樂怡餅屋 (已結業)

爐兄牛一，我們一行48人跟他慶祝生日，選了在尖沙咀假日酒店中菜廳"龍苑"舉行。整晚，大家都異常興奮，全晚的高潮位，一定是當服務員送出特別為他訂制的超級立體蛋糕，全場即時嘩然拍掌，爭相要與蛋糕以及壽星仔拍照。美食焚化爐這個朵，並不是浪得虛明的， 畢竟我們已經相識了12年，對於爐兄的食量，相信大家也不會質疑，為了歌頌他的肚皮，蛋糕上放了一座cute爆的Q版焚化爐，爐前放了一條食物輸送帶，源源不絕地將爐兄最喜愛的食物送上，包括肥豬肉、海膽壽司、雲吞麵以及湯麵等等.....造型全部都栩栩如生，真心佩服整餅人的深厚功力！大家別以為這些造型蛋糕都是好睇不好食，整餅人的出品，味道都往往令人滿意。今次的味道是雜果忌廉，蛋糕鬆軟，忌廉香滑不會過甜，雜果用了新鮮水果，十分足料揼本。其實我也有諗過訂其招牌芒果蛋糕，只雖加＄20一磅，芒果份量超足料的，但礙於我害怕派對上有朋友對芒果敏感，所以打消了念頭。最後在此恭祝美食焚化爐身體健康，愛妻與兩位公子都開心快樂。

之前食過一次雜果忌廉, 一般啦, 今次試試栗子蛋糕, 可以即日做, 有時細舖係比大舖靈活得多.呢個栗子蛋糕面頭既水果唔多, 得一粒蜜瓜, 草莓同半件桃, 加上幾舊栗子蓉, 好少少再加兩個泡芙, 唔知係咪放係雪櫃耐左, 泡芙好硬唔太好味, 海綿蛋糕底好結實, 忌廉好多, 食落有d漏.

好耐冇黎呢間隱世餅店買TEA了。講真食左咁耐都覺得佢水準夠高, 而且價錢又平民, 店員又NICE, 所以好鐘意係呢度買蛋糕今次買左細細PACK蛋卷, 又係一流, 甜而不漏又CREAMY, 面頭既巧克力粉岩岩好, 味道夠懷舊料又唔錯, 4大塊10幾蚊真係好抵食, 幾時都咁想番黎食多次!

每當有喜慶的事要慶祝時，往往會訂做蛋糕給朋友。樂怡餅店的3D立體蛋糕，早已在朋友間享負盛名，不少城中名人甚至明星光顧，所以每次經過門前，偶爾會見到一個個熟悉的名字。正因為越越出名，要訂蛋糕至少要兩個月前，實在有點誇張。今次有朋友的食店奪獎，正好遇上自己飯局，因利乘便，訂了一個蛋糕，用的是芒果餡料，夠香滑軟熟。至於蛋糕上的店舖名跟真正招牌簡直是一模一樣，華麗之餘，每一個部位都可以放入口。雖然要3磅或以上，但望見朋友驚喜及欣賞的表情，就算花多些少錢都是值得的。

最近新發現，家裡樓下麵包店居然有熱辣辣出爐的老婆餅賣，雖然價格比一些老字號還貴，但抱著一試既心態，買了兩個，$15 兩個，$8@嘩⋯岩岩出爐熱辣辣的，冬瓜餡好厚，皮很薄，皮也很酥， 甜度岩岩好唔會膩～真係好好味～而且好大件～比元朗老字號既老婆餅還好吃～晚上凍左再用微波爐叮返熱食～一樣超好味～實在太好味一定要分享～

整餅人整3D蛋糕的功力寶在是無容置疑，我幫襯咗好多次，每次都好滿意。咁多個蛋糕當中最精彩的一定係呢個石山形狀的蛋糕，壽星仔(6歲)最喜歡Avengers，他想我設計一個蛋糕可以將他心愛的figure都放上去。阿P認為做個不規則的石山就最能夠達至最佳效果，於是我就將個idea周圍揾3D Cake Shop訂造，可惜我訂開嗰啲都唔接因為他們都沒信心做好。最後阿P打比整餅人，希望他可江湖救急，因為壽星仔的party只剩番兩個禮拜就舉辦。真心多謝整餅人係咁急的情況下仍幫我地超額完成呢個order，壽星仔見到個蛋糕開心到顛，Auntie J今次真係欠整餅人一個大人情。唔好以為整餅人整的3D蛋糕剩係得個樣，今次我訂了fresh mango做餡，加了$30元一磅，是絕對超值的價錢。蛋糕內爆多芒果，仲要係好甜的新鮮芒果，大家都激讚呢個蛋糕好睇又好食。另外，這裡的芒果糯米糍也十分出色，比坊間開到成行成市，唔知係真定係假嘅長洲糯米糍還好吃。糯米皮又薄又軟熟，芒果肉足足有1/4隻芒果咁大，而且必甜。大家下次不防試吓！整餅人，PJ愛死你呀！！

又去左附近既樂怡買麵包, 今次係買佢近來最多人買既多士包, 裡面揀左最好味既芝士涵唔好睇影相好似好細, 其實可以切做10塊麵包都可以, 食之前如果叮一叮仲好, 因為有芝士融融地, 熱辣辣既口感更加香口, D麵包都好香麥味, 而且好鬆軟易咬, 唔似係一般既糖水包咁, 真係唔錯嫁

朋友好鐘意買樂怡既包包, 因為佢地好好食~朱古力包包最好既係朱古力醬甜得黎唔會太漏, 而且醬超多! 唔會呃你只係得中間少少, 不過就多到漏晒出黎...芝士包包都好食, 叮一叮芝士變得軟稔稔, 包包香味都高, 易咬得來唔會覺得食完好似冇食咁太多空氣, 不過芝士有少少漏

其實做人有時唔駛餐餐食好野,久唔久食下普通野都可以開開心心過一日,最緊要係睇下身邊既人係邊一個姐今日咁岩同BB去粉嶺探一個小學同學,走果陣有小小肚餓,咁岩見到一間麵包舖,就買小小野食啦估唔到個提子蛋糕又幾好食,提子好甜下,唔係D過期提子,店家貨真價實而蛋糕本身都好軟熟,咬落仲好有蛋味,作為下午茶算係唔錯嫁而且價錢公道,20有找,抵食呀

早前一段時間表弟係間小店買左個生日蛋糕,我食落覺得都幾好,所以想幫下小店比D鼓勵囉~士多啤梨大個而且鮮甜,加上蛋糕夾著少量酸JELLY,少少的酸味加上豐富的巧克力碎非常好吃,底層的蛋糕亦沒有馬虎,雖然只是雪芳蛋糕的質地,但非常鬆軟, 咀嚼得很舒服,以價格來說十分抵食既蛋糕呢

今日要出去尖沙咀去探舊同事，所以就光顧了呢間屋企樓下既名店❤️️-樂怡餅屋，因為佢d麵包蛋糕真係好正～然後最近有個新發現～～芒果糯米糍—原塊芒果肉係入面、加上軟滑的糯米反，甜而不膩，最重點係芒果肉真係好甜～～超新鮮，有點像長洲食到果隻芒果糯米糍，不過不用去到長洲就食到～介紹既姐姐話每日限量架～～～另外買左包裝蛋糕仔～好軟好Q~蛋味很香，又有淡淡的牛奶香～好有傳統的味道～真係好好味（食到停唔到口）是日消費$78～～好過買西餅平時成日食到～唔比個讚都唔得😝

今日有個朋友生日，佢又好鍾意食cheesecake既 ，所以就買左個奧地利檸檬芝士蛋糕同佢慶祝生日。本身望到個蛋糕以為會冇咩特別咁 。點知食落果緊真係超好食 。芝士味夠濃 ，而且d cheese係好軟身既 ，食落唔會好膩 ，食多幾件都冇問題!而且食落又有淡淡既檸檬味 ，呢隻味唔會太濃，唔會cover左cheese既味道 ，真係好好味!而且店員既態度好好，揀蛋糕果陣服務又好好，因為呢款蛋糕剩左2個，問我要揀邊個，我話是但啦，佢就指住其中一個話果個望落多d cheese，就揀果個 。真係冇得彈!

其實係粉嶺雖然地區比較細，但講到餅店選擇都好多，有連鎖式，也有比較專門的餅店。以我心水之選，就非樂怡餅店莫屬。佢地芝士餅簡直係魔鬼及天使配合，有美味又易致肥的忌廉芝士，也有鬆軟的蛋糕，比例約1:3，份量恰到好處又唔會太甜，選擇亦都很多，有美國芝士，藍莓芝士，檸檬芝士，任君選擇。另外，如不大喜歡芝士餅，就可選擇鮮果蛋糕，雖然外表不外乎是鮮果，但就算在一個小小半磅蛋糕上鮮果都有4款(原位士多啤梨，哈蜜瓜，蜜瓜，菠蘿)，當你切開蛋糕有一層薄薄的忌廉加上新鮮的芒果肉，這簡直是驚喜。選擇也有為喜歡忌廉甜品愛好者而設，忌廉泡芙也是不錯，厚厚又軟綿綿的忌廉，加在有口感的鬆餅上，滋味無窮。價錢雖然與連鎖式餅店差不多，但以我來話物有所值，而且製餅師傅亦是酒店製作甜品出身，做甜品水準是不可致疑。

I have always wanted to try this cake shop but Fanling is too far away, finally tried it because someone ordered the cake for a private party at Ar Hung's delicacies.The cake was huge and the icing structure was fully supported with a chocolate slab that was pushed into the cake just like how they drive piles in the ground for supporting buildings on top.Anyway, beneath the fancy icing was a soft sponge cake layered with cream and fruit.The cake was quite nice and not too sweet.

同事飯聚前買件餅醫肚先，上網見呢間口碑唔錯！3D蛋糕造型吸引！（不過得我唔會買一個大蛋糕 ）門面係一間好普通屋邨麵包店，入內見一個大雪櫃，有好多切餅！賣相樸實唔花巧！價錢仲好街坊價，好吸引！櫃檯阿姐好豪爽，我要兩樣「椰汁荷包蛋」（$13）同「奧大利檸檬芝士餅」（$18），食兩件都唔使出面一件西餅嘅價錢，而且size唔細！好吸引！去到酒樓打開袋食！椰汁荷包蛋：賣相贏晒，好得意，椰汁滑溜，椰汁榚唔過甜，中間蛋黃以為係蜜桃，原來係芒果味布甸，一樣香滑！奧大利檸檬芝士餅：其實唔知奧大利風味係點樣！切餅有用紙封好切口！防止變乾！味道有驚喜，芝士蛋糕好滑溜，淡淡芝士及檸檬味，好清新！唔會過甜，餅底係軟蛋糕，唔係消化餅底！好輕盈嘅感覺！外賣袋樸實，一個簡單雞皮硬底小手挽袋！店員阿姐好爽手，比較粗豪，唔係無禮！屋邨餅店都有大驚喜！