樓下冰室

营业中

休息中

樓下冰室地址:  荃灣荃華街16號荃薈商場地下G45-G54號舖作為主打鮮茄嘅冰室，當然要去Try Try 佢個番茄叉燒通粉🍅$50啦~ 滿滿紅色番茄元素湯底非常濃郁😌，面頭仲會見到有少少蕃茄粒添，都幾真材實料，酸酸甜甜咁😎，而且再加上厚薄適中嘅叉燒，正正常常😆，不錯。#nicefoodie荃灣----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious  #dinner #lunch #restaurant  #chef #hk #香港 #香港美食 #美食 #荃灣美食 #打卡 #荃灣  #隱世美食 #隱世小店 #半價優惠 #人氣餐廳 #人氣美食  

鰂魚涌都有唔少好嘢食，做完嘢太肚餓同friend去咗間冰室，真係十級推薦👍🏻👍🏻😎樓下冰室-一入到去，好似去咗懷舊老香港咁😂個‘去骨火牌’好正Menu:有好多不同種類嘅食物提供，就算夜晚都有好似早餐既食物提供，有飯有米線，連意粉都有。泡飯又有，食物好多元化👍🏻自己掃QR code落單，夠方便叫左：1️⃣花膠雞米線2️⃣瑞士雞翼3️⃣咖喱牛腩飯（少飯）4️⃣華田脆脆5️⃣椰汁冰米線好大碗，雞湯味道濃👍🏻花膠份量多，好似有4-5件😂雞肉就一件（大大嚿），個湯唔會話好油個咖喱牛腩飯叫咗少飯，對我嚟講都係多飯😂究竟本身飯嘅份量係幾多😎絕對唔使擔心食唔飽。牛腩一大碗，兩個人食都食唔晒，牛腩汁撈落飯到勁開胃😋😋瑞士雞翼個色整得好靚，味道都幾甜，唔會話好咸。三件作為加餸嘅份量啱啱好👍🏻華田脆脆好味，好多阿華田餅碎加落嘢飲度，一路飲一路食脆脆😎朋友嗌咗椰汁冰，呢度都多特色嘢飲👍🏻唔會剩係得普通嘅凍奶茶檸茶嗰啲，加分👍🏻埋單total $223,抵食好味超飽上菜速度快，員工態度係勁好勁Nice，不斷幫我哋加水，又會主動拎啲碗俾我哋share食👍🏻👍🏻值得encore😇😇😇

近日炎熱天氣令人食慾不振，所以決定與同事到附近冰室食下午茶。經過一間裝修富有懷舊香港特色情懷冰室，不同舊式招牌及綠色格仔磚令人仿如置身老香港一般。粟米什果沙律配招牌瑞士雞脾$43不愧為冰室招牌美食之一，香濃惹味瑞士汁非常入味，香嫩肉滑的雞脾份量剛好沙；粟米什果沙律有蘋果、粟米、薯仔等，清爽解膩，實在是一道非常適合夏天的小食。紅豆奶茶（凍）$10奶茶口感順滑，茶味濃厚，加上香甜紅豆，帶有豐富口感。西多士$32極度邪惡但又難以抗拒的誘惑，實非西多士莫屬；厚厚而又煎得金黃的外脆內軟西多士上，慢慢溶化的牛油加上香甜糖漿，構成一幅美觀的畫面。口感鬆軟而且蛋味香濃，甜度適中。熱檸檬水含有豐富維生素C兼具有抗氧化功效，即時令我忘記疲勞，恢復體力。瑞士雞翼(3隻）$40雞全翼肉質彈牙，瑞士汁醃得剛好，帶有光澤，香甜不膩。焗芝士西蘭花$40又一驚喜之作，焗得金黃焦香的芝士滿滿的舖在軟硬適中的西蘭花，味道絕配兼香口美味。菠蘿油$18另一不能抗拒的邪惡誘惑代表作，外層酥皮香脆而且甜而不膩的鬆軟菠蘿包夾着厚厚的冰涼牛油塊，形成冰火交融口感，刺激感官。

朋友好鍾意懷舊餐廳，今晚就約左我去鰂魚涌英皇道樓下冰室食嘢傾計，佢大讚冰室裝潢好有懷舊感覺，秘製瑞士汁和蕃茄濃湯更是令人回味無窮！招牌瑞士雞翼撈公仔麵配丹麥多士、牛乳炒蛋:招牌瑞士汁雞翼非常入味，瑞士醬汁鹹中帶甜，味道調得非常好味。雞翼皮滑肉嫩，加多左蔥蓉增添香味，公仔麵撈埋瑞士汁食相當惹味。丹麥多士酥脆，牛乳炒蛋好嫩滑。焗豬扒飯份量十足，豬扒厚切夠大件，肉質鮮嫩，飯底用蛋炒過特別香，醬汁夠多夠濃稠，伴飯食一流，加多咗隻荷包蛋增添滋味！西多士炸至金黃色，中間還有花生醬，加些牛油和糖漿，啖啖都甜蜜蜜又有牛油和蛋香,超正！忌廉紅豆冰，紅豆起沙，甜度岩岩好。加埋淡奶和忌廉，成個口感相當順滑。紅綠椰冰，紅豆夠林，綠豆蓉綿滑，椰漿香甜，飲落都有口感和香甜。凍鴛鴦夠香濃。

放工和同事晚飯，同事極力推介抵食夾大件，最好去鰂魚涌英皇道967號地下~樓下冰室，港鐵鰂魚涌站A出口，步行約2至3分鐘，過條馬路便到，交通非常方便。店內環境無論地下街磚或牆上掛飾都是以港式招牌裝飾感覺很懷舊，而且座位寬敞，清潔整齊，很有地道食店的氣氛。店員禮貌招待，推介鎮店食物，菜譜也很豐富，很多懷舊款式，非常吸引，樣樣都想食。粟米雜果沙律$55份量十足，久違的味道，雜果新鮮爽脆，沙律醬酸甜味適中，確是一道開胃前菜。炸薯角$30地道港式的薯角，上枱時熱騰騰，是剛剛炸好，香口又脆口，配上少許茄醬，兒時味道回來了。瑞士雞翼3隻$40上枱時已聞到陣陣瑞士汁的豉油味，入口時感覺雞肉嫩滑，很彈牙多汁，加上雞肉吸入瑞士汁，層次就更豐富。焗鮮茄豬扒飯$62又是熱騰騰上枱，舊式焗豬扒飯的賣相，真是抵食夾大盤，大大件豬扒放在飯面，芝士醬汁幾乎滿瀉，炒飯底極為香口，豬扒軟淋惹味，簡直絕配，邊食邊讚好。華田脆脆(跟餐半價)$13華田脆脆這飲品給人有新口味的感覺，飲入冰凍的華田時，粒粒脆在口內很有咬口，非常特別。凍話梅柑桔蜜$26吸入一口清涼話梅柑桔蜜，正好中和濃味食物，酸酸甜甜的味道，非常解暑順喉可口。

打工仔恩物 60蚊有找平價茶餐.//冰室最有名的煲仔麵、瑞士汁雞翼不再多作介紹，看到牆上貼有叉燒滑蛋飯海報便打算試試。店鋪很小，狹窄的卡位有時還要搭枱，幸好姐姐服務滿分。//▫️叉燒蔥花滑蛋飯「滑蛋呈金黃色，夾帶着蔥花香氣，口感綿滑。叉燒份量還算多，但看顏色就知道味道一般，肉質亦偏瘦。豉油味道普通，應該沒作特別調味。」

綠白格子地磚仿如帶你進入老香港，冰室內掛滿具有香港店舖特色的招牌。雖然冰室主打瑞士雞翼及蕃茄湯底，原來其他出品亦各具特色。⭐香煎咖哩豬扒意粉$57香煎豬扒夠大件，而且醃製入味；咖哩香濃，意粉軟滑。⭐紅豆奶茶$30夏天就是應該要來一杯紅豆冰，原來紅豆奶茶亦是一杯相當有特色的特飲。茶底香醇配搭香甜軟糯的紅豆，出奇地夾。⭐炸海鮮芝士豆腐$35外表炸得金黃香脆，內部竟能做到流心的效果；所以進食時必須要小心。⭐招牌胡椒豬肚滑雞泡飯$63一上枱已相當吸睛，用料十足兼且已傳出陣陣胡椒鮮味。雞嫩滑而豬肚有口感，在入秋時進食是一道非常美味的粵菜。⭐雞湯浸雜菇娃娃菜$40新鮮的娃娃菜及雜菇配上香甜雞湯，令整頓菜餚提昇了鮮味。口感豐富，清爽可口。⭐菠蘿油$18香港特色食品之一，能帶給我們冰火的感覺。菠蘿包外皮酥脆誘人，配上厚切牛油，簡直是絕配。

今日一早去客人公司開會，太匆忙沒有吃早餐，餓到下午差不多三點。看見這間餐廳頗多食客，所以就在這裡吃個快餐。下午茶時間，下午茶餐很多款式而午餐也可以點選。真的有選擇困難症呀！「經典沙嗲牛肉麵配牛乳炒蛋加丹麥多士」餐飲 - 凍香濃奶茶 越簡單的菜式就是越唔簡單，沙嗲牛肉麵湯底濃郁很香沙茶和花生醬味，牛肉嫩滑份量都多，我轉了煎熟蛋有脆邊而丹麥多士，很鬆軟一疏疏好鬆化。「豬骨濃湯豬潤公仔麵配牛乳炒蛋加牛油多士」餐飲 - 凍檸檬茶豬骨濃湯味道濃很香豬肉味配豬潤很搭配，牛乳炒蛋很幼滑又有蛋香，炒蛋夾牛油多士一起吃真的絕配。

座位寬敞，裝修飾品貼近香港茶餐廳地道風味下午茶14:00-18:00 好多唔同菜式選擇🍴🤤1） 蕃茄濃湯公仔麵配煎蛋⭐️⭐️ 瑞士雞翼⭐️⭐️⭐️⭐️⭐️（$57）麵質偏淋，個人喜歡吃偏硬的面，可能落單前特別request會較好！湯底有新鮮蕃茄，絕對唔系淨倒蕃茄汁，味道少酸。蕃茄湯建議大家食通粉配炒蛋更佳🤤雞翼必食！！！🔥🔥🔥 好入味，煮得岩岩好，肉質唔鞋，醬汁調得岩岩好，唔會好鹹！更加唔會食完好頸渴2）滑蛋叉燒飯（$63）⭐️⭐️⭐️⭐️滑蛋特別request 要生d，所以見到d蛋汁☺️🤤🤤火喉、時間控制得好好，蛋夠滑，叉燒足料，有肥有瘦，撈飯食一流☺️☺️佢d料舖哂成碗飯🤭🤭3）菠蘿油（$18）⭐️⭐️⭐️成磚牛油系入面，好邪惡丫🤤🤤🤤菠蘿包夠脆，但系略嫌唔夠熱4）華田脆脆 ⭐️⭐️⭐️⭐️ 紅豆咖啡⭐️⭐️⭐️華田脆脆邪惡之選🤤但系華田好濃，偏甜，唔好甜既朋友仔可能要嗌少甜，加埋上面成層脆脆，飲落好滿足好特別👍🏻👍🏻紅豆咖啡一般，咖啡味偏淡整體黎講，呢間冰室CP值都幾高，之前都試過其他分店既焗飯…都好香好出色☺️呢間一定會番轉頭再試唔同既野👍🏻

同朋友嚟到鰂魚涌覓食，第一站就係呢間樓下冰室。不嬲覺得茶餐廳、冰室係香港嘅核心文化之一，值得我哋捍衛同珍惜。呢間樓下冰室全港原來得兩間分店，如果我樓下都有呢間樓下冰室，我應該會係常客。入到去，餐廳侍應個個都好好禮貌、親切。餐牌好有港式味道，我毫無懸念地揀咗叉燒滑蛋飯、瑞士雞翼、芝士焗西蘭花，嘢飲方面我叫咗其他茶餐廳都比較少有嘅綠椰冰，朋友就揀咗紅豆冰。最後喺姐姐嘅力推之下，我試埋咗呢度嘅菠蘿冰。叉燒滑蛋飯，正！我本人口味就獨特啲，鍾意食瘦叉，餐廳正正就係選用瘦叉，健康又美味，就連鍾意食肥叉燒嘅朋友都覺得叉燒軟淋兼入味。醬汁、炒蛋同個飯都非常之夾！綠豆椰子沙冰，消暑解渴，美味！瑞士雞全翼，只係睇過色澤都知佢幾咁入味，好味！希望樓下冰室快啲向新界北進攻，等我唔使出到咁遠都有得食啦～～～

老公一向喜歡懷舊美食，女兒告知鰂魚涌有間樓下冰室，裝修以舊香港茶餐廳為主題，冰室內掛滿了香港特色店舖的招牌，懷舊感極重。食物主打懷舊經典冰室口味，尤其係自家熬煮無味精番茄濃湯，湯足料新鮮即製，一定不可錯過，今晚就同老公過嚟試吓！蔥油雞半隻： 蔥油雞肉嫩味美，蔥香滿溢，每一啖雞肉都有滑溜的口感，沾著蔥香滿溢的雞汁。非常美味！自家製蔥花叉燒滑蛋飯：叉燒半肥瘦，厚切又大塊，滑蛋加入蔥花，除咗滑溜富蛋香，還多咗蔥的香甜味，飯粒分明不會過乾，拌豐富的蛋汁，一流！特色蕃茄濃湯通粉配牛乳炒蛋配招牌瑞士雞髀：蕃茄湯好濃郁，味道鮮甜，每一口湯都有蕃茄的精華，炒蛋亦好嫩滑，呢度嘅瑞士雞脾係我食過最好味的，雞脾夠曬入味，肉質嫩滑，啖啖肉好惹味！西多士：金黃色的西多士帶有濃郁的牛油香氣且富蛋味，中間還有一層花生醬餡，吃起來香氣十足，再配上糖漿簡直完美的配搭！忌廉紅豆冰：紅豆軟腍又甜美，加上鮮忌廉，更香滑。鹹檸七：鹹檸檬和新鮮檸檬，加埋七喜，味道酸酸甜甜，生津止渴！

成日都黎食，佢滑蛋真係無得輸！又多又滑又creamy又厚，麻辣蕃茄湯好正食到停唔到口，仲有大大舊蕃茄食，味道又夠濃面有底味，不過食完會口渴。面嘅份量多到每次都食唔晒要打包拎走，塊多士好夠牛油又脆又厚，啲服務又快又醒目，價錢又合理選擇又多，難怪每次黎親都咁多人。

今日專程去太古坊等丫女放工, 去咗附近一間茶餐廳叫定下午茶等佢收工。呢間餐廳係丫女介紹, 話平時lunch都同同事黎幫襯, 抵食又好味。餐廳內以70, 80年代懷舊做主題, 地方乾淨企理。下午茶六點前供應, 款式選擇多, 瑞士雞髀配薯角: 瑞士汁香甜易掛汁, 雞髀很入味, 肉質不太嫩滑但唔會嚡口。薯角脆口。西多士: 表面炸至金黃, 中層夾了花生醬, 將牛油平均搽, 再點上糖漿食, 表面口感微脆, 超正!華田脆脆: 凍華田, 面層再佈上華田脆脆, 入口有D層次。奶醬多: 麵包微微烘過, 但keep到軟熟, 搽咗粗粒花生醬同埋少少練奶, 配上熱檸水, 不錯的下午茶。嘆完下午茶, 丫女話不如再食飽d, 返屋企唔洗煮飯, 又推介呢度嘅蕃茄濃湯味道唔錯, 所以又order咁兩碗食埋先走。自選湯底, 食物款式同粉麵配搭。紅豆冰: 紅豆綿密, 甜度適中牛乳炒蛋、自選: 番茄濃湯+ 米線+吉列豬扒番茄濃湯湯底濃郁酸甜, 配上很滑兼充滿蛋汁嘅牛乳炒蛋, 米線很滑, 稍有少少湯汁掛起, 每啖都食到香甜 番茄味。吉列豬扒另上, 有成人手掌般大, 香脆不算油, 肉質有彈性, 果然唔錯!另一碗揀咗相同湯底, 配

2022-07-14女朋友推介👩🏻‍🌾同成班同事去咗鰂魚涌樓下冰室🍅樓下冰室蕃茄湯底就出哂名濃味好食😋女朋友就平日午餐時間去試吓😀等位就梗架啦，等咗十幾分鐘到入得😀店員安排坐四人枱，都幾逼吓，繁忙時段冇計🤣餐廳可以用手機落單，夠晒方便😁女朋友點了，蕃茄濃湯牛肉通粉配牛乳炒蛋 +牛油多士，50蚊套餐，（可以選擇煎蛋同轉公仔麵）🥚女朋友照舊唔轉食通粉，入面有茄蓉，湯底濃郁，味道唔會過酸入口酸酸甜甜開胃，通粉質感唔會過稔。鮮牛肉口感嫩口，牛乳炒蛋夠晒滑溜，滿意之選🥰同事點了，招牌胡椒豬肚滑雞泡飯，63蚊碗，（可以改轉米線）🍜女朋友試咗少少，湯飯清淡有少許胡椒味，爽口嘅豬肚非常有咬口，嫩滑雞件好食，泡飯同胡椒湯配搭幾好😇整體食物味道幾好，價錢唔太貴，港島價錢非常合理，女朋友表示會再返去試其他嘢😝😝#樓下冰室#蕃茄濃湯牛肉通粉#招牌胡椒豬肚滑雞泡飯#牛乳炒蛋

依家冰室開到成行成市，與一般茶餐廳分別在食物選擇唔算多但勝在夠專門，這家「樓下冰室」就主打自家熬煮無味精番茄濃湯。唔好睇小呢間「樓下冰室」，其實早在荃灣已經打響名堂，無論咩鐘數都有好多人喺門口排隊。【蕃茄濃湯通粉】話明專門店，咁緊係一定要試佢地既招牌菜啦，由4個品種的新鮮番茄做成的番茄蓉，加入以雞骨、豬骨日日新鮮熬製的湯底，蕃茄湯好濃，多蕃茄粒，食落微酸，另外配有炒滑蛋，超級正呀。【下午茶瑞士汁雞髀配薯角】雞髀肉質勁嫩滑，瑞士汁好入味，唔太甜，另外，瑞士雞髀其實係可以叫店員斬件上，食起上黎就會方便好多。