料多，番茄牛肉都好足料，味道不過不失。最緊要係餐廳冇乜人，坐得夠舒服

鮮茄焗豬扒飯 外賣11:12am落單 , 11:32am到達好有效率啊 咁涷天氣都Keep到溫度 炒座飯香口 係靚米 !能夠用隻膠匙界得開嘅豬扒好林 新鮮 無雪藏味 份糧滿意 $55/@ 如果細食的人可以一盒share ~~

入冬以后就开始煲仔饭之路，公司附近的大快活一直是我常光顾的地方，后来去了油麻地四季，比较失望。本周末在家附近逛的时候，居然找到一家性价比极高的煲仔饭-荣熙茶餐厅（大角咀大全街35-37号地舖）。从味道，用料，服务，环境，价格以及地理位置（离家近）胜过四季10倍，香港茶餐厅一般很忙，这里伙计同样动作很快，却还会关心我们不要被煲仔烫到，心好暖☺️。还能用支付宝。我心心念的“大快活”在这家面前逊色了许多。

行經大角咀，突然想食熱辣辣鐵板什扒餐，呢間都唔錯，裝修企理，茶餐廳格局，價錢 $68.- 鐵板餐非常合理吧，加湯加飲品，咖啡要附上 $10.- 有得客人選擇亦是好事，鐵板上檯熱辣辣，肉類款式及質地都算對板，唯一我九點零入去，食到一半，老闆見無乜客就關上冷氣，攪到鬼咁熱，差點吧。。。

今日經過大角咀呢間餐聽見到有扒餐食, 仲要非常抵食, 一於入去試下, 哈哈, 好攪笑我同朋友都叫同一個餐, 因為見到真係好抵食, 無理由唔食架 – 鐵板特級西冷牛扒餐$68, +$10仲可以轉套餐.餐湯我地選左中湯, 牛扒叫左7成, 嘩….一上枱個D”炸炸聲”好勁, 呢D先叫正, 出面有D無料到架, 仲要配左香脆炸薯角, 大大條, 仲熱辣辣TIM, 剛剛炸起, 正. 仲有牛油粟米, 時菜. 講返牛扒先, 哈哈, 唔鞋, 肉汁豐富, 份量都唔少, 真係堅抵食, 我地仲配左意粉, 哈哈, 真係抵食到暈呀, 仲有餐飲TIM. 

離港數天過後，已經有點懷念香港的茶餐廳風味，第一頓在香港吃的茶餐廳午餐，就在這間「榮熙茶餐廳」。餐廳環境一般，與其他港式茶餐廳無異，餐牌中的食品款式也與其他港式茶餐廳大同小異，總有一款會啱客人的口味。我吃的是「秘製蔥油雞飯」，連餐湯與飲品，盛惠 $48。當然，我喝的是凍飲，就要另加2元。餐湯是「港式番茄湯」，味道尚可。主角的「秘製蔥油雞飯」，雞頗多，白飯多汁，蔥與油早已淋在雞肉之上，味道過得去，但就算不上是甚麼特別的美食，加杯大大杯的走甜「凍檸水」，一餐小別後的港式茶餐廳午餐，就是這樣。

去到大角咀做野，放工當然要立既醫肚。這區有好多食肆，但我最愛去茶餐廳，快靚正。我們撞手神找來一間茶餐廳。餐廳裡面好乾淨，感覺不錯，而且座位寬敞，坐得都好舒服。餐牌上的食物種類有好多，所以不愁沒有啱胃口的食物。越式雞扒香葉辣椒肉碎炒飯$68好大碟的炒飯，飯量好多。飯炒到粒粒分明，而且個粒飯到有味，好香香葉和辣椒，但食落又不辣。雞扒好大磈！所以好物有所值。芝士焗海鮮飯$68同樣份量好多，食完一定飽肚！白汁香濃，芝味濃郁。有好多海鮮，魷魚爽口彈牙，魚磈嫩滑，裡面還有蟹柳，認真不錯。西蘭花炒帶子$88想食菜，所以點了個小菜。這個菜可以加$10轉餐，會有白飯和湯。西蘭花好翠綠新鮮，最欣賞它裡面完全不欺場，一碟有許多帶子。帶子大大粒，肉質鮮嫩！這間餐廳的質素不錯，價錢大眾化，以茶餐廳來說可以番戟。

今日要去大角咀拎啲嘢俾婆婆，做完「信差」，婆婆話好耐冇見我，想同我一齊食飯，咁我梗係要做下孝順女啦！婆婆身體唔好，所以我哋只係係屋企樓下隨便搵間茶餐廳食晚飯。呢間茶餐廳門面簡潔，感覺唔錯！而且餐牌嘅食物選擇好多，有中有西，應該我哋兩個都會啱食，所以就揀咗呢間。我叫左一個鐵板恐龍雜扒（$68），加＄10會配餐湯同埋一杯野飲。本身我覺得有啲奇怪，因為一般嘅茶餐廳雜扒餐都會跟飯或者意粉，呢間餐廳冇，但係當過雜扒餐上檯就完全明白點解，塊塊都好大塊，連薯角同埋粟米都好巨型，難怪叫做恐龍雜扒！另外婆婆叫了一個日式鰻魚蛋包飯（$75），鰻魚好大塊，配埋個汁好好食其中一杯餐飲加$8轉紅豆冰，超好飲，好多紅豆，正食物黎講，呢間茶餐廳絕對出色過一般茶記，而且選擇好多，下次黎搵婆婆會試埋佢地嘅小菜！

好羨慕大角咀啲街坊，有這間平民餐廳😍食物美味濃郁令人食到心郁郁，真喺能稱之為 平。。𡃁。。正。。👍🏻👍🏻係九龍區，幾多鋪頭開天殺價也味道難食，在此，有小炒，有鐵板，有焗飯，有海南雞