樂天皇朝 (利舞臺廣場) (已搬遷) 新店位置

呢間已經食過好多次 覺得唔錯 所以又再encore😚👅特色皇朝小籠包（八色）$142呢個每次都一定嗌 係佢哋嘅招牌😆有八種唔同嘅味道 最鍾意係佢嘅黑松露小籠包 味道好突出😋蟹粉同芝士都唔錯 小籠包包皮做得幾薄 湯汁都幾多😍👅皇朝擔擔拉麵 $68女小編好鍾意食呢個 因為佢嘅醬汁比較杰身 湯底好濃 食到淡淡嘅花生味 好食🤤👅紅油鮮蝦豬肉抄手 $85 （6粒）佢嘅餡料做得幾飽滿 紅油抄手食落唔會好辣😝調味幾好👅椒鹽小黃魚（1條）$98小黃魚都幾大條 煎得好香 外皮香脆🤩總括嚟講 呢間上海菜果然唔錯 同埋坐得好舒服 大家要嚟呢度一試呀🥰😋 好味：8.34/10🤑 價錢：7.89/10🤗 服務：7.99/10😝 環境：8.04/10😚 衞生：7.87/10🤩 整體：8.30/10

空間好大，唔使等位就坐得入去乾淨企理單向冇濕紙巾，冇搓手液 服務一般 職員不停收我地未食完既野 個甜品小頹 小籠包幾好食不過其他嘢食都係一般OK總括而言，呢個價錢我應該會去鼎泰豐食唔會再嚟呢度食～

一直好想去樂天皇朝食八色特色小籠包🤤 八粒小籠包色彩繽紛，八款顏色代表八款口味，皮薄唔易穿，保留到鮮甜湯汁，肉饀充滿肉汁😋 按食用建議，由淡味食到濃味，當中芝士味同鵝肝味幾特別，食中菜比較少見呢兩款味道😆 第一次食唔同味道嘅小籠包，覺得幾特別蘿蔔絲酥餅新鮮炸起熱辣辣，好酥脆，蘿蔔成絲狀，蘿蔔絲甜而味美😋主食點咗肉絲年糕豬骨湯，豬骨湯香濃唔膩，內有白菜、紹菜、香菇同肉絲，年糕口感煙韌，一碗有齊蔬菜、肉類同澱粉質，好味道😋 餐廳面積大，裝修有格調，空間感十足，整體色調看似偏暗，但餐枱範圍夠光亮，座位亦舒適，非常適合家庭及朋友聚會👍🏽

下午茶時段有六折，點咗皇朝小籠包、揚州糟溜滑魚片、皇朝話梅骨、外婆紅燒肉和蔥油拌拉麵。小菜/小炒全部都唔得，唔係即叫即煮，似是一早煮好再翻熱。雖然係有折啫，都唔好咁求其叮熱啲嘢就上枱

又是一個懶洋洋的星期天。看完兩個小時的電影已經下午六時半，開始肚餓。於是到附近看看有什麼好吃醫肚。 樂天皇朝位於利舞臺廣場6樓。從地鐵站一出不用5分鐘便到，十分方便。 這裏的裝修簡單，而且寬敞，枱與枱之間有足夠距離，坐得舒服。 我們一行二人叫了幾樣小菜一起分享。 皇朝小籠包(⭐⭐⭐⭐⭐)小籠包是這裏出名招牌點心，一場頭就當然要一試。即叫即蒸，上枱還是熱辣辣。湯汁飽滿，皮薄如紙，吃起來像爆多汁。一份六隻，兩個人分享剛剛好。蟹粉餡兒餅(⭐⭐⭐⭐⭐)看起來外表平平，內裏暗藏乾坤。香口的蟹粉，令人齒頰留香。薺菜黃魚春捲(⭐⭐⭐⭐⭐)春捲外皮脆口，內裏魚肉絲絲，能夠吃出魚的鮮味。配上酸醋調味，中和了油膩感。上海生煎包(⭐⭐⭐⭐⭐)菜肉包吃起來外皮香軟，底部煎得有點脆口，豬肉餡料肉汁十足。紅油抄手拌麵(⭐⭐⭐⭐⭐)最後還叫了個手拌麵，吃點澱粉質才飽肚。抄手一共有四隻，皮薄而且餡料十足。拌麵吃起來軟硬適中，起來微微辣，十分惹味，為這天的晚餐畫上完美句號。總括而言，這間餐廳食物質素不錯，而且價錢十分大眾化。下次經過也一定會再來。 ~~~~~~~~~~~~~~~~~~~~~~~~樂天皇朝 銅鑼灣波斯富街

記得以前跟前同事們去了銅鑼灣的樂天皇朝吃午餐，真的覺得食物都很好吃，所以今次就帶哥去吃吃看，哈哈~ 檯面長這樣。 水壺超美，我忍不住拍了好多張照片，哈哈。小食有粟子跟花生 ☺我們點了蟹粉鍋貼、清燉雞湯拉麵、上海炒飯以及上海風味醬鴨。蟹粉鍋貼鍋貼外皮煎得很酥脆，一咬下去便能感受到蟹的鮮甜。清燉雞湯拉麵清燉雞湯充滿了雞肉的鮮味，一點也不會鹹，而且配上彈牙的拉麵麵條，簡直是一碗暖心的美味。 ☺上海炒飯如果你喜歡炒飯，那麼他們的上海炒飯絕對不容錯過。這道炒飯不僅份量十足，而且配料十分豐富。裡面有鮮嫩的蝦仁、口感爽脆的蔬菜和炒飯的香氣，每一口都讓人驚艷。它的口感層次豐富，既有粒粒分明的飯粒，又有嚼勁十足的配料，絕對是一道令人滿足的主食選擇。上海風味醬鴨醬汁的香甜與鴨肉的鮮美相得益彰。

放工即使黎拎位食飯，好好彩7點到可以順利入座。入座後好快送上小菜同茶, 暖暖既滷水花生粟子好入味，係睇緊菜單既時候已經比我地食哂。京味炸醬拉麵呢個係我地既all time favorite，醬夠濃，肉碎豆乾等配料都好慷慨，不過唯獨無青瓜絲，食到最後係有小小漏，但整體都已經好好味！揚州糟溜滑魚片朋友表示魚片真係好滑，有酒香味濃，味道好特別，有家鄉風味。不過我忘記左自己唔飲得酒，所以我食唔到呢味菜。揚州炒飯樂天既炒飯真係唔會令人失望，炒得夠鑊氣，調味亦適中，當而家茶記七、八十蚊都係比隔夜叉燒炒飯，樂天顯然材料新鮮，整體性價比更高。蒜茸清炒菠菜正正常常既一道家庭小菜，仲加左一點炸蒜點啜，蒜味亦夠，健康之選。香煎豆沙鍋餅食到咁上下提侍應可以起甜品，即叫即煎，大概十分鐘內就上到台。豆沙鍋餅真係無得輸，而且豆沙分量夠多，好岩我呢D甜魔!

🍴小食 $15 茶芥 $10位 另收加一🍴李白醉雞 $88 (9/10)雞肉非常軟腍，雞皮爽彈，酒味好香好濃，份量好足，好好食！🍜蝦仁酸辣湯拉麵 $93 (8/10)面好幼滑，好掛湯，個湯有肉絲火腿菇木耳蝦仁，食落去好似食緊碗仔翅咁，比較酸酸辣辣，非常開胃！🍴上海炒年糕 $93 (9/10)年糕都係份量好足，睇落去係用咗好深色嘅醬油去炒以為會好鹹香，但比較清香，年糕片非常煙靭卦汁，入邊有小白菜同埋大白菜肉絲雲耳，都唔會好油膩，幾好食。🍴原味小籠包 6隻 $78 (10/10)皮薄餡靚，個皮好薄，有18摺，好正宗！一咬就有湯汁，非常清香，食到鮮肉嘅香，雞湯嘅香濃，好好食！🥟三鮮鮮肉水餃 $68 (8/10)水餃鮮肉同菜比例啱啱好，食到鮮肉嘅香味又有肉汁，不過錯嘅味道會比較突出啲。🍴桂花酒釀丸子 $38 (6/10)食落去比較偏甜，有輕微嘅桂花香，丸子都好煙靭，正常。推薦指數: 9/10環境好舒服好靚，感覺中式又不失高貴型格，服務都幾好，嘢食真係冇一樣唔好食，基本上全部都好食，小籠包一定要叫，想食上海嘢真心推薦！

樂天皇朝馳名中外，裝修以高雅氣派十足既中國皇朝時代作主題，大廳有龍袍掛飾同鎧甲，空間超大，並設有卡位雅座用餐環境舒適。而餐廳皇牌菜式亦多不勝數，而我每次光顧都會必食小籠包，皮薄餡靚，將熱騰騰濃郁既湯汁精華鎖住，每口也滋味萬分。薺菜黃魚春卷特色炸物小吃，春卷炸至金黃酥脆，內裏包裹著啖啖薺菜和黃魚，非常惹味黑松露小籠包小籠包皮薄餡多，肉汁鮮美濃郁，將清香既黑松露混入小籠包中，湯汁也充滿黑松露的味道，令人齒頰留香。楊州炒飯炒飯足料，包括蝦仁、炒蛋、叉燒、菜粒，珍珠米飯粒炒至乾身粒粒分明，鑊氣十足，非常香口樂天皇朝📍銅鑼灣波斯富街99號利舞臺廣場6樓

前菜 炆花生栗子❤夠哂軟稔，而且栗子都好粉糯香甜，如果可以再多d就更好喇!李白醉雞😀一黎到已經聞到好香酒味，食起上黎皮爽肉嫩，唔會太嚡少骨， 仲好夠凍! 而且有一邊係有一隻脾，2個人食岩岩好。☺️王朝酸菜魚😎每日即煮即熬既魚湯夠哂新鮮，加埋四川酸菜 野山椒 青花椒 豆百頁同紅薯粉，口感同味道都好豐富! 雖然個碗好大，但我覺得2個人食岩岩好。而且食起上黎一d都唔油膩，淡淡既酸菜味，薄切魚片夠哂嫩滑，一條魚骨都冇。花椒既麻味，食得好過癮!!魚片同酸菜之外仲有蒿筍 紅薯粉夠哂惹味開胃。🤪蝦仁酸辣湯拉麵❤湯底好濃好稠，配料包括竹筍 豆腐粒 雲耳。湯底偏酸微辣，擔擔面亦好掛汁，爽口既竹筍同雲耳，豐富哂成個口感，而且食起上黎都唔會覺油膩!😍

每次諗唔到食咩都會食上海菜🙈今次都係，咁啱附近有樂天皇朝，一直都想試下平日晚上都差唔多滿座，相信星期六日要排隊。裝修以氣派嘅中國皇朝時代作主題，大廳有龍袍掛飾同鎧甲，加上空間大，座位闊落，用餐環境舒適。🌟特色皇朝小籠包(八色) $142🥢招牌菜一定要試！八種唔同顏色嘅小籠包放喺蒸籠入面，色彩繽紛，增加食慾🥢小籠包皮薄餡多，肉汁鮮美，一咬落口好多湯汁，真係好正🥢枱上有教如何享用，由原味開始，之後糟溜絲瓜，再以順時鐘方向順序，由淡味慢慢食到濃味，享用至川味小籠包🥢個人比較鍾意原味同蟹粉，蟹粉味加入蟹肉絲，增加口感亦令味道更鮮甜🥢川味有濃郁川辣椒，但不算辣🌟肉絲年糕豬骨湯 $88🍲估唔到豬骨湯湯底好濃郁🍲配上鮮嫩肉絲，煮得軟身嘅年糕，忍唔住食咗幾碗！🍲如果唔想食粉麵飯，但又想食主食，可以試呢個肉絲年糕豬骨湯🌟京醬肉絲（配薄餅）$108🫔將肉絲夾喺薄餅裏面一齊食嘅菜式，有啲似扁皮鴨🫔肉絲已拌好京醬同蔥絲，醬料甜甜地🌟聞香蔥油餅 $40🥯已經幫你剪開方便食用，好甜心🥯餅皮比較酥脆，聞到蔥香，但食落冇想像中咁香總結：餐廳嘅菜式選擇多，而且性價比高。用餐環境都好舒適，值得大家一試呀！

我有個好鍾意食小籠包嘅小朋友，今次就專登為咗佢喜歡，所以我哋就想搵間坐得舒服啲，可以成家人聚餐嘅～樂天皇朝！店舖裝修，門口行入去有d黑，但店員帶到我地去餐枱個時就覺得坐得好舒服，寧靜嘅環境，枱與枱之間距離都唔近，所以唔會嘈到隔離😂😂😂我哋食飯多數都為咗小朋友喜好先點菜嘅，所以大部分都係可以比到小朋友食。招牌原味小籠包芝士小籠包上海生煎包蘿蔔絲酥餅心太軟上海風味醬鴨香辣蒜泥白肉風味沙拉排骨竹炭流沙包菠蘿咕嚕肉皇朝擔擔麵上海炒飯真係唔好講笑，睇個樣份量唔覺得好大好多，我地一共6大2小，到最後係連想食甜品都食唔落😂😂😂小朋友當然最欣賞佢哋自己揀嘅小籠包啦，仲有竹炭流沙包都係佢地最愛。而大人就好鍾意食醬鴨、風味沙拉骨同心太軟，由其係個心太軟，唔會勁勁勁痴牙，好正！生煎包同蘿蔔絲酥餅都係我哋好欣賞嘅美食。而我先生比較喜歡食辣味，對佢黎講香辣蒜泥白肉同擔擔麵就最好😊😊呢間餐廳最好就係啱哂任何口味人士，真係應有盡有！下次可以再考慮揀呢度聚餐。

呢間喺利舞臺嘅中式餐廳，裝修古色古香中透出現代感，今次帶公公嚟食小籠包同鍋貼，老人家生日都係鍾意傳統口味嘅上海小食Signature Original Xiao Long Bao招牌原味小籠包> 公公揀嘅原味、佢話咁至夠原汁原味，小籠包皮算薄、汁多肉餡幾鮮味Pan-fried Pork & Crab Roe Dumpling 蟹粉鍋貼> 鍋貼底煎得金黃香脆，餡份量和味道適中、蟹粉反而存在感低Jelly Fish in Soy Sauce Vinaigrette 醋醬海蜇頭> 自己好鍾意食爽脆海蜇所以特登點嚟食，個汁清酸開胃，海蜇頭可以處理得更腍更易咬Black Sesame Glutinous Rice Ball served in Ginger Soup薑茶黑芝麻湯圓> 呢個我哋都大讚，湯圓皮煙韌配流沙芝麻餡係好食，薑茶稍稍偏甜Iced Apple Lychee Tea凍蘋果與荔枝茶> 呢杯清爽冰凍蘋果茶有爽口荔枝肉，甜甜哋夏天飲最啱

今日同媽媽食飯，佢話想食京滬菜，搵左呢間樂天皇朝係銅鑼灣都好似幾抵食，野食幾抵食。。🥢話梅圓蹄 $118 (半份)雖然細細舊，但整得唔錯！清爽不油膩，肉質鬆化，食起黎唔會粗嚡。🥢上海風味醬鴨$65上海風味醬鴨濃濃醬香，鴨肉不多但勝在夠滋味骨肉同在，口感更佳。🥢薑汁芥蘭$72口感爽脆既芥蘭，濃濃姜汁味。🥢薺菜黃魚春卷$55一口咬下去口感酥酥脆，配搭好好食。。好抵食呀今餐，300幾蚊坐得好舒服抵食👍🏼

每個工作天收工都好想食返餐好啲嘅慰勞自己，之後一直想試呢度最出名嘅八色小籠包🤤終於搵咗個工作天收工同男朋友去🤭皇朝小籠包($142) - 最最最出名嘅小籠包！一籠有哂8個唔同味道，上菜果陣勁新鮮，熱辣辣仲出緊煙！根據「官方食法」，應該由中間嘅原味開始，然後食綠色嘅糟溜絲瓜，再順時針食（會係淡味到濃味，唔會mix埋d味），食落果然每一粒都有著自己味獨得風味🤭老田家菜肉雲吞湯($65) 大大粒菜肉雲吞冒著煙咁新鮮上菜，皮薄餡靚！炸饅頭($30) 大大粒炸饅頭，食落表面脆口，配煉奶一流！木樨肉炒拉麵($90) 比較少見嘅材料，食落個sauce同上海粗炒好似，好香口，唔錯！最後仲有個四川酸辣湯($63)，個人覺得中等辣，入面有蝦仁。