榮記粉麵

营业中

休息中

看見許多人推薦，抱著滿懷期待的心情去吃，結果服務態度差到要死！去消費還要看臉色，問一下還要被翻白眼，吃得真是壓力到一個境界！味道也就麻麻，沒什麼特別，除了便宜之外就沒什麼可說的！僅此一次，絕對沒有下次！

榮記我常帶朋友去吃，是一間出品優秀的車仔麵檔，每一碗都會加牛腩汁做湯底，如果不吃牛記得下單時要說清楚。我自己最常點牛筋、牛肚和雞翼尖，配河粉或油麵，另外會加他們自家製的辣椒醬，相當夠辣度🤌🏻如果不想吃麵底也可以直接叫菜底，很多人都當吃小食一樣淨餸點5、6樣，算下來一碗才50至60元左右，價錢相宜。要注意餐廳有每人最低消費$38，就是一碗單/雙餸麵的價格，而且只收現金！牛筋河豬紅蘿蔔雞翼尖，牛腩，牛筋牛肚

呢一間位於喺銅鑼灣嘅車仔麵晒所有都唔使解釋太多，每一日見到都係非常多人，今次我哋排咗大概20分鐘就有得食，今日我就叫咗三個餸，包括係蘿蔔雞翼尖同埋豬紅，蘿蔔非常入味，而且份量嚟講都算幾多絕對唔會比得一兩件，入口亦都非常林，加埋晒啲湯係非常好食，另外佢嘅豬紅同出邊嘅唔同，口感上係比較滑，唔係街市嗰啲，非常值得推介大家試呢一個餸，另外米粉就不過不失，唔會話太軟或太硬，鍾意食車仔麵嘅朋友絕對唔可以錯過呢一間！

`•.¸¸.•´´¯`••._.• 銅鑼灣懷舊車仔麵必選•._.••`¯´´•.¸¸.•`單拼或雙拼 $36三拼 $46四拼 $54銅鑼灣榮記一直係小編既首選❤️有時喺港島區做嘢都特登搭車去銅鑼灣排隊食😎必食推介豬紅豬頸肉雞翼尖米線 （牛腩汁）👍🏻豬頸肉非常淋又有咬口😋👍🏻雞翼尖非常入味😋又淋身🤤👍🏻招牌牛腩汁湯底 （必點）超級濃郁濃👅👍🏻超大片滑捋捋豬紅 (必點）並非一般食到嘅豬紅👅，非常嫩滑，好似豆腐花咁🤤🤤Overall呢間足料老字號係小編最愛餐廳之一🤤無論食過幾多車仔麵，始終都覺得榮記冇得輸😎雖然環境狹窄，每次都要等位，但都冇阻小編山長水遠過海食👅小編建議鍾意食車仔麵嘅，大家一定要去試😋榮記粉麵 (銅鑼灣)銅鑼灣糖街27A號地舖食物: 🌟 🌟 🌟 🌟/5服務: 🌟 🌟 🌟/5 (一如既往，香港嘅舊式餐廳都係有種急速嘅 🤣）價錢: 🌟 🌟 🌟 🌟🌟/5 環境：🌟🌟🌟🌟/5 (環境比較狹窄，人多嘅時候較擠迫）性價比: 🌟 🌟🌟🌟🌟/5 回頭率: 🌟 🌟🌟🌟🌟 /5 #ddd銅鑼灣搵食

📍榮記粉麵銅鑼灣糖街27A號地舖呢間次次經過都好多人排隊，終於搵一日的起心肝過嚟排下三拼河粉（蘿蔔、豬大腸、豬頸肉） $461️⃣腩汁好濃郁，偏鹹唔會甜2️⃣河粉夾得起唔會爛3️⃣蘿蔔煮得好腍，切嘅size啱一啖吞4️⃣豬大腸滷得好入味5️⃣豬頸肉有啲普通，食唔出醃過嘅味道，不過都幾爽口6️⃣最特別嘅係佢個跟西洋菜！超鍾意！食食下聽到佢哋舖頭自己啲員工喺度嘈交，有花生加餸，正！😂😂建議下次匿埋嘈

太耐冇食榮記車仔麵，今日特登同老公嚟食排咗一陣隊，有位上2樓，2樓都係爆滿座我哋每人一碗車仔麵四餸，再加一碗雞翼尖，等咗一陣面終於嚟到，一如以往湯底濃郁，牛肚牛腩非常之入味👍🏻👍🏻今日我叫咗油面底！同以前一樣都係好好味，但呢度食嘢就真係好似速食咁冇得慢慢嘆🤣🤣因為都真係好多人排隊等位😂😂唔想左住但講番個麵其實真係都幾大碗🤣啲麵食極都仲有🤭🤭我今日忘記叫墨魚咀，其實呢度係必食，下次嚟一定要再叫返

踩入呢間著名既車仔麵鋪，空氣中馬上被一股混合嘅香味包圍住，喺度搵食嘅我，已經心思思想點我嘅麵喇🤤。首先，嗰碗牛腩車仔麵啊，牛腩嘅肉質夠腍夠爽口，入味得嚟又保持到啲肉嘅嚼勁，好夠哂份㗎！係我食過最好食嘅牛腩之一。嗱，再講講嗰碟鳳爪。鳳爪腍腍哋，入口即化，酸酸甜甜嘅醬汁，令人一啖再啖，正到炸裂！加埋滑滑嘅河粉，真係完美組合啊。嚟呢間鋪，一定要試下嗰個自家配方嘅湯底，啖啖鮮味，濃郁中又唔會太咸，掂過滿分呀！最後嘅大結局，就係嗰碗湯底炒麵。麵條鬆脆得嚟又吸收晒湯底精華，每啖都令人回味無窮，簡直一絕！整體黎講，呢間車仔麵鋪真係食得開心又滿足，而且氣氛啱晒夾雜吓食、吓傾計既香港街頭小食情懷。值得一試，推介！👍🍜😄

以往我平均每個月會食1-2次。今日嗌咗：豬紅牛肚韭菜豬肉餃米線再加菜底（今日是西洋菜） ，點知一大執頭髮喺啲菜裏面，立即要求換。姐姐見到後佢都好尷尬，講完唔好意思後就話換碗新的脾我。之後新嘅一碗啲餸相比上一碗少都算，第一啖咬韭菜豬肉餃有異味道@@ 最後成碗我都唔敢食俾錢走。俾錢時同佢哋反映第一碗有一大執頭髮，第二碗啲豬肉韭菜餃就有異味，收錢過小姐錢照收，然後同我講我佢同廚房講吓…. 完。從此之後唔會再食：（

对香港茶餐厅的服务态度我是有预见的，所以我要求极低，提前做好功课，速度点菜，准备现金，绝不麻烦服务生，绝不玻璃心。不过即使这样态度还是很差，香港所有餐厅里态度最差的一家，点餐因为听不太懂粤语，问了一句，看着太婆对着我翻白眼，环境拥挤，随时要让位置方便走路，最主要是味道相当普通。随便一家牛腩店都有的味道，而且很咸，这个味道不值得去受气。发出来给大陆同胞避雷。不要好奇，不要为了打卡网红店影响自己心情。

今日收工去咗糖街度食好出名嘅車仔麵，眾所周知入面嘅職員態度唔良好，衛生環境都唔係話好好，而且環境好迫，最好唔好shopping完先去食呢間嘢。我個人認為呢間車仔麵嘅湯底好濃，食物嘅款式都好多，例如第一次見到有粉腸呢款餸。想食嘅可以試吓。

全間舖的職員態度極差，我本身食咗二十年，以往的態度都唔係十分好，但現在的員工比以前更加不堪，如果你話要人坐埋一邊唔緊要，但係可以客氣啲，但一句叫人坐埋一邊阻住佢行路我哋要做生意㗎，咁係咩態度呢？仲要係咁趕客走的，你要做生意都要有基本服務態度，你無客嚟你都無生意做，況且而家唔係得你一間車仔麵，現在比以前食物已經差了份量也少了，但價錢貴好多。仲要話人有錢人就唔好係度食。食嘢啫，食都要食到受你氣。我這位老顧客，而家唔會再幫襯你哋。唔係要你什麼好的服務，只係基本嘢，唔係食嘢食到要比返你們鬧㗎。

朋友推介呢間車仔麵,所以特登來試.平日下午4：30,都有八成入座,唔少遊客.點左一份粗麵,牛根,豬大腸,豬紅,蘿蔔.第一啖湯,有d失望,其實冇我想像中咁濃,咁好飲.對我來講,飲唔出個腩汁有咩咁特別,反而味精都唔少,我都冇乜點飲湯,食完都比較口渴相反,佢d配料我覺得相對出色.牛根-炆得夠入味又夠腍豬大腸-入味同埋冇異味豬紅-好嫩滑蘿蔔-超級甜,冇渣麵就一般般,有d碎辣椒油係幾香嘅ps,店員嘅態度又唔係好差總結,配料幾出色既,價錢唔算特別貴,行經想食或者會食既.但唔會專登嚟食啦

鐘意尼間嘢嘅老顧客，睇埋我尼段，唸下應唔應該縱容店家啦。埋單之前，一切正常。都明白佢地生意好唔憂做，態度都會好一般甚至惡劣，都理解，但接落黎發生嘅一切，超出我想像。有個女店員講左價錢俾我聽之後，我搵緊散紙，跟住女店員響我隔離等我，佢有睇住我一陣，於是我自然覺得直接擺張台度就得。我都黎過好多次，一般情況下，我會將錢遞俾門口收錢個阿婆，咁會禮貌啲。今次我個座位就響門口收銀處側邊，加上個女店員有望住我，於是我就直接擺台，跟著起身走。女店員過左一陣，就拎左啲錢。尼個時候，有個凶神惡煞嘅，50幾歲，身材中等偏瘦嘅男店員，突然大聲斥責我，話唔好將現金擺檯面。其實當時我已經出到門口，唸住算啦，走先，費事吵，就繼續默不做聲出左門口。點知果個男店員，可能覺得我聽唔到（咁大聲，聾嘅都聽到），跟左我出黎門口，企響我面前，繼續凶神惡煞，七情上面咁，超級大聲咁鬧我，唔好將錢擺台面！當我傻嘅咩，佛都有火啦，於是我都大聲回應，咁後黎佢地都攞左錢，問佢依家想點。真搞笑，兩個人，起條街度大聲對罵左幾句（冇爆粗口），有排隊食客可能都慣左，都冇望過黎。之後佢當然都冇喐手，我當然都冇，假如佢喐手，我都唔驚。

「遊客來港必去 ！」住銅鑼灣既嘅人一定識呢間車仔麵，呢間係我港島區至愛，店家由小攤車起家，以前係非常狹窄嘅後巷賣麵。賣點係湯底充滿濃郁嘅腩汁，如果你喜歡重口味一定鍾意食，仲會有少少菜，如果食開清淡可能會覺得鹹，食完會有少少口渴。雞翼尖 - 鎮店之寶家傳滷水汁，軟嫩一口骨肉分離。蘿蔔 - 吸收晒湯底嘅醬汁，超淋豬紅 - 算滑，無血臭味豬皮 - 爽口堂食最低消費 $38，只接受現金，一但下單就不可以加料。服務一般般，但比以前態度好咗好多，有時都會講小心和唔該.........冇期望就唔會有失望。推薦指數：⭐️⭐️⭐️⭐️唔怕口渴真係好食！聽講過有人食到肚柯，個我腸胃夠硬淨，從未試過肚柯。-

呢間麵鋪啲侍應越黎越冇禮貌，我都已經唔該前唔該後啦，換黎都要比阿姐口中碎碎念⋯⋯⋯話我好叫佢抹檯，張檯濕架，上手用完張檯污糟左濕左，抹乾淨比下手客都好合理呀，我忍住扮忍唔到😞 仲有，眼見其他遊客想叫三餸麵，你幫人叫一餸再單點其他餸，埋單三餸咪最多110左右，又幫人加碟咖哩汁，又單點，埋單成170蚊，真係呃人呃到咁都得！眼見其他侍應態度都係好差咁對客，問多句都口黑面黑，又受氣又會比人呃既鋪頭，食物味道濃到一個點，以前都冇咁差，越做越差，我就唔會再去喇👎🏼👎🏼👎🏼