樓下冰室

营业中

休息中

諗唔到食咩好，好多時都會去冰室，貪佢夠多元化，坐低一定揀到自己想食嘅嘢。今日嚟到鰂魚涌嘅樓下冰室，終於可以試下傳說中嘅番茄濃湯通粉同招牌瑞士雞脾。套餐可以半價加飲品，見到餐牌有個好吸引嘅華田脆脆同充滿童年回憶嘅紅豆冰，一於試下先。 🍅🍅特色番茄濃湯通粉配牛乳炒蛋（＄57）- 番茄湯底十分濃郁，味道酸酸甜甜，但無過酸。蛋炒得好滑，另加$8要咗豬膶，豬膶好爽滑，入口唔會太韌。🐔🐔招牌瑞士雞脾，一定要讚下個瑞士汁，整得好入味，聽講係用頭抽秘制，真心好正。雞肉肉質好嫩滑，不愧為招牌菜式，必食推介!👍🏼👍🏼🍳🍳另一個皇牌，樓下三寶飯（$60），包括自家製叉燒、瑞士雞翼同埋煎蛋。叉燒相當有驚喜，勁入味同埋好淋。瑞士雞翼就唔使講，個瑞士汁極度出色。煎蛋做到流心效果，撈埋飯一齊食，味道好好。 🧋🧋華田脆脆（套餐半價後$13）- 好濃郁嘅華田，仲有好多脆脆響面，有得飲之餘又有得食，好有層次同口感。 🇭🇰🇭🇰環境好有港式情懷，食物多元化之餘味道亦都好好。入到去一定有野啱食，呢啲就係冰室嘅可愛之處。

想試樓下冰室好耐，但平時lunch time超級多人排隊唯有趁平日晚上少人啲啲嘅時候，同友人黎試一試。樓下冰室嘅裝修好特別，係70年代冰室嘅裝修，好有懷舊風味，而且以茶餐廳黎講，都幾乾淨架Menu都有幾多選擇，我就揀左推薦嘅番茄濃湯同瑞士雞脾我地叫左一個兩餸番茄濃湯公仔麵配叉燒同素食，再加炒蛋。番茄湯好好味，飲得出唔係用茄膏做 ，而係用新鮮番茄煲出黎，味道濃郁而新鮮！menu仲話佢係要烹調10小時先煲好架！公仔麵吸哂啲番茄湯真係一流！素食呢個餸亦值得一讚，份量非常多，有菜、菇、粟米等，好抵叫。另外，我地都叫左番茄濃湯公仔麵配牛肉同瑞士雞脾，再加炒蛋。唔洗多講，呢個麵同樣好味。但最吸引我嘅係瑞士雞脾肉質好嫩滑，瑞士汁甜甜地而且好濃郁，整個配搭好好，十分推薦。我地另外都叫左兩個小食，薯角同西多士。薯角炸得好脆，比起一般港式西餐廳嘅薯菜炸得好味好多。西多士亦整得唔錯，而且好厚添！ 飲品方面，就叫左紅豆冰同菠蘿冰，兩杯都唔錯呢叫左咁多嘢，食到好飽，埋單都係$200咋，性價比極高，唔掛之得日日lunch都大排長龍啦

第一次嚟，終於知點解咁多人成日嚟呢度食，因為食物選擇多， 抵食，好食👍🏻入邊嘅裝修，好懷舊🥰我係星期日1點左右過去， 入面坐滿哂人， 一家大細，情侶，外面要等位， 外賣又多😆入邊啲阿哥阿姐雖然唔係後生，但已經訓練有素，個個都好醒目👍🏻我叫咗個午餐🥣🥢四川炸醬厚切豬扒飯+煎蛋🍳🥰🥢雞髀配蕃茄湯底炒蛋通粉1人份量大到可2人食🫣2:00pm-6:00pm有下午茶， 仲抵😆😁凍檸茶+凍檸蜜

習慣左每日最豐富嘅係早餐今日食個早晨全餐 $47鮮茄湯叉燒湯意粉~湯好濃郁又唔酸嘅番茄味，叉燒唔硬， 好醒胃煎雙蛋 ~ 普普通通，不過不失凍奶茶~ 星期一朝早一定要由佢咁大份嘅早餐，我當然食唔晒😅😅lunch 就較少去，一定排長龍

Lunch time去到嗰邊食，好彩我早一步去咋！如果唔係，去到12點就開始full場！勁多打工一族去食或者叫外賣🤣佢裝潢好復古，好啱打卡咼！餐牌都唔算好多野揀，但普通茶記有佢都有！！而且價錢唔貴咼👍🏼👍🏼WR code落單，好快就送到黎🤣🤣叫咗茄湯要上海麵套餐+雞脾 $57仲有炒蛋係上面㗎😍超好食😋超嫩滑啲蛋！！佢話係牛乳炒蛋😝個湯超濃茄味，仲有蕃茄碎好正！！另外雞髀都好重口味，不過有小小覺得咸咗小小🤣🤣配麵食就接受到，好入味好食！我加咗半價要華田脆脆☺️好好飲！超濃❤️❤️❤️脆脆去到尾仲脆緊🤣好正喔😫😫😫😫i love it badly另外我哋見佢個滑蛋叉燒飯都好多人推介就一於試吓佢啦！！超級嫩滑個蛋😗仲要有得俾你揀生啲定熟啲，我就梗係要生啲啦😍😍😍超好食！叉燒有少少肥嘅，但咁樣先好食🥳仲有少少lone lone地，似炒過，所以比較香口！正！另外叫咗杯紅豆冰😋少甜就太健康🤣🤣🤣下次正常就算🤣🤣

地鐵站一出就見到,鰂魚涌放lunch勁多人所以試吓新嘅茶餐廳menu 兩頁睇哂價錢平，所以成班同事想食咩就叫哂當大食會咁玩行舊香港風格炸韭菜餃夠哂脆價錢唔貴紅綠豆冰味感得意，大家可以一戰瑞士雞髀最出名,香料十足不過偏甜。招牌嘅蔥油雞同雞髀一樣咁滑，好似係用上湯浸完再淋上蔥油。口水雞麻辣算係譚仔嘅小麻，辣到容易接受咖喱牛腩同其他茶餐廳一樣都係用巴西急凍牛肋條。咖喱汁食到花生，有口感，味道比較接近港式。成碟咖喱得兩舊薯仔，所以牛腩分量充足蔥花叉燒滑蛋飯份量取勝，靚叉燒加滑蛋飲埋杯阿華田脆脆好滿足綠豆冰都好消暑，夏天一流

平時午飯時段經過鰂魚涌地鐵站對面的樓下冰室都有很多人排隊，今日有空便和妹妹去飲下午茶。下午茶時段有很多超值下午茶餐，好多款都好吸引。此店的瑞士雞翼和雞髀出名好食，於是叫了份下午茶餐試下，可配粟米雜果沙律，薯角或丹麥多士。雞髀熱辣辣大大隻，入口皮滑肉嫩，秘製頭抽瑞士汁好好味，推介! 粟米雜果沙律大大杯，夠新鮮，味道好，除了罐頭雜果，裏面的新鮮蘋果爽脆，正! 吉列豬扒配粟米雜果沙律下午茶餐也超正。豬扒炸得恰到好處，香脆，啖啖肉，入口不算油腻，好食，伴碟的沙律菜新鮮。見到店內宣傳有六大必食之選，忍不住叫多碟厚切豬扒配煎雙蛋飯。飯大大碟有飯味包你食飽，厚切豬扒切開方便食，豬扒調味適中肉質不錯，蛋有蛋味，蛋汁撈落飯再加少少葱油真好食。飯內有蔬菜值得加分。隔離枱份蛋治好吸引，终於叫埋份厚切牛乳炒蛋治。嘩，份蛋治好吸晴，味道真係一流，蛋香滑又夠厚，麵包香軟。讚!凍紅豆奶茶有特色值得試下，凍檸茶也不錯。除了食物經濟好食外，店的懷舊裝飾值得打卡。店員服務有效率，態度也好。兩個人食得超飽又滿足只是$178，好抵食。

食過樓下冰室幾次佢哋個番茄湯底係好食嘅不過啲叉燒唔係佢哋自己整，又鞋又老平時牛奶炒蛋係滑嘅，不過今日有啲老最過分嘅係杯熱齋啡，唔係佢啲即磨咖啡有問題係佢個咖啡杯好似喺戰場打完仗返嚟咁遍體鱗傷老弱殘兵咁樣，飲嘅位崩晒，連個杯底都崩哂好彩最後都有職員見到主動提出同我哋換咗杯咖啡或者換咗個杯佢。所以整體評價都尚算可以，樓下冰室嘅管理層其實真係好有必要去睇吓係唔係需要替換下啲杯杯碟碟刀叉匙羹，崩到咁樣嘅杯都可以拎出嚟用

這間冰室不管裡外裝潢都佈置得很復古～蠻特別！內用位置非常多圖片裡只是其中一區到底左拐還有一大區而且很常坐滿＠＠以下是ＭＥＮＵ部分某一次去吃下午茶點了芝士蒜蓉多士這個好好吃奶茶也很不錯喝不餓的時候都吃菠蘿油餐ＸＤ男友點沙爹牛肉麵牛肉滑嫩很好吃～我難得找到我喜歡吃的番茄餐肉通粉番茄真的很大塊！！湯汁也很濃😍好好吃！炒蛋部分就還可以沒有到非常滑那種但也是好吃～注意：本食記僅代表當次用餐體驗，僅供參考。

人數：1個（女）日期：6月頭時間：1:30天氣：熱苦惱左一陣食咩好（經常出現嘅問題）當時有啲餓，所以叫左個至專厚切吉列豬扒飯配茄汁，我仲加左隻煎蛋。賣相很不錯，係安慰心靈嘅食物樣～都算大塊，雖然係荃灣食過更大塊的～外層炸到好酥脆，炸衣唔會太厚，裡面嘅肉稔得黎紥實。但因為醬汁包圍住佢，令佢好易索汁，炸衣好快就唔脆了，可惜。講到隻蛋就有啲失望，加左6蚊（好似係）但個size好細，比隻匙羹大少少咋陰公～未滿足～蛋黃係8成熟左右～至於大配角——飯，一碟飯嘅靈魂一定在於飯本身！我覺得呢碟飯個態度好正確！佢有黏性嘅同時係粒粒個體～每粒飯被醬汁包裹住而不鬆散，有飯本身應有嘅質感，大大加分！茄通食過好多次，順帶一提，呢間出手比較收斂～各種食物都比荃灣略欠誠意，但味道是ok的，如果唔係都唔會咁多5星星啦～整體評分：中上🍚🍚🍚🍚主食：安慰心靈嘅食物，有種滿足感服務：主動環境：舊香港style清潔：可以

呢間冰室環境舒適，乾淨企理👍🏻下午茶套餐都幾抵食，而且即叫即整，所以啲食物都熱辣辣又好味😆【奶醬多士】$28～Toast with Condensed Milk and Peanut Butter有烘底嘅奶醬多，而且啲醬又夠多，又點會唔好食啊😆【炸雞翼配薯角】$40～ Deep Fried Chicken Wing With Deep Fried Potato Wedges雞翼炸得好脆，上嘅時候仲熱辣辣，再加埋脆卜卜嘅薯角，超級邪惡🤤【華田脆脆】$26～ Ovaltine Special係好飲嘅華田，唔係淡茂茂比冰沖淡晒嗰啲，仲有啲脆脆喺上面，超好飲🤩【紅豆冰】$26～Red Bean Ice

今日同朋友黎到見到呢間冰室裝修得好靚 所以就入左黎食空間寬敞 坐位又多 晚餐時間都不用等位值得一讚係裝修以香港特色店鋪為主 連地板都有花心機去DESIGN同朋友一路食一路傾計 都諗返起好多兒時回憶餐牌上有好多選擇 都好吸引選左潮州蠔仔肉碎泡飯 原因係好多茶餐廳都冇得食 黎到見到忍不住就叫好有驚喜的是D蠔仔唔係小蠔 係中大蠔 鮮味好食 加上有D 木魚碎 肉碎 同魷魚粒 芹菜 非常高質我可以講係我食過最高質的蠔仔肉碎泡飯 朋友就叫左個台式肉燥雞扒飯 一D都唔HEA 好多肉碎 雞扒好入味 都係推介另外加左個芝士西蘭花和炸餃子 質素都非常好 西蘭花上好多芝士 一D都唔手軟炸餃子出色之處是配上了千島醬 完美的配搭飲品 紅豆冰和阿華田脆脆 (必點) 凍阿華田+ 脆脆 好有口感 飲杯野都滿足今餐用茶餐廳的價錢 但有好優質好食的食物 下次一定再來幫襯

我一直聽朋友講過樓下冰室既番茄濃湯套餐幾出色🤔，價錢最平係$48，上網評語大部份都係正面，今日冒住狂風暴雨去左鰂魚涌分店試一試。餐廳裝潢充滿八十年代既氣息，尤其係掛係天花板既招牌🤩- 鮮牛肉番茄濃湯通粉配牛乳炒蛋湯底濃郁，入面有茄蓉，順喉之餘味道唔會過酸👍🏻。通粉煮得恰到好處，質感唔會過稔。加上奶滑既炒蛋同鮮牛肉，味道非常豐富😍- 招牌瑞士雞髀雞髀吸滿醬汁變得非常香甜，雖然肉質唔係太嫩滑但唔會嚡口，另外仲好彈牙。- 華田脆脆呢杯飲品非常邪惡😈，頂層鋪滿華田脆片，甜度適中。樓下冰室既番茄濃湯套餐果然出色，下次再試埋餐廳另一個招牌花膠雞米線先！

麻甩專員趁禮拜六去轉港島貪條街無咁多辦公室人士可以唔洗等咁耐位食飯今次帶大家去出晒名好食嘅「樓下冰室」到食飯店內裝飾成浸港式嘅味道出晒黎，侍應個look係茶記look，係差支原子筆同一疊字落單姐店內食物款式多，基本上日日黎食都唔會嫌悶個種《蔥花叉燒滑蛋飯》上檯個下直頭係嘩左一聲，侍應姐姐見我咁嘅反應望住我笑半熟帶流狀既蛋好光亮，叉燒好多舊而且唔薄成個飯好大碗，每一啖都可以有飯有蛋有叉燒，唔怕食到最後剩係得返飯《潮州蠔仔肉碎泡飯》內料有蠔仔，冬茹片，好似仲有少量荀片粒湯頭清甜帶有少量芫茜嘅清香，蠔仔份量多，泡飯每粒充分浸滿湯嘅甜味食完飲完唔會口乾另外食港式茶記一定要飲紅豆冰懷舊嘅紅豆冰杯插住飲管+匙羹，一邊飲一邊食紅豆花奶同冰同紅豆嘅份量完美，好飲----------------------------麻甩專員評分區店內環境: 10/10食物外觀: 10/10食物味道: 10/10整體分數: 10/10翻食指數: 10/10 ----------------------------

係附近工作，晚飯諗住求其食d小食再翻去ot。.招牌瑞士雞髀 $30講得係招牌，自然係有料到!!瑞士汁超級入味，但重點係雞肉鮮嫩多汁。平時食開個d都係肉質比較松散，但呢個彈性十足!!!超級推介!!.西多士 $28製作得好快，落單幾分鐘後就上菜。厚厚嘅牛油再加香甜糖漿，邪惡至極！口感厚身蛋香味濃，中間係花生醬，豐富口感。.雞湯什菇娃娃菜 $40飲食要均勻，食多d菜。娃娃菜有唔少，好味。.德國什腸 $38有三款唔同嘅腸，味道都唔錯。.紅豆冰 $26紅豆軟身起沙，口感唔錯。.我一定會再過來食招牌瑞士雞髀，真係回味無窮!!!