榴蓮王 (已結業)

來到榴槤當做既季節，身為榴槤發燒友既我，又點可以錯過"榴蓮王"呢？"榴蓮王"主打唔同種類既榴槤產品，上至甜品，下至野飲，全部都係真材實料，用新鮮榴槤果肉製成。今晚我地9點左右就黎到，鋪頭內有一張細二人枱可以坐，我地坐低左老闆就好熱情推介熱賣既款式，見我地熱，仲讓出佢廚房把風扇仔俾我地吹。我地揀左一杯榴槤奶昔($45)同埋一份貓山王榴槤卷($58)，老闆提醒我地要先享用奶昔，再食榴槤卷，由淡食到濃。榴槤奶昔係由D24榴槤打成。由於果肉較厚實，呈奶油狀，所以奶昔好杰、好幼滑。顏色係淡黃色，聞落唔算好大陣榴槤味。飲落口第一啖比想像中淡，未覺得食到榴槤味，但飲多幾啖之後，原來榴槤味又幾出喎，帶奶香味，慢慢會有甘味滲出。貓山王榴槤卷既皮係pancake皮，由鋪頭親手造，皮薄、有彈性、有蛋香味。其實要做到皮薄，但又可以包到咁多榴槤蓉而唔穿，真係好考功夫！微暖既外皮包住少少凍既果肉，真係好好食，咬開好有驚喜，因為入面既果肉多到就跌出黎。而且果肉味道濃郁，不愧係榴槤之王，味道微苦中帶點甜，好有層次。後來因為食完榴槤想清清個口，老闆推薦我地試下佢獨家既紅毛榴槤果汁($25)。飲落好清甜，帶少少果酸，勁f

香港真是臥虎藏龍，廟街有個馬來西亞榴槤專家，原來九年前佢係第一個引入馬來西亞榴槤到香港，馬來西亞榴槤係真係好食但食得比較肉痛，好彩現在入口多咗價錢就親民左。榴槤王間鋪，除咗有榴槤買之外，仲可以食到多款榴槤甜品，近排我食到上癮，$35貓山王白雪米餅，超抵食，裏面有新鮮榴槤肉，口感煙靱。$58 貓山王榴槤卷更加啖啖肉，我唔太分得開貓山王及D24的分別，心理上貓山王更甘香，如果你好似我咁，食D24平$10更抵。最後真心推介紅毛榴槤飲品 $25，味道清甜特別，我相信好多人都未試過。

唔食臭臭果同我冇話題，我呢個朋友就唔話得，陪我出黎食榴槤王。老闆好友善，好好傾，見佢地都好多榴槤造出黎既食品，係非常有創意既小店。呢度既食品全部老闆自己諗自已製，食厭大型連鎖店千篇一律既榴槤甜品既，一定要黎食，食過真係番唔到轉頭。呢個D24白雪餅係熱食，個外皮外脆內軟，好似放大左既雞蛋仔入面裝住滿滿既榴槤肉，真材實料。榴槤Cheese Cake真係存在架，上層既cream好挺身好creamy，中間就係榴槤肉，再加底層既餅底，一下由頂食到底，形容唔到。呢個貓山王榴槤蛋卷又係啖啖榴槤肉，軟綿綿既蛋卷包住厚厚榴槤肉，咬落去好似食緊creamcake甘，食到停唔到口。就黎中秋，梗係唔少得榴槤冰皮月餅，皮薄饀靚，一放底枱面已經好香榴槤味，係口腔入面既榴槤味停留好耐。諗緊買一盒送比媽咪，一盒有6 個。 食到口乾叫左呢個紅毛榴槤特飲，好清甜，仲有好多爽口果肉，質地有小小似山竹，但就比起山竹大塊D。老闆話下星期有新品榴槤梳乎厘，唉，都係食埋下餐先減肥……

來到油麻地，知道這間榴蓮王很有名，所以好快食左個飯後甜品。推薦D24榴槤班戟份量剛好，一人一塊，Pancake皮好香，一口咬落去，cream很香濃，打發的很好，有棉花似的口感，吃了幾口也不會太膩，配上榴槤果肉，非常滿足。咬開pancake，好多cream同榴槤果肉！！建議還是打包返屋企食好一點，大熱天時，位置不多，坐在街邊，真的沒有辦法好好享受這麼美味的榴槤甜品，我這個榴槤愛好者，下次準備來試試其他榴槤甜品！

一去到已經忍唔住叫個山貓王Pancake ，好香好正不過細份咗小小。食完之後老闆話食咗個山貓王pancake，其他嘢食唔到味道。既然係咁，食多round pancake!除咗好食，老闆仲好好傾同埋好服務。諗返起都想食多客。

同個friend食飽飽行街當散步，行咗一陣消化完成梗係又要再食過啦 。 咁啱我地行到廟街附近，見到榴蓮王我同個friend都係榴蓮愛好者，即刻喺度整返part榴蓮先！榴蓮王舖仔細細，但係可以擺幾張枱仔喺門口坐低食！特色甜品同飲品選擇都唔少。唔知食乜好榴蓮好？型仔哥哥仲會主動推介好友善！型仔推介榴蓮芝士凍餅，低層係一面厚厚的係D24榴蓮蓉，上層係cream cheese，D24甘香清甜，榴蓮味非常濃，同芝士味好夾！另外我地點左貓山王榴蓮卷，而冇揀榴蓮班戟，因為我哋想食原味嘅貓山王，呢款就係冇忌廉嘅。 整個榴槤卷入面充滿啖啖貓山王果肉！味道香濃但係又冇D24咁甜，各有特別！為左將食榴槤呢件事貫徹到底，我地再叫多杯榴蓮奶昔，呢杯係用D24製成嘅，比較清香，冇剛才的濃烈！另外芒果香蕉乳酪味道也不錯！黎緊又到中秋節，遲啲要過嚟買番盒榴槤月餅返去嘆下！

自問吾怕食榴槤，但我食完呢個榴槤布丁，我都有點自愧，因為呢個布丁真係好榴槤，不過佢主要都係榴槤的酸味，冇咩甜味，所以我吾太鐘意至於呢個pancake個皮即叫即做，所以好好食，內裏cream 吾漏可以一試，因為始終喜歡榴槤甜所以呢個岩我

最近去甜品店都忍唔住點榴槤甜品，朋友見我咁鍾意食榴槤，就同我講廟街有一間專賣榴槤產品嘅甜品鋪。難得呢日喺油麻地食完麵，就同男友特地去食！榴槤王店舖好細，只有一張枱堂食，好彩我哋早去，所以唔駛等！小店最出名嘅一定係呢個招牌榴槤白雪餅，類似大判燒，外皮用日本米漿製成，餡料係滿滿嘅榴槤蓉！個餡仲有D24（$25）同貓山皇（$35）揀，只差$10，我哋決定食好d，揀佐貓山王。白雪餅外表香脆，入面煙煙韌韌，食落榴槤味香濃，非常滿足！不過可能因為入面有米漿，所以一啖咬落去嘅時候就略為溝淡佐個味，但整體都係正！我哋仲點埋貓山皇榴槤卷（$58/2條），我覺得比白雪餅仲好食！薄薄嘅班戟皮包住香滑嘅榴槤蓉，每啖都超濃榴槤香，口感好豐富！呢個食完真係唔夠喉，好想再食！

作為專業的榴蓮迷，久不久就會飛到星馬品嚐榴蓮香。想不到在香港亦找到這貓山王的香氣。 加上老闆的創新烹調，為食妹忍不住了。 貓山王榴蓮卷  首先外皮十分薄，再涂上滿滿的貓山王。特別之處是沒有用上cream, 只靠貓山王自身的甜味和creamy 口感，整個榴蓮卷並沒有多餘的味道。只有香濃的榴蓮味！這是我第一次食榴蓮pizza，一直對熱食的榴蓮沒有太大好感。但這pizza卻令我一塊接一塊。。。 pizza皮 夠薄夠脆，滿滿的榴蓮溶上是人類最愛的cheese!!! 加熱後不但沒有令榴蓮走味，反之更香更可口。平時不吃榴蓮的朋友仔不仿試試。 最後當然是忍不住要叫一盒新鮮貓山王啦

每次單機經過見到呢間榴槤專門店，有好多榴槤乜乜，我內心是糾結的。自己一個坐低食實在太可悲太臭，今次專誠搵個同係榴槤控嘅朋友擇吉日去。位置非常顯眼，行出文明里出口向後走就見到榴槤奶昔天氣熱到媽媽聲，叫咗杯榴槤奶昔同朋友SHARE，啜第一啖以為無料到，點知榴槤味後勁強烈，配埋啲奶飲，都幾濟，最後食曬啲野都未飲得完杯野D24榴槤白雪米餅我地叫咗兩個D24米餅同貓山王榴槤卷，老闆先俾咗個餅我地先，話D24淡啲，由淡食到濃會比較好，拎上手熱辣辣，外皮煙韌，但又無糯米糍咁軟糯，中間餡都算多個人覺得幾好食，冬天食更好貓山王榴槤卷呢個是類似用班戟嘅薄餅卷住的凍食，第一啖就分到貓山王同D24嘅唔同，榴槤味濃郁太多，仲要適逢呢啲熱到癲嘅天氣，咬落去一陣冰涼都好令人感動，我地宣佈呢個卷贏不過如果想坐低慢慢食有少少難度，老細仲話果日無得開摺枱，叫我地用張凳代替枱，望住路邊隻甲由食雖然有點嘔心，但味道是好的

本人係超級勁鐘意食榴蓮既終極榴蓮粉!!食到連男朋友都驚我熱氣😂😂話說有日去廟街食飯，臨走去搭車果時見到呢間榴蓮王，稱王喎？緊係想試下佢咩料!之後就同男朋友搵個位坐，因為佢樣樣都係榴蓮真係花多眼亂😍😍😍職員可能見到我地望左好一陣都未諗到，所以好好咁過黎推介一啲必食嘅比我地😍最終決定叫杯牛油果芒果奶昔先!!真係超清甜好滑!其實係有啲意外，點解專做榴蓮會做出呢杯非榴蓮既飲品仲要咁好飲😍😍之後再叫左個D24榴蓮拿破崙，店員好貼心比埋手套我地一層層食。好食到尖叫的!!!拿破崙超脆不在話下，個D24榴蓮係超甜濃味勁香!!絕對真材實料👍👍👍因為頭二樣都好好食既關係，真係忍唔住叫多個貓山王榴蓮卷，留意返係貓山王!!🤣痴線，我差啲連男朋友果舊都想食埋!個皮好薄，每一啖都係榴蓮肉!入面全部都係貓山王!!!一點忌廉都無架!!絕對係落重本之作!! 👍👍👍題外話，見到門口話賣榴蓮月餅，好奇問店員佢話依家已經有得賣啦!!以往我中秋都有買過榴蓮月餅比屋企人，但都覺得麻麻地。今年決定係呢間買!!支持小店!榴蓮粉既我真係覺得呢間榴蓮王值得再黎👍👍

係fb見到有關呢間鋪既post,癮唔住約朋友黎試下。無留意開門時間，1點9已經到左，都未見開閘，嚇親以為今日唔開，但好在到2點就即時開左門，好準時既老闆。去到花多眼亂，又熱又渴，想食啲凍野先，先叫左個布丁本身以為係原味布丁底加啲榴槤肉，但原來係成個都有榴槤味，應該係用打溶左既榴槤肉整既，入口每一啖都有榴槤味，有驚喜！之後係榴槤卷同榴槤米餅之間揀左少見啲既米餅，因為岩岩開鋪，部機未ready,都等左一陣。一場黎到揀左個貓山皇米餅，老闆用機整完，臨上碟之前用火槍燒過，入口暖暖地，表皮脆脆地，個米餅口感想唔到既煙韌，我鍾意！裡面係打溶左既榴槤肉，啖啖都係榴槤味，實在係正！！雖然天氣好熱，但食呢個絕對唔後悔！之後叫多左個榴槤泡芙心知泡芙對呢類小鋪黎講係比較難控制，首先係泡芙皮唔脆，係典型放題食既泡芙皮，相信都唔係自家製。個榴槤餡都唔夠榴槤味，同埋雪味比較重，對呢個係比較失望。同場見到有人買1盒盒既貓山皇榴槤肉，細細盒既$160，以貓山皇而言都係正常價，鋪頭都係跟重量定價錢，放便唔駛自己拆榴槤肉吧！鋪頭空間好細，主要係坐係路邊，鋪內只有1張2人枱，加上呢個天氣，真係要夜晚有啲風先好黎。見到鋪內都

很久以前曾經在Facebook 看過介紹，一直想去，奈何一直時間不對，因為這間店下午二時才營業的。終於，今天剛好在附近，剛好下午二時，炎熱的天氣亦無阻我前往一試的決心。烈日當空、33.8°C 的高溫、步行十二分鐘前往目的地。小店只有露天座位，雖然我已經汗流浹背，但仍舊無損我嘗試美食的心情。餐牌上所有食品都很吸引，每一個我都想吃，真是難以抉擇！最後，我選了流心榴槤心太軟及榴槤奶昔。巧克力和榴槤竟意想不到的配合，一點衝突也沒有，非常美味！但因為巧克力的甜，影響了奶昔的味道，嚐不到奶昔的甜。但是仍可感受到奶昔的濃厚、豐富、濃濃的榴槤味。我個人建議不要兩個一起吃，或先喝了奶昔、再嚐心太軟會好一點。還有，最好是空腹或半飽去吃，因為店家很用心，所有的食品都很足料，我吃了兩個已經很飽！我會推介給身邊榴槤控的朋友👍🏼👍🏼👍🏼👍🏼

早前看到連飲食男女雜誌也有到這間專吃榴槤甜品的小店宣傳和推介它們的榴槤產品, 所以我和一位愛吃榴槤的朋友到這裏一嚐它的榴槤產品。我們點了一個榴槤班戟, 一份有兩件 , 榴槤班戟的班戟皮很薄, 吃落有少少榴槤香味, 榴槤班戟入面充滿鮮忌廉和榴槤肉。榴槤肉的份量很多, 帶榴槤香。另外, 我原本點了一杯牛油果奶昔, 但老闆推薦試一試牛油果乳酪, 他說這裏的乳酪較特別的，不同其他在超市售賣的乳酪。出面超市的乳酪放了很久, 那些乳酸菌也會逐漸減少, 但這裏的乳酪是即叫、即開、即做的, 所以喝的時候那些乳酸菌才會開始慢慢產生出來, 便能吃到最新鮮的活性乳酸菌。牛油果乳酪帶點酸味, 質感很香滑, 充滿牛油果香, 酸酸甜甜, 飲到最後一啖也不會覺得有太大的飽滯感。老闆的服務很好, 不斷為我們介紹他們出名的榴槤產品, 下次有機會要試試其他榴槤食品呢！

算不上榴蓮狂迷，但不至於討厭，以前也會吃吃榴蓮製的甜品，如榴蓮pancake、榴蓮pubbing那些。真的有點羞愧，原粒榴蓮還是第一次食。以前媽媽都愛食，但家中的男成員厭臭，所以媽媽要在樓企樓下獨食完看可上樓。現場賣的原隻榴蓮看上去都細細粒，但非常厚肉，粒核如手指尾那麼細，果肉creamy帶酒香。出開摺枱讓客人堂食，好有廟街風味。除了原隻榴蓮外，也有不少榴蓮小食。白雪餅是店家自創的，即叫即做，要有點耐性。外層像日式年榚，外層香脆。很足料，同樣是靚榴蓮。榴蓮外也有紅豆等餡料可以選擇。