橫綱

营业中

休息中

幾十年都屹立不倒嘅拉麵店，由我細細個已經食佢，到今時今日都可以排哂隊就知有啲料到！每一次想食拉麵佢總會喺我個list裡面！拉麵配餃子係必須嘅，重點係要加埋佢個香蔥，一啖蔥加一啖拉麵簡直無得輸！唯獨是無辦法嘅係空間太迫！好多時都要同人撘枱！

油麻地附近拉麵低調之選一入到場，已經有3張台等緊。比起那些膾炙人口的拉麵店排到死呢間反而係一個好好選擇店內拉麵有很多不同選擇。九州/博多/味玉/叉燒/魚豚骨等等。播放著不同的日本音樂。讓人抽離一下子吧。叫咗比較少見嘅魚豚骨拉麵習慣性拉麵一到都會先和一口湯好好好出色鯛魚的鮮味與豚骨的濃郁相得益彰，相互相承過多的魚味會腥過多的豚會油魚和豚肉的味道平衡平衡做得很好再來是麵算是大家平常都會吃到的那種麵體個人特地要求軟麵條吃來了口感很綿密，確有口感煮麵的功力十足另一方面，很掛湯每次撈起都伴隨著湯汁每一口都充滿魚與豚骨的香氣至於不足吧就是沒有大杯且凍的啤酒吧畢竟星期五的夜晚一個人一碗麵一杯大啤酒是很好獎勵自己的一種方式吧

年青的時候不太喜歡坐吧枱食拉麵，但是去過日本多幾次之後，才發覺原來坐吧枱係咁有風味，睇住煮拉麵師傅的功架，時間控制，煮麵的步驟，對處理食物的認真態度，心心感受到他們的誠意。九州拉麵是「橫綱」以前的招牌菜，但近年多咗其他款式，少咗人推介九州拉麵，今次就試下其他美食；魚豚骨拉麵，內有大大塊豚肉，再加上香濃的魚湯及其他配料，好味；雞串小食，滑滑雞肉，燒烤得香噴噴，好味；煎餃子，在拉麵店怎能不吃煎餃子，必食；九州拉麵，仍然係卅年前的經典味道，必食推介。

提供探熱和酒精搓手液，店舖很細，環境較迫，要排隊等候。不設加一#櫻花蝦拉麵 $85配料有紫菜、溏心蛋、叉燒各一。濃蝦湯底，很香蝦米🦐味，重口味，偏咸。麵質有點像港式拉麵，幾好吃。但重味精～記得飲多點水🤣有調味料和水提供#魚豚骨拉麵 $85配料有紫菜、溏心蛋和燒肥豚肉。豚骨堅魚湯底，像燒焦柴魚味/中藥的感覺，味偏淡。肥豚肉好有味～不錯～#雞肉串 $40是燒雞排塊，很肥嫩。超多甜甜的燒雞醬😂竹纖都是醬料ᶘ ᵒᴥᵒᶅ個人口味評分：7/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious

朋友介紹油麻地有間好正拉麵，好難排到位，見週末中午有時間決定去等下位試下排隊係拎籌制仲會mark名同行兩位一齊點左兩碗拉麵同埋雞串小食，意外地雞串小食非常正，佢係串燒咁，香口入味唔乾，個醬汁仲好特別🤤好鍾意食啊！相反兩款拉麵未算突出，點左元祖拉麵醬油底，同埋魚介豚骨拉麵。魚介個碗嘅大啖肉比較滿足；元祖嘅薄叉燒就唔算太入味，湯底亦好普通，好似醬油加水咁。但魚介就相對濃味，但相比其他店家嘅魚介湯就真係無咩特別😣鍾意淡味湯底拉麵就可以試下呢間未必再有下次特登排隊食了，因為都排左接近45分鐘至一個鐘

下午兩點幾三點，經過橫綱門口，見冇乜人等位，便立刻入去食拉麵，呢間老字號，好多年前個仔還讀緊小學，每當有活動班結束完，都會來吃，而家佢讀完大學已經做緊嘢，想當年香港還是那麼美好，一切都令人懷緬⋯長話短說，入去叫咗一個义燒拉麺，及义燒飯定食，麵先出場，見到不禁嘩一聲，五大片义燒，清湯底，好清又好甜。因為太好味又太驚喜，驚見义燒鋪滿碗上，所以吃了一大半才記得拍照在等待义燒飯定食期間，因為坐在bar枱前，所以百無聊賴咁睇師傅整麺，見師傅好心機做完哂D 單後，把大煲湯渣倒出，跟著把兩大包雜菜每包起碼4、5kg(內有紅蘿蔔西芹薯仔椰菜等）放入煲內做湯底，最意想不到的是最後竟然把幾隻鷄放埋入去，唔係親眼見到都唔知湯底係用真材實料去炮製👍👍👍义燒飯定食到，又係要嘩一聲🥳🥳，睇吓啲叉燒將啲飯全部覆蓋晒义燒仲要係非常厚身有口感，還有用火灼過的香味，加埋薯仔雞蛋沙律和麵豉湯全部都係幾十蚊真係好抵食👍👍其實食兩個餐根本係唔需要寫食評，但當你見到師傅對製作食物嘅專注同誠意所以都係忍唔住要寫出嚟嘉許下佢哋，希望大家都能夠支持這類用心製作食物嘅小店，令佢哋唔會在這片土地消失💪🏻💪🏻

本人是拉麵控吃遍旺角的拉麵便走過來試試很多人推薦的橫綱店面是十分有日本風格的但一進去主廚的態度就不好我叫了味玉拉麵和雞串小吃麵一到，馬上先試試湯底是熟悉的味道是小時候吃味千拉麵的味精湯一喝已經感到口喝然後再吃豬肉乾到跟五香肉丁罐頭的肉沒分別再試試麵底滿滿的鹼水味然後糖心蛋蛋黃老了紫菜又放太久變軟了我都算了當吃味千拉麵算但最後那個雞串小吃真的不能容忍咬下去是凍的還有凍水滲出雞肉跟雞胸肉沒分別最後還有隻烏蠅停留左上面我都不知道多久沒見過日本餐廳有烏蠅真是十分厲害

味玉拉麵想試很久的拉麵，唔想排隊，今日的起心肝早啲出去，一開門就走入日本老店感覺，保留著香港人日本店果種感覺，二話不說便點了，湯底及半熟蛋味道恰到好處，不會過咸，可以飲哂成碗湯，拉麵又夠口感，一個字「正」。無得去日本，呢度暫時也可以止住喝呀！感覺到好像已去到日本拉麵店一樣有齊調味品在桌子上隨個人喜好下調味料應有的也已放好，仲有橡筋俾女仕紮起D長髮果然似日本一樣咁貼心。見店內大部份客人也選擇味玉大家都快快享受完便離座好讓門外排隊的客人可快快進來

呢間拉麵🍜已經開業廿多年一直都係照日本傳統拉麵的做法所以味道都正宗每次黎到就算要排隊都依然無阻想食既心情店內位置唔多 坐bar枱就可以睇住師傅即時整拉麵 感覺真係好日本feel!至中意佢地店既溏心蛋係採用北海道的無菌蛋做法係將蛋煮到半熟再用日本的醬油製既醬料醃過夜佢地既溏心蛋真係無一間整得好味過佢 加上拉麵都係自家既工廠每日新鮮打製所以軟硬適中 好有咬感💯而湯底超濃味的豬骨湯底非常道地的九州之風味! 好正價錢甘多年都差不多 而且質素亦keep到值得推薦！

在很多年前，拉麵在香港不是十分流行，那時候已經有一間很有名氣的店，那就是橫綱了。多年來，每天在店外都要大排長龍，為了就是一碗高質拉麵，最令我不解的是橫綱從來沒有開分店，要說營業額的話，理論上早以達標，但若店主是為了保持水準和只是為了興趣，不是從商業的角度出發，那我真的會很佩服。畢竟多年來，我也試了很多間拉麵，有時候只是因為不想排隊或人不在油麻地，但說到情有獨鍾還是這碗魚豚骨拉麵，湯底極濃，猜想是真材實料要很花時間煮的湯底，豬腩肉不會太肥也不瘦，非常的大片，溏心蛋有日本拉麵店吃到的水準，唯獨是麵條不是幼身的，我比較傾向吃幼拉麵，但整體來說，是一種回憶中的味道

橫鋼，一間老字號的拉面店，油麻地七仔旁邊，尋尋覓覓，是為了找尋屬於自己的拉面檔 ，找來找去，這檔是像樣，真的不錯的。到餐廳外，站著看到餐牌上，博多拉面感覺上沒與九州拉面有太大分別的摸樣，才發現比九州不同的，原來是多了明太子醬,木耳,酸菜和少許酸薑 (Yohoho 明太子醬我最愛😳)想起了蔡卓妍的<明明>我記得當日，與你最低溫度下，吃博多拉麵，你愛吃蔥花。如果<明明>這首歌不是悲情歌，博多拉麵後，只剩下這段也足夠吧😁

平時去到都有人排隊，今日突然諗起依間野就去試吓啦，都排咗大約三張飛左右就到我，我地坐左系吧台既位置，叫左魚骨湯拉麵同辣味叉燒拉麵，一份餃子，餃子味道好出色，可以再試多次，但拉麵口感偏軟，湯底較普通，吾夠層次，可以再好d，但係份量都好多，叉燒方面都10分足量，不過真系要提一提，怕熱既朋友夏天去食要考慮一下，因為我本來就不太怕熱，坐系吧台都覺得好焗食到成身痴笠笠，建議店員可以加強冷氣方面，下次再嚟會選擇試吓其他湯底/飯類😄

大家都知一般假日晚餐最少等一個小時都可以入座，但因為疫情嘅關係，終於唔駛點排隊，而且唔駛坐得好迫添，唔駛搭檯同要分隔人數。等左5分鐘左右就可以入座，叫左九州拉麵($85)，魚豚骨拉麵($85)配多一個鰻魚飯套餐($47)。其實作為捧場客都知道拉麵款式年年如是，冇乜特別新款，但我地就係鐘意食佢d傳統拉麵。等左5分鐘左右，首先黎左鰻魚飯先～其實份量唔多，夠一個人食，配埋鰻魚上嘅山椒粉，令我唔駛怕鰻魚嘅腥味。九州拉麵($85)魚豚骨拉麵($85)有好濃嘅大地魚粉味，每一啖都好濃，食完冇口喝，係少少油。想食返我諗之後都要排長龍嫁啦，可能留返平日下午茶時段再黎吧～！

日式拉麵老店！星期日要到油麻地平安大廈辦點事情，於是順道吃個午餐，懷緬一下以前讀小學的時候，每天經過行逛的地方。我形容這間餐廳為老店，是因為由我讀小學開始已經見到這間拉麵店在這裏經營，都差不多有十幾年了，而且還保持到很高人氣。元祖拉麵$79- 我選擇清湯底，有淡淡的香味，叉燒肥瘦適中。拉麵分量好多，口感偏軟。枱上還有很多調味料可以給顧客加在拉麵裏面吃。而蒜蓉則要問店員拿，想不到他給了我們一大碗蒜蓉，照片裏的蒜蓉已經是落了一半去拉麵。加了蒜蓉令香味大增，建議重口味的朋友可以試試。沾汁麵$95- 家人點了櫻花蝦麵豉汁，吃冷麵。上菜時店員提醒可以吃完麵之後叫他們加熱清湯來喝。櫻花蝦的香味濃到我坐在旁邊都聞到，應該是因為蝦乾在熱鑊烘得香脆才放湯。家人非常喜歡這個沾汁麵，好快就吃完麵，然後叫店員拿湯壺，自行按照自己的喜好加清湯。最後也把湯喝個清光呢！雞串小食$40- 雞肉烤的剛剛好，熱辣辣、外脆內軟，充滿日式照燒汁味道。雞肉上面有一層沙拉芝士醬汁，再加些新鮮檸檬汁，酸酸甜甜好開胃！煎餃子六隻$38- 真的大推介這個豬肉韭菜餡煎餃子！煎得非常非常香脆！而且一點都不油膩！韭菜好香！相信我自己一個人都

行行下廟街想食野就睇下附近有咩食 咁岩比我見到呢間 就入左去試。 🧐首先唔知係咪因為個日無咩人啦 所以啲侍應係咁吹水 好似入左茶餐廳咁 我一入到去 佢就安排吧枱位比我地座 但明明有四人座個啲吉位 我叫佢既時候 佢就行開左唔理我 😠之後好似好hea咁比左啲紙巾同餐具我地。🤦🏻‍♀️叉燒拉面 $85（醬油味）叉燒係算幾多既 唔算難食當然唔係好食 👌🏼比起平時食開既拉麵店 啲配料都正常 但個醬油湯真係好咸 而且好味精 要瘋狂飲水個隻！🤦🏻‍♀️味玉拉面 $85 （豬骨湯底）呢碗仲差 個湯底就好似出前一丁豬骨湯味 又係勁味精 😡味玉一般 唔流心亦唔入味 我比$85食出前一丁湯麵？總括，唔會再食！ 味精湯再加上店員態度差！🤦🏻‍♀️