樂宴 (永光中心)

上星期食左宴既和牛shabushabu放題今個星期到試佢另一間姊妹店樂宴 兩間同樣係沖繩居酒屋餐廳都採用沖繩食材不過今次要食既係沖！繩！料！理！沖繩直送海葡萄海葡萄係生長於水中既海草類植物鮮美無比而且略帶咸香點壽司鼓油就食得口感似食緊三文魚子適合佐酒好少餐廳有提供㗎沖繩風炒豬肉麵筋軟綿綿的麵筋和薄切豬肉片用醬油等調味料炒成口感好滑好特別係好有驚喜嘅一道菜沖繩墨魚汁帆立貝茶碗蒸蛋加左墨魚汁既茶碗蒸充滿海鮮鮮甜味帆立貝爽口彈牙蒸蛋好滑入口即溶記得要趁熱食沖繩風炒幼麵用新鮮蔬菜炒幼麵感覺有啲似炒米粉清新可口風味沖繩炸雞雞肉炸得啱啱好肉汁勁多又好滑可以配沙律醬宮崎和牛冰見湯烏冬（熱）超高質既宮崎和牛脂肪均勻入口既溶油香濃郁冰見烏冬造法同稻庭烏冬相似不過麵就幼一啲味道比較清淡同和牛好夾沖繩四季桔汁微酸好清新既果汁都好有日本feel整體而言餐廳菜式唔貴每份食物既量唔會太多可以試多幾樣環境舒適氣氛愉快值得再去

是日～同朋友去左呢間主打沖繩料理既居酒屋，環境都唔錯，適合同朋友一齊傾下計食下飯。剛坐低，我地就叫左幾款食物，其中覺得呢款沖繩南蠻炸雞幾好食。 另外仲叫左明太子雞翼、墨汁面、泡菜豬肉炒飯，咁呢幾款就都正正常常既。食飯既中途，會見到職員係我地既位置附近打開唔同既酒程，製作唔同款式既酒比其他客人既，先知呢啲酒程原來唔係裝飾黎，因為今次冇叫到酒飲整體來講都算唔錯，如果可以係提供番酒精搓手液等等，就會更加好！下次再黎就試吓呢到啲酒先！

銅鑼灣登龍街附近有很多餐廳🤓而永光中心樓上就是樂宴 Rakuen所在主打沖繩料理日本家庭式🥳🥳我們從未試過沖繩菜 所以很期待😛不少菜式都值得推介😇例如色澤金黃軟嫩多汁的▫️炸雞▫️$90 最特別是配上的豆腐塔塔醬 味道清新 減低炸鷄油膩感居酒屋裏 ▫️清酒煮蜆$88▫️可謂必點菜式清酒經過煮熱後味道更香濃▫️滑蛋鰻魚煮 ▫️滑蛋過熟 不再滑溜 有點失望 至於湯汁太甜口

味淋或砂糖下得太多 蓋住鰻魚味道◽️日本麵炒飯-豬肉$82▫️均勻地佔上了酸酸甜甜炒麵汁 麵條煙靭適中 好吃！◽️燉煮五花肉$88 ◽️脂肪比例太高 肉很少 而且不入味 味道淡醬汁甜甜是蠻好吃的最後甜品點上菠蘿雪葩$68球狀甜甜圈$12的造型有驚喜 但味道好普通

油不太新鮮 有股味道✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $300/𝚑𝚎𝚊𝚍.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ 樂宴 Rakuen
銅鑼灣登龍街28號永光中心12樓

本來今年訂左機票去沖繩，但因為疫情關係機票取消左無得去😖😖 咁啱收工係銅鑼灣見到有間貌似有好多沖繩料理就決定一試😂.一坐底佢哋就會送上前菜 - 枝豆，不過要提提大家，前菜係會收返每位$20，鑑於我係幾鐘意食枝豆，所以就順利成章照食😂 佢哋有好多日本酒揀，梅酒、啤酒、whisky、sake....... 完全match返平時係日本去開既日本料理店，都係好多酒類揀。我揀左瑞穗，梅美人🍹係用天然清水釀造，口感清爽得黎又少甜，幾好飲🥰.原來哩間小店原來係真日本人開，入面有好多沖繩料理之餘，都有好多日本家常小菜，日式+西式fusion，可見老闆都幾有創意😂 仲有仲有!! 佢哋超多選擇，刺身、生蠔、串燒、炸物全部一應俱全，你諗得出既日本料理佢哋都有，真係好多選擇😖💕.晚餐想豐富d，叫左///芝士辣茄汁肉碎飯 $78，係用珍珠米配上秘製辣茄汁肉碎、生菜同芝士煮出黎既飯，充滿左墨西哥風情🏖 waitress仲會好貼心咁介紹埋入面有豬肉同牛肉，避免客人有食物敏感🥰 如果個飯可以再熱d我會覺得更好😆😆.苦瓜炒豬肉 $98，係沖繩家常料理既一種，加埋島豆腐同日本蛋一齊炒，食落好warm好有住係日本民宿既味

我今晚去咗一間沖繩主題的居酒屋吃晚餐走入去是很有日本居酒屋的風格及裝修。我們叫了沖繩和牛，刺身沙律及沖繩豆製品。和牛真是一絕一盒大約有十四入口雖然不是即用但很有牛香，配上他的黃牛酸醬油及辣蘿蔔蓉，入口滑而不肥膩。刺身沙律的刺身比想像中多當中包括三文魚油金魚及八爪魚沙律醬是用凱撒沙律。另外沖繩豆製品也是一絕，他的硬豆腐及洋蔥未到調校得很好，再加上少量牛肉炒起來一切令人感覺配搭得宜。聽說這間餐廳的大部份材料都是由沖繩運回香港的所以是日本風格的保證。

今日想食日本野，午市唔算多人，座位坐得舒服。睇睇餐牌，揀咗一個午餐及散叫。基本上有定食、串燒、小食等等。叫咗牛舌串，牛舌燒得剛剛好，唔會太乾。夠juicy ，牛味香，調味夠。另外叫咗沖繩炸雞，炸雞份量睇落去一小碟，但係食食吓份量都唔少。佢仲配有少少沙律菜。定食揀咗銀雪魚西京燒，賣相幾精緻。如果外賣都幾吸引。便當有前菜、甜品，飯嘅份量都幾多。另外仲有沙律及麵豉湯，其實都相當之豐富。性價比高，而且味道唔錯。叫咗個飛驒牛烏冬，烏冬一碗細細地飛驒牛，有幾薄片，牛味好香。可一試。

呢間位於銅鑼灣嘅日本餐廳裝飾富有日本居酒屋風味，午市有午餐，亦有不少特色菜式選擇。揀左銀雪魚西京燒料理，呢個便當非常精緻銀雪魚醬汁夠味銀雪魚魚汁嫩滑。小食有醃苦瓜、溫泉蛋及甜品厥餅。定食仲有沙律及麵豉湯。麵豉湯夠味，沙律新鮮。沖繩豬肉薄燒卷，呢個我覺得好好食。豬肉味好香配埋醬汁，入面有蔥同蒜蓉好香。口感好好！沖繩炸雞，雞肉大大件，新鮮整好。炸得熱辣辣，但係感覺唔會太熱氣，雞夠滑。餐廳食物好食，環境唔錯，係一個好地方！

因為疫情嘅緣故取消咗原本嘅沖繩之旅，於是朋友就帶我嚟咗呢一間有沖繩料理食嘅餐廳補數～今日趁着閒日放假，就嚟呢度試吓沖繩嘅風味一入到黎就有種去咗日本居酒屋嘅感覺，限聚令下人唔多反而俾咗一種寧靜嘅感覺我哋，相對平日熱鬧嘅居酒屋又有另外一番風味睇一睇個餐牌，見到呢度嘅是日便當全部都做緊優惠，望落好抵食首先有沙律同埋湯，沙律俾人一種好Fresh嘅感覺，而且細細份又唔會頂住個肚朋友叫咗泡菜炒豬肉便當，見到呢個便當嘅設計好精緻，每格都有唔同嘅特色，而且泡菜嘅份量仲有好多，啱晒談心嘅朋友～我就叫咗墨魚汁炒飯便當，墨魚汁炒飯本身已經好有味，再加埋隻太陽蛋係上面可以撈埋啲蛋汁食味道都好夾，食完唔夠喉仲有兩隻餃子🥟呢度嘅便當size都算係偏細，所以有空間俾我哋再叫啲小食，我哋就叫咗一份日式炸雞，炸雞嘅調味本身唔算好重，所以點埋沙律醬食都唔會覺得太漏，而且仲添加左一份清新感～

今日小妹同朋友行完銅鑼灣間DONKI覺得有d肚餓, 朋友話附近有間食沖繩料理嘅鋪頭都唔錯, 於是就帶左小妹去試下🤭😋餐廳嘅裝修幾特別, 好有身處係日本居酒屋🍶嘅感覺, 令小妹勾起去日本🇯🇵嘅回憶😭, 餐牌嘅食物種類繁多, 而且有好多都係嚟自沖繩嘅特色食物, 非常吸引😍😍沖繩腐乳中式腐乳食得多, 日本嘅小妹就真係未試過, 唔好睇少E塊細細嘅豆腐仔, 原來曾經係琉球皇朝嘅貢品嚟😮, 腐乳嘅顏色比起平時見到嘅偏紅少少, 體積大約同一般嘅腐乳差不多, 利用盛酒發酵半年以上, 口感軟滑細緻, 慢慢一點一點咁食, 味道咸而不膩加上帶有好重嘅酒香🥃, 不斷係口腔內迴盪, 輕嚐已經令人回味無窮☺️!沖繩直送海葡萄海葡萄外表粒粒晶瑩通透, 好似綠寶石💎一樣, 其實係沖繩其中一種海藻嚟, 咬落去有輕微嘅卜卜聲, 非常爽口, 而且帶有濃濃嘅海水味道🌊, 猶如置身係日本漁市場嘅感覺😌 廚師用左個鐵網隔住海葡萄同冰, 令海葡萄以新鮮嘅狀態上碟又唔會溝淡左原有嘅鮮味😊汁燒沖繩雞軟骨肉餅🐓食之前要將新鮮蛋攪勻, 再將個肉餅搽d蛋汁🥚, 外皮又香又脆, 咬落去口感結實, 好足料, 十分juicy, 入面除左有嫩滑嘅雞肉

☝🏻第一次食每人消費近$1000嘅餐廳，物超所值！餐廳環境好舒服，燈光柔和、木枱木凳、周圍都係精緻嘅擺設，做到居酒屋個種世外桃源嘅感覺。👆🏻呢碟沖繩苦瓜片係朋友推介一定要食！本身唔係特別好苦瓜都有啲擔心，點知真係好好食，苦瓜食落口一啲都唔苦仲好甘甜，個炸粉夠薄夠脆好有口感，加埋啲柴魚片喺面，層次感十足，夠爽口，送酒一流！😋👆🏻刺身拼盤係一定要食，全部都好新鮮，入口即溶咁，一啲都無雪藏味，無可挑剔！尤其個海膽，鮮甜到想追加。同埋個Wasabi都係即磨嘅。👍🏻👍🏻唔好睇呢啲拼盤好似唔係好多咁，我哋兩個人食，淨係食呢set已經好飽。🤣👆🏻另外都叫咗宮崎牛，5成熟岩岩好，入口即溶，正！同埋個牛舌串燒，呢個就無乜特別。呢度嘅串燒選擇唔算多，但我覺得呢度正係食刺身已經好滿足。💖推介

最近成日帶飯都食到有啲悶，咁就喺附近搵吓有冇啲食物可以試吓，特別係最近好掛住日本菜，就想試吓呢間嘅便當。原來呢間平時係冇午市，因為而家疫情關係所以變咗有午市堂食，但我都係揀佢嘅外賣便當餐攞返Office一齊食。最近推出新便當外賣，原來餐廳仲用咗沖繩嘅材料，都幾特別，而且應該都係唔錯嘅材料。沖繩苦瓜炒豬肉便當$72 苦瓜唔會太苦澀，好健康，入面嘅豬肉都爽口。墨魚汁炒飯便當$72個墨魚汁都幾香，炒飯應該係用咗日本嗰啲珍珠米每粒都好圓碌碌。鹽汁炒沖繩麵便當$78沖繩面比較粗身，都幾有彈性，有啲鹹香又有啲其他配料，令人食唔停口。沖繩風炒豬肉麵筋便當 $68麵筋大家應該平時可能都比較少食，個感覺都幾得意，爽爽地咁，如果食其他嘢食到悶不妨可以考慮揀呢個。除此之外其實仲有味增湯，沙律，漬物，甜品，我諗每次都唔同，相信試吓唔同嘅套餐，都會有不同的驚喜㗎！

香港人咁鍾意去日本，而家都唔知幾時先有得再去 🙈 好果想解一解渴，可以黎試吓呢間專做地道沖繩菜嘅居酒屋。餐廳選用咗沖繩食材，設計都好日式 feel 架。呢到平時係無午市架，不過而家因為疫情關係，所以改咗午市食堂，仲有得買埋外賣添銀雪魚西京燒便當 📍$110銀雪魚好滑身，都醃得好入味，唔洗好似平時咁點沙律醬都已經好夠味。不過餐廳都跟咗豆瓣醬，鍾意重啲口味嘅朋友可以點埋，2種唔同味道 👍🏻 宮崎和牛海膽炒飯 📍$162高質炒飯，飯底用咗日本米架，仲有好多粒冠軍和牛 👍🏻2款lunch set 都跟咗佢地自家製嘅花生豆腐，質地好特別，好軟綿綿，有少少似軟滑嘅芝士，又有少少年糕嘅感覺。呢種豆腐真係好未係第二道食過喎沖繩水雲冷麵 📍$68麵質好彈牙，凍凍地，幾岩呢個炎熱的天氣。個人覺得味道可以再濃嘅

對於去旅行遙遙無期，相信唔少香港人都非常憂鬱～不過早前我去咗一間日本餐廳品嚐沖繩料理，食返一餐「家鄉菜」止渴。呢間日式居酒屋嘅裝修都非常貼近日本，好有氣氛，店員嘅服務亦都十分親切殷勤。去到居酒屋不得不點嘅係串燒～沖繩雞大葉串燒梅子醬🍢雞肉即使燒過之後都唔會乾身，三款食材放埋一齊，味道原來都幾夾，係一款特別嘅沖繩料理。沖繩炸魷魚鬚🦑呢個小食炸到外層金黃香脆，食落脆卜卜，魷魚鮮香，不錯👍🏻沖繩AGU豬肉餃子🥟忠誠嘅「阿古豬」係比較出名，油花多，入口即化，油香肉味皆香濃。呢款餃子就將阿古豬呈現得出神入化，餃子皮香脆，豬肉肉汁豐富，真係有如傳說一般油脂非常香濃豐富～最後嘅沖繩昆布豬肉炒飯味道都唔錯，昆布營養價值高，味道淡淡，用豬肉去提高整體香味，我同朋友都幾鍾意。

日本作為美食之國，真係由南到北都有地道美食。雖然疫情關係暫時去唔到日本旅行，不過要食日本地道料理都唔係難事。今次就去咗銅鑼灣嘅【樂宴】，係一間主打沖繩料理嘅餐廳。餐廳裝潢係日式居酒屋風格，感覺同民風樸實嘅沖繩好match，感受到地道氣息又令人感覺輕鬆。【三文魚刺身】好厚切，都幾肥美兼味道濃郁，食得出係靚三文魚刺身嚟。【炸沖繩魷魚鬚】外皮香脆肉裡煙韌彈牙，可以唧檸檬汁或者蘸沙律醬食出唔同風味。【沖繩AGU豬肉餃子】沖繩名物之一嘅Agu豬肉一定要試。熱辣辣嘅餃子皮薄饀靚，豬肉味道濃郁亦好juicy。【沖繩雞大葉串燒梅子醬】厚身嘅雞肉上面係香葉同梅子醬。雞肉嫩滑多汁，香葉香氣清新，再加酸酸甜甜嘅梅子醬，三種味道加埋一齊都幾夾，有特色，必點之算。【清酒煮蜆】粒粒蜆都好大粒，蜆肉豐滿鮮爽，清酒湯嘅酒味啱啱好，更能突出蜆嘅鮮味。【沖繩昆布豬肉炒飯】豬肉真係少咗啲，不過昆布炒飯又幾特別，仲好有益添。

沖繩特產海葡萄，只有在最乾淨的水域才能生長的海藻類，是比較少人知道的超級健康食品，口感似魚子，略帶鹹味，在口裏一顆一顆挺好吃的。沖繩涼瓜炒豬肉片，沖繩苦瓜是當地另一名物，苦味不強，反而有其獨有的甘甜味，爽口好吃。燒雞泡魚乾，在日本餐廳必點的下酒菜。刺身拼盤，有馬糞海膽，北海道帆立貝，赤貝，深海池魚，金目鯛，牡丹蝦，吞拿魚和生蠔，除了海膽外其他食材都很新鮮，不錯。墨魚汁炒飯，份量比較細，但味濃香口，好吃。日本麵炒飯，這個吃起來有點像大阪燒餅/章魚小丸子，麵和飯一起炒，上面再加點沙律醬，也不錯。燒牛舌，香口好吃。蔥雞肉串，沒有什麼特別。香港少有正宗的沖繩料理，味道整體來說十分出色，裝修環境也非常地道，日本顧客也有不少，適合幾個朋友一起聚餐。