樂怡餅屋 (已結業)

嘩 ! 師父真係整到個 3D 既巴士蛋糕比我仔仔呀 ! 外型同架玩具巴士真係一模一樣架 ! 今次有好多生果圍住個蛋糕, 好好味、好新鮮. 仔仔超級開心呀 !!樂怡餅屋, 你係得o既 !!

我哥哥好鐘意飲啤酒架, 於是我比個啤酒罐樂怡叫佢畫個啤酒蛋糕, 真係喜出望外, 畫得好似, 真係勁掂 !! d cake 好 soft, 生果又新鮮, 好好味 & 價 $ 又合理 !!上星期我姪女生曰, 佢話要個 3D Pooh Pooh 蛋糕, 我只係比左個 Pooh Pooh 膠公仔佢地, 個蛋糕師父真係整到喎, 仲又靚又似又唔貴添 !!佢地個師父真係好用心去整所有蛋糕. 我日日路經樂怡都會欣賞下佢地 d 蛋糕. 真係乜鬼都整到架, 比 100 個 " 叻 " 你呀 !!黎緊 7 月我囝囝話要個 3D 巴士蛋糕喎, 唔知佢地又整唔整到呢 ???

11月頭囡囡生日,只係比張公主黑白copy 圖+ 原稿手帕給師傅.就做出這個3 lbs 的 生日cake 起出望外, 比想像中靚及好多生果.真係好鬼新鮮. cake 底好soft .價錢超值.只係生果都唔小$.真係好過大鋪個d 隔夜ｃａｋｅ． 另一個thomas 4 lbs 都好正好好味.加油, 努力.

哈哈！由於Brenda 生日，我訂咗個蛋糕，雖然款式簡單，但真係好靚！喱間餅店嘅蛋糕真係好得，既新鮮又鬆軟，正！今次訂咗個2磅蛋糕，師傅認得ka ho，佢話自從ka ho訂咗個麵包超人蛋糕後，佢擺咗係catalog 度，都有幾多客訂，所以佢比咗個8折我哋，唔該晒

訂造麵包超人蛋糕......早幾日我生日，男友特登去訂造咗個麵包超人蛋糕比我，勁開心！男友都係攞張麵包超人相，走去同師傅講想整個立體嘅麵包超人蛋糕，佢都冇諗過整得咁似，真係嚇一跳......不過最少要訂3磅，大家唔好預面頭個啲好好食，因為係糖，勁甜！但裏面嘅蛋糕勁新鮮、鬆軟超好味......個賣相都值100分喇！THANK U, ka ho & 蛋糕師傅......碎蛋粟米沙律包 ($5.5)喱個包都唔錯，不過要襯凍食。啲醬汁又唔會太多，啱啱好，唔太漏！朱古力卷蛋 ($6)好香蛋味&朱古力味，喱度啲蛋糕真係唔錯！

中午時段,阿姐搬左一排芝士漢堡包出黎,佢話係新鮮的,所以就買左個試試.食左一啖,發覺係凍囉,漢堡扒冇咩肉味,唔多汁,芝士都冇溶,成個包好似冇烘過咁.中式的面包冇烘過,用黎做漢堡包真係好唔夾.(都係雅士的最好食,冇得比呀!)下次黎會揀番芝士QQ 波,好味好多嗯.