樂天皇朝 (利舞臺廣場) (已搬遷) 新店位置

裝修勁靚，中間是一個小蓮花池，兩邊則是卡位座，餐廳很企理乾淨，坐位位置闊落，坐得很舒服～原味小籠包～外皮很薄，夾的時候要小心🤣內裡湯汁豐富，湯汁清而不肥膩；薑絲及醋汁在桌上，自己添加～揚州炒飯～炒飯有鑊氣，炒得很香，飯粒煙韌分明～香煎豆沙鍋餅～外皮煎得很香脆，豆沙香甜而不漏，甜品吃這個超正～羅漢果茶及自製檸檬薏米水～都很香濃濃郁，飲品都是微甜的，喝起來沒負擔，以20元1杯這個價位來說，絕對超值～

下午茶時間有5拆優惠，來到還是好多人，我哋2:25pm來二人位置去到1006票，個時仍是1002。但因為地方大，都快到我哋。小籠包，拉麵有5拆。甜品，主食就沒有。以上是我們點的食物。但都等左好耐先上野食。前菜係凰瓜，汁好食！唔食可轉花生。一黎竟然係黎甜品先，朋友覺得不好，好似罐頭開出黎嘅飲品咁。呢個係蘆薈桂花蜜，粒粒蘆薈，只有甜。我都麻麻地。經典竹炭流沙包。好食，除左流心，有咸蛋黃味係入面。要順次序食。由原味開始，朋友覺得每隻味其實分別不大，但我覺得細心食，係皮同汁都食到少少唔同，但又不失小籠包風味，我覺得幾特別嘅。中式心太軟我覺得好讚！作為女生呢個主菜可當甜品食，但又暖身，唔使甜品=冰冷食物。同埋整得好食！簡單得黎有益，特別。因為朋友不喜歡他的中國酒味，所以唔鐘意，食到d魚似冰鮮急凍魚，所以無咩點食。除左呢點我覺得本身係健康的，有紅蘿蔔，雲耳，葱。環境不錯，闊落優雅，適合帶老人家/細路仔黎食。食物就一般般。但不會太差。

很久沒有跟同事吃中菜，今次來到位於公司附近的樂天皇朝，當然要試下他們的七彩小籠包!餐廳環境給人一種神秘的感覺，因為餐廳燈光較暗，餐廳中間位置有個水池位，好有貴氣!餐牌上有多款不同的京川滬菜可以選擇!特色皇朝小籠包，這款小籠包最多人會點，因為每粒都不同顏色，而且味道也不同!味道包括有原味、絲瓜、鵝肝、黑松露、芝士、蟹粉、蒜香和川味！當中黑松露味有淡淡的黑松露香，鵝肝亦有陣陣的鵝肝味，川味亦帶有少少辣，非常特別！花蔬蒸餃，餃子入面是滿滿的菜餡，味道清清的，味道不錯！肉碎欖菜乾煸四季豆，炒得都幾有鑊氣，肉碎和欖菜咸咸的，四季豆口感脆身，送飯一流！雪菜鹹肉炒年糕，年糕味道較清淡，雪菜和鹹肉帶出咸味，清清的不錯！

今日我同屋企人做冬，選擇咗食上海野，今日呢間小籠包店趁住有優惠，所以開開心心過嚟食！雖然已經嚟過好多次但每次都會叫八色小籠包，雖然味道唔係全部鍾意，但勝在打卡一流⋯⋯今日我見好多嚟食嘢嘅人都應該係用咗Apps嘅優惠，所以大部份座位都滿座。可能今日比較多人，所以出菜時間都比較耐，而且冇唔係咁熱辣辣！我哋點左八樣嘢，有飯、有炒年糕、生煎包等等等等！全部都係正常ok嘅！唔係特別好，但亦都唔係特別差！唔會伏亦未算驚喜！不過有折扣優惠感覺開心！而且一家人食飯都係開心嘅事😚🤗

近排食得多西餐，開始想轉下口味，冬天要食啲熱辣辣又暖胃嘅嘢，醒起之前bookmark咗嘅八色小籠包一直未食，今次終於有機會啦!😎 呢間餐廳環境好有氣派，幾舒適又幾好坐，好適合大家聚一聚，食物質素都唔錯~👍🌰前菜 ($15)每一枱入座時都會上一份前菜，係熱辣辣嘅栗子同大大粒花生，栗子和花生食落口感軟糯，甜甜地幾好味~1. 🥟特色皇朝小籠包(八色) ($118)呢款小籠包有八種口味，分别係原味、糟溜絲瓜、鵝肝、黑松露、芝士、蟹粉、蒜香、川味。餐廳會有張紙仔建議大家由淡味食到濃味😙 小籠包一咬落去就爆哂湯汁，口感豐富，多汁肉嫩，好滿足!😍 小妹就覺得鵝肝、黑松露、蟹粉味道較為突出，大家可以試下~😋2. 🍜蝦仁酸辣湯拉麵 ($68)酸辣湯底用了辣椒粒、蝦仁、冬菇絲、豆腐粒製成，質地比較似羹狀，味道酸酸辣辣，開胃又惹味😋，接近中辣的辣度，食得辣嘅朋友先好叫呢款呀😆😆 麵質正常發揮，唔會因為浸太耐而過腍👍3. 香煎豆沙鍋餅 ($55)鍋餅煎得好脆口，脆到有啲似炸過😂 豆沙餡都好足，但我自己就比較喜歡外皮軟糯少少嘅質感🙊

樂天皇朝黎自新加坡 提供中國南北美食🍜一直都好想試佢地嘅八色小籠包 終於有機會去朝聖喇😆-🌈特色皇朝小籠包 $118八個味道分別係原味、絲瓜、鵝肝、黑松露、芝士、蟹粉、蒜香同川味😛首先要一讚佢地以布舖底減少咗夾小籠包時夾穿嘅情況😳每個小籠包都皮薄多汁 而且湯汁唔油膩!!個人最鍾意黑松露同蒜香味佢地分別都有菇同蒜粒喺入面 味道口感兼備😆-🍜四川抄手拌麵 $68拉麵以酸辣醬攪拌 體現出惹味嘅川菜風味!!加上五粒飽滿嘅抄手 非常滿足🥟😗-🌶川味涼皮 $55滑溜溜嘅涼皮都幾辣下 係一道開胃小食!-最後飲返杯自家製嘅熱薏米水($18)🍋去除油膩感又暖一暖胃 perfect😌

專門為左樂天小籠包而嚟。入面口已set有啲檯燈俾顧客等位用。可想言之，真係好收受歡迎👏入門口燈光昏暗，但可以確定望清楚。每圍檯之間相距頗遠，四人檯又有板相隔，私隱度都幾好。裝修主要行中式宮廷風，係食嘢之餘都可以欣賞一下周圍嘅裝飾。打開menu 真係好多嘢可以揀，飯、麵、甜品，各類小炒、點心、素菜⋯⋯最後導致唔知道揀咩好🤭服務周到，啱啱坐低已經送上熱茶、小食😋特色皇朝小籠包（八色）*必點原味、川味、蒜香、黑松露、芝士、蟹粉、鵝肝、糟溜絲瓜。皮薄，湯汁清甜，肉質新鮮，據說全部都係天然食材。另外，小籠包一定一定要趁熱食！京醬肉絲$90大概有10塊左右嘅超級薄麵皮。雖然肉絲望落去唔多，但係食足夠10塊嘅麵皮用且可以每次都可以足量。蒜香排骨豬骨湯拉麵$78蒜香排骨好酥化但係唔會炸得好勁，入口肉質軟硬適中，豬骨湯底非常清甜，真係可以飲嘅湯底，配菜有菜、海帶。宮廷爐打滾唔會太甜同埋膩，入口Q彈，內裏舖滿左紅豆蓉。

一人一籠小籠包，顏色，賣相和味道都很好。沒有一隻味不好吃，最喜歡的是黑松露，味道很夾很特出。也不用每次看紙，先吃了中間，再吃綠色人參，然後順時針吃便是。外婆紅燒肉，夠甘香，酒味香。口感香脆，賣相也很誘惑，推介。

今晚小妹約左朋友食日本菜, 行左陣街見未夠鐘食飯, 小妹又餓餓地, 於是朋友提議係附近輕食一下🤭🌟前菜🌰E到熱辣辣嘅栗子同花生都係小妹幾中意嘅部分, 栗子食落口感軟腍, 超甜幾好味🌟清燉雞湯打開燉盅, 雞湯味道香氣四溢, 湯汁顏色清澈, 味道好濃郁鮮甜, 味道岩岩好, 飲完好暖胃🌟招牌原味小籠包E到有多款小籠包, 而且顏色鮮豔, 打卡好靚, 不過講到食小籠包, 小妹都係中意食原味, E到嘅小籠包外型飽滿, 夾起唔會散或者好易穿, 食落去皮薄饀靚, 湯汁鮮甜!🌟刀切小饅頭(炸)小饅頭熱辣辣, 炸得幾脆, 簡單沾上煉奶已經相當好味🌟心太軟中式嘅心太軟原來係紅棗入面包住年糕, 食落熱辣辣, 紅棗味十分香甜, 口感軟糯, 甜而不膩, 唔覺唔覺食下食下又一件🌟檸檬蘆薈桂花蜜E款甜品入口檸檬味好清新, 味道酸酸甜甜帶點桂花香, 配搭蘆薈粒粒, 涼浸浸好舒服!

“特色皇朝小籠包(八色)”($118)“刀切小饅頭(炸)”($28)“李白醉雞”($85)“四川夫妻肺片”($68)“香辣蒜泥白肉”($75)“上海炒飯”($85)樂天皇朝八色小籠包睇相就睇得多今次終於到我食啦😆八色分別係原味,絲瓜,鵝肝,黑松露,芝士,蟹粉,蒜香,川味餐廳都建議跟住呢個順序,由淡味食到濃味😙小籠包咬落去爆哂湯☺每個味道都好特別,估唔到整成小籠包又唔會太兀突😋睇menu見到有炸饅頭即刻忍唔住要咗份😚呢道嘅小饅頭一啲都唔小🤣大大隻咁🤣炸到外層金黃酥脆,點埋煉奶真係好好食🤤另外叫咗3款小菜首先係李白醉雞🐔雞肉夠嫩滑😋不過略嫌酒味唔夠香同太多碎骨😂第二款係四川夫妻肺片🐮牛肚牛肉有咬口得嚟完全唔會韌☺第三款係四川蒜泥白肉🐷蒜香十足,同時夠香同辣🌶好惹味🤤最後仲叫咗個主食上海炒飯啲飯炒得夠乾身,粒粒分明😚入面嘅蝦仁都相當彈牙🦐醬油味道都岩岩好,唔會過鹹😋大大碟飯食完真係飽哂😆

以為平日夜晚會冇咁多人食 點知去到都係座無虛席 餐廳環境又大又靜 大部分都係卡位 私隱度高 唔會聽到其他人傾計 所以我同朋友傾計傾到last order都未走🥢原味小籠包（6個）$62個頂既接口整齊 厚度適中 好輕鬆就能夠用筷子夾起 咬落去簡直可以用爆汁黎形容🥢重慶紅油鮮蝦抄手 $72睇落去好似好辣 但食落去又唔係 佢係有種辛香既感覺偏多 小小酸酸地 🥢揚州炒飯🍚 $85呢個揚州炒飯食落油感好輕 同平時出面食既感覺好唔同 飯粒粒分明 蝦既份量都幾多 差唔多啖啖都有蝦🥢桂花酒釀丸子 $36聞落去有陣陣酒香味 加上桂花既清香 同小丸子煙煙韌韌 係秋冬天食好最笠笠 另外佢周圍都擺左空氣清新機 係而家疫情既環境 睇得出呢間食肆都願意投放額外資源去做呢啲 等我地一班食客安心

對上一次來已經半年甚至一年，當時留下好嘅深刻印象！因為有服務有好嘢食！今次喺接待處等咗幾分鐘，都冇一個職員喺度，所以行咗去門口被人無視左N次，終於有個女侍應行出嚟，告知個接待處冇人想攞張飛。點知個女侍應就有怒氣咁話：「得我一個人又要企門口又要做嘢，咪冇人囉！」 知嘅明白嘅知你辛苦，但我都係嚟幫襯，服務態度可唔可以好返少少～？除咗沙拉骨同炸饅頭好味之外，其他嘢都唔好食，重點係你哋sell小籠包，well~~~個小籠包個皮厚到咩咁！街邊舖都做得好過你！由開始食嘢到離開，啲職員放低野食同收走啲碟都冇講過一句說話，最有禮貌就係收走支醋嘅阿姐！比完錢到離開貴餐廳，一句多謝都冇聽過，甚至你喺個經面前走過都好似睇你唔到咁，真係垃圾！嘢食又唔好食又冇服務態度，唔會再嚟！拜拜👋🏻

環境好好，飲住茶傾計真係一流，野食都好好味，每次一定要嗌水煮魚，加小龍包！！兩個女仔食呢兩樣已經夠晒了，加埋佢晚餐仲有少少冷盤，真係可以傾成晚，呢度既食物質數都好好，環境又靚，用黎打卡都ok ga!

今日突然之間想食上海菜！醒起利舞臺有間樂天皇朝，佢哋既小籠包好出色。我同朋友叫咗原味小籠包，性價比都幾高，60幾蚊有六件，多汁彈牙，下次會想試埋蟹粉小籠包同黑松露小籠包🥰 之後叫咗一個上海生煎包，肉汁豐富，好食😋總數有三件，所以都幾飽。主菜叫咗一個蟹粉炒飯。蟹粉味都算濃，雖然無想像中大份，但食食下都發現原來食唔哂，所以二人份量岩岩好。 之後最推介既係佢有一個鮮蝦雲吞豬骨湯拉麵，雲吞皮薄餡靚蝦味好濃又新鮮，大大粒勁正，反而拉麵都係食唔哂，食唔到咁多既人下次其實可以叫湯底，咁會更加平！ 午市來講呢幾樣嘢都好好味☺️

小編今日終於嚟到銅鑼灣樂天皇朝，比較有氣派嘅分店~ 皇朝小籠包 $118 呢款小籠包有八種口味: 原味、糟溜絲瓜、鵝肝、黑松露、芝士、蟹粉、蒜香、川味。大家可以跟住檯面上嘅紙仔，由原味食到濃味。小籠包口感豐富，多汁肉嫩。小編認為原味及黑松露較為突出。整體上，賣相一流，打卡之選😍 菜肉雲吞豬骨湯拉麵 $72雲吞大大粒，湯底熱辣辣，麵質順滑彈牙🤤 豬骨湯年糕🍲 $78年糕煙靭，湯底濃郁，鹹香鮮甜😋 上海風味醬鴨🍖 $58有好入味嘅醬香，不覺鹹，作為前菜一流👍 炸饅頭 $28饅頭炸成金黃色，內脆外軟，是小編童年回憶~ 檸檬蘆薈桂花蜜 $28嚐過多種口味嘅小菜後，充滿桂花、檸檬、蘆薈香可以消膩，呢杯絕對係清爽之選。😃 樂天皇朝 (利舞臺廣場)銅鑼灣波斯富街99號利舞臺廣場6樓 # 樂天皇朝 #皇朝小籠包 #上海菜 #銅鑼灣 #利舞臺廣場 #hkfoodieclub