榮熙茶餐廳

营业中

休息中

當每次有好多野做，又或者唔多時間食飯o既時候，都會即刻諗起食茶餐廳，貪佢夠快靚正，選擇又多，今晚我地再次無咩時間食晚飯，係大角咀行行下見佢門面幾靚就入去試下啦呢間茶餐廳比起一般o既算係寬敞，枱與枱之間唔會近到移一移張櫈都撞到人 茶餐廳食物選擇就不嬲都多ga la，呢度有埋泰式食品又幾特別，但我地今晚就無試到，因為魚精一見到有魚餐就俾佢吸引左 茄子炆盲鰽 ($88)由細到大我屋企每晚都會有魚食，所以我對魚都有一定認識，平時媽咪都有買盲鰽，我鐘意呢種魚大大條又夠滑，今晚呢條都夠新鮮肉唔梅，茄子炆又可以食埋蔬菜又惹味d，我呢d c9真係計到盡 功夫湯海南雞飯 ($60)個功夫湯係用茶壺咁上好有特式，$60連埋菜同湯都真係幾抵食，油飯夠香，雞份量都合理，同埋煮得幾滑我鐘意佢俾3種醬汁俾我選擇，一碟餸就有幾種味道啦熱檸蜜 (加$2)我試過有茶餐廳俾得2塊檸檬，呢度都俾得幾多bo凍菠蘿柚子蜜 (加$12)老公最鐘意試新野，問佢好唔好味，佢就話呢個配搭唔錯，幾特別

食茶餐廳，除左普通午餐(但其實間間都可能唔同)之外，有樣野幾乎所有茶記都有，就係常餐。常餐一定有火腿奄列，一個牛油厚多士，同埋一碗麵(可能係沙嗲牛，叉燒湯意等)。講左甘耐，都係想講我比較鍾意食茶記既常餐，同埋都方便比較不同茶記既質素。 依間既常餐是蕃茄牛肉芝士麵，同埋照舊既多士同奄列。個麵既湯底幾濃，蕃茄味自然濃厚，芝士味就反而較薄。牛肉唔錯，大塊兼爽嫩，麵就係普通即食麵，表過不提。 奄列是正常size，蛋煎得好香，又不會燶，夾埋火腿絲來食一向係我好鍾意既享受。厚多士反而係最考質素既一環。依個厚多士牛油豐滿，表面焦脆，但內裡鬆軟，可以說是中上水平既厚多士，完全可以收貨。 最後飲埋杯香細滑既熱奶茶，正!

午餐套餐既有餐湯又送餐飲很划算吶餐湯：有中西兩式，選了西式羅宋湯，湯料很足味道也濃豬排飯：服務員一開始送錯了，要的D餐送成E餐，發覺不對問她，說沒問題是D餐，但剛吃一口實在發現不對勁，又沒咖哩又沒茄子⋯⋯但多了雜果粒，分明是E餐，再叫服務員才給換了。豬排份量不少，咖哩有些辣，總體只能是中等。

工作忙了一整天, 終於捱到放工, 即返大角咀食野早點回家休息.正所謂唔知食咩好, 茶餐廳最好, 落車行幾步就走左入榮熙. 真係好多野食, 包羅萬有, 除左食物種類多, 仲有好多卡位, 闊落好坐, 而且整齊整潔!最後選左功夫海南雞另再加個豬扒包.海南雞- 幾嫩滑, 好有雞味 功夫湯- 藥材及肉味, 飲得出應該少味精, 真材實料, 感覺很滋補蒜香飯- 不會過份油, 飯粒粒粒飽滿, 陣陣蒜香$60+7 凍檸檬茶豬扒包 - 原來都幾大個, 皮脆鬆軟, 豬扒腍而不乾身不鞋, 加埋新鮮蕃茄生菜及千島醬一齊食,  就算已經餓都食得落 $28埋單$95

大角咀而家多好多野食，但車位就小得可憐，周來周去都冇位，找到位就喺正佢門口，就食佢啦試下佢出名的海南雞飯，賣相不錯，未道正常，雞新鮮，飯夠晒份量，都算幾好食，不算太差

同同事到大角咀出job~~晚飯時間係條街真係好鬼熱~random入左間茶餐廳~即刻坐低卡座~同事叫左個重慶麻辣雞翼米線餐~ D雞翼睇落去都几大隻同脆~同事話雞翼好入味~同個重慶麻辣米線好夾~$38餐包例湯飲品真係抵到爛~另外我點左個海南雞飯~配功夫湯~個海南雞飯~飯底有雞油味~夠晒香濃~雞肉嫩滑~點埋餐廳嘅酸辣醬汁~食得好滋味~個功夫湯都好正呀~有D似肉骨茶味~我勁鍾意~~我地仲點左個海皇豆腐羹~~超足料~有豆腐有蝦有蟹柳~~$80絕對拍得上大酒家水準~呢個一定要encore~~~今晚呢餐真係好抵~~ 行開附近又或者係附近返工讀書~絕對可以黎一試~~

又到星期五，又是外出食飯嘅時候，大角咀是我經常去嘅地方，貪佢選擇夠多，而且很多隱世小店，今晚行經大全街榮熙茶餐廳，見門外掛滿海南雞，而且菜式選擇頗多，就幫襯佢喇店員安排卡位，餐廳沒有一般餐廳嘈炒感覺，可能樓底夠高目不暇給的餐牌，我們有點選擇困難，最後我們決定今天食中式小菜套餐隨即送上兩款例湯，味道很濃，尤其是羅宋湯，很足料中式糖醋牛柳，份量好夠，牛柳片厚身有牛味，而且很腍身，茄汁混和糖醋，味道很惹味西蘭花炒蝦球，勝在獻汁沒有濃濃味精味，吃完也絕不會有口乾感覺，西蘭花炒得很爽脆還有很多特色食品，下次一定要試下黃金咸旦海鮮炒飯和海南雞飯埋單二人晚餐不用$200,二人吃得很飽，價錢相當合理。

不嬲對食有一定要求的我，對茶記一都一樣，今次食到一家，無論室內室外環境，以及食物的味道都做得很好餐室光猛潔淨，感覺衛生干淨墻上的圖片已經睇到人流哂口水了！還有些剪報介紹餐廳的食物，睇來黎對地方了！枱面也圖文並茂，至愛有靚圖的餐牌二人歺也經濟炸bb鴿＄38bb 鴿的確是嫩口一點，炸得卜卜脆，係顏色有點黑功夫海南雞飯 ＄60有造型精緻喎，一盆一份，湯用茶壼上，有油菜小碟平時怕食菜心的我也覺得都非常嫩口有質素呀下！有三色醬點海南雞，雞件也厚肉滑漏有雞味，如果起埋骨更好！炒出前一丁配牛扒 ＄58炒得夠乾身香口，配有有秀珍菇、芽菜、洋葱、紅蘿蔔絲，色香味區全，怕齋得濟，牛扒啖啖肉的確不錯如切件上更好凍檸檳清涼解渴吾係吾飲下麻

這晚要拿東西給朋友,完成任務後途經大角咀,就在附近一大堆食肆中尋找一下當晚的著落!經過這間茶餐廳時,被門口招牌上的功夫湯海南雞飯吸引到,於是就進內一試了!此茶餐廳的格局與座位擺設都是開揚闊落,感覺上頗為舒服!雖然餐牌上的多款食物都感興趣,但最後都是選擇了海南雞飯;當這套餐上來時,由心而發一讚!以此時物價來說,如此份量的晚餐既有賣相,又夠實際,但當然也要味道來做依歸!功夫湯用了茶壺與茶杯盛載供客人享用,別緻之餘足見相當有心思!而喝起上屬於偏向清淡細膩的,應該與蘸雞件的濃醬做一個平衡點吧!喝了些湯,馬上試試雞件,肉質很嫩滑,而且透著點雞油的香味,淨食已覺得有質素;但當然都要配三式醬料來看其功架,當中甜醬油最能帶出雞肉肉汁的味道,與雞皮下的脂肪互相襯托,多了一些層次感:先甜後鹹再來雞油的味道!另外菜心也十分新鮮脆嫩;而油飯中的雞湯味略顯清淡,雞油亦落得十分抑制,似是為現時愛健康人仕著想;但一配襯起甜醬油,亦是十分美味的!整個套餐真的很快就清光了!總結此餐,在大角咀如此多食肆小店中享用到美味且價不高的海南雞飯套餐,也是挺滿意的!而飯後水杯指數(食物調味輕重度,5杯為最重口味),本人給予2.5杯

在大角咀上班已經快7年，日日出街食或者外賣都已經不知道要吃什麼，前幾日同事拿了這間茶餐廳的外賣紙回來，並誠意推介常餐A，心思思下今日就叫了外賣蕃茄牛肉芝士麵，配烘底牛油厚多士及火腿庵列厚多士及庵列都是一般茶餐廳水準，說味道一流太誇張，但絕對入到口最令我喜出望外的是蕃茄牛肉芝士麵蕃茄湯底好濃呀帶有少少辣，令個湯更加開胃惹味，又不會酸(￣∇￣)有時在外面叫蕃茄湯底，侍應一拿上枱見到個湯一點色也沒有，飲落口沒有蕃茄味，真是非常失望正宗的色香味俱失所以對今次這個蕃茄湯底，絕對牛肉完全不韌，不過一碗麵只得3塊肉食到差不多完時突然驚覺，芝士呢為什麼整碗都不見有芝士亦都沒有芝士味後來問了同事，才知道原來麵底是使用韓國某即食芝士麵難怪送上來15分鐘後食，麵條依然沒有發漲變淋變爛但是......即食麵附送的芝士粉呢(>﹏<)

朋友搬到大角咀，幫手打點一下，大家又餓又累，到就近餐廳吃飯，見有間又新又大的榮熙茶餐廳，座位舒服整潔大家都肚餓，隨便點個二人套餐選擇了羅宋湯，海南雞和豆腐魚腩煲，餐湯和海南雞很快送到，雞件皮爽肉帶點鹵水咸香味那一口溫度十足，微酸帶點肉汁味道的羅宋湯，讓人醒胃豆腐魚腩煲香濃惹味豆腐腍滑魚腩夠大件惟溫度稍嫌不足隨餐附送的蒜蓉油麥菜，炒得翠綠獲氣夠加七元可配凍飲，收費一百四十五元，相當超值

在奧運OC1/OC2 工作過都會知道，lunch多數去大角咀一帶幾條街揾食，今日我揾銀行舊同事食飯，就到了這間茶記，無他，只因同事怕熱，她說這裡冷氣夠！一至日都有精選午餐，$43-$45，看看隔離枱，份量唔少野，這個價錢滿意吧。除了午餐，常餐，都有其他特別野。整齊企理，紙巾係驚喜位，難怪潔癖朋友都話ok。鰻魚照燒雞石鍋飯$60睇牌無石鍋兩個字，以為午市會碟頭上，點知大大鍋上枱，超超熱，伙計都細心的叮囑我們，小心熱親。鰻魚size比相像中大，雞扒也是。旁邊有幾片薑，啱晒愛酸嘅我。自動的炒飯底也是另一個驚喜位，飯夠熱，雖然石鍋上，但沒有石頭鍋飯果種"痴底"情況，可以邊傾計邊食，而且冷氣夠，無熱到滴汗感覺。我喜歡廚師唔加汁，只簡單淋上鰻魚燒汁，一來無咁肥，二來雞扒和鰻魚都好夠味，再加汁就畫蛇添足了。時間關係，朋友比我先到先食，細食嘅佢留左隻豬肶仔給我。她點午餐，$43有豬肶仔食，很用心的茶記呢。豬肶仔好林，重香草味，晚飯質素。開心的一個午餐

今天早上要回公司加班，把工作做好之後，便在公司附近找吃，平常只是下午返工的我，真的很少在公司附近食飯，所以不知往那裏吃時，隨便選了一間人多的入坐，所以便來了榮熙茶餐廳。榮熙茶餐廳都幾大間，能坐下很多人的茶餐廳，最重要是都幾滿坐，我都要等了5分鐘便安排了坐位給我。榮熙茶餐廳選擇也不少，不過午飯時間就沒有提供餐單看，只能看看枱上的或牆上所提供的食物，午餐價錢在同區內都有點偏高，但原來食物份量都幾大碟頭，包餐湯和飲品，食物質素和味道也不錯，所以是高了一點。**************************走到大角咀一角，很多餐廳的地方，都不知在那間吃午飯，經過榮熙茶餐廳，看到內裏都幾多人，便決定入坐。等了5分鐘，讓服務員把枱面清理後，才安排入坐，榮熙茶餐廳都幾多座位。因為繁忙時間，沒有給餐牌看，先看到牆上有個自選扒餐HKD48。還有枱上放了些食物選擇，價錢都是HKD40起。枱上只有一個午餐餐牌，列好一星期的午餐，每天都有幾個選擇，價錢由HKD43起。要了一份煙肉汁牛扒拼薯格飯，凍飲一杯，還包了餐湯，連凍飲一共HKD45。食用餐具都收在枱的側邊櫃桶內，自己拉開取來用。餐湯有中式或西式，我選選

由於工作關係，近來跟好友見面倍感難度，好不容易，才能好好的和死黨相約吃一餐。大角咀這邊，餐廳實在多，由於大家收工挺倦了，也就想吃一些快炒小菜，簡簡單單的便好。因此，去了佔鋪大大的榮熙茶餐廳來。這陣子對三文治就是格外的有份鍾愛，今天亦不例外，二話不說肚子餓，餐牌選擇多，卻遇上嚴重選擇困難症的我，也就沒有看很久，便下了決定來，其他都留給友人主打。是日例湯實在不錯，不欺場，豬骨湯料雖未見，但瓜甜從味道可見。沙嗲雞肉串24好多，共六串，飽肚平價精選，惜不是自家制，沙嗲味近乎沒有，份量取勝。瑞士汁雞翼18入味的瑞士汁，令雞翼增添不少食味，內外亦嫩，唯肉質不是煮得離骨，不夠軟淋，可以做得更好的。價錢相宜是賣點。特色公司三文治38份量真材實料，旦比預期要嫩滑，蕃茄餐肉火腿芝士樣樣齊，多士烘得剛，若芝士能半溶姿態上桌，就會吸引多了。乾炒牛河50用料十足，是大男人也能吃飽飽的份量，炒得不太油，牛肉不少，粉條中size，炒得不俗。好大碟呀，二人分享還是吃不完，最後只有打包！魚香茄子煲58雖然咸香不足，但茄子跟肉粒比例挺好的，而且好大煲，不太油膩，亦有小菜的霸氣。熱奶茶 跟餐加5茶香奶滑，就是這種。在茶餐廳

大角嘴嘅下午，非常熱鬧，茶餐廳更加熱鬧。呢度門口有啲黑板寫滿哂招牌食物，仲畫咗啲熊貓仔，好得意啊！快啲入去試吓個功夫湯先功夫海南雞飯(加$7轉做雞髀肉)一個盤上面有好多細細碟，功夫湯、烚菜、醬汁、雞及最重要嘅油飯功夫湯日日新鮮煲，天天不同款，今日係花旗蔘煲瑪卡，瑪卡即係“秘魯人參”，日日燉一粒食，個個都變羅霖；功夫湯用茶煲上，茶煲上有隻杯仔，似功夫茶杯咁細細隻，開蓋睇睇，湯係啡色，唔算多油，冇味精，兩種帶澀嘅材料一齊煲，第一口難免會有少少澀，但之後就會有回甘，不枉我專登走嚟試；第一次試瑪卡湯，如果有一粒俾我試食吓就更好啦烚菜一小碟菜心，唔係出面咁一條條而係將佢切成一半，上面係落咗少少蠔油嘅菜莖，下面係菜葉；菜莖冇渣，蠔油只係用嚟吊味，唔會過多，啱晒唔係太鍾意蠔油嘅我雞飯海南雞嘅嫩滑秘訣就係要喺水滾後要熄火焗，利用熱力滲透雞肉，而焗嘅時間正正就係關鍵，咁樣啲雞先會嫩滑；呢度嘅雞多汁富彈性、雞味較濃雞非常嫩滑，而且份量算慷慨，加上一片大生菜、番茄及青瓜，整體都色彩繽紛；飯身較硬，每粒都沾滿雞油香味，粒粒分明有光澤，撈醬汁一齊食冇得頂！當然點少得醬汁三寶：辣椒醬、薑茸及黑豉油，薑茸夾雜蔥粒增