樓下冰室

营业中

休息中

入到去發現得幾台客,諗住時間尚早應該未到晚飯時候,叫咗個口水雞,豬扒雞翼豉油飯,先嚟口水雞,真係啖啖雞胸肉,加上幾嚿雞背,一拿起成塊皮甩,味道好鹹,少少辣,嚿雞胸真係好嚡,之後就到左碟飯,豬扒硬柴柴,雞翼嚡霎霎,最經攞你命就係 粒粒晶瑩,睇清楚原來粒米都未開,看相片,之後再嚟一碗飯,結果一樣,飯都唔識煲,仲夠膽開食肆,臨走阿姐問點解碟飯唔食嘅,阿姐一眼都睇到飯都未熟,,噉就百幾文抌咗落鹹水海,

有日我一個上午去食早餐，食食吓個呀姐話有人要搭我張枱，我淨係講左一句話搭枱，個呀姐就發癲又好惡話：咁我唔洗做生意啦！當時仲冇拎塊紙板隔開喎！隔咗一陣間先拎塊紙板出嚟隔開咋😤服務態度非常惡劣！本身間餐廳食物都一般，食食下又有蟲仔飛來飛去！衞生情況麻麻！呀姐服務態度更差！！！如果唔想受氣就唔好去幫襯尼間餐廳喇🥴

趕時間趕時間！快快手手食一餐先！好耐之前食過另一分店隻油髀，都非常懷念！今日就入黎試下～～～油髀依然美味！瑞士汁都好入味下。不過如果如果隻雞髀可以再滑一啲就好啦。欣賞件西多係用真嘅鮮牛油製作！入邊啲花生醬都幾多個喎！同埋我鍾意佢嗰啲花生醬係有果粒嗰一種。個焗豬扒飯啲豬扒多到呢！每一塊豬扒都好厚啊！同埋一想碟嗰陣時真係好熱！小心啲食要攤凍啲先。啲芝士都好多，一路食一路都有邪惡拉絲啊！我個人來講就覺得個肉操雞扒肉鬆飯比較鹹嘅。對於重口味嘅人來講應該會比較合適。就係因為個肉操飯比較鹹嘅關係，我就覺得依個上湯浸娃娃菜非常之出色啦！我差唔多連啲湯都飲埋咁滯！到咗依間餐廳食嘅客人你哋都可以試吓一味菜喎！紅豆冰就飲得多啦，但係依杯綠豆紅豆椰汁冰就應該比較少試啦！啲綠豆出奇地好食，飲完之後我都諗點解其他餐廳冇伊味嘢飲。最後埋單都唔係好貴都係二百零蚊姐！

今次光顧既樓下冰室位於荃薈中地下鋪，對正悅來商場及工廠籃球場大概旁晚6時，人流不算多。環境舒適，枱與枱之間空間足夠，不會覺得很濟逼。其次潔淨度做得不錯👍🏻店舖設計以懷古為特色，有不少掛牌於店，算是勾起兒時回憶食物種類頗多，一般茶記有既樓下冰室亦有，例如咖喱，肉醬意粉，雜扒飯等。飲品除了咖啡奶茶等，都有紅豆冰等，滿足一班懷舊顧客而樓下冰室主打蕃茄湯底，所以今次一於試試同朋友一齊叫左蕃茄意粉同公仔麵，分別配以瑞士汁雞髀同炸魚扒。茄湯非常濃郁，酸甜度均衡，喜歡有茄粒，增加口感。公仔麵值得一讚，因為外面餐廳總是煮得淋身，而呢間公仔麵彈牙，做到掛湯效果。意粉則不過不失。瑞士汁雞髀味道滷得入味，誠意之作。魚扒炸得酥脆，麵衣很薄。熱辣辣食加上沙律醬，好好食！整體來講，值得再次光顧，價錢大眾化，大約50左右一個餐。員工態度不錯，會留意客人有無特別需要。

見到樓下冰室有很多好評， 所以就去一試！ 餐廳食物種類都多選擇， 但座位就比較迫。 入到餐廳見到有幾個客人都食鮮茄濃湯牛肉通粉， 所以我決定試試，鮮茄濃湯牛肉通粉+ 牛乳炒蛋+ 牛油厚多士+ 啡走 $46。鮮茄湯底濃， 牛肉口感腍， 牛乳炒蛋夠滑， 牛油厚多士口感偏硬， 啡走濃郁， 最正係杯啡走， 飲完覺得好滿足。樓下冰室價錢正常， 食物質素中規中矩， 下次我會為杯啡走而再來。樓下冰室 地址: 荃灣荃華街16號荃薈商場地下G45-G54號舖

下午茶時間 同小朋友去食 裡面唔算多人 小朋友最鐘意個招牌 瑞士汁雞髀 唔太咸味道岩岩好 下午茶 仲會配個薯角 份量都大 另外仲叫左一個豬扒包 裡面仲有隻煎蛋 豬扒好Juicy 唔會乾 小朋食到大滿足 平均都只係$45唯一要改善 就係瑞士雞髀薯角 放埋同一隻碟 汁太多 食到底個薯角 就會有少少溝咗啲瑞士汁其他都好滿意

荃灣好多唔同既冰室，講到冰室，最特別有特色就屬於這一間冰室。吸引之處：1. 冰室既設計就同細個5，6歲時食既茶餐廳風格一模一樣。唯一唔同就係俾以前細個既環境乾淨好多。好多大招牌，好多回憶返晒黎。2. 坐既位舒適夠大。冷氣又夠，涼爽舒服。3. 口水雞好特別。有粟米桐脆脆係入邊。食落口感豐富。口水雞既辣味越食越開胃。味道好，唔會好油，所有配搭啱啱好。4. 咖哩牛腩飯既味道濃。牛腩肉質鮮嫩，入口口感好滑。咖哩唔算辣，但香味濃。5. 西多士一見就好開胃。大塊既牛油，係啱啱炸出黎熱多士慢慢融化。香味撲鼻。加上糖漿，切開。花生醬係多士入邊。入口，好香花生醬味道，加埋牛油同糖既味道，好值得食。多士唔會好油，食完無罪惡感。味道太好。6. 華田脆脆野飲上邊好多脆脆。食一啖脆脆再飲華田。口感豐富。杯野飲唔算多冰，剛剛好。7. 忌廉紅豆冰好吸引。高高一層既忌廉，令野飲好香滑。紅豆份量多。椰香味濃，這冰特飲好飲。整體黎講，好有特色，味道又好味的冰室。

食過幾間蕃茄湯通粉，始終都係覺得樓下冰室最好食，今晚又再黎到荃灣捧場。呢度既招牌當然係茄通啦，但除咗茄通其實都有茶餐廳必備既炒粉麵飯、西多士等等，我地都考慮咗好耐，最後都係叫咗兩個通粉餐，男友揀咗小辣湯底配螺絲粉，我既係唔辣既湯配通粉，兩碗都係好香濃，通粉又唔會煮到發漲，啱啱好。值得一提呢度既通粉係超大碗，就算係男仔食都會覺得好飽。除咗滑嘟嘟既炒蛋仲跟一個餸，我地揀咗瑞士汁雞脾同煎雞扒，雞脾個汁唔會太甜，啲肉好腍；雞扒腌得入味，啲邊邊又好香脆，兩樣都推介。野飲方面叫咗綠椰冰同熱菜蜜，茶餐廳黎講水準不俗，又夠大杯。最鍾意荃薈分店呢度裝修靚，又多卡位，同埋而家防疫關係，卡位與卡位之間都有擋板，食得都算放心。

啱啱踏入6點鐘，已經好肚餓，經過見到樓下冰室，啲嘢好啱胃口喎，快啲入去食嘢啦！好，坐低睇吓有咩好食先。招牌瑞士雞髀配多士沙律，隻雞髀超大隻，仲有個瑞士汁甜咸度適中，每一啖都好入味。西多士，好耐冇食過真正嘅西多士，呢個西多咬落去係暖笠笠、軟綿綿嘅，裏面仲要有花生醬，正呀！鮮濃茄牛肉燴意粉，懷舊經典菜式，牛肉片片軟腍，個茄醬煮得好好，有時出面一般會食到生粉味，呢個絕對唔會。公司三文治，係我食過最多料，而且好整齊，整得好靚，咬落去有豐富口感。忌廉紅豆冰，又滑又creamy嘅忌廉，椰汁配埋半起沙嘅紅豆，好耐冇試過飲咁好味嘅紅豆冰。

受疫情影響，下午茶時段只有三數枱人客，坐低快食個下午茶。聽聞瑞士雞脾是招牌必食，跟餐配番茄濃湯公仔麵、牛乳炒蛋($50)。雞髀超大隻，瑞士汁亦很入味。蕃茄湯有少量蕃茄肉但飲落偏咸，炒蛋味道亦很普通。反而值得一讚的是飲品，華田脆脆($22)大大杯鋪滿香甜脆脆。整體來說大大份抵食，味道不過不失吧。

呢間茶記堅持製作不含味精，煮出食物最原始鮮味。特別以蕃茄湯底作主題，湯足料新鮮即製🍅另外自家炮製嘅瑞士雞脾同雞翼更係必吃之選👍🏼💗招牌瑞士雞髀($28)瑞士汁係師傅秘製，用上頭抽部分，醬香馥郁，香甜不膩👨🏻‍🍳雞髀大隻厚肉，上色度十足，內𥚃充分吸滿濃郁嘅醬汁。食落有雞味，最值得讚係冇雪味，肉質都算軟嫩唔乾身🍗💗西多士($25)外層炸至金黃熱辣辣，只係未夠脆，唔會油淋淋。內層厚身軟熟🍞中間夾住粗粒花生醬，所以特別香同有口感🥜最頂層有片好快溶嘅牛油，再淋上甜絲絲嘅糖漿真係絕配🧈💗炸韮菜餃子($35/8隻)將餃子炸到金黃脆口，餃皮厚薄適中，餡料脹卜卜🥟爽口嘅韮菜同豬肉碎既比例啱啱好，唔會淨係得肥肉。咬落菜汁特別鮮香，而且唔會太乾身🥬💗焗芝士西蘭花($38)預先汆熟西蘭花，莖部脆嫩唔會過硬，亦唔會有臭青味🥦淋滿濃稠嘅粟米忌廉汁，再放上惹味嘅芝士焗至微焦🧀如果芝士份量多d會更好，而且底部出水情況較嚴重，食食下個醬會變到好稀。💗香煎蓮藕餅雞扒飯($49)香草雞扒煎至雞皮香脆，皮下脂肪少，肉質嫩滑而且冇雪味🐥蓮藕餅炸得好香口，厚身結實嘅豬肉夾集住爽身粗粒嘅蓮藕，不過蓮藕份量太少，口感似食肉餅多d😂配

最喜歡流連港式冰室，懷舊的擺設，充滿七十年代的氛圍，大光燈照在老戲院掛牌、士多的陳設，裝修十分有心思，加上經典小食，令人一試愛上。❤️招牌瑞士雞髀 $28招牌瑞士雞翼是必食推介，瑞士汁是用頭抽製成，入口特別鮮甜。緩緩切開大隻雞髀，雞肉多汁、滑溜，每吋也沾滿蜜甜的瑞士汁，令人越食越過癮。🍅蕃茄濃湯意粉配牛乳炒蛋+招牌瑞士雞髀$50 蕃茄湯底濃郁，有清新的蕃茄蓉，配上軟嫩的牛乳炒蛋，非常搭配。瑞士雞髀外皮柔滑，十分蜜甜，肉質細嫩，邪惡得連雞皮也吃光了。一口蕃茄湯粉，一口雞髀，啖啖滋味。🥟炸韭菜餃子 $35餃子脹卜卜，炸至金黃香脆，咬開脆口外皮，中央填滿爽脆韭菜和肉碎，肉汁香濃，沁出陣陣韭菜香氣，配上沙律醬，更加惹味。🥪公司三文治$50三文治非常巨型，表面焗至微脆，夾著多層豐富材料：炒滑蛋、雙層火腿、新鮮生菜、雞扒及蕃茄，配上惹味沙律醬汁，口感多層次。大啖咬下去，沙律醬吱在嘴邊，非常狼狽，卻非常滋味！雞肉軟稔多汁，加上清新蕃茄和厚實滑蛋，是無比誘惑。跟配大量薯塊，胃口大開。🐷奶油脆豬仔包 $26豬仔包是邪惡的化身，熱呼呼的，表面吸收了滿滿牛油，令人垂涎。內層夾滿甜甜、滑溜的奶醬，蜜甜香脆，是嗜

特色蕃茄濃湯螺絲粉配牛乳炒蛋 招牌瑞士雞髀 $50整體黎講好大份 濃郁既蕃茄湯入面仲好多蕃茄肉 酸酸甜甜 非常開胃 螺絲粉亦都唔會因為浸太耐而過淋 唯一有啲失望既係牛乳炒蛋唔夠滑 招牌瑞士雞髀 一打開已經聞到陣陣瑞士汁香味經過長時間餚製 瑞士汁已經完了滲入左雞髀 每一啖都好入味招牌瑞士雞髀呢個價錢食到咁高質素既lunch 完全係物超所值！

之前都去過樓下冰室食嘢，就係食佢嘅招牌瑞士雞髀🍗都已經覺得好入味好好食，而且個瑞士汁係我鍾意甜甜地嘅味道。而今次再次經過樓下冰室，決定食下招牌以外嘅產品！飲品方面叫咗綠豆椰汁冰，杯底下滿滿綠豆，飲每一啖都有🤩甜度適中，配上椰汁感覺清新！當然唔少得叫咗個招牌嘅瑞士雞髀！水準保持到！同上次食嘅一模一樣！唔會質素參差^_^煮食方面叫咗個咖喱牛腩飯，牛腩炆得好淋，有小小根但係唔會好煙韌，入面有薯仔，不過牛腩嘅份量比較多🤩足料抵食！仲叫咗個吉列豬扒配雜果沙律，佢會配一個滑蛋三文治，呢個餐真係兩個人share食都得，因為最後我都有成份三文治食唔晒😅吉列豬扒係即刻炸嘅，唔會太油膩，豬扒肉味亦夠濃，旁邊黐住少少脂肪，仲有條骨添🤣真係好大塊！另外佢個雜果沙律亦都唔係用罐頭嘅水果，值得一讚！食咗咁多肉就叫返個菜食啦！我哋叫咗芝士焗西蘭花，份量又係好多，睇圖片都見到佢啲芝士完全係唔吝嗇😂啖啖芝士，本身想食返個清淡啲嘅菜又變成邪惡🤣不過都好食！兩個人叫到成枱都係嘢食都只係$191🤩真係大件夾抵食！

近排疫情的關係，少左出街，上網才發現荃灣開了两間樓下冰室，出品睇落十分吸引，其中一間在荃薈比較近我，今日一於去試下先。來到店，在荃薈商場地舖，舖面大，經典港式懷舊feel，十分適合打卡影相。看看餐牌，樣樣都想食，有推介、有特色主食、特色小食、特色飲品等，先叫两個小食試下先。奶油脆豬仔包 $16招牌瑞士雞髀 $28新鮮熱辣的奶油脆豬仔包，口感超脆又鬆軟。必試的招牌瑞士雞髀，雞髀好大隻，色澤好夠深，很入味的樣子，雞肉軟腍，好正。特色蕃茄濃湯通粉 配 牛乳炒蛋 $50配瑞士雞翼這個餐一下就吸引了我朋友，他十分喜好蕃茄濃湯，上面還有牛乳炒蛋，再有招牌的瑞士雞翼，而且有2隻添，好滿足。焗鮮茄豬扒飯 $55我就想食焗豬，見Menu十分吸引的樣子，來到香噴噴好夠熱度添，賣相一流，豬扒夠大件，腍軟不韌，芝士茄汁豐富，飯炒底粒粒分明，整體十分不錯。紅豆冰 $22新鮮菠蘿冰 $22經典的特飲一定要試，新鮮菠蘿冰好多粒粒鮮菠蘿，滿滿一杯，正。紅豆夠蓉，甜度適中。又多一間高質冰室揀，下次再去試下其他分店先。