樂天皇朝 (利舞臺廣場) (已搬遷) 新店位置

朋友話想食小籠包，前嗰排食完樂天皇朝覺得唔錯，推介俾朋友。朋友話只想食原汁原味嘅小籠包，所以今次冇點八味小籠包，不過原味都已經好好味，依然係皮簿料鮮多湯汁☺️另外仲叫咗好多其他嘢食。京醬肉絲配薄餅，$98肉絲好嫩，配上甜甜哋嘅甜麵醬炒得幾好味，薄餅好薄，同平時食皮片鴨嘅餅唔同，口感差少少，不過包住大量肉絲都幾滿足。蘿蔔絲酥餅，$45鍾意食酥餅，外層好酥脆好香口，入面一絲絲嘅蘿蔔絲可以平衡返酥餅嘅油膩，好味。酸菜魚，$238酸菜魚片好厚一塊，下面有啲，同有粉絲，好飽肚，湯嘅酸味好夠，飲咗少少返到屋企都冇覺得好渴，幾好。今次去銅鑼灣分店，服務同環境都好好，好適合同朋友靜靜咁食餐飯。

用程式訂咗半價優惠食呢間餐廳最早都要下晝三點先有食完出門口發覺見到有張招紙。係兩點半已經開始有下午茶半價唔需要驚程式佢訂購嗰下覺得自己蠢咗不過條款有啲唔同餐廳唔使訂嗰種半價好似有啲規限應用程式訂嗰啲就多少少選擇例如可能某啲主菜唔揀得食咗個小籠包同埋七彩小籠包今次食小籠包覺得冇以前咁好食食到某一舊小籠包上面用黐住好細條嘅冷衫毛用茶水洗都照食另外試咗擔擔麵鍾意食辣嘅人應該覺得好好食茶介啲花生今次超難食好似煲湯嗰啲豆咁另外今晚安排咗一個坐喺廚餘隔離嘅位感覺勁臭有啲頭痛成餐飯都有啲味其實佢都好多位呀有必要安排到咁咩真係好逼好多人就話啫下午茶時段其實都好鬆動

樂天皇朝嘅八色小籠包已經食咗好多年，勝在一家食飯都可以滿足唔同人嘅口味👍🏻 個人就覺得川味小籠包最好食，可能因為係最重口味嘅一款😂 另外鵝肝味都係另一個推介嘅選擇除咗小籠包，小菜其實都好出色，今晚試咗一個風味沙拉排骨，排骨炸起再撈沙拉醬，好香口同唔會好油，一碟夠4個人食☺️主食方面叫咗一個鮮蝦豬肉抄手拌麵，呢個一上枱即刻撈均醬汁，好香濃嘅麻香味，唔太辣但係又麻得好過癮😆😆 抄手有4大粒，入面食到足料嘅蝦仁，可以再點埋個拌麵汁食，更加入味另外仲有小食過下口癮，就係聞香蔥油餅，個賣樣同一般蔥油餅好唔同😂 係好鬆化嘅圓餅，入面有淡淡蔥香，呢個多d人一齊share會冇咁heavy🤪

每一次見到個宣傳單張 都會好想試呢度嘅特色八味小籠包❤️一定係呢一度嘅招牌菜✨一次過食到八款唔同嘅味道🤩每一款都皮薄餡靚又juicy😋最推介係佢哋嘅黑松露、鵝肝同芝士味 好有驚喜！

樂天皇朝唔會有人冇聽過了🤣🤣多年冇黎過，經過突然想食就食😆先唔講食物，但一入去就已係有一個極舒適環境，猶如置身宮廷嘅古典氛圍👑仲有，係服務態度一流嘅中菜廳 無論係兩三個人黎，定一班人/一家人黎都啱呀！🥟川味小籠包（6件）$88最出名莫過於八色小籠包，但得2個人就冇嗌呢款。老實說咁大個女我只食過原味小籠包同埋蟹粉小籠包 其他都未食過🤣無辣不歡的我 見到川味當然唔放過啦🌶➡️皮夠哂薄，入面川味湯汁係滿架，已經夠香，係一款唔駛點醋都夠哂味嘅小籠包🥰🌶成都口水雞 $88麻、香、辣都齊集！嫩滑的雞沾上麻香味重的口水汁，實在令人食完一口又一口🤤我個人覺得辣度啱哂我 不過男朋友就覺得好辣🤣🤣🥢木樨肉炒拉麵 $88木樨肉，原本唔知咩嚟，見到炒拉麵就嗌🤣原係係山東名物，主要原料有豬瘦肉、雞蛋等。本身炒拉麵已經好香 再加埋有瘦肉同埋好多好多蛋🍳成件事再香啲😍下次黎可以再嗌😋🧆擂沙湯圓 $45未入餐廳嘅時候已經知道自己一定要留肚食呢個🥰🥰🥰我是湯圓控啊🍡個皮夠哂煙韌，仲有滿滿花生碎🥜入面爆哂餡嘅芝麻流心🥹咬入去仲要係好暖架！太好食，我食3粒，男朋友食1粒(◐‿◑)�

原來不覺意之間愛上上海菜了，今日來到銅鑼灣，晚餐最終還是揀了食上海菜，就是利舞臺廣場的樂天皇朝。上海生煎包裏面餡料多啲會更好，底部煎的夠香脆，令整個包帶著煎過的香氣。招牌原味小籠包，食上海菜少不了這個小籠包，一整個放入口，滿口的湯汁及瘦肉的鮮甜。菜肉雲吞豬骨湯，呢個雲吞食上海嘢必食，整個雲吞很鮮味，湯底好清甜！菜肉雲吞豬骨湯拉麵，雲吞都有多隻，加埋辣椒油及浙醋，少少酸及辣，特別好味。最後食埋這個滋補桃膠紅棗桂圓湯，好滿足的一餐上海餐。

因為佢某個app有啲時間會有全單半價，所以吸引到我去試🤣。（平時下午茶都自動部份菜式半價，但唔係全部。）-入座嗰陣店員會送上一碟小食，價值係$15，但係我試過一次覺得唔係幾好食所以第二次去嗰陣同店員講話唔要。建議如果大家嚟可以唔使要。只要你同店員講話唔要佢就會幫你收返起同埋唔使收錢。-特色皇朝小籠包（八色）（7.2/10)真係有八種顏色，分別係唔同嘅味道，用嚟影相打卡都幾靚！但係就唔係款款都好食，但係第一次嚟都可以叫一籠試吓，用嚟打卡。但係我個人就唔會再嗌🤣。-上海外婆紅燒肉 （9/10）好食！肥瘦均呈，味道濃郁。真係減緊肥都忍唔住食一兩舊。🥲-皇朝擔擔拉麵 （8/10）對於我一個唔係好食得辣嘅人來講佢真係幾辣（辣度4/5) 但係都惹味。雖然食到出晒汗但係我都有繼續食。-京醬肉絲 （8.5/10）肉絲比較濃味，用啲皮包住嗰啲肉絲嚟食好夾。-香辣蒜泥白肉 （9/10）雖然佢係香辣但係就唔係真係好辣。中間包住一啲類似菜嘅嘢，食落去都match，幾清新。蒜泥都多，幾推薦。-蘿蔔絲酥餅 （7.8/10）用類似酥皮嘅嘢包住熱辣辣嘅蘿蔔絲，入面好Juicy，價錢唔貴鍾意蘿蔔嘅可以試吓。-炸饅頭（8

位於銅鑼灣利舞台廣場六樓來自新加坡的樂天皇朝中菜館，裝修設計典雅舒適大氣，十足古代中式宮庭風格。主打粵菜及滬菜，招牌皇朝八色小籠包，八種味道八種顏色有創意，買相十足，皮薄汁多，外皮採用天然色素製作，可安心享用，口味有原味、黑松露、蟹粉、蒜香、鵝肝，糟溜絲瓜、川味和芝士八種口味，口感豐富而有層次。地道的上海菜清炒蝦仁：蝦仁晶瑩通透，鮮美彈牙，好快清盤。薑汁炒芥蘭：碧綠爽清，爽脆夠健康。主食揚州炒飯：有蝦仁、叉燒、菜和雞蛋，大大碟好足料，飯粒乾身夠鑊氣。飯後甜品桂花酒釀丸子：丸子煙煙韌韌，夾有酒釀和桂花味又香又甜，夠水準。餐廳不僅食物出品精緻，服務熱情周到，以後還會光顧！

今日去開時代廣場買嘢，行到攰啦就同老公去附近嘅利舞臺搵嘢食，見到呢一個八色小籠包嘅招牌就俾佢深深吸引住😍😍裏面嘅環境猶如置身宮廷般嘅古典氛圍，燈光帶點昏暗，好有感覺😝率先點左個八色小籠包，除了原味，餐廳更打造出前所末有的蟹粉、芝士、蒜香、糟溜絲瓜、川味以及頂級的鵝肝和黑松露口味。記住跟住佢嘅品嚐步驟，由啖食到濃！我就最鍾意蟹粉味，皮薄餡靚又鮮甜，加入薑絲同埋醋真係最佳配搭👍🏻仲顛覆咗我對小籠包嘅認知！之後點左個蘿蔔絲酥，餐廳做得精緻，外皮非常薄脆而且又唔容易鬆散，裏面嘅蘿蔔蓉好清甜！而老公見到蔥油餅又心郁郁就叫一份，上枱熱辣辣，蔥香好濃，入口好有層次感，唔會太油膩，配啖茶就相當合適！最後叫多個鮮蝦雲吞，豬骨湯飲出清甜，不帶味精之感，雲吞皮簿，蝦內爽口彈牙鮮甜，口感豐富！

最近因為買左Lee Garden 🪴 Hy Power! Coupon 所以去左試下，用恆生卡買可以$240買$400 coupon 其實都幾抵。六點半黎到坐在左卡位，好舒服。一坐下來，有一蝶栗旬、花生🥜做前菜，係幾好食。之後，我叫左一籠六個的原味小籠包、八個八彩小籠包、鮮蝦雲吞麵、上海炒飯。八彩小籠包，我認為最好食😋係蟹粉小籠包，好香蟹味，幾正喎其他味就幾得意，但無咩味，味道好輕。個面都無咩味，好清淡。上海炒飯使用珍豬🐷米，同老抽炒好野味。

唔知大家有冇去過樂天皇朝食佢哋嘅皇朝小籠包(八色) ($138)當中包括原味、川味、蒜香、芝士、糟溜絲瓜、蟹粉、鵝肝、黑松露。餐廳好貼心咁寫咗一張食八色小籠包嘅次序當然係由最淡味嘅食到最濃味啦🤪除咗賣相好吸引之外 每個小籠包都皮薄餡靚每食一個都係將味蕾的層次一層層咁堆疊上去😝除此之外 我仲叫咗外婆紅燒肉 ($98)呢道婆看似簡單 但做到香甜鬆軟就一啲都唔易因為一唔小心就會肥瘦相間的五花肉煮得太熟不過今次呢個絕對係入口即溶 肥而不膩👍🏻最後用蟹粉炒飯($138)嚟填飽個肚飯份量都夠食 而蟹粉鋪喺飯面食落口淡淡都係蟹粉嘅精華 好味🥰

📍樂天皇朝 @paradisegrouphk 係一間鼎鼎大名嘅上海菜館！樂天皇朝本身係嚟自新加坡嘅過江龍，以小籠包起家，相信唔少人都見過佢哋嘅八色小籠包宣傳照。除咗依道名菜之外，餐廳嘅其他食物都好高質素。今日兩個人食，當然要叫一個八色小籠包（$138/8粒）啦！分別有原味、糟溜絲瓜、鵝肝、黑松露、芝士、蟹粉、蒜香、川味！我個人比較鍾意食原味同黑松露😋之後我哋再叫咗個蒜香排骨豬骨湯拉麵（$85例）拉麵佢哋係用返幼身嘅上海麵，蒜香排骨好厚身同埋juicy 👍🏻 最後叫咗個松花皮蛋豆腐 （$58例）豆腐同皮蛋都好滑溜 好味😋#樂天皇朝 #八色小籠包 #上海菜 #銅鑼灣美食

多彩人生，斑斕若夢。一口氣可以吃到八色小籠包, 更加豐盈著自己的時光。-幽暗的燈光、工業風的地磚配上中國古代的設計帶出現代與宮廷感。二人被安排坐卡位,間感十足非常舒服。-HK$138特色皇朝小籠包（8味）~不同顏色的外皮是代表不同的味道：原色~招牌原味、紅色~川味、灰色~蒜香、黃色~芝士 、綠色~糟溜絲瓜、橙色~蟹粉、淺啡色~鵝肝及黑色黑松露。用筷子小心翼翼夾起,便看見因皮薄而包裏着墮下來的湯汁。咬下去,湯汁在口腔中爆出來。每款味道也相當出衆。-HK$138上海清炒蝦仁~第一眼就覺得像白玉一樣晶瑩剔透。入口Q彈又鮮嫩彈。-HK$63上海風味醬鴨~朋友說有點像臘鴨,鹹香得來肉質充滿咀嚼感,如果配白飯是一流的伴菜；-HK$96黃魚煨麵~又厚又大的黃魚,啖啖肉又沒有魚骨,令我放心食用。有點可惜是黃魚有一陣泥味。麵條吸滿湯的湯的精華,口感軟而不爛。-HK$15小食~鳳爪~非常入味又帶點辣,肉質軟熟鳳爪控的我,差不多吃光了🤣-吃過八味小籠包在多彩的人生里，領悟著生命的真諦。

🛍今日去銅鑼灣時代廣場Shopping ，剛好見到對面《樂天皇朝》個大招牌啲小籠包好吸引，所以就入去試試😋！原味小籠包(10pcs) ＄108🥯味道有好多選擇，有八式小籠包，但媽咪偏愛原味，鐘意佢清甜而不油膩，加上湯汁滿瀉，皮薄又口感Q彈，好味😋😋！薺菜黃魚春卷＄53🐟外層脆卜卜，魚味都幾濃加入埋薺菜，呢個配搭都幾特別，不妨一試！四川酸辣湯 ＄63🌶豬肉絲、木耳、豆腐、竹荀等等．．真材實料！酸酸辣辣食慾大增，感覺有點過辣，但非常過癮！宫廷艫打滾＄48即點即製作，煙煙韌韌超軟熟，內層包著紅豆沙餡料，外層沾上果仁碎，好好味👍🏻👍🏻！

最近小編見到好多小籠包嘅post，所以今日經過銅鑼灣就上咗去樂天皇朝食☺️😋 招牌原味小籠包 $68招牌口味熱辣辣，每一粒小籠包都餡料豐富又夠多汁，只稍嫌皮較厚，不過食完之後朋友都話好滿足😋😋 肉絲年糕豬骨湯 $78豬骨湯味道較濃郁，年糕十分煙韌，肉絲也較腍😃👍 鮮蝦豬肉雲吞拉麵 $75湯底為豬骨湯，味道濃郁鮮甜，雲吞配上鮮蝦豬肉，咬落好爽，皮薄餡靚，拉麵麵質煙韌，可以encore😉 雪菜蝦仁炒飯 $85炒飯鑊氣十足，蝦仁夠爽，雪菜令到整個炒飯升華，能夠帶出鹹鮮風味😉 樂天皇朝銅鑼灣波斯富街99號利舞臺廣場6樓 #樂天皇朝 #八色小籠包 #銅鑼灣 #利舞臺廣場 #hkfoodieclub