樂湯雞麵館 (庇利金街) (裝修中)

同店員講對分餐有咩要求，不斷講話做唔到俾你。又唔係平每一個餐超過$50，外賣攞到返去得三夠全部唔靚嘅雞。下一次去到餐廳裏面叫，要求佢俾份靚啲嘅雞，即刻俾咗份超靚。在下一次去同佢講返，係咁係間餐廳度大聲講嘢：「如果你要求係咁咁下次個個你都會叫我俾份靚啲嘅雞。」我心諗提供好嘅食物素質唔係作為餐廳嘅基本野嚟嘅咩？仲要大聲答我，勁冇禮貌，搞到成間餐廳啲人望晒過嚟，令人好尷尬。　

今晚接女朋友放工，諗緊夜晚食咩好，又唔想打邊爐/放題，網上搵到一間專食京川滬菜既專門店*樂湯雞麵館*，幾吸引，我地決定試下。店舖環境清潔。款式多，價錢俾連鎖平，價錢算是親民砂鍋雲吞雞先上，賣相很好，湯底清甜，份量足，雞大大件，冇雪味夠滑，雲吞大大粒，蝦爽甜好食！另外仲叫左砂鍋雞湯翅，翅份量足，雞湯看起來很濃但入口不油，味道適中，鮑魚大大隻，味道幾濃郁，$20是值得加我地仲帶叫其他小魚，花枝丸大大粒，魚味濃有咬口，配上麻辣，夠晒醒胃涼拌一口花膠，質感不錯，份量多，又凍凍地，夏天食岩晒。食左咁多肉當然要食下菜，雲腿浸娃娃菜，湯底清甜，娃娃菜新鮮爽甜，配上有鹹鮮味金華火腿，很夾我地食到好飽，埋單先$292，唔收加一，很抵食，用料新鮮，係值得再來惠顧！

今日出去買月餅，經過見到食砂鍋雞嘅，真係好耐冇食，人唔算多，就坐低幫襯下。這裏每張枱都有隔版，而且座位之間有足夠空間，所以我哋都坐得好放心。今晚我哋點左三個食，味道唔錯，值得encore👍 ⭐️醉豬手愛豬手人士必吃，質地Q彈，充滿骨膠原，花雕味夠濃，還以桂花和蟲草花提味，食落仲有陣陣桂花香😋我同老公都讚好話正👍⭐️ 砂鍋”花膠魚翅餃“雞砂鍋同個湯夠晒熱，睇落仲黃金的顏色，飲落清甜唔太鹹，魚翅餃食落都好足料，但係原來花膠係喺魚翅餃裏面，我以為係個湯度，本身想食花膠，可能下次要點花膠煲先啱🤣⭐️至尊鮑魚雞大碗飯睇相見到雞髀，點知嚟咗雞胸，有少少失望，好彩雞胸肉食落都OK。個飯好夠味，仲有勁多金華火腿碎同埋冬菇絲，所以食落好香口好入味，你唔係幾鍾意食飯嘅我都食咗好多！

這一間店主打無味精雞湯底，加入花膠、魚翅等食材，而且價格不算貴也十分抵食。由於我不食魚翅，店員服務細心，介紹之後選了宮廷藥膳醉雞粉絲。湯底是真材實料藥村湯，甜味十足，再加上減肥首選粉絲，啱哂我長期減肥人士。湯底材料十足，北芪、黨參、淮山、杞子及龍眼肉全部熬煮至半溶化，飲落沒有味精，事隔二小時也不用狂飲水，已經知道是沒有落師傅。至於那碟醉雞也是對我的胃口，沒有嗆喉的酒精味，酒味恰到好處，而且帶少許杞子甜味容易入口。很快將粉絲吃光，湯也喝清光。相信好快會再去食其他出品。

十分失望！午餐叫咗個全場最貴嘅招牌砂鍋花膠雞湯翅，老實講，湯底係幾好味，但竟然全碗都係雞胸😑完全係圖文不符！同阿姐反映意見，佢仲話下次記得落單講明唔要雞胸😑我明白未必碗碗都係雞髀，但完全唔expect 全碗都係雞胸，有其他部位都好吖😑😑不如叫砂鍋花膠雞胸翅或寫明「健身大隻仔推介」！

樂湯雞 🐥 funny good name 👍陪同老公係佐敦拔完罐，即係附近搵美食醫肚！朋友推介樂湯雞🐣，位於庇利金街，義順牛奶公司隔離，都易搵。朋友果然好介紹，我地食左幾啖已經嘩嘩聲係咁讚👍首先講炸魚皮，薄脆、無油溢味、調味清淡（沾上醉雞汁正呀）！暫時我地除了榮記車仔麵既出品覺得係好食外，現多個選擇鳥！主菜係醉豬手配藥膳刀削麵：豬手入味，冰涼彈牙，不膩不油，基本上已去掉骨頭，幾乎啖啖肉與骨膠原；刀削面夠薄身好容易入口👍藥膳麵湯底不得了😍紅棗、 沙參玉竹，粉葛及杞子都美味！湯濃而唔咸，係 屋企既味道 呀！Well...其實屋企冇咁煲過既。。🙈仲叫左一碗每日限量既鮑魚花膠雞湯翅！鮑魚彈牙唔假、雞肉嫩滑，湯濃米線滑👍只是個花膠就覺得麻麻，但將花膠放入蟲草醉雞汁就即變得有味🤣🤣至於小食方面，醉雞翼都ok，個汁正👍下次要試藥膳雞腳、海蜇、麻辣野。#用料十足回味無窮 😋#MagicRaymond食好野#MagicCherry攻美食#Cherry攻商鋪🍒

因為晚上約了朋友吃鐵板燒，中午餓了打算吃比較沒那麼容易飽比較容易消化的，於是就選了這家吃，叫了個花膠雞湯配個飯。一上桌，砂鍋真的好熱！好熱！好熱！！！重要的事情說三遍！！！移動的時候馬上就被燙到手指了，大家吃的時候要小心一些。花膠和翅還挺大塊肉眼可見，沒有煮到融化掉，雞味也很濃，配飯吃可以把全部湯都喝乾淨！！宣稱是養生無添加味精的，剛剛開始覺得喝起來那麼香濃應該多少有點味精吊味吧，直到吃完走了一個小時都沒有覺得很口渴，可能真的是沒有味精...這一點超棒的！！值得再去！下次再去試其他口味的。

去開佐敦C6揾左間主打雞湯嘅麵館，咁就去試下啦！估唔到平日夜晚成八點幾都keep住有人流，又好多人買外賣，好彩坐到最後張枱，唔使等。試埋佢啲嘢食就充分體驗到有麝自然香嘅意思！首先當然試下主打砂鍋雞湯翅配刀削麵，上菜時仲滾下滾下，熱到要慢慢食，好彩冷氣都足夠。翅就當然唔會好多，但係都有六七舊細細地嘅翅頭翅尾。雞都唔算好韌，份量以呢個價錢來講算係超值。當然重點係個雞湯，第一啖感覺就係超級雞味！😂濃郁得來又唔會好痴口，飲得出真材實料亦應該冇味精（起碼之後唔使飲水）。淨係個雞湯都值回票價！而且我覺得就咁飲係最正，唔需要加胡椒粉、辣油，原汁原味最補！另外仲叫咗個醉豬手配米線，米線用咗藥膳湯底，又係另一特色。不過豬手略嫌太多皮，肉反而冇乜，有啲改善空間。可以用優惠價加配口水醬墨魚丸，都叫大粒夠彈口質素不過不失。但總括而言佢嘅招牌雞湯甚為出色，下次再食都係叫呢樣就夠！

辛苦工作又一星期😖 勞碌過後一定要好好補一補，決定來樂湯雞食過暖身雞湯麵🍜 每日一點舖頭都會好多人排長龍。久別重逢依然非常美味，果然係我和同事的最愛😀P.S. 佢哋有做印仔卡 10碗餸一碗 同同事來好快就儲到雲吞雞刀削麵雖然今次係雞胸 ，但亦不會太鞋太難咬，雞肉味道就比較淡。不過精華在於雞湯，濃郁而不會過鹹。配上刀削麵煙煙銀銀口感一流！如果喜歡濃味的朋友可以配米粉 超級吸湯。雲吞亦好味，不過得兩粒唔係好夠喉😛椰子雞配飯椰子清甜，比起雲吞雞我更喜愛呢個湯底！差唔多飲晒咁滯。雞肉就基本上每窩都一樣。

樂湯雞幫襯過第三次了，真的沒有令我失望。我地三個人，叫了三個雞湯及三個小食。🥢藥饍醉雞配刀削麵 $58🥢沙薑雞配刀削麵 $58🥢椰子雞湯配白飯 $68🥢麻辣青瓜 $28🥢醉豬手 $48🥢麻辣皮蛋 $28🥢豆漿其實我最鐘情藥醉湯，超級濃味，個刀削麵入哂味又爽滑，淮山圓肉當歸味濃，滋補養生。今次有雞脾，紹酒味好香。另外個豬手仔好入味好爽，真係吃上癮。個豬手已經起咗，淨係食佢個又凍又爽脆嘅豬皮，好過癮。估唔到一疊裏面都有成8-9舊。青瓜同埋麻辣皮蛋不過不失，夠麻辣。好彩早來，因為疫情變得好少位，食完都有人排隊。

限聚令之後都多數買外賣返屋企盡量唔想係街除低口罩買外賣真係一個超級好嘅選擇就算買外賣都會量體溫抗疫防備做到足值得一讚今日我好有胃口所以叫了好多餸先叫左一個必喝的湯砂鍋花膠雞湯翅(半隻)外賣變成兩大碗湯非常足料每碗都有幾片很大的花膠一群魚翅雞另外用盒裝好湯底黃金色的 但不會過咸濃郁的雞湯放涼了會骨膠原在面 醉豬手也超入味味道不單單在豬皮表層是一整啖豬手也有醉香醋香雲耳醋加蒜味道不搶喉非常爽口是全晚最清新refresh的菜色雞絲粉皮這個都很好吃花生醬絕不吝嗇濃稠夠晒厚身我是一個醬怪每片粉皮都沾上花生醬我差點把所有吃光光 花鵰醉雞味道跟豬手差不多也一樣雞肉都已經喝飽了酒雞肉肥瘦適中配上杞子吃我覺得很滋補花鵰醉雞翼(5隻)味道當然和花雕醉雞是一樣好味完成花鵰系列大滿貫而且試食價都係HK$24無可能唔試下啦

最近屋企嘅老人家都好擔心疫情，所以近排不會到餐廳吃飯，所以我放工一般都會去買外賣拎走返屋企食，等佢哋感覺安全又唔使落街買餸。最近鍾意去佐敦樂湯雞麵館，因為嗰度啲侍應姐姐服務好細心，又有一種熱誠幫人嘅熱情，我每次外賣佢都會照顧周到。豬牛羊雞裏面家人最喜歡食雞，覺得白肉比較健康，而家外賣自取仲有八五折～抵呀！砂窩花膠雞湯翅 就連買外賣都要嘆花膠雞湯翅，你說我家人要求多高～哈哈！雖然沒有砂鍋，但返到屋企仍然係超級熱辣辣的。花膠雞湯翅落足料 ，彈牙的花膠，入口非常有質感的魚翅， 湯底香濃的雞味 ，每一啖都有骨膠原的厚實口感，湯頭滋潤，飲多幾啖都唔怕肥。花膠好似扒咁大塊呀口感滑而且軟腍，膠原質豐富，翅爽口，雞湯當然就係精華好濃郁，刀削麵夠彈牙 ，配埋雞湯一齊食好好味。雞件另外包好，原味清淡，肉嫩多汁。藥膳醉雞 藥膳配米粉特別好吃，吸收了雞湯濃厚的精華味道，藥膳湯足料有點中藥味。醉雞汁微甜有酒味，酒味濃淡適中，雞肉嫩口，冷盤吃確實唔錯，價錢好抵食。值得一試！麻辣蓮藕不斷要讚下呢度嘅麻辣小食，口味正宗得很，忍唔住再追加一客蓮藕，厚度適中，爽脆口感非常重要，麻辣汁應記一功，辣得夠刺激。麻辣牛𦟌 牛𦟌

我對上一次獨自在九龍食店裡面，享用有魚翅成份中式湯品，是在旺角的「創興廣場」二樓裡面的中菜館「魚翅X排檔」裡面享用午餐，不過當時午餐時間的「魚翅X排檔」裡面午市時間快要結束，剩下的食客不多而已。加上當時的我還在使用上手手機跟上手「開飯喇」戶口，還未非常熱衷於午飯晚餐裡面食牛肉，所以我當時只是食了「鮑魚炆雞」，加一窩「紅燒蟹肉魚翅」的午餐，就連汽水飲品也沒有選，只是飲中式紅茶而已。今次我在換上新手提電話，跟新「開飯喇」戶口之後，第二次光顧享用有「魚翅」在裡面「砂窩雞湯翅」晚餐，本來想在選擇「砂鍋花膠雞湯翅」套餐的同時，選擇一客牛肉小菜作為配套。結果我今次晚上在佐敦「庇利金街」，光顧雞湯翅主題中菜餐廳「樂湯雞麵館」的時候，就意外發現「樂湯雞麵館」餐牌裡面有關「小食」，「冷盤」一項裡面，就只有「麻辣牛」屬於牛肉食品。再加上「樂湯雞麵館」裡面的「冷盤」小食食品，「麻辣牛」實際價錢一點也不便宜，一小碟「麻辣牛」不太符合我晚上想食「牛腩」的實際意願，所以我最後放棄了「麻辣牛」。結果我只是選擇一窩「砂鍋花膠雞湯翅」，另外有白飯作為套餐食品的晚餐，跟著再在「樂湯雞麵館」晚餐套餐裡面，再另外加錢

疫情持續，雖然我一向喜歡堂食，不愛外賣，無可避免地有時候也會外賣回家。就好像這一次，我便在這一間「樂湯雞麵館」外賣自取了一個豐富的晚餐回家，與太太一同享用。這間與我在不久之前介紹過的「醉藥雞」一樣，同樣是玩食字的店舖，店中的主打菜式，也跟「醉藥雞」有點相像，餐牌菜式大同小異，但又各有千秋，兩間店舖我都喜歡。其實我已不是第一次幫襯「樂湯雞麵館」了，不過之前我光顧的是它的太子店，而且是堂食，這一次，我去的則是佐敦分店，而且是外賣。兩店相比，佐敦店較新，裝煌陳設都亮麗多了，木桌木椅帶點古風，公雞餐具裝飾配合麵館主題，彩色菜式照片美侖美奐，加上古樸的門面，雖然我在店內逗留不久，仍讓我留下深刻的印象。「砂鍋花膠雞湯翅（連白飯）」（$78）與「淨砂鍋花膠雞湯翅（連湯料）」（$52）的雞湯色澤深濃，味亦濃郁，可見火候老到。湯料中有不止一塊爽滑花膠，還有少許魚唇魚翅，金華火腿等，亦見真材實料。「沙薑雞撈麵」（$58）吃的是刀削麵，雞件不多，而且沙薑味有點不足，還可以再濃些。三款小食，白白滑滑的「醉豬手」（$48）份量充足，豬手皮多，骨膠原極之豐富，酒味亦異常濃郁，是有點苦，可以接受。麻麻辣辣的「川汁皮

最近疫情比較嚴重，所以都唔太敢出街食飯，但我又為食所以就唯有外賣啦而家外賣自取仲有八五折抵呀砂窩花膠雞湯翅米粉啲花膠好大塊呀口感好滑又夠淋，膠質豐富翅方面比較硬，如果選用翅群會更好至於雞湯就係精華所在，好入味藥膳醉雞米粉呢個醉雞好好味呀好香花鵰味之餘，又唔會有酒既苦味，反而有清甜味原來加左桂花，唔怪之得會咁好食雞件仲係雞髀黎上湯浸翡翠苗花雕醉雞翼好香花雕味，桂花既香味中和左酒苦味雞翼肉質好實淨，唔會浸到淋哂搞到無哂口感麻辣雞絲海蜇海蜇好爽口彈牙，係我鐘意既口感加上麻辣味岩岩好，唔係好辣，但麻香味好足