樓下冰室

营业中

休息中

電話叫外賣，買三個餐， 拎到返去發現三個餐錯左兩個。叫豬骨湯，完全無叫過麻辣蕃茄，竟然出左個麻辣…完全唔知落單同事點聽嘢🫠🫠🫠諗住電話落單可以慳時間，點知咁樣…

📍 樓下冰室 (鰂魚涌)鰂魚涌英皇道967號地下-這家位於鰂魚涌的冰室的叉燒滑蛋飯很好吃 蛋非常的滑嫩 肉也不會乾柴 他的醬汁和蔥花也讓整個很下飯 很讚-🐷 叉燒滑蛋飯 $57環境 ⭐️ 4/5食物 ⭐️ 5/5推薦指數⭐️ 4.5/5 #food #foodie #foodstagram #hkfoodie #hkfood #hkfoodblogger #香港美食

🍴金牌咖喱牛腩飯 $62 (7/10)咖喱辣辣地，未算好香濃，冇乜椰汁味，得咖喱粉嘅辣，唔香，同埋啲汁太少，唔夠撈飯，牛腩正常唔鞋口，唔會太硬，有兩舊薯仔就ok的，飯正常唔腍！🍴西多士 $30 (7.5/10)炸得好香脆，唔油膩，有蛋香，麵包好軟林，入邊係粗粒花生醬，好有口感！🥤凍奶茶 +$3 (7.5/10)有得自選冰度甜度！茶味都濃，入口好滑，帶少少微澀，奶香就比較淡，但都幾唔錯！

hk冰室里前三的位置一定有楼下！太好吃啦！公司在附近，所以每次下班了都来吃，迄今没有踩过雷，每一道菜都非常美味，强推：滑蛋叉烧饭 之后还会不断来，因为真的很好吃！

今日天氣終於轉涼，終於似返個冬天嘅氣溫。所以我哋就嚟到樓下冰室，食返啲暖笠笠嘅嘢。餐廳嘅裝修好有復古嘅味道，枱同枱之間有足夠嘅距離，空間感好好。依度係用QR code去落單非常之方便。依度嘅下午茶竟然去到6:30都仲有，所以我哋就叫咗份超厚嘅厚切牛乳炒蛋治。依份蛋治真係好好味，咁厚身嘅蛋都仲係好滑👍🏻當然唔少得要嗌依度嘅皇牌瑞士汁雞髀配蕃茄湯通粉，仲有炒滑蛋添。瑞士汁嘅味道鹹甜適中，雞髀嘅肉質都非常之嫩滑。蕃茄湯非常之濃郁，啖啖蕃茄肉。😋😋另外我哋仲嗌咗胡椒豬肚湯飯同埋上湯浸娃娃菜。胡椒豬肚湯嘅胡椒味非常濃烈！喺咁凍嘅天氣下暖下一個胃真係一流。😋另外要一讚嘅係依度嘅員工都非常友善，態度非常友善👍🏻

今日想食港式野就去左試呢間冰室，食物性價比高，環境幾企理至尊厚切吉列豬扒飯叫左多飯多汁，塊豬扒勁大🤣食得出豬扒係即叫即炸，外脆仲keep到熱辣辣，肉係淋嘅唔韌，而且唔會好多肥膏～汁就類此係蕃茄味，少少酸甜都幾開胃潮州蠔仔肉碎米線有得揀泡飯/米線，我地揀左米線，一上枱呆左份量好多🤣蠔仔粒粒都肥嘟嘟唔會好腥，另外仲配左啲肉碎、菇等，令成碗湯底更加鮮甜👍🏻米線都有咬口焗芝士西蘭花又係即叫即焗，勁多芝士仲有拉芝效果，芝士真係有芝士味唔係膠個隻，而且啲西蘭花唔會焗到過淋一pat pat咁紅豆冰冰室必點紅豆冰，果然無令人失望，啲紅豆就快同椰奶1:1🤣紅豆粒粒分明，同埋唔會死甜👍🏻

荃灣其實有好多茶餐廳，樓下就係一間有質素嘅茶餐廳，同埋價錢又大眾化👍🏻😊服務員態度就係一般嘅態度😝下午茶佢選擇其實好多不過我最後叫咗菠蘿油，瑞士汁雞髀平沙律加凍檸茶👍🏻👍🏻雞髀真係好嫩滑，佢個瑞士汁真係好正。沙律就一般嘅蘋果沙律啦，唔會有咩特別。反而菠蘿油呢就真係要是啦，菠蘿包軟熟個皮好脆，中間夾咗嗰牛油，當你一啖咬落去嘅時候箇中快感無法形容！你唔會覺得食完之後唔會有滯嘅感覺！值得推介😋

呢頭好多茶餐廳，鍾意黎呢間，因為呢度款式多，又抵食🥰今日叫咗🍴炸醬厚切豬扒飯 +一杯凍奶茶🍴一個常餐 ， 沙嗲牛肉通+多士+滑蛋份量足，味道OK， 50幾蚊一個餐，絕對抵食發現咗一個迷你可口可樂樽裝嘅胡椒粉🧂，好得意😎阿姐服務有禮，動作又快👍🏻

平時lunch 見到樓下冰室勁多人，決定放工時份去試下。大概6點鐘，唔算多人，走進餐廳中，掛住不同年代既餐廳招牌，有種令人懷舊既感覺。餐廳既環境十分乾淨清潔，waiter 都好有禮貌，唔會有種好chur同想食拿拿聲食完趕你走既感覺。贊！食物方面，叫左個佢地highly recommend 既番茄濃湯通粉配牛乳炒旦配同招牌瑞士雞脾，再side order 左炸海鮮芝士豆腐。番茄濃湯可選擇湯底既濃度，面底可以選擇通粉，公仔麵等等.....牛乳炒旦可選擇唔同整法。以冰室黎講能夠提供唔同既整法都算時貼心。番茄湯底好重番茄味同好濃郁，正，面底亦唔好整到好淋。招牌瑞士雞比亦都好大隻，再配埋個甜甜地既瑞士汁，贊！至於個炸海鮮芝士豆腐，炸金黃香口，再配埋個沙律醬，口感唔錯，又唔會好油膩。餐廳仲有好多唔同種類既食物，例如咖哩，焗飯等等，價錢唔算貴，合理。整體黎講，食物質素唔錯同種類多，服務質素好。宜家餐廳提供用QR code 落單，大大縮短左個流程，我地等待食物既時間唔好耐。贊！

星期日同老公👫👬行完山去到鰂魚見到呢間餐廳門面都幾特色幾吸引👍, 所以就入咗去 食午餐🍚入到去好快有座位都幾旺場💪全場都爆滿坐低左，點餐用自動點餐apps, 點咗三個午餐，我地叫咗蔥油雞髀🍗飯、雙蛋🐣豬扒飯同雙蛋🐣雞扒🐔飯， 可能因為星期日附近食市冇開，所以唔駛等好快有飲品🥤。 雞髀飯好入味😋肉質都好嫩滑。豬扒醃得好入味唔硬好容易就切得開，雞扒味道啱啱好唔會太鹹，蔥油拌飯好香好野味😋，因為行完山好攰好快就食曬清碟😆三杯飲品都ok唔會太淡。呢間懷舊冰室，快靚正值得推介啊👍👍👍唯一要改善係坐入啲好大油煙味。

呢排秋風起，係行山嘅好時候。呢一日同啲長輩約左去柏架山郊遊，行山之前梗係要去附近醫肚啦！之前搭巴士過黎嘅時候已經俾呢間叫做「」嘅餐廳吸引左眼球，與其又食連鎖快餐店，不如去試下呢間小店啦！餐廳裝修頗有特色，行懷舊港式冰室風，啲燈飾、slogan都別有一番風味。望望menu，見呢度嘅食物選擇好多，價錢都好親民！但店員就特別介紹呢度嘅瑞士雞腿同蕃茄湯底嘅米線！既然咁強烈推薦，就一於try try啦！由於我同同行嘅朋友都幾餓，我地就叫埋一道芝士魚餅，同埋芝士焗西蘭花。先講雞腿：我必須大讚呢度嘅瑞士汁同平時自己屋企煮飯所用嘅支裝瑞士汁好唔同。呢度嘅瑞士汁係調得好有層次，而且用嘅雞腿大隻得黎肉質又好滑，加埋瑞士汁煮得夠入味，真係令人一試難忘！果然係招牌菜！番茄牛肉米線方面，最出色嘅係湯底用左真嘅番茄肉。牛肉分量一啲都唔孤寒，米線亦都幾多。食完都好飽肚！芝士西蘭花焗得好香，不過略嫌啲菜焗得耐左少少，有啲太軟。不過可能純粹係我自己個人口味嘅問題，因為我朋友就覺得啱啱好！芝士魚餅入面係芝士醬，咬落去jit曬出來，口感都唔錯！最後飲品方面，我叫左一杯椰汁冰。味道合格，唔會太甜。食完都好飽，價錢又合理，值得

依間餐廳已經食過好多次但今次想大讚啲員工服務態度好好👍中午人流特別多但啲員工忙而不亂一個人入去食好快已經安排到入座 唔洗等岩哂想快靚正既打工仔黎食而且啲員工仲好有禮貌成日講唔該🤗舉手又好快有人走過黎回應 唔會無視你在茶餐廳界簡直係數一數二既服務好👍👍講番啲食物先依然無令我失望平時叫開最出名既番茄湯底同瑞士雞翼今次轉下叫其他餐招牌厚切豬扒煎雙蛋飯 $56 （包餐飲) 一如以往大大份望落甜豉油同葱油都比得足嘩 2隻蛋都好嫩滑啲蛋黃汁都好多見到都好開胃😋豬扒好鬆化 好軟林易入口 同甜豉油好夾依度茶走好合我心意甜度同奶的分量岩岩好飲完令我充滿力量，繼續完成下午的工作！值得一讚 依度啲位好flexible一人/二人/四人座位都有唔需要搭枱👍而且仲有wifi俾你用(茶餐廳好少見）

▫️樓下冰室鰂魚涌英皇道967號地下樓下冰室的裝潢以懷舊香港作為主題，店面的餐廳名字用了紅色的懷舊字體，以黃色底襯托，非常突出。店內走80年代風，地上的階磚非常復古，牆上掛滿香港特色店舖的招牌和裝飾，感覺猶如置身80年代的香港。店內座位非常多，而且很寛敞，空間感十足。冰室主打蕃茄濃湯系列，可以搭配雞翼、雞髀、雞扒、豬扒等12個選擇，總有一款適合你，麵底更可以選擇通粉、米線、公仔麵、上海麵或湯飯，非常貼心。店員也推介餐廳主打的瑞士雞髀和紅豆冰，下午茶必選，下次下午茶時段一定會再試試。🍽️ 麻辣蕃茄湯湯飯配牛乳炒蛋蕃茄湯底非常有驚喜，蕃茄不是罐頭湯味道，而是新鮮原隻蕃茄熬製，非常濃郁，酸酸甜甜，麻辣味也剛剛好！炒蛋有很香牛奶味，非常香滑！1️⃣配香煎雞扒雞扒大大件，表面炸得金黃色，雞肉嫩滑，沒有多餘的脂肪。2️⃣配香煎豬扒豬扒同樣份量十足，醃製入味，煙韌有咬口。🍽️ 焗芝士西蘭花西蘭花大大舊，上面鋪滿好多芝士絲，夾起來的芝士絲長到拉不斷，芝士味好濃郁，口感豐富。🍽️ 炸雞翼(3隻)雞翼炸得好香脆，好入味，雞肉鮮嫩，值得推介！

天氣開始凍凍地，要食個豐富早餐叉叉電。揀左呢間冰室，地方睇落幾寬敞，行少少懷舊feel。有冰室既味道。早餐選擇都有唔少，今次我揀左佢出名既蕃茄湯加炒蛋。首先黎左個炒蛋加多士，炒蛋睇落都好滑，多士半塊，份量岩岩好。到主角蕃茄午餐肉通粉，蕃茄配通粉係絕配。個湯底有粒粒蕃茄，仲有蕃茄蓉既感覺，落足料👍🏻👍🏻👍🏻 仲有午餐肉份量都唔少。呢間餐廳標榜無味精，食完又真係唔會好口渴。呢度仲有6大必食推介，個瑞士系列都好吸引，下次要試下。滿足既一個早餐👍🏻👍🏻👍🏻

路過荃灣，係一個唔起眼既商場入面，有一間樓下冰室，未入去已經feel到濃濃既香港風味，用霓虹燈做裝修，又有唔同既招牌，彷彿番左去十年前既香港。本身我就小餓，等佢上菜，又上得幾快，第一份到既係瑞士汁雞脾，係雞脾唔係雞翼禁簡單。大大隻，幾想拎上手撕泥食。不過鑒於禮貌，我都係用刀叉食啦，食左控啖，我又想拎番處手撕泥食。嫩口，入味，個瑞士汁味流番晒出泥，食完想再食！除此之外，我仲叫左其他野食，著角，蕃茄通。薯角本身不抱期望，但係以外地好可口同脆，最要緊佢熱辣辣，唔係一做整好就禁拎俾你食。蕃茄通份量夠，而且個湯有濃濃既蕃茄香，唔係話就禁淡到水禁，食完會令人想再食。最後我仲飲左個阿華田脆脆，阿華田上加埋d脆脆，又甜又可口，岩晒鐘意甜野既朋友仔。