樓下冰室

营业中

休息中

「樓下冰室」面對悅來酒店，係一間好有舊香港情懷的冰室。冰室以四人座為主，坐位寛濶，周邊掛滿舊香港著名地方名牌。 食物方面，以蕃茄湯・瑞士雞脾為招牌菜。呢度下午茶餐選擇都幾豐富，茶餐價錢係由$26起，都幾扺食。茶餐……炸韮菜餃配飲品$30韮菜餡料飽滿，入口韮菜味香濃，餃皮炸至金黃，好香脆可口，唔油膩，配上沙律醬一齊食，酸酸甜甜，非常清新。 紅豆冰（跟餐改配加$10）紅豆冰係用玻璃高杯裝嘅，充滿懷舊風味，紅豆煮得够腍，加上淡奶，入口香滑。 招牌瑞士汁雞脾（單點$28） 雞脾以瑞士汁烹調，味道鹹中又帶少許甜，雞脾色澤油潤，肉質入口唔鬆散，軟腍有咬口。

樓下冰室一向都好高質，😋佢有好多分店都好就腳，今日dinner time就同朋友嚟撐枱腳。🥰試下佢哋唔同嘅小食先。🤓叫咗幾樣，我同friend其實都好滿意，最令我驚喜嘅，一定係😍炒滑蛋配多士，因為佢哋多士唔係普通嘅白麵包，而係香酥嘅牛油麵包，🤤質感完全唔同，非常鬆軟，而另外佢哋嘅炒蛋都好香，加咗牛奶更加嫩滑。同場嘅🐤瑞士雞翼，清涼解渴嘅🧋粒粒紅豆冰，同埋經典鹹檸7，🍹同樣唔可以錯過~

星期六去左搵倉，搵左成朝總算搞掂，睇一睇錶已5點有多😩5點幾下午茶又好似唔夠飽，晚餐又未有咁就上下佢地個番茄濃湯通粉餐，好似都幾吸引咁一大碗番茄湯配上炒蛋仲可自選一款餸，瑞士雞翼丫唔該！個湯底真係唔講得笑，真心濃架喎，不自覺地一下一下一下咁就「吸食」左半碗（其實呢個湯好鬼熱，我應該係餓到痴痴地🤣），炒蛋就喎算特別！雞翼都ok好食，入味的！當然唔可以同太平館個D入口會溶個隻可比，但$50又真係十分合格有餘！雞翼真係好入味，最好咬的雞翼尖😍雞翼位都好食，最後加左$11叫杯咸檸7，食飽飽就返屋企喇

成日都經過呢間餐廳 見到佢入邊嘅裝修幾特別 都係玩懷舊 今日放工就去試吓估唔到除咗裝修靚之外 嘢食都幾好食食咗招牌蕃茄炒蛋湯螺絲粉 加咗牛肉叉燒 值得一讚好多餸 啲牛肉同叉燒食到最後一啖都仲有 個湯真係好濃郁 仲有蕃茄粒 最緊要係識落完全唔覺得有味精 飲晒成碗湯都冇口渴另一碗螺絲粉加咗個炸魚柳 炸魚柳又成隻手掌咁長 仲好厚肉 炸粉好薄 當然仲叫咗招牌瑞士汁雞髀 🍗 個瑞士汁真係好好味 如果有白飯應該會撈晒啲汁 雞髀肉都好亂 唔會鞋颯颯

之前已食過十分好味，所以今日專登找朋友過來吃晚餐今次來到我沒有再食常餐而食了其他食物，朋友最後叫了滑蛋义燒飯，份量2人食都可以好大份，滑蛋幾滑而且有不少蔥增加香味，义燒肥度剛好味道濃有口感，我們一起食最後都吃餘1/4。而我見到有泡飯和米線幾特別就叫了蕃茄薯仔墨魚牛肉米線，墨魚好爽口，牛肉都新鮮，湯底之前食過已覺十分好味啖啖蕃茄，米線幾滑同都是十分大份。這裡小食都不少，我就叫了每次必叫的瑞士雞翼，全翼大大隻，好入味十分濃郁。叫了食物，飲品有優惠，各自叫了一杯飲品，華田脆爆，朋友話味道勁濃又有口感，綠椰冰的綠豆蓉不少不太甜，椰汁幾解渴，最後結帳$162價錢十分合理而且質素都十分高。

悅來坊對面就係樓下冰室,之前朋友食過話蕃茄通粉做得好出色!我同朋友喺附近行完街就決定去試吓🙆‍♀️量完體溫登記完就可以入座啦!店舖環境裝修係懷舊香港,令人有啲懷念好有特色🥳蕃茄濃湯通粉配牛乳滑蛋⭐️真係好出色一定要試吓😋蕃茄湯底十分濃郁,酸酸甜甜好開胃而且通粉軟硬適中,加埋牛乳滑蛋真係絕配👍瑞士雞翼⭐️原本以為只係雞中翼🤣冇諗到係全隻上🥳瑞士汁甜甜地好入味,雞翼肉質鮮嫩多汁,而且加埋蕃茄通粉個套餐只係$50真係好抵食推介👍雜菇娃娃菜⭐️湯底係雞湯味道好鮮甜,而且個娃娃菜份量好多足夠2個人一齊食!華田脆脆⭐️呢個味道真係令我一是難忘😋華田味好濃郁,加埋脆脆一齊飲口感好豐富,真係超級好飲👍下次黎一定係必叫🥰

樓下冰室開正我樓下 感岩返屋企經過搵野食 就黎試下呢間裝修好特別嘅樓下冰室 我地一共叫左4份野食 兩份正餐 兩份小食 份份都好大份 食到我地都好飽飽餐廳裝修好靚 有古香港特色 坐位都好舒服焗鮮茄豬扒飯 $55豬扒好大份 肉好嫩 絕對淡淡都係肉 底下嗰個茄蛋飯都好好食 幾足料 淨係要呢個都夠食飽！焗芝士肉醬意粉 $54呢份肉醬意粉 真系好大碗 我估唔係好大食嘅話 真系可以填飽兩個人！ 肉醬味好香 如果芝士更加多就好 抵食！焗芝士西蘭花 $38好多粟米 西蘭花份量都好多 而且好入味 想食菜/叫個小食嘅朋友一定要嗌火腿奄烈西多士 $33 呢份野嘅賣相真系好靚 好吸引 火腿奄烈入面真系爆多火腿 西多士 好香 個蒜蓉味好吸引 咬落去有少少脆得黎 又有 多士嘅口感 下午茶餐33蚊有埋野飲送 真系好抵食綠椰冰 (+$10) 椰子味好香 杯野都唔會太甜 整體黎講 好野 加 吸引 ！ 如果叫黎打卡 都一流 ！

今日又出荃灣工作，工作過後當然要搵食醫下肚仔。路德圍不嬲出名多嘢食。而正值午飯時間，見呢間樓下冰室都幾多人幫襯，就走左入去。望下menu有咩食先分別有以飯類或者麵類為主，另外仲有個精選，即係平時茶餐廳嘅常餐。比佢餐牌嘅牛乳炒蛋吸引咗，所以叫左茄叉燒通粉。飲品叫咗杯凍啡。我諗等左大約3分鐘左右就先嚟炒蛋同多士。首先個炒蛋真心滑，亦都食得出佢有落到牛乳。多士就普通咁啦。蕃茄叉燒通炒雖然食得出佢係有落到茄膏。但佢亦都有份量唔少嘅蕃茄粒。整體嚟講都可以一試嘅。

今日去左荃灣買野，買到肚餓就嚟到呢間茶餐廳食飯，啲裝修都幾有傳統香港feel，職員都好有禮貌，好快安排左我哋坐卡位。夜晚都keep住有客人嚟食，買外賣都唔少，應該都有保證。我哋叫左一個焗豬扒飯同口水雞米線。兩個都好大份。豬扒飯塊豬扒好厚，食得出無落鬆肉粉，飯係炒飯底，有成兩三碗飯咁大份，茄汁都好香口。個米線都好大碗，雞都有好多肉食，口水汁辣辣地好開胃。另外我哋叫左兩個小食，有三隻瑞士雞全翼同八隻炸韮菜餃子，雞翼好入味，啲肉好好食。餃子就粒粒飽滿，炸得好脆口。最後加左兩杯餐飲，凍檸茶同紅豆冰，兩個都好大杯，唔會太甜。埋單二百蚊左右，有機會可以一試！

我對雞髀有好高要求，特別係瑞士雞髀而呢間既瑞士雞髀就完全符合我既高期望淨係見到封面已經流晒口水啦首先當然要叫個招牌瑞士雞髀！必食！果然真係不負招牌之名睇外皮已經滷到深啡色就知係好野雞皮又滑又入味既同時唔會滷得過火有Ｄ過晒火位既會又甩皮甩骨又乾呢個就完全唔會不得不提佢個瑞士汁食得出用左八角等多種香料調製而成令佢味道咸香得黎層次豐富味道濃郁得黎唔苦澀而且甜度適中，一定岩你口味真係超高水準！成隻雞髀已經入晒味既同時入面既雞似亦都保持到嫩滑，一切就開，而且肉汁豐富咖哩牛腩亦勁有驚喜！必食！咖哩汁整得勁有心食落有多種香料味，層次勁豐富辣度又適中，少少辣吊一吊胃口，但又唔會辣到你咩味都食唔到牛腩同薯仔都煮到又淋又入味忍唔住比左個like佢炸雞翼炸得金黃香脆咬落去仲有啖啖肉汁勁juicy飲品叫左咸檸七同凍檸茶咸檸七勁足料，大大粒凍檸茶既茶底都唔錯，有茶香又唔會澀

茶餐廳永遠都係香港人嘅文化，今日經過荃灣就去「樓下冰室」，一間有唔少屬於香港文化特色裝飾嘅茶餐廳！閑日嘅夜晚人唔太多，大概夜晚七點右左坐底。茶餐廳姐姐都好熱情招待。咁我哋就點咗一份特色蕃茄濃湯通粉（轉咗米線）配牛乳炒蛋配瑞士雞翼、一份自家製蔥花叉燒滑蛋飯，仲有一份雞湯浸什菇娃娃菜。特色蕃茄濃湯通粉（轉咗米線）配牛乳炒蛋瑞士雞翼：湯底有好多一粒粒蕃茄，冇味精味，飲落有濃濃新鮮蕃茄味😋米線亦唔太霖身！牛乳炒蛋幾滑，牛奶味唔重，浸落蕃茄湯到幾好食😋瑞士雞翼：有二隻雞全翼，兩隻都超級入味，肉質幾嫩，小雞鎚都好嫩😋有好多瑞士汁墊底😋自家製蔥花叉燒滑蛋飯：超級大碗（男仔一個食都好飽！）叉燒半肥瘦，肉質食落一啲都唔柴！滑蛋裏面有蔥花，食落幾清新😋仲有必備嘅甜豉油！成碗嘢（白飯底）撈埋一齊食好好食😋雞湯浸雜菇娃娃菜：娃娃菜一大棵，嗰湯都底有陣陣鮮菇味，有啲似酒樓嘅上湯菜煲😋大家經過而又想食茶餐廳都可以試吓🪅🪅

講真一向對茶餐廳興趣不大。入呢間餐廳嘅原因係被門口貼出的餐牌吸引，竟然晚市都有小食類供應，實在太興奮了。上次試咗外賣已覺好味。於是今次入去堂食。餐廳環境企理都算乾淨嘅。叫咗餐廳推介嘅咖喱雞扒意。厚蛋三文治配吉列豬+沙律。仲有炸薯角。份量夠，又夠熱，每樣食物都係即煮即上。😳😳沙律竟然係鮮果沙律而吾係薯仔同紅蘿蔔。仲有辣椒仔提供。價錢不太貴一般食物約50元已有交易。服務員反應快服務週到。👍👍👍

今日去開荃灣經過呢間樓下冰室，就入去試試。星期日下午茶至到6:00，我坐低已是6:16，食唔到下午茶，侍應推介我食沙爹牛肉麵，我真係好耐無食過茶餐廳嘅沙爹牛肉麵，所以就聽佢講叫咗。沙爹牛肉麵餐$48炒滑蛋，蛋幾滑，有蛋味，呢款多士鬆軟，牛油味好香，至於重點-沙爹牛肉麵，牛肉唔靱，但沙爹味唔夠，花生味唔夠，只熟一般正常水平，叫咗個可能加$3。總結：反為要配菜做得主食出色，以$48呢個價錢衡量偏高咗少少，但整體食物質素都屬中上水準。Hopsi性價比指數：73/100P.s. 聽到隔離枱話瑞士雞雞脾好味，下次有機會試下。

已經是第二次了。記得上一次午膳時間去食常餐。不知是否繁忙時間，落單後不久便送上多士炒疍。先吃多士……但誰不知是凍及乾硬的，接受不了，硬着頭皮便叫姐姐換件大火多士，並解釋多士是凍的；幸好換來正常脆熱的多士。其實那個炒疍亦只是微暖。今天再度光顧，並是接近下午茶時間，心想水吧員工應該有時間及有心制作食物。但今天的常餐亦是送上冰凍乾硬的多士，以及如常微温的炒疍。而那碗茄汁牛肉通粉，老實說真的較以往單薄。算吧，天下美食何其多，怱怱吃完便埋單，加上外面交警又趕車。

今日同朋友黎列到荃灣一間冰室食晚飯，間餐廳好有特色，地方又大又舒服，充滿懷舊既風味！服務員態度好好，幫我地準備好晒啲嘢。一打開餐牌，好多特色小食任君選擇，真係多到黎多幾次都食唔晒啊。事不宜遲啦，肚仔餓，拿拿聲叫野食先！首先叫左個主打：香濃蕃茄湯底配滑蛋叉燒公仔麵好食指數：8/10湯底好濃，好落足料，好多蕃茄肉，滑蛋叉燒唔洗講，啲蛋炒得好幼滑，肉就好入味，撈埋我至愛公仔麵簡直一流。瑞士汁雞翼3隻好食指數：9/10第二打頭陣既小食，味道岩岩好，瑞士汁唔會太濃太燶太苦，師傅整得岩岩好，仲要夠入味，雞毛拔得乾淨，勁好食！麻辣脆雞粒好食指數：10/10真係好鬼惹味，新鮮熱辣辣，脆卜卜，香脆可口，辣粉好過癮，大家要試！炸海鮮芝士豆腐好食指數：10/10又係必食嘅小食，炸到香脆內軟，仲要有香濃芝士係入面流出黎，真心勁好食！炸韭菜餃子好食指數：10/10同出面唔一樣，啲皮厚身小小，炸到香脆煙韌，口感一流，仲要有8隻，好抵食！牛乳蛋治好食指數：10/10就咁上碟舊蛋好鬼厚，好香既牛油同牛奶味，食落喉嚨好鬼滑！真心推介比大家。咸檸7同忌廉紅豆冰好飲指數：10/10咸檸7有成舊咸檸同檸檬塊多，落足料！紅豆冰