樂天皇朝 (已結業)

香港真是一個美食的天堂、集合了世界各地的美食，此外水準也十分之高，講到不少港人的最愛就是小籠包了.這食店的小籠包十分有名，每一粒25克，每粒也充滿了湯包，重要並不油膩，水準十分之高.小籠包的皮又夠薄，令人垂涎三尺.食店環境佈置舒適.星期一至五在非繁忙的時間有六折的優惠.青瓜十分清新又夠爽口.大熱天時檸檬薏米水也是最佳之物.流心包水準十分之高.四季豆， 送飯一流.手工的餃子用料十足.黃魚拉麵十分細滑.最後的甜品也十分之美味.

樂天皇朝一直以黎都好鐘意黎食飯環境舒適 光猛 乾淨食物款式多 味道好今晚同朋友食飯佢好鐘意食小籠包所以一定要帶佢黎樂天既皇牌係八色小籠包賣相好五彩繽紛已經令人食慾大增有招牌原味，蒜香，人參鵝肝，川味，蟹粉，黑松露佢仲有個小牌仔温馨提示你食既次序應由淡味食到最濃味粒粒都爆香濃湯汁而且每樣味道都好突出真材實料必試另外叫左醉雞好多上海餐廳都有既菜式但要整得好食一點都唔簡單首先冷盤要夠凍另外酒味香醇又唔會蓋左雞肉味雞肉要夠嫩滑樂天就做得齊哂非常好食風沙骨份量好多煮得好入味 又唔油膩用黎送飯一流最後食埋甜點有桃膠紅棗龍眼肉既非常滋補整體黎講係性價比超高既餐廳

由一開業看到地鐵廣告宣傳光顧到今天，我是一名老客人了，始終烙印很深，種下情根是八色小籠，試過別家都沒有那麼美味，亦做不出顏色那麼的吸引美麗，久不久就和家人朋友去治療下內心的小籠包癮😋小食15花生栗子炆得好淋軟，上桌暖暖的有誠意。茶位8位芝蔴油麥菜65又是我一定一定下單的一道菜，芝蔴醬真是拌什麼也很味美，配上生當沙律食的青瓜卷著油麥菜，把一份又一份的新鮮爽脆田園氣息送入嘴巴咀嚼，會讚嘆大自然賜予的美好，十分健康。香辣蒜泥白肉75半肥瘦的豬肉塊正因爲裹著要人滿意的蒜蓉，少少辣，令人不感到有半丁膩口感，滿足的連同🥒絲也大块大块吃進肚子。八色小籠包118每次必點項，跟據食法由淡至濃味先後次序去吃，原味人參鵝肝黑松露芝士蟹粉蒜香川味等跟著就對了。原味有肉香，參味濃郁，鵝肝有芳香，黑松露味好出位，芝士是第一次吃到可以拉芝的，蒜香相對沒那麼出色，蟹粉鮮味完勝，川味只帶辛有點蓋過肉味。整體湯汁多，吃時小心，否則噴到一枱是。蟹粉小籠包208十隻蟹粉小籠包很好看，和大閘蟹的顏色一致，亦甚具鮮味，入口熱騰騰香噴噴，包皮內的湯汁，充滿著濃郁蟹味，一點也沒有腥氣，當然小籠包要趁熱吃呀！竹炭流沙包42三個個子精緻

呢日放工, 同左男朋友去尖沙咀行街, 然後帶左佢去試樂天皇朝, 因為佢係小籠包怪來~所以要帶佢來試下呢度好出名嘅8色小籠包！一出lift,就見到廚房開放畀公眾睇~可以見到廚師們喺度整緊小籠包呢!店內裝修好grand好靚,d座位都坐得好舒服~一坐低, 店員就放低一碟小食畀我地食住先~係鳳爪來~辣辣地, 都幾開胃呀!睇完餐牌, 我地叫左: 京醬肉絲配薄餅($90),上海生煎包($42),皇朝小籠包($118) x2,原味小籠包6隻($62),蟹粉炒飯($128)京醬肉絲配薄餅($90)呢個我地見佢有薄餅配,覺得佢好似片皮鴨, 所以叫左來試味道都唔錯呀, 幾惹味!如果真係好似片皮鴨咁有京蔥/青瓜一齊夾來食, 仲正呀!佢有d薄餅皮畀你包住肉絲食的~肉絲的醬料惹味香甜,夾住一齊食因為此行主要目的係來食小籠包..所以我地2個人叫左3籠皇朝小籠包($118)呢個我地叫左2籠,一人一籠,咁先可以試晒咁多個口味嫁嘛!呢個真係勁推薦8隻味分別係原味, 人參, 鵝肝, 黑松露, 芝士, 蟹粉, 蒜香, 川味。隻隻入面都充滿湯汁!人參:裡面係濃濃人參味的湯汁;鵝肝: 裡面係咪真係有鵝肝我唔知, 但咬落真係有鵝

Happy Friday 要同同事聯誼下，同事今次搵左樂天皇朝食上海野，講到食上海野，小籠包一定唔少得，所以特別要求點返籠小籠包，其他就由同事發板！樂天以卡位為主，座得幾舒服！先黎冷盤 - 芝麻醬油麥菜咁樣食油麥菜，都係第一次！冇諗過油麥菜可以咁樣卷住食，唔止賣相靚，又方便食用，啲菜好新鮮，咬落去索索聲，點埋個芝麻醬，味道好配合，不過就比較少，好快就過完隱！紅油抄手呢個紅油抄手，辣得黎味道剛好，好惹味，肉既份量幾好，皮又整得幾滑，一放落口就好似想滑入口腔咁，口感唔錯！招牌原味小籠包小籠包係食上海野必叫之一，有六隻同十隻選擇，我地揀左十隻，樂天既小籠包外表飽滿，咬落去勁多汁，肉味適中，湯味香濃，味道唔錯啊！皇朝話梅骨排骨切到一粒粒，肥瘦均勻，一啖一粒，好方便食用！酸甜味剛好，話梅味道慢慢滲出，好惹味，令人一口接一口！揚州炒飯同事一定要有飯到肚，所以叫左個揚州炒飯，粒粒飯都好分明，鹹度適中！香煎豆沙鍋餅外層炸得香脆，紅豆蓉超多，一咬落去有種要爆出黎既感覺，又唔會太甜，一碟有八件，一人可以食多兩件總括黎講，樂天食物質素唔錯，服務也好，碟頭比較細，可以俾我地叫左幾樣，試多幾樣！

一向都鍾意食上海菜，亦都係樂天皇朝嘅支持者🤪呢日嚟到嘅係佢位於尖沙咀嘅分店，離尖沙咀地鐵站只係5分鐘嘅步程，十分方便👍一上到去就見到師傅用心製作中！店面好大，好光猛。座位之間好寬闊，坐得幾舒服～皇朝小籠包（$118）嚟到一定要叫嘅係呢個招牌皇朝小籠包！餐廳建議客人由味道最淡嗰個食到最濃嗰個。原味 -> 人參 -> 鵝肝 -> 黑松露 -> 芝士 -> 蟹粉 -> 蒜香 -> 川味即係圖入面中間開始，向左食，再順時針食落去。味道唔知道係整咗落個皮度定係舊肉度，成個小籠包都有嗰陣味架！皮薄又唔易穿，餡靚，仲要載滿濃味湯汁，正💯！菜肉雲吞豬骨湯拉麵 （$72）拉麵硬度唔錯，唔會太淋，有口感～湯底清清地，好味。菜肉雲吞味道唔錯，不過略嫌個皮厚咗少少～需要一提嘅係後面嗰碟小食係要收取$16架，所以如果唔需要可以叫侍應收返～肉碎欖菜乾煸四季豆（$85）最鍾意食四季豆，所以不用多說，點整都咁好食，正！雪菜咸肉炒年糕（$85）呢到有三款年糕，包括湯年糕、雪菜咸肉炒年糕同上海炒年糕。我哋就揀咗清清地呢款雪菜咸肉炒年糕～年糕無乜味，可以同咸肉一齊食，

平日吃的小籠包, 多數都係平平無其的鮮肉餡, 極其量到大閘蟹季節時, 就會多一款叫蟹粉小籠包雖然這裡的8色小籠包是獨家, 但是我還是第一次來試的喔 (掩臉)男友是上海人, 對家鄉菜都情有獨鐘, 不過怕吃太多澱粉質的我, 很多時都會拒絕他吃上海菜不過今天因為他乖乖的陪我在樓上做完GYM, 因此以作獎勵, 也是對自己出了汗水的獎勵一打開電梯, 便見到很開揚的玻璃廚房, 師傅在內包小籠包的狀況一一看得清楚內裡環境都很舒適也潔淨, 中午到來, 座位也算多, 只是坐滿一半位置, 找位容易安頓後, 侍應立即端上熱茶及餐前小點, 雖然這個也是收費之內, 但內容不止燜花生咁簡單, 花生超大粒, 還有燜栗子也意外地出現, 兩款都很腍, 我差不多吃了半碗點菜這個重要事項便交給男友,無錯, 他通常都會點多, 這單只是我倆二人份量, 通常他都眼寬肚窄又可能今餐是他的家鄉菜啦, 最後他很努力完成所有餸菜, 我都覺得他很有食力先來個前菜撈海中寶因為見到有爽口的海蜤, 除此之外, 仲有魷魚絲, 青瓜絲, 蝦等這個是涼菜, 來到是冰冰涼涼的, 而且伴汁是酸酸的蒜汁,  在炎夏吃必定很開胃主食點都要點一個: 京醬肉絲配

✿╮❤╭✿ ✿雜感女生   好味日記✿ ˚*•✰。樂天皇朝．周末飲茶好去處。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 天氣太熱了，與朋友周末吃茶 最好是吃涼菜小食 今次到了「樂天皇朝」 自然是為了精緻的小點而來  意米水：濃香足料，意米多多，去濕清熱，正！豆漿：朋友來了杯凍的，夠豆味，也是去夏天之熱！蘿蔔絲酥餅 酥香脆口層次多，味道香內裡的蘿蔔絲夠鮮甜，必食的！上海生煎包肉汁多，即點鮮製，皮更是好吃麻醬油麥菜 清爽的以青瓜卷起，配上芝麻醬 簡直是夏天妙品，吃到停不下來撈拌海中寶 以香醋提味，涼涼的酸香令海蜇、蝦仁、青瓜絲更加爽口李白醉雞 酒香令雞肉更鮮更滑嫩白的雞肉有了酒香，更是迷人皇朝話梅骨 甜甜的話梅令排骨更引人 顏色好之外味道準不錯 連骨的肉更有骨香蘆薈桂花蜜 夏天必食的爽心佳品 桂花香香的，蘆薈爽爽的蜜糖潤潤的，透心涼爽周末選個好地點，飲個茶 食個包，人生一樂也！

這家樂天王朝是我一直都想吃的，那廣告上的七彩小籠包，真是令人十分期待！今天我就與好姊妹去試一試！皇朝小籠包是這裡的必點之一，包的味道新穎有創意！無錫鮮肉鍋貼，同行女友人表示必點，因為鍋貼的肉汁四溢，外皮脆脆，一流！薺菜黃魚羹，黃魚羹材料十足，而且上桌時還是熱乎乎的，甚為暖身，Yummy ! 麻醬油麥菜，呢道菜真係驚嘆！菜非常脆口，非常非常清新，一致認為是心機菜，配上麻醬，不得了。醬醋海蜇頭，非常爽口，而且醬醋也是亮點，酸酸甜甜，還有脆口青瓜，是大滿足呢！李白醉雞，加十元有雞脾肉，一定要加呢！否則怎能夠啖啖肉呢！抵食！桃膠圓肉紅棗，女士必點桃膠來滋陰一下，而且不甜不膩，頗為合適我們愛美一族享用。蒜泥白肉, 一點也不膩，是精緻的表現！而且醬料不會過於嗆口，使肉味配上合宜的麻辣味，剛剛好：）

近排天氣好熱啊，熱到個人冇乜胃口，想食d酸酸地嘅野，諗起小籠包，今晚就同朋友去左食呢間中菜。晚市係以散叫為主，可以係大餐牌睇，睇完就係order紙自己剔。【招牌原味小籠包】 $62/6隻呢個小籠包皮薄餡靚，用左紗布墊住黎蒸，而唔係常見既蒸籠紙，夠哂傳統。夾起唔會爛，湯汁充足，點埋醋食好match。【李白醉雞】 $85醉雞酒味夠香，唔會好大陣酒精味。雞肉係用左雞胸位，岩哂我同朋友，夠健康啊嘛，同埋都好嫩滑，肉質鮮甜。【醋醬海哲頭】$78大大塊既海哲頭，夠厚肉又好爽口，口感比淨係食薄薄既海哲絲好，幾開胃既前菜。【上海外婆紅燒肉】$92一碟有6件，炆得好入味，上部分既豬皮炆到好稔，好似啫喱咁，唔會太鹹，就咁食都ok。【揚州槽溜魚片】$98以前食過既槽溜魚片係一片片，好薄身既。但呢間餐廳就重本用左好厚身既魚塊，咬落去口感好實在。【上海炒年糕】$85用左上海粗炒既方式，不過就以年糕取代左粗麵。每一塊年糕都沾滿醬油，炒得幾圴匀，幾中意充滿嚼勁既上海年糕。總括而言，樂天皇朝食物質素都算係中上，坐得都舒服。最欣賞係醋醬海哲頭，下次會再叫。

之前看到朋友分享這裡的八色小籠包像片很吸引，就和老公來吃晚飯。皇朝小籠包$118 - 必點招牌菜，八色為原味(白)丶人參(綠)丶鵝肝(淺啡)丶黑松露(黑)丶芝士(黃)丶蟹粉(橙)丶蒜香(深啡)丶川味(紅)，我們跟著指示圖順序吃，味道由淡到濃，吃到黑松露時開始是特別香濃的😋薺菜(碧綠)黃魚羹$58 - 賣相吸引，兩款材料都比較少吃得到老田家菜肉雲吞湯$58 - 湯內除了有普通的綠色蔥粒外，還加了一些紫色蔥粒，另原本平凡的一道菜生色不少，很有心思麻醬油麥菜$65 - 一直只懂用豆豉鯪魚配油麥菜吃😆，這食法很新鮮吸引，油麥菜切成一片片卷好，再用青瓜片圍著，點上日式胡麻醬，滋味無窮😋京醬肉絲配薄餅$90 - 肉絲醬汁味道香濃揚州炒飯$85 - 足料好味宮廷驢打滾$45 - 外面灑上黃豆粉，內裡卷著紅豆沙蓉，糯米皮很軟糯，口感豐富，味道一流，必試這中菜的菜式創新吸引，味道又好，服務殷勤，價錢又合理，有機會要再來品嘗其他菜式。

七彩繽紛既小籠包真係好搶眼，一籠8粒8個味道，如果鐘意食鵝肝既，唔好錯過淺啡色果粒，無論係啲肉定啲汁，都有滿滿既鵝肝味，仲隱約食到啲鵝肝添！呢度個海哲頭都正，醋醬汁味道調得幾好，唔會過酸，仲帶少少甜添。海哲頭比平時既海哲更有口感，咬落去好實在爽脆。賣相一流既松子桂魚，食落肉質唔鬆散，魚身厚實，滿足。淋上有菠蘿既甜酸汁，好開胃。想嗌碟菜食下既可以叫乾煸四季豆同炒菠菜，肉碎鹹鹹地幾惹味，四季豆干身得黎又唔會煮到老曬。菠菜好簡單咁用蒜蓉炒，清清地，最重要係一啲澀味都冇。

上次食過經典，今次上完樓梯向左走，向皇朝進發主打上海菜，門口見到師傅唔停手咁包小籠包，好想食呀..............呢客特色皇朝小籠包 (八色) ($118/8隻)可謂呢度嘅獨家招牌菜，未食過嘅差唔多都會叫黎試下，我地都唔例外八色小籠包隻隻飽滿，顏色吸引，餐牌寫住繽紛八色由天然食材提煉而成八款味道包括有原味，人參，鵝肝，芝士，黑松露，蟹粉，蒜香及川味仲有教你由原味開始食至到川味，味道由淡到濃，可以體會到真正獨特味道綠色呢隻係人參，參味食到尾散出黎但唔算好勁每隻要求統一重量及18摺，咬落皮夠薄但夾起時又唔會整穿，肉汁四射，配埋薑絲醋一齊食，果然有料到呀!黃色呢隻係芝士，食到淡淡芝士味最後呢隻係川味，唔辣但有花椒嘅香味之後到前菜醋醬海蜇頭 ($78)出場，熱天氣想食D涼菜，海蜇頭份量都對眼，底層有青瓜海蜇頭固之然係爽脆，加埋醋汁酸酸甜甜好開胃，若然再冰凍D就仲好味!食上海菜叫個四川酸辣湯 ($52)係指定動作，呢度係以位上，入口熱辣辣，材料有荀絲，豆腐絲，木耳絲，肉絲等，酸辣度不容睇少，飲完個身有點慶....哈哈!友人唔嗜酸辣，叫左呢客薺菜黃魚羹 ($58)，見到大量魚肉碎，入口超濃

唔知道原來尖沙咀都有樂天王朝，今日同媽咪過嚟食飯，想試吓上海菜。聽聞佢哋嘅白色小籠包好出名，有我最鍾意嘅黑松露味，芝士味，唔同顏色都有唔同嘅味道，好特別哦！當然唔少得係要嗌前菜例如醉雞，海蜇頭，鍋貼。自己最鍾意食海蜇頭，因為醋味好濃郁，仲有青瓜添！之後當然有主菜，例如上海炒年糕，松魚。上海炒年糕好入味，唔太鹹，條魚炸得10分香脆，酸酸味味咁好開胃！要值得一題，就係佢個前菜花生好好味！旁邊亦有醋同埋ginger俾你自己添，食小籠包一流！