樂怡餅屋 (已結業)

自從在 facebook 知道整餅人師傅的存在,每天跟囝囝路經,都會猜想今日又有什麼新攪作.早在新年前,已經計劃在"阿鴻小吃"攪一個私人飯局,其中一個環節,就是順道同鴻哥慶賀,因利成便,不期然已在心中草擬好一個蛋糕.要訂蛋糕真的不容易,如果踫正星期天,大概要早三個月前,平日一般都要一個月,運氣好的話,至少也要早一星期.而最低消費要三磅起.真的佩服師傅的用心,就連招牌上的字體,也要力求跟足實物.除了米芝蓮人簡單點外,原隻鹵水鵝不過兩寸,就連鵝髻,鼻孔及骨頭都有顧及,另外一碟鴨舌,竟然有糖膠做的青瓜伴碟,青瓜籽是用芝麻逐一貼上,第三碟最厲害,是一碟幼身撈麵,上面不單有蔥絲,就連實物有的芝麻亦灑上.聽聞是先造成糖片,再逐條切成絲,厲害.蛋糕底選上了芒果海綿蛋糕,上面蓋上一層用染成粉紅色的糖膠做成檯布,旁邊伴以草莓及芒果片,大方得體.由於要由北區運送到北角,路途遙遠,師傅細心地用竹籤藏在米芝蓮人內,以固定位置.幾件公仔實在太吸引,結果無人敢食,可能雪得太耐,蛋糕底比較結實,只不過此刻無價,大家亦不在意.p.s : 師傅力求完美的精神值得嘉許,可惜不設送貨.

今年訂俾男友仔既生日蛋糕係佢架愛驅~mini cooper之前見到佢同事係度整左個救護車蛋糕,逼真度很高~覺得師傅好勁啊!!然後就決定整返個啦!3D蛋糕要約1個月前訂,偷左男友架玩具車,影左幾張相留俾師傅整.師傅好細心咁問清楚一d細節,仲會問唔要d咩生果,揀咩餅底咁~跟住呢個月黎都好緊張會整成點呢..羅蛋糕前一日師傅親自打黎再問多次d細節.真係好滿意佢地既服務~非常之好!到羅蛋糕果晚,一望到連我都好鍾意啊~~食完飯男友親手打開蛋糕盒~全場人驚喜萬分,仲圍住個蛋糕影相影左半粒鐘XD最後男友好唔捨得咁揭開車頂,切開自已架蛋糕車~餅底揀左芒果蛋糕,好難得d士多啤梨同芒果舊舊都咁甜~3磅蛋糕,8個人夠食,當然要食飯墊底啦~總括黎講全部人對呢個蛋糕非常滿意

超水準之作所有朋友激讚!!但餅底甜了些有待改善!!蛋糕好夠味, creamy得黎"漏"咗d最喜出望外既係個公仔圖像同個版係一模一樣,顏色一樣食落其實不過不失，我又不覺得太難食,價錢頗貴要$130一磅 min要order 3磅成個cake要$400!

今年係婚後同老公第一年過生日，當然要花啲心思喇！所以早係個幾月前已經揾咗文師傅去整喱個生日蛋糕，我構思咗好耐，老公好鍾意lego，我又唔想只係做成個立體lego公仔蛋糕，要揾啲主題先得，上網search好耐，諗過用Star Wars Lego，亦諗過Batman Lego，最後決定用Spiderman Lego做主題，真係要多謝文師傅，佢整3D蛋糕已經做到出神入化嘅境界，真係做得好似，犀利！老公好鍾意喱個蛋糕，佢話好驚喜哩!!!!!今次，我哋已經係第4次揾佢整立體蛋糕架喇！每次都好驚喜，真係要多謝文師傅......

上年囡囡生日ｏｒｄｅｒ　平面snow white已經好驚喜. 今年也不例外, order 一個3d 雙層蛋糕一出場哄動全場，人人都讚好. 加油哦~ 生意接總以來~~

嘩咁快又一年lu.......舊年老公係度訂嘅麵包超人蛋糕，好評如潮！今年老公係度訂咗喱款生日蛋糕比我，好靚哩......文師傅真係好嘢！整咩似咩，勁呀！喱隻戒指，對我哋意義重大，冇諗過老公會將佢化身成婚後我第1個生日蛋糕，好驚喜！蛋糕價錢雖然貴咗，但都係值嘅！師傅要用咁多心機去同我哋製作咁多靚靚蛋糕，好抵呀！而且師傅仲會加入自己嘅原素，俾好多意見，務求整到個蛋糕係最靚嘅！蛋糕唔止樣靚，而且鬆軟好味，咁先重要嘛！而家每磅係$160 (什果餡)，立體蛋糕3磅起......

係正屋企附近,好多時都會買麵包(有時都會有小昆蟲係麵包堆中飛飛下),訂蛋糕就唔多,不過有時趕時間都可以好快整出黎.睇到OR好多相,好多唔係會員同得一次食評都係話佢好好喎,睇落係整得好似好靚,不過幾個人食,唔駛下下整幾磅呀?有時見d人做的特別版都幾得意既,味道就唔知.囝囝生日點都要整返個蛋糕,之前食過一次雜果忌廉,一般啦,今次就改為栗子蛋糕,加埋牌都係六十蚊,又可以即日做,有時細舖係比大舖靈活得多,至少唔記得時用黎補鑊都易d.唔駛講,叫得栗子蛋糕,舖面水果唔多,得一粒蜜瓜,草莓同半件桃,加上幾舊栗子蓉,好少少再加兩個泡芙,唔知係咪放係雪櫃耐左,泡芙好難食,海綿蛋糕底好結實,忌廉好多,不過都係要黎吹下生日 蠟燭,意義大過食既.可能唔係特別版啦,無乜驚喜,話差又唔係,話好又未到.

等了半個月, 终於到了取餅的日子, 嘩! 很靚呀! 我之前都唔知個蛋糕係點樣, 因為有提供左幅圖片比師父, 不過佢話個比例不太好, 佢幫我搵其他圖樣, 問我好無好, 我話OK, 結果出黎個 Marie 蛋糕又靚又鬆軟, 唔太甜...正!

一個月前預訂的光之美少女立體蛋糕終於可以提取了。預訂時和師傅溝通過，細心的師傅還擔心美少女頭髮過長會弄污公仔令小朋友不開心，但我們則比較擔心會弄花蛋糕。取餅時見師傅將頭髮用鍚紙紥高，好靚!回家時放入雪櫃要用上三格位置，三磅的蛋糕果然份量十足。開餐時，壽星女見到最心愛的美少女蛋糕，笑不合攏。整個蛋糕很鬆軟，配合新鮮生果還有至愛的椰果，好味，連平時不愛吃蛋糕的嫲嫲亦讚不絶口。謝謝樂怡餅屋的造餅師傅。

上星期五先從討論區發現呢間餅店, 心諗美心餅店一個cake都要百幾蚊啦, 即管打去問下, 仲趕唔趕得切訂一個蛋糕比3歲生日既囡囡, 職員好helpful, 而且佢地好flexible, 我地人唔多, 職員話1lb訂蛋都可以畫圖案, 大家都知, 畫一個圖案都要花時間, 1lb蛋糕價錢已好平, 真係非常好, 最後訂左一個2lb既芒果蛋糕, 面頭畫上白雪公主, 仲要唔使我落訂, 到攞餅時先比錢去攞餅時, 都無為意雪櫃有我訂既白雪公主蛋糕, 聽到有途有讚靚, 先望到, 真係好開心, 美中不足係個咀有少少歪, 但係朋友話似同囡囡講生日快樂喎, haha到夜晚食蛋糕, 原來唔止個樣靚, 仲好好味, 海綿蛋糕非常軟熟, 芒果亦非常新鮮, 好甜, 最重要係好足料, 係返屋企既途中, 已覺個蛋糕好重, 好足磅, 切開後, 佢中間個層芒果layer好足料, 囡囡好開心咁, 係咁挖中間既芒果出黎食真係好開心, 因為呢個蛋糕, 我囡囡有一個好開心既生日

賀老友新屋入伙！所以整間靚屋送比佢。真係唔該師傅！個蛋糕超似我比師傅個sample，仲有過之而無不及。師傅好俾心機幫我哋加多好多裝飾落去，超靚！我哋勁鍾意。Thanks!!!!!!!!!!!!我哋唔想切爛個咁靚蛋糕，所以打開個蘑菇頂，好似食雪糕咁裝嚟食。個什果蛋糕真係勁鬆軟，真係好似食雪糕咁，超正！

星期六到了,去到bakery取cake. 當然個美人鱼cake靚到暈啦! 但我要將個cake由粉嶺帶到西貢, 車程都40 mins, 加上落船後又冇得雪住個cake,真擔心個cake會溶. 好彩之前同師傅研究過. 我亦帶了ice pack. 師傅好好人親自幫我用ice pack圍住個盒包得好好. 真係超級好的服務態度, 到8時半我地切cake, 個cake重好靚, 冇溶到. 真係要再多謝師傅.今次是芒果cake, 比上次的更好味. 圍邊有好新鮮士多啤梨,蜜瓜,哈蜜瓜,芒果同波蘿,真係好好味. 個個都讚同問我邊間bakery買. 睇怕第日要成個月前訂先有期了. 最後再一次多謝師傅,個cake又大又靚又好食,間值係物超超超超超所值.各位觀眾睇相啦!

係我今年第二次訂樂怡的蛋糕,第一次係仔仔生日訂咗反斗車王蛋糕,我無比相片師父睇,已做得好靚第二次係囡囡生日訂咗THOMAS蛋糕,我去到餅屋見到個蛋糕時,真係想大叫一聲,(蛙-好靚-好靚-好靚)同我想像中更意想不到,好靚;個蛋糕好似藝術品似的,師父真係無得頂,囡囡見面好開心好鐘意:啲朋友都大讚好:真係好多謝樂怡餅屋師父,只可講大師級,無得頂^O^

Party 其實只有18人, 但我要3D米奇樂園最少要3磅, 所从就訂了個3磅蛋糕. 個個見到個cake都話好靚. Ｄcream好味, Ｄchestnut濃味適中. 食哂?有冇攪錯? 18人食得哂一個３磅cake? 大家一個鐘前先大吃完一頓喎! 其實我自己都吃了兩件. 我細佬20幾歲人竟爭住話想食米奇club house. 正一大細路. 最後我好唔捨得都要切開分左去. 我本來諗住留番睇多一兩日架麻!我攞cake同時亦放低了人鱼公主for我next week 的蛋糕. 師傅見到個公仔就問點解Ｄ頭髮扎起咗. 我話驚整到個cake. 跟住佢就張個公仔對手掘吓掘吓又張Ｄ頭髮抹埋一邊對我講:"咁先係美人鱼公主嘛!" 我心想" 佢同我個女兒的要求竟然一樣" 今日先Monday, 又要等5日先可以欣賞and品嚐大師級的傑作了.

服務態度一流. 真的意想不到.今日第一次到這間餅店, 店內裝修很平凡.眼前突然一亮. 嘩! 個喜羊羊蛋糕好似呀! 走進店內見到另一個Thomas火車蛋糕. 靚到"dum dum"兩聲. 我需要兩個cake, 本來只打算在店訂一個, 因為未食過佢啲出品. 亦因如此, 所以在店內問長問短. 又問Ｄ公仔邊道買, 又問個cake邊part邊part揾"mud"嘢做. 師傅一一回答. party30人,師傅話3磅己促夠. 亦因我的party是在室外進行, 所从師傅又同我研究個cake保温問題. 真係有heart. 最後決定兩個cake都同佢訂. 雖然佢沒有平比我, 但佢的確比到好大信心我訂嘅兩個cake都會好靚. 下次會upload幅相同話比大家聽個cake好唔好食.