榮興小廚 (已搬遷) 新店位置

安安穩穩叫兩個包無撞板好好味的招牌菜蔥油燒雞＋0者0者唐生菜，外加一個價錢頗平有點擔心水準會如何的豉椒炒蟶子。頭兩個菜，睇其他人的評價都知如何，不用多述。蟶子意外驚喜，個汁好辣好鹹，蟶子本身夠甜，撞埋一齊，正！下次要試試佢地Ｄ海鮮，不過有少少擔心價錢。順道一提，佢地Ｄ茶其實真係唔錯，好香呢。

P.J先前吃罷其荵油雞,美味令他們念念不忘,其他朋友相繼和應,於是再一次搞大.本來這個飯局,係下周才上畫,只是正選心水出了岔子,唯有緊急啟動"Plan B".雖然如此,但一樣連開兩圍.大家打成一片,熱鬧非常.一早前來寫定菜,只見其風格,同權發有所雷同,看看菜單,大約有個心水.點幾味招牌,再加幾味小菜便可.等吃期間,P.J端出其私伙法國朱古力,分甘同味.多謝晒.先送來一人一碗鮑參翅肚羹,只售$68.每人分得一碗.雖然非高級貨,但也不俗.比某些幾千銀一圍的婚宴貨更好.炸墨魚餅金黃香口又彈牙,已經很不錯.須知道大角咀的神廚館的墨魚餅,係神一般的貨色.深紅色的無錫骨,肥肉不夠分,瘦肉部份鬆化,酸甜的味道很入味.有這味,還要吃咕魯肉嗎?者者菜煲,全夜其中一味齋菜.菜用芥蘭實屬時令之選.芥蘭在熱燙的瓦煲內跳舞."沙沙"聲,聽落已經很快感.用蒜茸一起炒,本身芥蘭份屬揀手貨,爽甜不苦入口無渣,加上蒜香的惹味.值得推介.另一齋味玉荷包,菜中有菜,用紹菜來包著素菜.這味反而沒有甚麼特別,只是有點間場,清一清味蕾的作用.荵油雞就是這夜的主角,大多人也是為這隻雞而來.先吃雞皮,雞皮炸得很脆口,雖然雞非肥雞,但

P.J. 好一句“超級無敵蔥油雞”就掀起了這次聚餐的序幕﹗真的冇介紹錯﹐雖然阿J 話d 雞胸肉冇上次咁滑﹐但我已經好滿足﹐覺得已經夠淋了﹐而且d 皮炸得好脆﹐又唔多肥膏﹐所以都少有的連皮都食埋﹐正﹗鮑參翅肚羹- 雖不是身什麼靚料﹐但味道調得幾好﹐稀杰適中﹐又不會好多味精﹐$68 一窩夠成檯人分﹐好抵食。炸墨魚餅- 這個足料又夠彈牙﹐佳作也。o者o者芥蘭煲- 芥蘭爽脆﹐香蒜惹味﹐另一推介。缽酒焗蠔- 師姐的好介紹﹐蠔身肥美鮮甜﹐配香濃缽酒味﹐掂呀。籠仔蝦蒸飯- 蝦都算新鮮﹐不過飯是炒底﹐我不喜歡﹐如果是糯米飯則更佳。其他菜都有一定水準﹐不過不是我所愛﹐所以印象不深﹐留待別的食友來評論喇。p.s. CD Rom 阿寶向阿J 道謝﹐教曉了他怎樣運用Macro 影靚相﹗^-^

連開兩席，加上超級活潑可愛的爐仔粉墨登場，場面非常熱鬧。大家對榮興都不太熟悉，抱着試菜的心態，點菜這些高難度動作梗係由南瓜哥哥發板啦，在乜都試的清況下，每人只需付上$110元，換來一頓有質素的晚飯，抵到難！PJ必食推介- 炸墨魚餅，鮮味彈牙- 葱油雞，番尋味真係無誇張架- 炸豬手，鹹香乾身，骨、皮、肉的比例恰到好處- 籠仔荷葉蝦蒸飯，炒飯底乾身沒丁點油膩，好功夫！蝦仔新鮮味美PJ為食推介- 鮑參翅肚羹，味道一般，$68一大鍋，抵食搭夠- 無踢骨，酸甜開胃(略嫌太甜)，肥瘦適中，肉質軟稔- 紹菜卷，內裡的素菜粒十分鮮甜，略嫌獻汁太多- 香蒜芥蘭煲，芥蘭爽脆，愛蒜者必食- 缽酒焗蠔，蠔肥美新鮮，酒味超濃，難怪師姐喜歡PJ温馨提示- 焗魚腸唔夠乾身，水溜溜，唔香，可以不試- 呢度啲白飯偏稔，剩係啱猛男同阿P嘅口味- 糖水唔係枱枱都送，要靚女出馬先有後話：席間阿P很高興能和大家分享他的‘阿信式’抹地絕技，亦希望各男仕可像住家猛男般明白家居清潔的重要性。

同High Tea孖寶及貪睡女友嘆完tea，已參唔多6:30，又係時候同女友去榮興二人世界食晚飯。第一次幫襯呢度，環境比想像乾淨企理，服務態度亦唔錯，我倆唸都唔駛唸就點了招牌蔥油雞($88半隻)同土魷蒸肉餅($48)。 「好滑!」呢個係女友食完啖雞之後的反應，的而且確，隻雞真係好滑，就連雞胸都係咁滑，啲皮亦超香口，仲帶一股清新的甜味，不愧為招牌菜。呢隻雞係繼好時之後，能令我同女友發瘋爭食的雞。 至於蒸肉餅，不試也罷，份量好大，比坊間起碼大兩成，可惜的是味道唔突出，肉質太淋同滑，導致入口毫無肉感，加上用的鼓油好唔夾個肉餅，女友仲話有少少腥味，唔通廚房用錯蒸魚鼓油... 整體黎講呢度好適合三五知己大吃大喝，份量夠，價錢亦合理，仲免加一，加埋個超正招牌雞，絕對值得推介.

出來吃飯有時很無奈﹐被待慢了又能怎樣﹖茶都開了﹐你可以拍拍屁股走嗎﹖罵他們﹐不怕廚房加料嗎﹖看到這裡食評不錯﹐便去試試.下午一時半﹐一個人﹐看菜牌沒適合一人的﹐部長介紹蒸飯。等了15分鐘﹐以為即叫即蒸﹐催了才說買光了。道歉都沒一聲﹐又沒免茶﹐結果叫了牛河﹐只求簡單﹐質量還可以﹐但激氣時龍肉都無味。當時2時﹐牛河在茶餐廳20蚊都吃到﹐那用在這裡﹖只有寫出來發泄一下﹐你信它老闆會看到嗎﹖

正是相中的一字骨,的確好味,汁的酸度唔會太搶.唔怪得個個都叫.葱油雞,都算滑肉,有雞味,也是唔錯的選擇.蒜茸開邊蝦,份量少左d,豉油唔夠鮮味.

榮興小廚係我和同事default飲茶既地方，我都唔知點解，仲之每次飲茶都會黎呢度。午市好多人，通常都要等一陣，因為都係叫點心同一兩碟炒野，所以都唔知小菜好唔好食，不過飲茶係ok嫁。

我去過三次,三次都點了無鍚骨,好好食!!!半肥瘦豬肉加上類似糖醋的汁,連煲熱辣辣上,"吱吱"聲~~~份量不少,3個人叫3個餸都會好飽好飽...

22/7(六) 8:00pmOT至晚上7時半,與男友相約友人couple C&K到此店食小菜.無事先訂位,結果等了半句鐘才有位.典式小菜館裝潢及格局,沒甚花巧.略兼冷氣不足,空氣欠流通!我們4人點了個2人餐$168:老火湯2位,蔥油雞/沙薑雞半隻(選了前者),$48小菜一款(點了咕嚕肉),闊佬炒飯,甜品.另加了豉椒炒蜆$48,蝦乾通菜煲$38.老火湯--菜乾豬骨湯,相當老火夠味!蔥油雞半隻--招牌菜之一,雖肥膏偏多,雞皮卻香脆,肉質其滑及鮮,令人樂道!咕嚕肉--脆漿不過厚,肉質肥瘦適中,甜酸味恰到好處,屬佳品!闊佬炒飯--飯粒粒粒分明有咬口,蛋白配以帶子,青瓜粒及蝦粒同炒,食味頗佳!豉椒炒蜆--鑊氣十足,蜆肉肉厚無沙.蝦乾通菜煲--蝦乾完全滲入每條通菜內,惹味非常!甜品--椰汁西米露,普普通通.友人另點了凍檸茶及凍檸水,$10大大杯,睇友人亦頗為滿意其味道.服務一般,人手不足要扣分!埋單$293無加一,值得一試!P.S.早前於午茶時試過的點心及另一招牌菜滑蛋蝦仁飯亦相當不俗,

因同班酒友之前飯局都係喜歡小炒中菜多,因貪佢可以圍埋一齊傾計熱鬧d,又唔會好似西餐咁一字排開用餐咁拘謹,而今次攪手選呢間作今次聚會地點當然舉腳讚成,於是一行11人就殺上去!自己因事遲到但當齊人叮一聲就即叫菜,因之前大家o既戰鬥力都唔錯就唔使費神就想食咩就叫咩…….椒鹽鮮魷–因遲到食唔到,但老友話咬唔入又唔好食退返比佢梅醬碎炸骨–酸甜度唔錯幾入味,但感覺比較大件同有d淨得肥膏!滑蛋蝦仁–蛋炒都唔錯o岩o岩好而唔會過火變老,蝦仁本身都o.k.整體唔錯!蔥油雞–雞肉好嫩好滑而外皮帶微脆,個汁做得唔錯,好食!o者o者貢菜–因掛住飲酒冇食到,但上菜果時香氣都幾吸引咕嚕肉–甜酸做得幾好,但d似質比較實椒鹽鱔片–粉較厚但食落都有鮮味加上唔太油??煎藕餅(唔記得個名) –份量比較少加上手慢冇得食鯪魚球–普通豉油王中蝦–醬油唔會搶左蝦o既味道又唔太油,好食脆肉瓜炒肉片–普通蒜蓉西蘭花–普通豉油王炒麵–夠乾身唔錯肉絲炒麵–先前講明d碼另上,但黎到都係同平時一樣,食落麵身兩面煎到夠香脆免費糖水椰汁西米露–夠椰香加上唔太甜,幾好另有兩,三個菜因掛住飲酒唔記得左,埋單約$1300整體上大致有水準唯一係上菜速度太

06年6月6日，極邪惡的一天，好耐無見的姨姨約了大夥兒出來食飯聯誼，地點、事間、聯絡的工作依舊落在自己身上，要平、靚正、有冷氣、好坐、好Hea，真係幾有難度，好彩無話要日本菜，不然真的會吐血說，要附合要求，港式小炒是首選。無見一排，姨姨把口依舊唔收，有阿妹倍佢\癲，再加埋損友在旁，兩公婆唱雙黃，真的救命，惟一好處是唔洗諗話題，可以慢吃、慢影。叫了焗魚腸、蔥油雞、o者o者貢菜、黃金蝦、咕嚕肉，五個人五碟，都差多；唔洗3分鐘，、蔥油雞、o者o者貢菜、黃金蝦、咕嚕肉已端上來，效率奇高，咕嚕肉死實實，軟腍腍，唔係即炸，有欺場之嫌；o者o者貢菜，一鍋上，加了蝦乾等海味，鹹香十足，有水準；黃金蝦，用南乳炸取多鹹蛋黃，味道麻麻，還是喜歡發記炸得金黃香脆；蔥油雞是這裡的名作，蔥油味十足，炸得鬆化亦保留皮下脂肪，肉嫩，是水準之作，亦是最叫人滿意的菜式。最後一味焗魚腸，等成半粒鐘先上，還以為漏單，外層焗至橙黃色，漲卜卜卻怪怪的，是即叫即焗；無油炸鬼，新派煮法，水汪汪，唔夠乾身，只用果皮而非陳皮，又無落豆豉，自然沒有益新那種獨特的香味，腸唔連肝，少了分風味，魚油盡去，風味又少了半分，阿妹好怕腥，試兩口話咪搞

一定要食-蔥油雞-豆鼓陵魚油墨菜-香燈骨最無得頂係免費既糖水...正過比錢食個D

約朋友在灣仔食晚飯。朋友問我生記好唔好食．我話當然好食，咁佢就話帶我去一間類似生記既食肆睇吓得唔得。我就跟了他來榮興。去到未夠六點半，唔係太多人，就上樓上揀了一張對正電視既檯。一邊食飯，一邊傾計，一邊就睇電視，正！朋友發板點了三個餸，是蘿蔔牛腩煲、煎蠔餅和蔥油雞。仲有兩個白飯和兩罐可樂。先是蔥油雞，好有鮮味好嫩滑，我仲食埋ｄ雞皮，頂呱呱！之後有蠔餅，煎得幾香口，又唔會太鹹，唔要白飯都掂(但我係有叫白飯)。最後來的是牛腩煲，炆得幾入味，蘿蔔爽口，牛腩較為韌，不過幾有味，汁又好送飯。食食吓開始多人，但我們坐成兩個鐘有多都冇俾人趕。服務唔係好專業，卻都幾殷勤，算唔錯。找數每人唔使一舊水，的確係好介紹。

上星期返學，找到這間食店好像幾好，便決定來試試。我們叫了蝦仁炒蛋、高湯魚腐什菜煲和梅醬碎炸骨。蝦仁炒蛋- 蛋炒得幾滑，又唔會太過火；只可惜蝦唔多新鮮，味道明顯差了點，沒有想象中好。高湯魚腐什菜煲- 魚腐味道幾好，什菜味道新鮮，返飯唔錯。梅醬碎炸骨- 酸酸甜甜，肉骨炸得又唔會韌，而且很入味，真係越食越開胃。雖然食物都算唔錯，但沒有想象中好，好在價錢都算平。可惜人少，只試了幾味，唔知其它的食物又如何呢！