樂園魚旦專家 (新都城中心三期)

营业中

休息中

晚餐好肚餓,又想簡簡單單,快快趣趣有野食, 食粉麵就一流, 落單後唔駛5分鐘就上到枱 我地叫左崩沙牛腩拼牛丸河, 牛三寶拼墨魚丸米, 崩沙牛腩肥瘦適中, 牛香味夠哂濃郁, 同平時就咁叫既牛腩真係好唔同, 牛丸更加係水準之上, 一咬落去爆汁之餘, 仲要好彈牙, 同埋食落都非常之有牛味~ 加埋店家既辣椒油真係好夾,好有風味! 至於佢個牛三寶拼墨魚丸米, 我就最中意食牛肚, 因為牛肚吸哂D 湯汁, 食入口都啖啖肉之餘仲要夠哂汁~ 超好食! 牛筋都好好食, 食完好似多左好多膠原蛋白咁!墨魚丸同牛丸比我就中意牛丸多D ,不過佢既墨魚都好香墨魚味, 夠哂真材實料!

夜晚想簡簡單單食碗有質素既粉仔, 見到呢間樂園係門口等外賣既人都唔少就試試佢! 叫左個牛三寶河同埋崩沙牛腩米, 另外再加左個炸魚皮, 野飲就叫左豆漿同熱檸蜜! 牛三寶河夠哂足料, 入面有勁多牛肚! 食落好入味, 佢個湯底好正, 好香牛味, 令人一飲再飲, 差D 飲哂佢個湯, 但飲完都唔會口渴! 真係一流! 崩沙牛腩米既牛腩既份量都唔少, 真係叫貴D都值得!D牛腩肥瘦分明, 入口即溶又唔un! 仲有佢既炸魚皮都非常之出色, 一浸入D 湯度就聽到滋滋聲,一聽就知夠哂新鮮同脆! 真係必食!

晚市冇堂食，負責買晚餐俾屋企人食，見到新都城呢間樂園都幾多人等緊外賣，於是就試試佢我叫左個崩沙牛腩米，同埋一個牛三寶河俾屋企人，另外仲加左個炸魚皮，真係要讚下佢個炸魚皮，做得好出色，夠哂脆口，而佢牛既份量都有好多，一D都唔會姑寒。佢既湯底都好好飲，飲完都唔會口渴，一D味精都唔覺有落，牛三寶既份量都有好多，食落好滿足，所有野既味道都係好perfect,河粉又唔會係碎濕濕個D，唔怪得知咁多人買。佢仲可以另外買一D丸類或者炸魚皮個D用黎打邊爐，下次如果屋企打邊爐都可以試下！

樂園啲牛丸一向出名，今日就去咗新都城呢間分店試吓。叫咗牛丸魚片頭米粉，特別叫佢加一啲藍汁，好香好濃。牛丸爽口彈牙，魚片頭亦非常好味。佢呢度有早餐食，一碗米粉加嘢飲都係$48。

本身諗住可以有得堂食特登趕6:00之前去食🤒點知原來佢哋冇再開堂食定係外賣🤣唔緊要啦咁我咪去附近度食啦！！地鐵站行過去勁方便，喺商場入口一入就係啦🤣🤟🏼叫咗碗墨丸牛筋河 $49 有兩粒墨丸同埋好多牛根！牛筋相對呢比較硬小小，而且佢都大舊，好抵食！！！墨丸就食得出無好多味精味，似乎都真材實料！！而且個湯都好清好好味😋另外一個就叫咗佢哋推薦嘅崩沙腩麵 $58雖然佢價錢係貴啲，但係絕對好抵食！！因為佢個崩沙腩超好食😋唔會好肥，但係又有啲牛嘅肥美，食落唔會好有內疚😹😹一碗有成7舊咁多㗎！！真係好味道！另外因為下午茶嘅時間，可以加$5就有杯嘢飲！！我哋就叫咗一杯凍檸茶同凍檸水🤣食完再飲埋，舒服哂！！！PS外賣附送兩包辣油！食咗半包咋都幾辣🤣🤣不過剩係嘴唇辣就舒服啲🤣

係商場入面都可以食到風味牛河真係勁正，味道價錢都好好，呢度係新都城中心嘅樂園魚蛋專家。因為而家晚市冇堂食嘅關係，所以都多左外賣，外賣回到家仲保持食物質素好重要，呢間就做得幾好，keep到熱度同味道。我呢度嗌左牛三寶，加飲品，價錢合理，而且回到家質素都仲好好，佢自己自動已分湯咁裝住，湯底味道有鮮味吾會得個咸字，牛好嫩淋又入味，仲有牛根好正，膠膠地又淋同爽之間，正丫，牛肚都好爽口美味，整體都好正，吾錯，會再次光顧！

疫情之下，晚餐嗌外賣多咗好多，呢間樂園魚蛋專家係商場入面但又平民價！比佢價錢吸引，原來味道同服務都好！大大個易拉架menu睇到有咩食，主要都係牛奶同丸類嘅粉麵， 我就嗌咗個牛雜河，先34元， 雙拼加十蚊，所以我就嗌多個墨魚丸，加2蚊又有凍檸茶，幾平！外賣包裝都好好 ，係分湯嘅，咁d面同河就吾會濕淋，仲記得比埋辣椒油，都好辣！正！講返正題，牛雜份量都幾多，河粉大大碗，絕對夠食，牛肚好爽，牛腸肥肥好食，牛崗同牛肺都入味！好滿意！湯底又香濃，吾會得個咸字，整體價錢合理味道都好，可以再嗌。

冇堂食就唯有叫外賣, 成日都好想食牛腩米,呢日估唔到俾我搵到呢間正野! 呢間樂園都有唔少分店, 而我食呢間既分店係係新都城既商場入面, 買個外個陣都見到有好多人等緊, 佢仲有D 生既配料可以俾人買番屋企打邊爐, 咁凍既天氣真係岩哂! 我叫左個崩沙牛腩米, 一個牛三寶河, 芥蘭, 脆骨皮, 野飲就凍檸茶同埋豆漿~ 叫外賣記住一定要分湯, 雖然分湯要加$1, 但因為D 粉都好爽湯, 番到屋企唔夠湯真係會唔過癮! 崩沙牛腩米真係冇叫錯, 雖然要$59, 但係D 牛腩真係好好食!!! 佢既牛三寶都好多料, 加辣椒油食夠哂過癮! 同埋估佢唔到竟然仲有脆骨皮, 普通炸魚皮叫得多, 脆骨皮係門鱔, 真係好少見, 同埋口感好得! 呢間粉麵店真係好得, 佢既湯底飲完一D口渴既感覺都冇! 一流! 下次要試下第2樣!

成日喺新都城行街，好多餐廳都食過！知道喺三期開咗間食粉麵嘅樂園，不過之前每次經過都見到好多人排隊，難得今日見到唔係好多人所以就同家姐入嚟試下🍜牛腩併墨魚丸河：牛腩肥瘦均勻肉質軟腍牛味濃、墨魚丸彈牙有鮮味，河粉份量多條條分明唔會黐埋一舊而且好軟滑👍🏻魚皮餃拼鮮蝦韭菜餃米：魚皮餃皮爽滑非常有彈性，餡肉清爽唔油膩、 韭菜餃餃皮又薄又滑，餡料飽滿🥟熱杏霜：家姐話好香杏仁味而且飲落好滑😊凍檸茶：茶味香濃但又唔會苦澀🍋呢度嘅食物的確唔錯，辣椒油亦都好香！唔怪得成日都咁多人排隊😆

每到寒冷的冬天，吃上一碗熱騰騰、香噴噴的牛腩粉麵是再開心不過的事情了。今天很巧，我恰好經過了這家樂園魚旦專家，吃到了我心目中的性價比最高的牛腩粉麵。這次我和朋友一人一碗，她吃的是金牌牛三寶配河粉，我吃的是崩沙牛腩配幼麵。我發現不愧是金字招牌推薦的產品，味道真的是非常好。首先湯底就非常濃厚，入口鮮香可口。而不管是幼麵還是河粉，都非常的筋道，很有彈性，吃到嘴裡有滿滿的幸福感。而崩沙牛腩就更是一絕了，肉質鮮嫩，肥瘦比例恰當。口感細膩爽滑，一吃便知道是非常優質的牛腩。這樣的搭配真的是讓人非常滿足，吃完之後還意猶未盡。這間餐廳儘管是下午四點就已經食客絡繹不絕，坐滿了大堂。同時我看了看菜單上的幾款料理，價格適中，性價比很高。很適合我們約幾個朋友放工之後聚在一起，享用一頓美味可口的晚餐。

今晚去寶琳逛街，順便吃碗麵。餐廳裝潢光猛企理，座位也很闊落，坐得很自在。餐廳有不少粉麵選擇，例如牛腩麵、魚餃麵等。⭐️硼沙牛腩$58叫了一碗雙拼，牛腩拼魚片。硼沙牛腩和一般的牛腩分別不是太多，口感比較豐富，因為硼沙牛腩有層薄膠質，咬起來爽軟不硬，愈嚼愈香。魚片厚度適中，入口爽脆。配上米粉相對其他粉麵卡路里低。⭐️五香牛腩$38牛腩的份量也不少，牛腩配上雪花肥牛，牛味濃郁突出，配上米粉負擔感不會太重。⭐️凍檸茶⭐️熱檸水

牛三寶雲吞米線, 呢碗米線牛三寶裏面有牛腩, 牛筋, 同埋牛肚, 牛肚煮得好入味同埋夠淋身, 由於可以双拼, 双拼我就叫咗雲吞, 餛飩啲蝦肉同埋豬肉都係新鮮嘅, 咬落去幾爽口, 湯底方面由於牛腩汁師父落得比較多, 所以你每食一啖米線都有牛嘅香味魚皮餃魚蛋米線, 呢碗米線就清清地, 啲魚蛋師傅整到有少少彈牙, 湯底方面幾清甜, 同埋有少少鱼香味芥蘭配牛腩汁呢隻豆漿豆味係幾香濃, 同埋呢隻豆漿有個好處, 就係佢一支一支裝嘅, 你飲唔曬可以拎走慢慢飲

一個人都是喜歡吃比較簡單快捷的餐廳今日去教完琴經過商場見到有魚蛋粉於是去點一碗醫肚入到去裝修有別一般粉麵餐廳燈光明亮空間大坐得比較舒適侍應亦很有禮貌見到限量發售就是必選的選擇因以每一款都想食所以選又雙拼♥️崩沙牛腩拼爽口牛丸$58+$10一上枱令我很意外因為湯底不是清湯是濃郁的牛肉濃湯吃麵前先試試湯底是清甜的牛肉湯底濃郁的湯底一點都不會死咸反而有牛肉的香甜味牛腩很軟很易咬開肥瘦分明牛丸很彈牙很有牛味雖然只有兩粒但高質的牛丸貴精不貴多不過如果多一粒兩粒會更開心🧡凍檸蜜$11蜜糖是西洋菜蜜但味道和檸檬很配搭喝起來有微微的西洋菜味我第一次喝西洋菜蜜很有新鮮感一點也不會覺得怪味📍 樂園魚旦專家 (新都城) (將軍澳)將軍澳貿業路8號新都城三期2樓210號舖

以前讀書嘅時候，成日會喺新都城度食嘢。今日重回舊地， 好多地方當都面貌全新。 同媽咪行完街之後去咗樂園魚蛋粉食。 貪佢夠平個名要睇落去都好似好食。裏面都幾新淨地方好寬敞。餐牌嘅選擇都好多，主要係魚蛋粉麵，牛腩麵等等。 唔算貴都係大約30至到50蚊左右一碗麵,加湯又或者小食都係16蚊。----------------以下係餐廳餐牌：--------------------🌟 紫菜湯🌟（$16）唔好叫紫菜湯，好鹹好水，冇乜紫菜--------------------🌟金牌牛三寶🌟（$58）料都幾多,裏面有牛腩牛筋牛柏葉。，牛筋嘅份量比較多，如果牛腩同埋牛肉可以多少少就好啲。 中規中矩， 同埋稍嫌有點咸。--------------🌟樂園四寶丸🌟（$48）四寶丸有豬肉丸，魚片，魚皮餃同手打魚蛋。呢個都幾抵叫，料同埋份量都好多。同牛三寶相反，味道比較淡可以加多啲調味。-----------餐廳提供嘅辣椒油都幾好食，不過好辣。

坐低快快手ʕ•ᴥ•ʔ 叫左個 雙拼~牛腩+牛肚河粉 $36 (+$10雙拼) !!(☞ ͡° ͜ʖ ͡°)☞ 好快就上枱 好高效率 啱哂趕時間要離開的我牛腩牛肚 都好林好入味 ♡´･ᴗ･`♡滑脫脫嘅河粉 加上清甜無比嘅湯底 係肚餓嘅時候食一碗即刻滿足晒完全冇投訴ᕕ( ᐛ )ᕗ加多個菜心都係$10 大碟又新鮮 係側邊加少少蠔油俾你點| (• ◡•)|ฅ^•ﻌ•^ฅ加少少佢個辣醬♡︎♡︎♡︎ i like it !! 同埋杯凍檸茶 ice lemon tea$8