榴蓮王 (已結業)

今日近六時與朋友行去廟街搵食, 一走出文明里地鐵站就看到這店醒目的大招牌。我對榴蓮並沒有特殊嗜好, 因為燥熱底會流鼻血, 但朋友就如著了魔一樣, 一定要在此店享受飯前甜品不可。最後朋友叫了 : 拿破崙、猫山卷、榴蓮白雪餅和一杯榴蓮奶昔。因為中秋節將至, 我們留意到店內的凍櫃放滿榴蓮月餅, 每盒6個$388, 如早買有8折。朋友將一半的食物分給我嚐試, 我試食後發現並沒有一般榴蓮的猫屎味, 只有好香、清甜和油潤的似正在大啖食芝士/牛油的感受。不理會否流鼻血了, 我將半份食物全吃下肚內。原來榴蓮很飽肚的, 最後都無食晚飯就各自回家了。

黎都廟街行下.....諗住睇下有冇新奇刺激嘅嘢點知俾我發現到間榴蓮王....簡直令我超級興奮因為榴槤對我來講簡直係我生命中嘅至愛所有有關榴蓮嘅食品....我係無一不吃......佢哋都有好多唔同種類嘅榴槤食品我揀咗呢個榴蓮心太軟....佢哋採用D24榴蓮製作....心太軟裏面有榴槤蓉我仲揀咗呢個榴蓮卷.....口感好似榴槤班cake一樣.... 不同之處在於佢哋用貓山王榴槤製作而且好多榴槤囉肉你哋睇吓不得了

榴槤控一齊食！！😎😘————————————————————#貓山王榴槤白雪餅(HKD28)✔️👅：7/10✏️ 全部係榴槤既MENU😍 好多都好吸引 呢個白雪餅係以日本米漿制成外層 食落煙韌 啱曬煙韌控 外層仲帶少少金黃同焦脆架 望住店員畢起一球榴槤蓉上面好治癒❤️ 私心想再大球d😎🐒 貓山王榴槤就梗係濃郁香醇☺️🤤 不過個人都係鍾意凍既榴槤味多少少 仲有D24版本就$20 另外試左榴槤奶昔就一般 榴槤味唔夠突出 質感都澀左少少

早前見到有雜誌推介呢間榴槤王夏天正值榴槤當造，榴槤愛好者點可能抗拒榴蓮甜品 店舖售賣很多榴槤製品，包括榴槤Pizza、榴槤白雪餅、榴槤蓉等等除咗榴槤製品之外，仲有其他熟食今次同朋友試左D24榴槤白雪餅，佢另外仲有貓山王口味店主超慷慨，白雪餅內加入一大球榴槤餡，加上外皮係麻糬口感，食落煙煙韌韌白雪雪既外表非常吸引，咬開外脆內軟，榴槤香味散發美中不足係榴槤加熱後略微淡口，下次要試下貓山王，應該會更加濃味

放左工去左榴蓮王朝聖, 今次叫左3款甜品, 每一款既榴槤份量都比得好足, 同埋感覺都真材實料, 唔係溝忌廉fake你既感覺不過店內就得1張枱, 所以買番屋企慢慢嘆會更加正!貓山王白雪餅($28):賣相似車輪餅, 食落就似mochi, 煙煙韌韌, 作為煙韌控既我表示幾好咬, 而且熱辣辣, 做下午茶真係幾唔錯~榴槤拿破倫($32):唔知係咪因為無枱食, 只有幾張椅, 所以老闆就叫我地一層一層咁食, 咁咪唔係拿破倫咁囉不過呢個份量真係超勁, 入面塞滿左榴槤肉, 不過面頭個朱古力醬就唔係好夾, 影響左陣榴槤臭味, 下次會叫佢唔好加朱古力榴槤芝士凍餅($38):上面同中間都係榴槤肉, 中間有習厚厚既榴槤忌廉, 但又唔係太甜唔係好漏, 天氣熱既時候係街食呢個都幾ok, 不過個餅底就比較淋, 1篤就散。總括黎講, 性價比很高的榴槤甜品!下次會試埋其他產品xd

油麻地地鐵站C出口附近，有間專賣榴蓮食品既「榴蓮王」，身為榴蓮愛好者梗係要黎試下✌🏻。小店出面有架會噴冰涼冷風既風扇，為炎熱既夏天增添一點涼氣。🍹牛油果芒果奶昔 $28好耐無飲過奶昔了，呢個奶昔比平時飲開既濃厚，真材實料。濃郁既牛油果味佔據味蕾，並帶有啖啖芒果味，兩者融合，神奇地飲落似雞蛋味😆，飲完一杯都充滿飽腹感丫。🍴D24榴蓮雪米糍 $38天氣炎熱，都想食返d凍野，所以試下雪米糍。外形圓圓幾得意，外層係軟綿糯米，皮有點厚，但煙煙韌韌。D24榴蓮促唔會太甜，比想像中更好食。🍴貓山皇雪餅 $28外層選用精選日本米漿，外脆內軟，口感彈牙，充滿米香。內層係貓山皇榴蓮肉，榴蓮唔會過熟，有回甘既味道，好食，雪餅特別，必試之選。(就算榴蓮抗拒者都好，雪餅有其他唔同口味🤤唔好怕左榴蓮，不防黎試試。)臨走前見到有賣馬來西亞榴蓮冰皮月餅，$388仲有8折，屋企人都鍾意食榴蓮，買返去一齊分享就更滋味，中秋節又多個選擇了。

在旺角掃完街，與朋友步行到油麻地果欄買水果。當我們行完果欄後，發現了這間榴蓮王。在店舖門口，已經有一股好濃烈的榴槤味，深深把我們吸引住。行了一整天，十分口渴，與友人決定買點飲料和小食補充體力。芒果沙冰 $28芒果味十分香濃， 一點也不酸。 而且喝得出十分足料， 並不是用粉或者糖水開的，而是採用了新鮮芒果。而溫度很夠凍，而當中完全沒有冰粒， 可見 餐廳對沙冰的堅持和要求， 因為很多店鋪的沙冰沒有把冰攪碎，常常會喝到大大塊的冰粒。紅毛榴槤 $22味道很特別，有點像荔枝和山竹。 清清甜甜，帶點酸，十分好喝。 如果汁當中，有大量紅毛榴槤的果肉。 一路喝，一路有果肉咀嚼，十分有咬感。牛油果芒果奶昔 $28牛油果的味比芒果味較重。而牛油果不會太濟或者太膩， 調制得剛剛好。很特別的果汁。白雪餅 D24榴槤 $20這個白雪餅要經過烤製而成， 所以要一定的時間製作。可見當中的榴槤十足，味道很濃很重。 同時亦沒有雜質或者起渣， 是真材實料的D24, 不是普通的榴槤。最近店舖有優惠， 中秋前購買他的D24榴槤月餅會有八折，原價$388，8折後，只是 $310 。 當我們嚐過他的D24榴槤後， 馬上便決定要買

榴槤控有福啦🤤油麻地廟街呢間榴櫣王有好多嘅榴槤製品！其中最出色嘅莫過於呢個真材實料嘅雪餅😀用咗米漿製作雪餅，外脆內煙軔😃好似食緊糯米餅咁，略帶米香味💁而裏面嘅榴槤蓉份量亦都幾多，好似想湧出黎咁！暖暖地嘅D24榴槤蓉肉甜幼滑，配合白雪餅食確系無可挑剔！而且呢間鋪頭仲有其他比較特別嘅選擇，適合一眾嘅榴槤迷來朝聖！例如有榴槤沙冰，榴槤pizza等都幾特別！如果唔好榴槤嘅亦都可以揀返其他餡料嘅雪餅 系愛呀，榴槤😘

草根自細係爸爸嘅薰陶下好中意食榴槤，一直都知油麻地有間榴蓮甜品店，Bookmark左好耐，但係成日都冇機會一試。呢日3:00pm去開旺角Chiba食下午茶，順便先去拜訪傳聞中嘅好食榴蓮小店。1:55去到見到負責人剛剛準備緊開鋪，原來小店每日開2:00pm，大家真係要留意一下，太早去到都冇得食嫁!!等左一陣等食店開鋪，呢個時候人都愈來愈多，好彩草根早到排定隊。等老闆準備好就叫左一個榴蓮白雪餅同榴槤芝士凍餅。貓山王榴槤白雪餅（$28）Mu Sang King Durian由於剛剛開鋪，老闆話需要等個爐熱左先。老闆先整左個餅底，再加一大球貓山王係上面。老闆介紹白雪餅係用日本米漿🍚製成，食落好煙韌，好有咬口😍😋。而且由於係用米漿做，所以完全冇平日食大判燒嘅🐣蛋腥味。由於知道草根係兩個人分，老闆仲好好幫我地切開兩件，睇到真係爆晒餡!!白雪餅可以揀唔同嘅餡，除左榴槤仲有紅豆、花生、朱古力......我地今次叫左最貴嘅貓山王榴槤做餡，不過真係好值得!!貓山王色澤好鮮艷好吸引💛💛💛，面且榴槤味真係特別香，味道好濃郁😍😍😍由於係新鮮熱辣辣即做🔥🔥好味到可以俾💯！！！推介俾各位 榴槤控💁榴槤芝士凍餅（$3

喺呢度離遠已經聞到榴槤嘅香味，條街好靜但係呢到都聚曬人。 落米漿係要嚟整白雪餅仲有火炙下佢，外邊脆脆地，入面又煙韌。我地揀左貓山王，啲餡都好多啊。而且米味都好香好好味，難怪咁多人力推。呢個野飲酸酸地，夠refreshing夠清新。都係好多榴槤喔，好香但酥皮唔夠酥脆。望落唔錯，切開睇下先。唔算好流心，朱古力同榴槤味都夾叫，反而重點係榴槤雪糕好正。this one amaze me!榴槤同芝士始終最夾，超級正!!!

🍰🍭🍮香港食榴槤真係好瘋狂，熱辣辣都冇減低大家對榴槤嘅熱情，短短15分鐘已經超多人外賣😳連我都忍唔住要買黎試下🤣叫得榴槤王對佢期望緊高嘅！所以要食就食最受歡迎！據聞呢個＂榴槤白雪餅＂每日可以買100個最高峰時期可以買300個咁多😎💓外皮勁煙韌！原來係用類似日本大盤燒嘅做法，而主角當然係入邊啖啖超香濃榴槤肉，果然冇失望💓＂榴槤拿破崙＂足料之選🤤外面酥皮鬆化，入面夾住厚厚榴槤肉加蛋黃醬，真材實料好有層次😎👍🏻榴槤控不能錯過！不過食個陣要小心呀，真係好脆唔好食到碎曬🤣🤣 ＂榴槤芝士凍餅＂芝士味唔算太香濃但質地好滑好creamy，當然最好食都係入邊嘅榴槤蓉🤣👍🏻最絕係連新鮮飛機貨貓山王都有得賣！細細盒少食多滋味✨✨

有一次帶個客人來廟街走走看看，便看見了這間榴蓮王，當好客人對榴槤有所愛好，便來了買點食品一試。客人從沒試過食榴槤，還要是榴槤味道濃郁的D24和貓山王，客人不知道味道如何，對我而言，當然好想一試這些品種的味道，所以便買了些可以一起食的食品來一試。一口榴槤泡芺 HKD28/4個，貓山王榴槤卷 HKD48/2條，這2款美食剛好可以分開每人食一半。泡芺細細隻剛好一口一個，最初我只咬了一半，沒想到D24榴槤汁流了出來，店員便和我說，這是一口榴槤，是必須一口食入口，就會吃出爆汁的感覺，所以當食第2粒泡芺之時，便一口食下，真的是爆汁的口感，再加上是D24的香濃榴槤味道，更加好味。貓山王榴槤卷，就是特別期待的一款食品，因為貓山王出名是臭名遠播，但愛吃榴槤的人就當如珠如寶般喜愛，所以才有這份如此期待感。這個貓山王榴槤卷榴槤味真的很濃郁，和平常吃著金枕頭的味道完全有點不一樣。吃下時真的有點像吃著果肉的一樣，滿口都是貓山王的果肉在口中，確實吃上一次都感覺物超所值。菠蘿特飲 HKD22，天氣如此熱，只吃著食品而沒有飲品又覺得少了些什麼，所以便來了一杯菠蘿特飲。菠蘿特飲，真的能飲到菠蘿果肉，味道都幾清香菠蘿味，

夏天又係榴槤最旺嘅季節，最好食嘅就梗係可以食到新鮮嘅榴槤啦，甜品製品對我來講亦都係一個唔錯嘅選擇。之前睇雜誌介紹呢到有好嘢食，所以嚟到呢一度試一試佢嘅榴槤甜品。姐姐話所有嘅甜品都會係即製嘅，所以等咗大概10幾分鐘先至會有得食，雖然耐咗啲，但係即刻整嘅我深信係會好食啲嘅。榴槤班戟嘅味道真係唔錯，個班cake皮嘅厚薄適中。入邊嘅榴槤餡呢就有少少凍冰冰嘅感覺，味道非常之濃，真係貓山王。一份有兩件30幾蚊，勝價比高。另外一個榴槤拿破崙，個人嘅感覺就覺得中等，雖然係中間嘅榴槤嘅榴槤味道都係好香。但係拿破崙同榴槤嘅配合到始終都係爭啲感覺，拿破崙嘅餅味搶咗榴槤嘅香。

榴蓮是一種讓人又愛又恨的美食，可以讓人愛到吃不停口，也可以讓人一聞到氣味便即刻離開。愛吃的便會覺得好滋味，不愛吃的便覺得很討厭，確實是很2極化的態度。但如果愛吃榴槤，就必須要來到榴蓮王一食，用上馬來西亞品種的貓山王和D24果肉，再加入心思創意製成美食，足以讓你值得前來一試。**************************榴蓮王只是一間小店，但選址在於遊客眾多的廟街之上，從地鐵站一出前來是非常之近，位置也是在開明的街角之上。榴蓮王以白雪餅最為聞名，除了用上最為人所動的貓山王和D24榴槤果肉，還有其他味道給不吃榴槤的人所選擇。店內除了即做美食，還有些現成美食，如雪米糍、榴槤果肉漿、和貓山王榴槤，全部所有榴槤的美食都是從馬來西亞取貨而來。看著店內的主持人在準備榴槤白雪餅，看著這些果肉已經好吸引了。D24榴槤白雪餅 HKD20 (前) 和 貓山王榴槤白雪餅 HKD28 (後) ，全部是即叫即做，非常之新鮮，加入從馬來西亞來貨的榴槤果肉，還要等白雪餅至熟，最快都幾幾分鐘的時間，所以便坐在街上等候著。D24榴槤白雪餅 HKD20，榴槤果肉色澤較淡黃，有點近似白雪餅的色澤。白雪餅就是日本入口米漿

這家-榴蓮王成日都經過,每次經過都會聞到好香既榴蓮味, 幾次都有衝動想去試試,無奈每次都太趕未能品嘗,今日難得同媽子去油麻地,專登帶媽子來品嘗佢最愛既榴蓮,順便滿足埋自己既慾望!由於我都媽子都仲未食野,所以就點左呢個榴蓮PIZZA， 我哋揀咗薄批，離好遠已經聞到好香嘅榴槤味， 口感食落除咗好香嘅榴槤滋味外，仲有好多濃厚嘅芝士做陪襯另外亦點咗榴槤雪餅 呢度嘅榴槤雪餅係即叫即做， 而且係可以全程目擊佢嘅製作過程 見佢放咗好大嚿榴槤落去整，真係睇見都流口水榴槤雪餅外脆內軟，食落有煙韌嘅感覺， 而且啱啱做起熱辣辣特別好味把雪餅切開兩邊後，入邊嘅榴槤蓉爆曬出嚟，好誇張!! 而我覺得呢個雪餅嘅甜度啱啱好,唔會太漏榴槤班戟, 大賣點係班戟內充滿榴槤肉， 榴槤迷必愛食得榴槤產品太多，最適合飲一杯冰凍嘅飲品， 而且夏日炎炎夠曬消暑!最後挑戰人類嘅極限，食埋榴槤味嘅雪糕， 而呢隻榴槤雪糕有超香濃嘅榴槤香味， d24榴槤果然不同凡響!