橫浜水產磯燒+遛Local Bar@Grill & Hot Pot (已結業)

週末跟友人來到橫浜水產、只因它推出的燒肉火鍋雙放題～特別設計的爐具可以一邊燒烤、一邊火鍋、確實不錯。要了蕃茄和昆布湯底。點了嚴選美國牛肩肉放題配海鮮套餐 $258。海鮮頭盤有廣島蠔、蕃薯蜆、象拔蚌仔、海蝦、大元貝、每樣兩件、不可加點。另一邊廂的美國牛肩肉火鍋有牛肩肉、雖然薄切、卻滿有肉香。黑豚肉雞腿肉、 三款都可以無限加單外面冰櫃有不同蔬菜、丸類、蟹柳、餐肉等火鍋食材。有蜆肉、中華沙律等小食。 有菇類、瓜類、粟米等。幼滑的紅薯粉用來火鍋口感不錯。炸雞脆卜卜、皮脆肉嫩、想不到這麼出色！飲品方面有多款汽水、啤酒、果汁。

食店位於譽發大廈8樓全層，一入店內有6-8張檯，有一邊是調味料及火鍋配料區，另一邊有幾間獨立房間以日本地方命名。而店員就安排左我地坐房,房間是4人位，亦有位置比我地擺放物品，完全唔迫，仲有電視睇，非常適合喜歡有私人空間嘅食客。食店有幾個唔同的半自助套餐，我地就揀左「嚴選美國牛肩肉放題+海鮮套餐」每位$258，套餐內除咗海鮮，另外牛肩肉、雞腿肉及黑豚肉都係任食嘅，當然還有火鍋配料區內的食物都係可以自助任拎，另外無酒精飲品都係任飲！湯底可揀兩款，我地就揀左壽喜燒及360牛乳海鮮湯；首先嚟左個海鮮盤，套餐包括廣島蠔、蕃薯蜆、大元貝、海蝦、大海螺（本身是象拔蚌仔），我地都嘩左一聲，因為幾款海鮮都非常飽滿、新鮮！最讚的地方係完全無沙，味道好鮮！牛肩肉、黑豚肉同雞腿肉都是小碟上的，簿切，好肉味，新鮮，淥一陣就已經可以食！（當然雞腿肉要淥耐D啦）自助火鍋配料區都有好多選擇用料不差有誠意，有芝士腸、蟹籽丸、貢丸、菜、甜不辣等等，本人推介白魚蛋同厚花膠；白魚蛋好彈牙，唔腥但有鮮味，厚花膠都算大塊，有咬口，又養顏。另外仲有3款熟食小食：炸雞翼、加州卷同辣味鳳爪，等火鍋食物淥熟時可以一試！值得再讚的係任飲飲

當老婆想食邊爐，但我想食燒肉，就唯有問下朋友，睇下有無推介！點知真係有，於是book枱帶老婆去試🙆🏻‍♂️放題餐牌由最平$198到和牛放題$468，我地揀左第二平menu$258，揀下水溫先～自助火鍋配料有兩大個雪櫃可以揀👍🏻超多款蔬菜可以揀，值得一讚👍🏻海鮮頭盤，有超大隻牡丹蝦、廣島蠔、元貝、螺同蜆！海鮮都好新鮮，特別係蝦同蠔，超鮮甜👍🏻火鍋湯底八款可以揀兩款湯底，唔洗另外加錢👍🏻牛豬雞同樣係無限任叫，老婆用黎打邊爐，我就梗係燒肉啦！牛豬雞，要特別讚一讚個豬！餐牌寫係黑豚肉，的確交足功課👍🏻老婆話花膠好正，食多幾塊回本🤪我試完又真係幾正！同場加影飲品！放題通常都係得罐裝飲品，但呢度竟然係手調飲品，真係好有驚喜！草莓沙冰，好味到一飲再飲🙆🏻‍♂️食到最後諗住埋單，點知仲有甜品，不得了！

一次過滿足你2個願望的日式料理放題Shabushabu同燒肉 揀左呢個牛肩肉放題加海鮮套餐 一人$258首先係海鮮頭盤 有廣島蠔 蕃薯蜆 象拔蚌仔同海蝦各2隻根住揀2款湯底 我地就揀左甜甜地的壽喜燒同蕃茄湯底 感覺健康d飲品都係任飲試左水蜜桃同芒果乳酸飲品牛肩肉 雞腿肉 黑豚肉各叫左2碟燒或者烚下烚下都好食 脂肪比例唔會太高出面有大量蔬菜同丸類比你自己夾 我就揀晒最中意食的野😂😂😂😂😂😂😂整體黎講價錢唔貴 位置都算就腳 地鐵站一出就係

人稱放題之神既我，今日出左糧，搵埋個朋友去呢間集磯燒同火鍋一身既餐廳試試佢。😋😋一行兩人被安排坐入vip房，地方闊落唔狹窄。我地點左美國牛肩肉火鍋餐，首先黎左個海鮮頭盤。蝦好大隻同新鮮，蟶子同扇貝好鮮甜大隻，其他海鮮例如蠔同花甲都好正。😆😆肉類有牛，豬，雞，可以火鍋或者燒。個人認為燒雞最好食，鮮味又多汁。牛肩肉同豬肉片以特調湯底煮熟就好食啲🥳🥳其他涷櫃既食物都好齊全，職員都好快手fill返

今日禮拜五, 就同朋友去旺角嘅美食商場, 譽發中心到食個晚餐，喺樓下見到有個198蚊嘅燒烤火鍋放題。就一於入去食上到去個環境都幾闊落，幾整齊！啲火鍋配料大概有50種左右。我哋點咗湯底有沙嗲湯底同埋豬骨湯底。首先食刺身, 有北寄貝，甜蝦，三文魚, 都幾新鮮食完之後就開始火鍋放題啦，將牛小排放落去豬骨湯底喺度一陣間就食得。嗰肉質都幾新鮮。呢個鍋, 隔離嗰個平板, 仲可以用嚟做韓日式燒烤添。牛小排燒好之后, 我最鍾意就將啲牛小排, 再夾落生菜度一齊食, 口感非常之豐富。肉質又JUICY, 今餐幾抵食喎

好耐無去油麻地果欄買生果，趁星期六晚同老公食野之後去行下睇下有無啱心水。老公就話上譽發廣場8/F食任飲任食套餐，Menu還有多款選擇。除左任食主菜還可出配菜吧同調味自助式，呢間店還有房的只需4人以上就可以無價錢限制，如果一班朋友聚會也可考慮。最後兩公婆決定食過$258套餐，選擇左美國牛肩肉火鍋放題+海鮮頭盤，話晒第一次食就試試佢啦。湯底每人選一種，老公就要左辛辣泡菜湯，我就簡單豬骨湯底。海鮮頭盤只有一份，有蝦，扇貝，蜆，翡翠螺，廣島蠔等， 每日視乎當日有什麼新鮮海鮮，講真燒熟後又真係鮮味。牛肩肉+黑豚肉+雞脾肉用上細細盒上，但每次都會多層碟出。每次薄薄地燒同火鍋同樣可以。店員見客人無肉會主動問你還需唔需要加肉，細心喎！放題飲品紙給客人選擇。有罐裝气水，但我反而覺得佢地的特飲更吸引，除果味紅茶綠茶還有沙冰，奶惜同乳酸飲品揀添 最後還送上兩個可愛的甜品朱古力布甸添

大滿足！這裡的「半放題」用料正，淨食海鮮已值回票價。我們點了極上美國牛小排+刺身&海鮮套餐，絕對超值。首先，選湯底，我們點了日式豬骨湯和壽喜燒湯。先來的是兩大盤海鮮！一盤是刺身，二人份量，厚切，新鮮，正正就是人們常說的「回了本」！而另一盤是供打邊爐或是燒烤用的！也是大大件，很新鮮！而肉類都有一幢，未食已高興！第一次遇見這種爐，好開心，又可燒，又可滾！除了預設的海鮮和肉類，其他蔬菜丸類是以自助形式任攞任食的！另一邊則是熟食類，有加州卷、太卷、炸薯格等，以及醬料任選的地方。見到連茄子都切得靚靚，很欣賞，忍不住要「拍照留念」！更要讚的是，店員服務好，店的面積不大，反而令我更喜愛，人不多，連去拿醬油和食物時也不用同人爭，也不用「輪候」，而店內以色彩繽紛的日式圖畫也很有心思。

我同朋友最鐘意食新野, 佢屋企附近新開左一間食無煙板燒+火鍋🍲雙放題，有刺身、海鮮、火鍋、燒烤既餐廳，聽落idea好新穎，所以就黎左食啦！我地揀左嚴選美國牛肩肉放題+海鮮套餐$258/位，海鮮頭盤有：3L廣島蠔、蕃薯蜆、象拔蚌仔、海蝦、大元貝，湯底就選左360牛乳海鮮湯和壽喜燒，提供嚴選美國牛肩肉、精選雞腿肉、嚴選穀飼黑豚肉，任飲任食、仲有多款自家手工無限飲品（沙冰、奶昔等等），出面仲有多款火鍋🍲配料無限追加！等食既同時，仲有雞翼，手卷等熟食可以食住先。女落完order店員好快就端上鍋底，海鮮拼盤同各款肉類，隨我地鐘意可以燒或打邊爐也可，牛肉薄身好易熟透，好有牛味同腍身，海鮮拼盤都好豐富，海蝦好大隻鮮味又實肉，廣島蠔都一樣好肥美，好新鮮！😋😋😋象拔蚌同大蜆都好爽口彈牙！最驚喜係有大大塊既花膠要黎打邊爐原來咁正，索晒牛乳海鮮湯既味道，食完充滿住骨膠原，好滋味！又有蜂巢豆腐、白色彈牙魚蛋，吸晒壽喜燒濃湯甜甜地既味道，最尾食埋個讚岐烏冬，好滿足！食完都唔會成身太大油煙味，個無煙系統做得唔錯！👍👍👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食

市面上有好多自助放題，大家都未必可以一時之間比較到邊間質素好啲，真係要試過先知，而呢一間鋪頭嘅裝修格調十分之日本風格，當中有數間vip房間係以日本地方名黎名名，東京北海道等。櫥窗向外望旺角嘅市景，也蠻漂亮的，最留意係對面大廈啲舖頭🙈裝修又幾靚😛.食物嘅質素小妹就選擇左最抵$198 set, 頭盤有一個刺身船（有三文魚，北寄貝，甜蝦同帶子加少許三文魚子）都幾新鮮下，咁上下價錢嘅放題黎比較佢質素幾好，比想像中好，再加上牛豬雞和火鍋配料任點任食，又有前菜食（螺肉，薯格，炸蟹鉗，壽司卷物，中華沙律等），仲有出前一丁揀，咁多野食可以揀，一時之間都唔小心攞左好多唔同嘅配料埋位，眼闊肚窄，都好擔心吃不下😂雖然呢個套餐唔係好貴，但食物質素絕對是高，選擇品種多，飲品亦是隨意挑選任飲（有沙冰，乳酸，台式綠茶，花茶等等），真係抵食夾大件。

第一次來到這間餐廳，因為假日沒有特別的選擇，隨意入來填飽個肚。分別同朋友叫了兩份午餐，首先上沙律都唔錯同餐湯（好好飲）主菜（勁正呀）飲品（恰度適中）甜品（普普通通）整體來說價錢實際又好食，服務態度好好下次一定會再來

第一次寫食評，呢間餐廳有齊曬火鍋，板燒，刺身，海鮮磯燒，不過我今日冇食海鮮。下次再來食，因為真係好正，食材新鮮，個爐係無煙嘅，全部係個爐邊抽走曬。頭盤刺身份量啱啱好，最重要係夠新鮮👍D牛好靚。鴛鴦鍋底唔需要另外加錢，我哋叫咗沙嗲湯番茄🍅湯。我偏愛沙嗲湯，夠濃香😋一邊燒肉，另一邊火鍋，牛肉厚薄度剛剛好。十秒8秒就可以食，食咗20份牛，10份黑豚肉，同刺身，自助吧嘅配料都算豐富，泰式鳳爪都有😃。

個湯裡面有2块大大嘅三文魚頭，仲有魚骨加好多配料，魚頭魚骨我的至愛咁足料又好好味嘅火鍋湯底，真係第一次食到。同阿媽煲出來的三文魚湯有得比拼。有鮮活海鮮，刺身，牛小排同和牛都係任食任燒。張枱有火鍋同板燒 ，另有磯燒，可以同一時間享受3種食法。磯燒龍蝦海鮮如果唔想自己動手可以俾職員攞去廚房燒。不過掛住食食食，影好少相下次要俾手機食先。食火鍋最重要係靚牛同靚海鮮，呢兩樣都係環境仲好好服，全因為佢地係用無煙火鍋爐。

橫濱街場已經系質素ge保證，有新埸點可以唔試？！今次聽老闆講張火鍋/板燒抬系不惜工本為新場訂做，一於試試佢！🤔頭盤： 麻辣開胃，夠fresh刺身： 超級新鮮，又系集團老闆自己系日本入貨，有馬糞海膽，超值！起肉： 火鍋，板燒 + 磯燒一次過可以試曬，想點玩都得有A5和牛，龍蝦，帶子，聖子，各様海鮮，豬牛羊，諗到野都有燒蝦時，佢新鮮到跳起！最後吃埋甜品順帶一提，D飲品種類極多，試左沙冰，同食物勁夾，好爽！讚👍👍！只是$468 ，一次過吃曬刺身，火鍋，板燒，磯燒，正識四重享受！！