樂麵

营业中

休息中

呢個商場有兩間拉麵舖，樓上嗰間成日去食，今日放假見唔使點等位所以就走入去試吓呢一間。目測今日全場爆滿。拉麵最基本嘅要求係湯要熱 唔知係咪因為今日假期員工太忙 碗麵上到嚟啲湯係暖嘅 。我點了特盛雞白湯，湯頭好清冇乜太大味道，面底軟硬適中，叉燒好薄，冇乜味道。加上三塊雞胸肉，肉質好腍，但又是沒什麼味道。不過碗暖湯再加啲唔凍唔熱嘅食材令到碗麵扣咗分 估計係整好之後擺咗喺度我諗有10分鐘先上枱 希望員工正視此問題。

樂麵嘅真熬雞白湯拉麵真係唔錯😋。湯底濃郁，雞味香濃，飲得出係用心慢煮出嚟嘅🍜。麵質彈牙，唔會太硬又唔會太腍，啱啱好👌。叉燒肉質嫩滑，入口即化，真係一絕🥢。蛋亦都流心得嚟冇腥味，味道調得啱啱好🥚。餐廳環境乾淨整潔，服務員態度友善，令我食得更加舒服😊。價錢合理，性價比高👍。如果你鍾意食拉麵，呢度絕對值得一試🤤。不過，因為人氣高，建議早啲去，唔好等太耐⏰。下次唔介意再嚟試其他款式嘅麵，期待有更多驚喜🎉！總括嚟講，樂麵樂道嘅真熬雞白湯拉麵雞白湯拉麵係唔錯嘅選擇，一定唔會令你失望😊。

是第二次幫襯了, 好在沒有失望, 能堅持味道, 就值得再來 食物 : 濃口胡椒豚湯拉麵 $98 ~ 碗面舖咗好多豬肚絲及黑糊椒, 一D都唔孤寒, 湯底好香, 好多黑胡椒, 但唔會好辣, 豬肚絲有咬口, 麵底叫咗特製藜麥麵, 都幾好食, 整體味道不錯 鰹魚雞白湯拉麵 $98 ~ 味道仍然幾好, 湯好濃, 飲晒都無口乾, 麵底唔會好淋, 整體味道唔錯 飲品 : 店內有凍水供應 環境 : 日式裝修, 以紅色為主調, 今次坐卡位, 坐得舒服 服務 : 職員有禮貌 價錢 : HK$216 (有加一服務費)

每次經過見到舖頭外面成日都好多人排隊，就放棄排隊😹 今日突然好想食拉麵就決定試吓排隊，但其實上菜都算幾快，所以唔使排好耐就可以入去！日式居酒屋嘅裝修風格氣氛感十足，舖面唔算好大，好啱一個人食。拉麵湯底好有特色，唔單止有正宗嘅日式拉麵，仲有佢哋自己創新嘅港式拉麵😻🌟鷄香鹽湯配日系拉麵今日想食清淡啲就叫咗呢碗嚟試吓，望落去就平平無奇啦，但一啖就令我改觀！清爽又唔油膩嘅湯底，讓人想一啖又一啖接住咁飲~ 麵條我就鍾意硬啲，配埋鹹甜適中嘅湯底真係好夾！👍🏼仲有叉燒同雞肉片，軟腍實在，真係令人念念不忘！😭😭 🌟麻香胡椒豚肚絲呢碟小食我都好鍾意，豬肚處理得好乾淨完全冇腥味，爽脆之中仲帶少少韌勁，鹹香麻辣嘅滋味愈嚼愈香，真係令人停唔到口！

星期六午餐時間想食都要預少少時間排隊我哋大概排咗10分鐘先有位入座之前晚餐時間食過葵芳分店～今次午餐就試吓坑口呢間分店啦！叫咗兩碗拉麵同埋一個小食*拉麵有得揀唔同嘅面底！分別係濃厚花雕醉雞湯拉麵面底就揀咗日式拉麵嘅湯底好濃嘅花雕味 好Rich!另一碗叫咗雞香鹽湯拉麵面底就揀咗特製蕎麥拉麵呢碗就係淡淡嘅鹽味本身想加七味粉嘅 但係呢呢度就只有本地醬料廠（悅和）出嘅辣椒油略嫌個味就未夠濃兩碗相比 其實花雕嗰個好食啲嘅😋仲叫咗個椒鹽菇菇呢個整到好脆好食最後因為太眼瞓嘅關係都加咗一樽朝花無冰奶茶！樽仔印咗好多HK字樣 😍埋單嘅時候，發現呢度可以買埋永樂麵粉廠嘅面添店員話只要買滿$100就可以用九折價錢買啦👍

🍜 樂麵 🥢樂麵 位於將軍澳 主打日式拉麵 🍜 仲有其他特色小食 🍢 同埋飲品 🥤🍢椒鹽炸魚蛋串每串有三粒炸魚蛋 🎈炸得金黃酥脆 💛 外皮好脆口 🐟 入面魚蛋彈牙 配埋少少椒鹽 🧂 鹹鹹地幾惹味 🥩 燒安格斯和牛飯 配壽喜燒汁燒安格斯和牛嫩滑多汁 🐄 飯粒粒粒分明 🍚吸滿咗壽喜燒汁 🤎滋味滿足🍜 琥珀之味 醬油清湯 日系拉麵叉燒嫩滑 🍖 加上彈牙拉麵麵條🥢半隻流心糖心蛋 🍳 加上粒粒蔥花 🌱清湯湯底鮮美 🌊 醬油風味好濃郁🤎

放假同屋企人去咗將軍澳《樂麵》享受正宗日式拉麵，呢度主打嘅拉麵真係無得彈，我哋點咗三款招牌菜式嚟試吓。1️⃣首先，我哋試咗真熬雞白湯(日系拉麵)🍜。麵條彈牙，雞白湯嘅濃郁香味真係一試就知係用心熬製，湯底甘甜滑口，加埋新鮮嘅配料真係一流👍。2️⃣接住就係花雕醉雞湯(日系拉麵)🍜。湯底充滿花雕酒嘅香氣，同雞湯融合得天衣無縫，非常獨特，甘甘地又唔會太過頭，啱晒追求新口味嘅人。3️⃣然後嚟咗個麻香胡椒豚肚絲，超入味，豚肚絲煮到啱啱好，香味四溢，胡椒味就香，而麻香味就提升咗整體嘅層次，好惹味。總括而言，《樂麵》真係我哋心目中一間一級棒嘅日式拉麵店，食物出色，加埋親切嘅服務，真係值得推介，比個like！👍👍👍

今日係媽媽生日，所以決定帶佢去將軍澳嘅「樂麵」慶祝🍾️一入到去已經覺得啲裝修好靚好有日本感覺！！ 呢間日式拉麵店認真高質，除咗拉麵之外，仲有好多唔同嘅小食～～🍲「唐揚日本秋葵釀蝦膠炸串」一上枱已經見到佢嘅金黃色，每串仲有三粒，一家人share食都冇問題～秋葵外層炸得金黃脆口，內裏嘅蝦膠充分保留蝦肉嘅鮮味，外面好脆入邊又好彈牙軟熟。口感豐富層次多，食秋葵嘅朋友都可以試吓！！🥟「雞香鹽湯配日系拉麵」嚟到拉麵舖冇可能唔試吓拉麵嘅，湯底就咁睇好清，但係飲落夠晒鹹仲好鮮甜添～最緊要係飲完之後味精都唔會好多，冇好想飲水嘅感覺！！拉麵厚度啱啱好好夠掛湯，而且食落好煙靭添... 而且佢仲有幾片雞肉好嫩滑，啲筍都好夠味，最緊要就係有隻溫泉蛋，令到成件事更加日本！！配埋芽菜同埋其他嘅蔬菜，拉麵整體嚟講好足料好豐富！！🍜無論係環境、拉麵定係炸物都好，都神還原咗日本嘅感覺，真係非常之值得推介大家去試吓～☕️最後，餐廳仲有提供嘅熱茶，對於我呢啲一家大細去嘅朋友就夠晒細心，唔使額外叫飲品啦～唔知係咪因為新開呢？冇咩人～如果大家去開將軍澳一定要去試試啦😆😆

上星期同朋友去咗食將軍澳嘅”樂麵”，餐廳主打日本菜，尤其係拉麵，令人一試難忘！我哋食咗”茜口茜面”，拉麵嘅湯底非常濃郁，麵條又彈牙，掛滿湯汁，每一啖都好滋味。叉燒軟嫩多汁，配埋半熟嘅溫泉蛋，真係好好味！除咗拉麵，我哋仲嗌咗白桃玉露，飲品好清新，白桃嘅香氣十足，飲落去甜而不膩，非常解渴。小食白桃筍絲亦都係唔錯，白桃嘅甜味同筍絲嘅爽脆呢個配搭加埋一齊食好有創意！樂麵嘅環境簡潔同好有有日式風情，店員態度友善親切。去開將軍澳嘅朋友，如果你未試過呢間，真係推薦你去試下，特别係拉麵，一定唔會令你失望！😊

尋晚好忙，忙到食飯時間都唔記得埋，收工之後就急急腳去將軍澳嗰邊搵嘢食，搵嚟搵去，突然諗起自己好耐冇食拉麵，又見到嗰度有一間拉麵餐廳，樂麵，就行咗入去試吓，好彩趕得切。order咗麵之後，趁住啲麵未上枱拎部電話出嚟，發現餐廳入面嘅裝飾幾特別就影咗幾張相。其實餐牌上面有好多款食物揀，不過我最後都係揀咗琥珀之味 醬油清湯拉麵。成碗麵好大碗，雞肉同鴨肉片都好食，湯底有啲鹹但係唔會好滯，醬油糖心蛋最好食，又滑又嫩。仲有其他配料蔥花、京蔥筍同紅椒絲。成個感覺都好好，食物好食，服務又好。但係因為太趕時間冇乜時間慢慢咁食，決定下次再嚟試多次。

位於將軍澳呢間拉麵店長期排隊，每次見到排長龍我就放棄走咗。今日我就特登錯峰午餐時間，見冇人排隊店員就招呼我入去啦。入面都唔算好大，吧檯就啱晒一人食。 花雕醉鷄湯花雕醉雞湯拉麵真係第一次見，邊度搵到咁有港式特色嘅拉麵？！食麵之前先飲湯，湯底醇厚香甜仲帶住濃濃嘅花雕酒味，飲落去成個人都暖笠笠。鴨肉同雞肉都配合得好好，最鍾意就係佢哋嘅溏心蛋，咬落去仲會流心，帶住淡淡嘅醬油香味～🤤🤤椒鹽炸魚蛋串小食都好好味，呢個炸魚蛋令我返到細個嘅感覺～彈牙又鮮美，魚肉味都好夠，外面再灑上胡椒粉同鹽調味，更加有風味！一串三粒食唔夠啊！呢間拉麵食得出用心製作，食物味道同服務態度都好好！推薦指數：👍👍👍👍👍

今日約咗朋友一齊去將軍澳行街，放假輕鬆一下，當然要搵間靚餐廳填飽肚子啦，行吓行吓就見到「樂麵」，日式拉麵店。佢門面真係好吸引，同埋價錢合理，所以我哋就決定試下！我哋叫咗幾款拉麵，同其他菜色都係超正嘅！「港系」秘抽叉燒滑蛋飯，呢份飯真係好味到不得了！叉燒無論係肥瘦比例定係醬汁，都調得啱啱好。再加上滑嫩嘅蛋，成件事簡直係天衣無縫～ 每一口都食到啲濃郁嘅甜味同鹹香，真係回味無窮。椒鹽炸魚蛋串，呢個小食一試難忘！魚蛋外層炸得啱啱好，唔會太硬，內里彈牙中帶魚肉嘅鮮味。再加上椒鹽嘅調味，真係一串接一串停唔到口～琥珀之味醬油清湯（日系拉麵），呢款拉麵一上枱就聞到陣陣香氣。湯底用咗正宗嘅醬油調製，濃郁又唔會太鹹，飲落去好舒服。拉麵嘅口感亦都超正，彈牙又吸湯，魚粉同豆芽亦增添咗好多層次感，非常滿足吃。個飯局之後，你真係會覺得食得好過癮！©「樂麵」絕對係一個適合朋友聚會或者約會嘅好地方，食物優質，環境舒適，又係將軍澳，真係冇理由唔嚟試試。已經等唔及下次再嚟「樂麵」大快朵頤啦～

我朋友阿強係一個芫茜愛好者，佢唔管食咩有得加芫茜嘅，一定會多要啲芫茜。呢個月阿強生日，我就諗住搵啲有特色，又同芫茜有關嘅菜色，請佢食。偶然間俾我搵到將軍澳坑口重華路呢間日式拉麵館【樂麵】，有賣以芫茜為主角嘅特色日式拉麵，所以就打算請阿強嚟呢度食飯。去將軍澳嘅路上已經可以感受到阿強嘅興奮，佢一直喺度傾日式拉麵、同日本文化，仲有芫茜點煮會好好食。呢度嘅環境真係好唔錯，不過唔好意思，我唔鍾意食芫茜，所以點咗【琥珀之味 醬油清湯】。我自己係外觀黨，睇相片嘅賣相嚟睇【琥珀之味 醬油清湯】拉麵好唔錯，然後上菜之後，確實同相片入面嘅一模一樣。入面附帶嘅豬肉鴨肉真係好好食，然後拉麵好軟好彈。然後阿強嘅芫茜拉麵【茜口茜麵】，真係，真係，滿滿嘅，超級多嘅芫茜，阿強睇到好興奮，然後佢食得好快，冇幾下我睇佢就食晒，湯都唔留一滴。我仲點咗小菜【唐揚日本秋葵釀蝦膠炸串】同阿強一齊分享，味道都幾唔錯下。之後阿強鍾意上咗呢度，我哋離開前佢仲外帶咗多一個【茜口茜麵】，祝佢生日快樂！

嗰日喺將軍澳見完客，就喺街上放鬆吓自己。天色都慢慢咁黑埋，原來已經到咗食晚飯時間，就入咗東港城搵晚餐食。我就咁俾一間餐廳吸引咗，餐廳個名叫做樂麵。見到有幾個人喺度排隊就好奇咁望一望個餐牌，覺得都唔錯，始終好耐都冇食過日本餐，就跟住大隊，排吓隊到咗我。店員好有善嘅專業態度令我覺得好親切，佢帶領我到一個比較近牆邊嘅位置坐低。餐廳入面嘅設計好特別，牆上面都掛滿咗碗嘅裝飾，碗入面仲有龍頭嘅圖案，非常精緻。牆上面都掛滿咗紅色嘅燈籠，有啲仲有字體喺燈籠上面。餐廳入面瀰漫住食物嘅香味同埋人哋嘅談笑聲，成個感覺好熱鬧，人氣好旺嘅一間餐廳。 我落咗單麻香胡椒豚肚絲做我嘅頭盤。細細一碟嘅豚肚絲整得好用心，豚肚絲一片一片咁充滿咗麻香同埋胡椒味，仲加咗紅椒絲，增添咗一絲辣意，食得好開胃。我個人比較鍾意食海鮮，所以就落咗單鰹魚雞白湯拉麵$98.0。乳白色嘅湯睇落去就好濃郁，食麵之前先飲啖湯，湯味鮮美清甜，飲落去好順滑，同其他配料蔥花、京蔥、木魚花、筍同紅椒絲撈埋一齊嚟飲，令到湯嘅味道更加豐富。三片豚肉好軟腍，而且仲吸收咗湯汁，令到肉片入口即化。麵條係呢碗麵嘅靈魂，煮得啱啱好，咁濃嘅湯汁都蓋唔過麵條嘅香味，最後再

有時都會好想食日本拉麵，喺openrice搵到呢間離我屋企唔遠嘅日式拉麵，睇啲評語都唔錯，仲特登睇咗餐牌先，竟然有芫茜拉麵？？仲等咩啊，即刻出發！裝修用咗好多紅色元素，好日式，令人有種身處係日本嘅錯覺~我嚟呢度就係為咗【茜口茜麵 】而嚟㗎，端上嚟嗰陣我真係按捺唔住興奮！滿滿嘅芫茜鋪滿咗成碗麵，連麵條都睇唔到！邊個睇咗唔迷糊啊？芫茜獨特嘅香氣同濃郁嘅湯底融合埋一齊，又清爽又唔會滯！豚肉都切得好適中，好嫩口，而且麵條嘅軟硬度都啱啱好，好有咬口～喺一大堆芫茜入面搵拉麵，每一啖都沾滿芫茜味嘅感覺真係好正啊！呢碗芫茜拉麵真係太狂！！真係好耐冇見過玻璃樽裝嘅芬達喇！勾起我細個嘅回憶添！芬達嘅味道仲係咁清爽可口，濃郁嘅橙味加埋梳打水嘅味道，啊~ 爽！